Nën dritat e studios, lind një bashkëpunim që sfidon kufijtë e modës. Me një koleksion të krijuar për gruan me zë, Tesha dhe Redona Koçi shfaqin nje koncept ndryshe për vetëbesimin.
Në bashkëpunim me modelen e njohur Redona Koçi, Tesha prezanton koleksionin më të ri të rrobabanjove – një linjë që sfidon përkohshmërinë e trendeve dhe vendos në qendër gruan me ndikim.
Fotografuar në një ambient minimalist studioje, ky editorial thekson fuqinë e thjeshtësisë, bukurinë e natyrshme dhe stilin e patjetërsueshëm që përfaqëson Tesha. Çdo rrobabanjo është dizajnuar për të qenë jo vetëm një veshje, por një qëndrim.
“Të vishesh me vetëbesim është forma më e lartë e elegancës,” thotë Redona, e cila mishëron më së miri shpirtin e këtij koleksioni – të fortë, të lirë dhe të vërtetë.
Me prerje të pastra, detaje të guximshme dhe linja që përqafojnë trupin, Tesha Swim 2025 nuk ndjek trendet. Ajo i krijon.
Në bashkëpunim me Redonën– një bashkim i stilit, forcës dhe identitetit. Inspirimi qëndron te gruaja që nuk kërkon të përputhet, por të dallohet. Koleksioni vjen si një reflektim i trupit të lirë, shpirtit të pavarur dhe qëndrimit që nuk luhatet.
Ngjyrat e forta, linjat elegante dhe prerjet e sigurta nuk janë thjesht stil – janë qëndrim. Dhe siç thotë Redona:
“Vetëbesimi nuk është luks – është baza e gjithçkaje.”
Frymëzimi pas koleksionit Koleksioni lindi nga dëshira për të krijuar rrobabanjo që jo thjesht ndjekin modën, por flasin. Çdo detaj është menduar për t’i dhënë zë asaj gruaje që është e sigurt në veten e saj – që nuk ka nevojë për miratim, sepse e di kush është. Ngjyrat, prerjet dhe qëndrimi i koleksionit pasqyrojnë forcen dhe finesën e natyrshme të femrës që guxon të jetë vetvetja, në çdo hap dhe në çdo sezon.
Në bisedë me Redona Koçin
Modelja që mishëron shpirtin e këtij bashkëpunimi na flet për forcën e të qenit vetvetja.
Si lindi bashkëpunimi me Tesha?
Redona: “Ishte natyrshëm. Më pëlqen mënyra si Tesha përfaqëson gruan e kohës sonë – me karakter dhe stil. Ky projekt ishte një thirrje për autenticitet.”
Çfarë do të përcillni me këtë fushatë?
Redona: Vetëbesim. Kjo është fjala kyçe. Duam që çdo grua që sheh këto foto apo që vishet me Tesha, të ndiejë se është e mjaftueshme, e bukur dhe me ndikim – ashtu siç është. Nuk kemi nevojë të jemi si të tjerat për të qenë të dukshme. Originaliteti është forca më e madhe.
Çfarë të bën të ndihesh vetvetja në plazh apo në rroba banje?
Redona: Ndjesia e qetësisë me trupin tim. Kur vesh diçka që më rri bukur dhe më bën të ndiej që përfaqësoj veten time – jo një version të diktuar nga rrjetet apo moda – atëherë ndiej vërtetë vetëbesim. Rrobabanjot e Teshës e kanë atë efekt.
Cili është mesazhi i këtij koleksioni?
Redona: “Të jesh e lirë dhe e sigurt. Çdo grua duhet ta ndiejë që ka të drejtën të jetë vetvetja – pa pasur nevojë të krahasohet apo të përputhet.”
Çfarë ndjen kur vesh rrobabanjot e Tesha?
Redona: “Më duket sikur përfaqësoj veten time reale. Është ajo ndjesi kur nuk përpiqesh të bindësh askënd – thjesht je.
CITAT GRAFIK në mes të faqes:
“Kur gruaja është e sigurt në veten e saj, ajo nuk ndjek trendet – ajo i krijon.” – Redona Koçi
