Dua Lipa, Sir Elton John, Sir Ian McKellen dhe Florence Welch janë ndër yjet që i bëjnë thirrje kryeministrit britanik të përditësojë ligjet e të drejtave të autorit në një mënyrë që t’i mbrojë ata nga inteligjenca artificiale. Një letër e nënshkruar nga më shumë se 400 muzikantë, shkrimtarë dhe artistë britanikë, drejtuar Sir Keir Starmer, thotë se mosdhënia e kësaj mbrojtjeje do të thotë që ata do t’ua dhurojnë punën e tyre firmave të teknologjisë.
Gjithashtu në rrezik, shkruajnë ata, është pozicioni i Mbretërisë së Bashkuar si një fuqi krijuese. Ata duan që Kryeministri të mbështesë një ndryshim në Projektligjin për të Dhënat që do t’u kërkonte zhvilluesve të jenë transparentë me mbajtësit e të drejtave të autorit në lidhje me përdorimin e materialit të tyre për të trajnuar modelet e inteligjencës artificiale. Nënshkrues të tjerë përfshijnë autorin Kazuo Ishiguro, dramaturgun David Hare, këngëtarët Kate Bush dhe Robbie Ëilliams, si dhe Coldplay, Tom Stoppard dhe Richard Curtis.
Dua Lipa ka rikthyer entuziazmin mes fansave të saj me publikimin e disa fotove të reja që tregojnë se këngëtarja është sërish në studio, duke lënë të kuptohet se projekte të reja muzikore janë në përgatitje. Pas suksesit të albumit “Radical Optimism” të publikuar në vitin 2024 dhe turneut të saj botëror që përfundoi në Zelandën e Re, artistja 29-vjeçare ndau me ndjekësit në Instagram disa imazhe të reja nga prapaskenat e një xhirimi për “Yves Saint Laurent”, ku shfaqet elegante, me një stil të guximshëm dhe plot vetëbesim.
