Historia tronditëse e Lady Gaga-s, shtatzanë dhe e braktisur pas përdhunimit

Lady Gaga

Princi Harry nuk ishte i vetmi që rrëfeu në pjesën e parë të serialit dokumentar “The Me You Can’t See”. Dokumentari që flet për shëndetin mendor, përfshiu edhe të mirënjohurën Lady Gaga. Ajo zbuloi mes lotësh, historinë tronditëse të jetës së saj, përdhunimin në moshën 19 vjeçare, shatëzaninë dhe braktisjen pas përdhunimit. Lady Gaga është nga ato artiste që nuk e ka fshehur të shkuarën e saj të vështirë. Dhe tani rikthehet të rrëfejë më shumë. Historia tronditëse e përdhunimit, ndërsa ishte 19 vjeç, përmban detaje shokuese.

LEXO EDHE: Lady Gaga i bën homazh “Made in Italia”, të gjitha veshjet gjatë xhirimeve të filmit të Gucci-t në Romë

Përdhunimi dhe shtatzania e Lady Gaga-s

Ishte një producent muzikor ai që do të përdhunonte Lady Gaga-n, kur ajo ishte vetëm 19 vjeç. Stari i muzikës pop nuk do ta harronte kurrë këtë moment të tmershëm të jetës së saj, që pastaj do t’i shënjonte të gjithë jetën. I gjithë rrëfimi i saj u bë në serialin dokumentar lançuar nga princi Harry dhe Oprah Winfrey.

Një producent më tha: ‘Hiqi rrobat’. Unë thash jo. Por më thanë se do ta “digjnin” muzikën time nëse nuk zhvishesha”, shpjegon Lady Germanotta, sipas Insider. Duke shtuar se nuk do të donte të përballej më me atë njeri.

Prej andej filloi dhuna.

Unë isha i mbyllur në një studio për muaj të tërë. Personi që më përdhunoi më la shtatzënë, në cepin e rrugës së shtëpisë së prindërve të mi, sepse villja dhe ndihesha keq”, thotë diva mes lotësh.

Kriza psikologjike dhe stresi post-traum

Pas gjithçkaje që i kishte ndodhur, Lady Gaga tregon se nuk ishte më e njëjta. Kriza psikologjike ishte e thellë. Vite më pas asaj i duhej të shkonte në spital për një dhimbje fizike që ndiente prej kohësh. Një dhimbje që i dukej familjare. Kriza psikologjike, dhimbje e paranoja, gjithçka rridhte nga trauma e saj që më pas do ta çonin edhe në mendime vetvrasëse.

Mjekët nuk gjetën asgjë në trupin e saj, me gjithë rezonancat që i bënë, por trupi i saj e njihte dhimbjen. Ishte i njëjtë me atë që kishte pasuar pasi ishte përdhunuar.

Lady Gaga foli edhe për post-traumën, së cilës do t’i shtohej edhe sindroma e fibromialgjisë, sëmundje të cilën e bën me dije vetë diva.

Më pas shërimi do të ishte një rrugë e gjatë, mes terapive dhe muzikës. Por fantazmat e së shkuarës janë në kokën e saj. Ajo nuk mund t’i mbaj dot lotët sa herë i kujtohen sekuencat e dhimbshme të jetës së saj.

Ellen De Generes u akuzua për bullizëm, racizëm, ambient toksik… Cila është arsyeja e vërtetë e mbylljes së spektaklit pas 19 sezoneve?

E përfolur, e ndjekur, e kritikuar, Ellen De Generes “i vë kyçin” spektaklit të saj, në të cilin u intervistuan 2400 VIP-a në 3000 puntata. U akuzua për bullizëm, racizëm dhe seksizëm, por ajo mendon se nuk wshtw kjo arsyeja e fundit tw spektaklit.

Ajo u intervistua nga Savannah Guthrie, siç bën me dije DailyMail, pas regjistrimit të puntatës së parë të spektaklit për sezonin e fundit, të mërkurën. Ajo tha gjatë intervistës se, kur pretendimet dhe akuzat u shfaqën vitin e shkuar nëpër raporte, asaj i e dukur si sulm i koordinuar dhe ndieu t’i kthehej koha pas, në vitet ’90, kur ndërsa ajo doli hapur si homoseksuale, iu mbyll sitcom-i i saj popullor.

Ellen këmbëngul se nuk e dinte që stafi i saj ishte i pakënaqur, pasi ajo ka shumë gjëra për të mbajtur nën kontroll dhe se nuk po tërhiqet për shkak të pretendimeve, por sepse instikti i saj e kishte “paralajmëruar” se ky do të qe sezoni i fundit.

Tashmë është koha për ndryshim për të, ndaj kthen faqen e historisë së saj me talk show-n e gjatë dhe shumë të ndjekur.

“Kur je person kreativ, ke vazdimisht nevojë për t’u vënë në provë dhe, sado i mrekullueshëm e argëtues ky spektakël, nuk është më sfidë”, thotë humoristja amerikane 63-vjeçare.

Sipari do të ulet përfundimisht në 2022, pas 3000 puntatash dhe 2400 të intervistuariah VIP.

Ellen De Generes mbyll show-n e saj

Prezantuesja e njoftoi vendimin e saj më 12 maj, në një intervistë me The Hollywood Reporter. Një njoftim që vjen pas akuzave, në të cilat ishte përfshirë Ellen De Generes Show.

Në fakt, verën e shkuar disa bashkëpunëtorë folën për një mjedis toksik në vendin e punës. Dhe ishin këto pretendime që solllën humbjen e më shumë se një milion shikuesve.

Por, sipas saj, nuk është kjo që e bëri Ellen t’i japë lamtumirën spektaklit. Ajo e prezanton si sfidë me veten dhe zgjedhje. Madje si instikt të vetin.

“Më duhet të pushoj së foluri”

Instikt, dëshirë për të pushuar dhe për të ndryshuar. Këto duket se janë arsyet se pse Ellen vendos ta mbyllë këtu. Duket krejt normale të jetë edhe e lodhur, madje edhe të dojë të ndryshojë, sikur të mos qenë zërat e “ambientit toksik” në punë.

“18 vitet e fundit kanë ndryshuar jetën time. Të gjithë ju keni ndryshuar jetën time. Unë do të jem gjithmonë mirënjohëse për të gjithë ju që keni parë, qeshur, kërcyer, ndonjëherë edhe qarë. Kjo shfaqje ishte përvoja më e madhe e jetës sime dhe ua kam borxh të gjithëve”.

Është pjesë nga monologu i shpërndarë në Instagram, në të cilin ajo lajmëroi lamtumirën e saj me doza ironie dhe duke falënderuar spektatorët.

Prezantuesja, e cila mori Medaljen Presidenciale të Lirisë nga Presidenti Obama, pesë vjet më parë, thotë se ajo ka menduar shumë për këtë vendim dhe se për këtë kishte biseduar edhe me gruan e saj, Portia de Rossi.

“Unë u ula me të për pak. Meditova. Kam biseduar me Portia-n. Fola me vete. Ndonjëherë flisja me veten dhe Portia mendonte se po flisja me të. Një herë po flisja me Portia-n, por ajo mendoi se po flisja me veten time për shkak të herëve të tjera që po flisja me veten time dhe ajo mendoi se po flisja me të”, shtoi ajo me shaka.

“Një herë po flisja me Alex-ian dhe m’u përgjigj Siri, dhe një herë tjetër isha duke folur në TV dhe aksidentalisht i dërgova mesazh okulistit tim. Çështja është se unë duhet të bëj një pushim nga të folurit.”

Ellen De Generes i beson fort instiktit

Ellen DeGeneres më pas shpjegon se ajo që ajo mendon se duhet të bëjë është ta përfundojë përvojën e saj bashkë me Sezonin 19.

“Dy vjet më parë, unë nënshkrova një kontratë për tre vjet të tjera. Gjithmonë e dija në zemrën time se sezoni 19 do të ishte i fundit ”, thotë ajo.

“E vërteta është se unë gjithmonë i besoj instinkteve të mia. Instinktet e mia më thanë: është koha. Si humoriste, gjithmonë e kam kuptuar rëndësinë e kohës. Me gjithë seriozitetin, ndjeva me të vërtetë se sezoni i ardhshëm do të ishte koha e duhur për t’i dhënë fund këtij kapitulli fantastik”.

Këto janë fjalët e saj, por duke i siguruar fansët e saj për një finale mbresëlënëse. Sepse, siç thotë ajo, në fillimet e saj ajo i kishte informuar ndjekësit se kjo do të ishte një marrëdhënie dhe sipas saj, do të vazhdojë të jetë edhe pas mbylljes së këtij spektakli. Dhe para se ta mbyllë me një përqafim virtual për të gjithë, ajo lë të kuptohet se diçka tjetër ka në mend.

“Them dhe postoj gjëra të çuditshme, kështu funksionon truri im”, Elon Musk deklaron se është me sindromën Asperger

Sipërmarrësi i çuditshëm dhe bashkëthemeluesi i teknologjisë Tesla dhe SpaceX u ftua të drejtojë “Saturday Night Live”, spektaklin e humorit në NBC, të shtunën në mbrëmje.

“Unë e di që them ose postoj gjëra të çuditshme, por kështu funksionon truri im. Për këdo që kam fyer, dua të them thjesht se çoj njerëzit në Mars. Mendoni vërtet se mund të jem një tip i qetë dhe normal?”, janë fjalët e Elon Musk në monologun e hapjes së “Saturday Night Live”.

Musk u përpoq t’u jepte njerëzve një shpjegim lidhur me disa nga sjelljet e tij të çuditshme në të kaluarën, që për hir të së vërtetës, kanë lënë jo pak njerëz të befasuar.

“Kam sindromën e Asperger”, pranon sipërmarrësi i teknologjisë Tesla dhe SpaceX.

“Është nder të drejtoj “Saturday Night Live”. Po hyj në histori sonte, sepse unë jam personi i parë me Asperger, që drejton shfaqjen. Ose, të paktën, i pari që e pranon këtë”, tha Musk, duke rrëfyer vuajtjet e kësaj forme të veçantë të autizmit, karakterizuar nga vështirësi serioze në bashkëveprimet shoqërore.

Bëhet fjalë për të njëjtën sindromë që ka edhe Greta Thunberg. Elon me siguri i referohet kryesisht deklarimit të fundit mbi udhëtimin e kolonëve të parë drejt planetit Mars, për të cilët ai u shpreh midis të tjerash, se disa prej tyre nuk do ta kishin më mundësinë të ktheheshin të gjallë në Tokë, pasi misioni do të qe i vështirë.

Ai më pas bëri shaka për twette-t e tij, emrin e pazakontë që i vuri të birit “X Æ A-12”, si dhe momentin kur piu bar në një podcast.

Pastaj, duke qenë një ithtar i madh i kriptovalutave, ai përsëri renditi avantazhet e kriptovalutës së re, dogecoin, duke e përcaktuar kriptomonedhën, e cila tani ka një vlerë tregu prej rreth 72 miliardë dollarësh, “një makinë e pandalshëm që do të pushtojë botën” edhe pse ai më vonë pranoi se do të krijojë jo pak “konfuzion”.

Për të gjithë dashnorët e Gossip Girl, lajmi i mirë mbërriti!

Episodet e reja të dramës së dashur adoleshente do të publikohen në korrik 2021, në HBO Max. Dhe ato do të karakterizohen nga gjithëpërfshirja

“Së shpejti në HBO Max, në korrik. Shënojeni në axhendën tuaj”.

Ky është postimi në Instagram, ku Gossip Girl u lë një takim fansave. Ristartimi i një prej serialeve më të dashur, i njëjti që ka shenjtëruar suksesin e Blake Lively, do të transmetohet në korrik 2021-shit.

Gossip Girl, reboot në korrik 2021

Pra, le të bëhemi gati të kthehemi në Upper East Side. Ende nuk ka datë zyrtare për episodin e parë, por muaji është konfirmuar: Në verë, pikërisht në korrik, do të shohim teen dramën e dashur nga adoleshentët dhe jo vetëm.

Showrunner Joshua Safran, i cili është duke punuar në seri së bashku me krijuesit origjinal Josh Schwartz dhe Stephanie Savage, i zbuloi Cosmopolitan-it se reboot-i shumë i pritur do të dalë në më pak se tre muaj.

Rrjetet sociale vazhdojnë

Siç është njohur tashmë, episodet e reja do të vendosen në shoqërinë e kohës sonë, të kompletuara me rrjete sociale dhe një New York ndryshe nga tetë vjet më parë. Me protagonist një grup studentësh të privilegjuar të Nju Jorkut, gjithkund nën vëzhgimin e Gossip Girl.

Në kast do të përfshihen Whitney Peak, Emily Alyn Lind, Evan Mock, Jordan Alexander, Thomas Doherty, Eli Brown, Zión Moreno, Savannah Smith dhe Tavi Gevinson

Një produkt ndryshe dhe më gjithëpërfshirës

Një vazhdim i serisë, por edhe një produkt krejt i ri: kështu do të rindizet Gossip Girl. Dhe në qendër të episodeve të reja do të jetë përfshirja.

“Unë mendoj se është e rëndësishme që një vajzë zezake të shohë dikë në një pozitë të fuqishme, për ta përfaqësuar atë”, i tha Savannah Smith Cosmopolitan-it.

“Është e rëndësishme edhe për fëmijët e periferisë ose fëmijët që nuk kanë shumë miq të zinj ose miq me ngjyrë, që përgjithësisht na shohin të përfaqësuar në mënyra të ndryshme. Unë mendoj se kjo mund të ndryshojë vërtet gjërat. Ndoshta ata nuk i mësojnë këto gjëra në shtëpi, por i shohin ato në Gossip Girl. A nuk është fantastike?”.

Një mendim tjetër u nda nga Whitney Peak: “Unë dua që të gjithë zezakët në të gjithë botën të jenë në gjendje të shikojnë shfaqjen dhe të mendojnë: ‘Ky është një person që duket si unë. Unë nuk duhet të jem ide stereotipike e asaj që jam’”.

Netflix fillon të rishikojë ndarjen e llogarisë së përbashkët mes përdoruesve që nuk jetojnë në të njëjtën shtëpi. Çfarë po ndodh?

Netflix po punon për të futur një funksion të ri, që bllokon përdorimin e llogarisë së përbashkët midis shumë përdoruesve. Gjigandi i transmetimit, i cili sot ka më shumë se 200 milionë abonentë në të gjithë botën, duket se dëshiron të imponojë një bllok, për ato profile të përbashkëta që u lejohet të ndajnë koston mujore. Kufizimi do të prekë të gjithë ata përdorues që nuk jetojnë nën të njëjtën çati.

Ky nuk është vetëm një vendim biznesi, por edhe një vendim sigurie, me synimin për të bllokuar të gjithë hyrjen e pa autorizuar. Por çfarë po ndodh ditët e fundit.

Çfarë është blloku Netflix i ndarë me përdoruesit e tjerë?
Së fundmi, qindra përdorues të Netflix, edhe në Shqipëri, filluan të shohin një mesazh kur hyjnë në llogarinë e tyre të përbashkët: “Nëse nuk jetoni me mbajtësin e llogarisë, ju duhet llogaria juaj për të vazhduar të shikoni Netflix” . Të gjithë atyre të cilëve u shfaqet ky mesazh, Netflix u dërgon një kod që verifikon mbajtësin e llogarisë, i cili duhet të futet menjëherë për të vazhduar të shijojë përmbajtjen e platformës. Për momentin është e mundur të zgjidhni opsionin “kontrollo më vonë”, por nuk dihet edhe për sa kohë pajtimi mund të përdoret lirshëm.

Në fakt, kushtet e përdorimit të pajtimit në Netflix të ndarë midis katër personave shprehen se “çdo përmbajtje e parë përmes këtij shërbimi është menduar vetëm për përdorim personal, jo-komercial, dhe nuk mund të ndahet me njerëz jashtë shtëpisë suaj”. Drejtori ekzekutiv i Netflix, Reed Hastings, e di se ndarja shpesh ndodh jashtë shtëpisë. Por ka raste të ndarjes krejtësisht të ligjshme: në fakt, rastet jo të rralla, në të cilat fëmijët jetojnë në vende të tjera, më vete nga prindërit e tyre.

Për momentin, Netflix po monitoron situatën, duke u përpjekur të kuptojë, nëse ekziston një nevojë reale për të futur këtë bllok në të ardhmen. Në fakt, pirateria dhe ndarja e fjalëkalimeve u kushton platformave kryesore të transmetimit 9 miliardë dollarë. Në çdo rast, verifikimi i vazhdueshëm gjatë hyrjes në llogari mund të jetë i mërzitshëm për ata që e ndajnë atë nën të njëjtën shtëpi.

Këto probleme ekonomike, sipas kompanisë, do të kufizojnë ndarjen e fjalëkalimeve. Megjithatë, duket se blloku anashkalohet lehtësisht: kodi i verifikimit i kërkuar, në fakt, mund të dërgohet nga personi që e merr atë te personat me të cilët ai ndan fjalëkalimin e llogarisë.

Të shohim si do të zhvillohen ngjarjet.

Na vjen keq, goca, Can Yaman nuk është më single, fatlumen e kemi komshi

Ajo është një prezantuese e njohur në kanalet italiane dhe quhet Diletta Leotta. Ai është ndër më të njohurit aktor turk telenovelash, që po çmend fanset në rrjetet sociale e jo vetëm, dhe flitet se ka pranuar se është me origjinë shqiptare. Can Yaman, u dorëzua dhe nuk fshihet më: tani dashuria është në mediat sociale

Pas postimit të parë në çift të shpërndarë nga aktori turk, tani është prezantuesja italiane që ndan imazhe së bashku në Instagram.

Yaman dhe Diletta Leotta dalin sheshit. Pas muajve të parë, në të cilët dukej se të dy donin ta mbanin historinë e tyre të dashurisë larg thashethemeve, tashmë ata të dy nuk fshihen më dhe shfaqen së bashku në rrjetet sociale, gjithmonë e më shpesh. Pas postimit të parë në çift të ndarë nga aktori turk, në fakt, është prezantuesja e Dazn ajo që publikon një foto në profilin e saj në Instagram, së bashku me yllin e DayDreamer. Fansat nisin të ëndërrojnë.

Diletta Leotta, postimi i parë me Can Yaman

Së bashku në një shkollë hipizimi, kasketa në kokë, duke buzëqeshur pranë një kali të bardhë: kjo është fotografia e parë e çiftit, e zgjedhur nga prezantuesja, për të ndarë jetën e saj të dashurisë me ndjekësit.

“Na ishte njëherë” shkroi ajo poshtë fotos, pothuajse një referencë për përrallën që po jeton me Sandokan-in e ardhshëm. Fjalë që mund të thoshin shumë për marrëdhënien e tyre dhe që tërhoqën vëmendjen e Fabio Fognini, një nga të parët që komentoi në postimin e Leotta. “Të dashur? – pyet tenisti, duke bërë të shpërthejnë hipotezat dhe komentet mes fansave.

Një dashuri sociale

Edhe dy yjet e momentit, pra, janë dorëzuar para rrjeteve sociale. Një reagim i papritur nëse mendoni se vetëm një muaj më parë, pas kërkesave gjithnjë e më këmbëngulëse nga fansat, që donin të dinin më shumë për marrëdhëniet e tij me prezantuesin, ylli turk u përgjigj me një “Puna ime” të thatë.

Pastaj hapi prapa dhe postimi i parë me të, të përqafuar, të qeshur e të lumtur. Tani është radha juaj. Dashuri në ditët e rrjeteve sociale!

Miley Cyrus inaguron ekskluzivisht Super Bowl TikTok Tailgate

Miley Cyrus ishte protagonistja e TikTok Tailgate, i pari show në historinë e platformës kineze, e transmetuar drejtpërdrejt falë një marrëveshje midis TikTok dhe NFL. Gjatë halftime show ishte radha e The Weeknd.

E veshur si lojtare e futbollit amerikan dhe nxitëse seksi, Miley Cyrus, 28 vjeç, performoi në TikTok përpara Super Bowl 2021.

Miley Cyrus në versionin “american football player” në TikTok

Ylli amerikan, me fanellën e zezë me numër 27, me vija me shkëlqim rozë në mëngë, pantallonat e bardha dhe këpucë me taka të holla, hapi edicionin e 55-të të ngjarjes sportive më të pritur dhe të parë të vitit, gjithmonë e përcaktuar si “ngjarja që ndal Amerikën”.

@mileycyrus

#TiktokTailgate at 2:30 PM ET! On @nfl ’s Tiktok! 🖤🖤🖤

♬ Plastic Hearts – Miley Cyrus

Cyrus inaguron show-n e ri, TikTok Tailgate

Miley Cyrus me këtë rast përuroi TikTok Tailgate – një koncert i lidhur me partneritetin midis NFL (Liga Kombëtare e Futbollit, liga profesionale e futbollit amerikan)  dhe TikTok, me një performancë dy-orëshe para një publiku prej 7.500 spektatorësh të vaksinuar, përfshirë shumë mjekë dhe punonjës shëndetësorë, për t’i bërë homazhe punës së tyre në vijën e parë të frontit në betejën kundër Covid-19.

Superylli performoi në orën 8.30 pasdite (me orën tonë), duke filluar me Mickey nga Toni Basil, dhe më pas kaloi te Prisoner. Ylli më pas iu bashkua në skenë një nga legjendat britanike, këngëtari Billy Idol, me të cilin ajo interpretoi në notat e Night Crawling dhe White Wedding.

Koncerti ekskluziv i TikTok

TikTok transmetoi koncertin ekskluzivisht: CBS, kanali televiziv që transmetoi Super Bowl 2021 në Shtetet e Bashkuara, mundi të shfaqte vetëm një pjesë të shoë-ut. Në TikTok, ndërkohë, nuk u shfaq performanca e The Weeknd në halftime.

Miley Cyrus vazhdoi shfaqjen e saj me Heart of Glass të Blondie dhe coverin e Nine Inch Nails “Head Like” të Hole. Ylli vazhdoi me High, Nothing Breaks Like a Heart të Mark Ronson e Jolene të Dolly Parton, për ta mbyllur pjesën e parë të performancës me Midnight Sky, single i lançuar në gusht 2020, kënga e parë nga albumi i shtatë.

Homazhi i Miley për Britney Spears

@mileycyrus

#SuperBowl #TikTokTailgate #JoanJett

♬ I Hate Myself for Loving You – Joan Jett & The Blackhearts

Këngëtarja e muzikës rrok, Joan Jett, më pas iu bashkua Miley-t në skenë për tre këngë të tjera, Bad Reputation, Bad Karma dhe I Hate Myself for Loving You. Pastaj ishte radha e Bikini Kill me Rebel King, para se të mbyllej me një seri këngësh nga Cyrus, të tilla si Angels Like You, We Can’t Stop, Plastic Hearts, Party in the SHBA, në të cilën ajo deklaroi “Ne e duam Britney-n”, duke cituar artisten, Wrecking Ball dhe The Climb.

Për të gjithë ju që mendoni se turpi është ngrënë me bukë, Regé-Jean Page, duka më i bukur i filmit “Bridgerton”, ka njoftuar familjen për skenat me seks

Djali i një predikuesi, Regé-Jean Page, në serialin e dashur Bridgerton, luan Dukën e bukur të Hastings, i cili ka goditur në zemër miliona fansa (dhe ndoshta bashkë-yllin). Nëse nuk e keni parë ende, vraponi se nuk e dini ç’po humbisni!

Bota ka gjetur Mister Darcy-n e ri: ai është Duka i Hastings. Ndoshta edhe Jane Austen do ta kishte pëlqyer atë: 1.85 e gjatë, seksi, tërheqës, me origjinë të përzier. Me abdominal të skalitur dhe vështrimin jo miqësor të atij që ia njeh vetes mosëmbajtjen.

Jeta e Regé-Jean Page, mbushur me hije (dhe pastaj me zjarrë), Simon Basset-i i Bridgerton, që theu rekordin në Netflix, ndryshoi papritur Krishtlindjen e shkuar.

Në pak më pak se dy javë nga data e lëshimit, në rolin e anti-heroit alergjik ndaj martesës, por i lakmuar nga gratë e mira dhe të pasura të shoqërisë së lartë të Londrës të vitit 1813, Page kaloi nga të qenit një aktor premtues i teatrit anglez në një yll ndërkombëtar me 63 milion shikues. Me një të ardhme të shkruar tashmë nga simbolet e seksit, përkrah Brad Pitt dhe George Clooney.

Regé-Jean Page ia detyron suksesin e tij, filmit “Bridgerton”

E sigurisht atij trupi të zhveshur pa retiçenca, në ring apo në shtrat, episod pas episodi, në atë që ai vetë e përcaktoi si “një përzierje të “Krenari dhe Paragjykim”, “Gossip Girl” dhe “Fifty Shades of Grey”. Megjithatë popullariteti nuk u mor si i mirëqenë për Regé-Jean Page. Aq sa rrëfen me shumë sinqeritet e gati naivitet ditën kur e thirrën për të marrë rolin e Dukës dhe britmat e gëzimit si të një rishtari. “Isha në tren, duke u kthyer nga trajnimi i boksit, kur mësova se kisha kaluar audicionin. Të gjithë në vagon kthyen kokën. U përpoqa të fshihesha në karrigen time nga sikleti, por e vërteta është se unë isha vërtet i ngazëllyer ”, tha ai për Variety.

Regé-Jean, James Bondi i ardhshëm?

Dhe tani të gjithë flasin për një kandidat të ri për James Bond, në vend të Daniel Craig. Në intervistat e lëshuara në platformën Zoom, ai e mohon çdo herë me një të qeshur kuturuese.

“Nëse je britanik dhe i famshëm, shpejt përfundon në kategorinë e kandidatëve për të luajtur James Bond. Është një lloj medaljeje merite”, vazhdon ai për Variety.

Ndërkohë, profili në Instagram pëson shok: nga disa mijëra ndjekës është ngritur në qiell me tre milionë e gjysmë ndjekës.

Mister Darcy bashkëkohor

Një foto para detit, e publikuar më 1 janar, ka mbi 11 mijë komente. Profili i tij në faqen e kinemasë Imdb (Baza e të Dhënave të Filmit në Internet), i cili ishte pothuajse i zbrazët, gjithashtu u mbush. Debutimi në filmin Roots. Bota ka gjetur Mr. Darcy bashkëkohor.

I lindur në 1990, Regé-Jean Page (shqiptohet Reggae si zhanër muzikor, Jean në frëngjisht dhe Page në anglisht) është djali i një predikuesi britanik dhe një infermiere nga Zimbabve.

Falë origjinave të tij u përcaktua si “deklaratë politike lëvizëse”. U zhvendos në Londër në moshën 14 vjeç. Page dëshironte të ishte eksplorues, por përfundoi duke studiuar në Drama Center London dhe u diplomua në 2013.

Historia e dashurisë e risjellë nën optikën feministe

U bë i njohur me filmin “Roots”, ku Page luan protagonistin Chicken George.

“Roli i parë i rëndësishëm ishte ai i një skllavi. Më klasikja e klisheve për një njeri me ngjyrë”, theksoi ai për InStyle.

Filmi Roots

Nga skllavi te duka në një serial që, nga ana tjetër, ia ka bërë pjesëmarrjen një nga çelësat më të rëndësishëm: “Diversiteti i Bridgerton përfaqëson botën në të cilën jetojmë dhe audiencën e sotme”, shpjegoi ai për Guardian, duke shtuar se “historia e dashurisë midis Dukës së Hastings dhe Daphne është riinterpretuar nga këndvështrimi feminist ”.

Ndërsa prisni për serinë e dytë (kasta do të kthehet në skenë në pranverë, ka shtatë vëllezër Bridgerton për t’u martuar, tha prodhuesi ekzekutiv Chris Van Dusen), Regé-Jean Page zbulon prapaskenat në jetën e tij. Më pikantja ka të bëjë me skenat nudo.

Në “Drew Barrymore show”, ai rrëfeu se kishte shkruar në chat-in e familjes se nga episodi i pestë e më tej, ata do ta shihnin në skena mjaft intime. Por kishte harruar të paralajmëronte një kushërirë: “Kështu që, ajo shkoi në kuzhinë për të përgatitur një çaj, për të mos u kthyer më në dhomën e ndenjes, ku në TV nuk mbaronin skenat e seksit midis meje dhe Dafnës”, zbuloi ai me shaka.

“Nuk është një serial për gjyshet”, thotë Regé-Jean Page

Po, duhet thënë se “Bridgerton” nuk është në të vërtetë një serial për gjyshet.

“Bëhet fjalë për diçka ndryshe, argëtuese, seksi; është vendosur në një epokë të kaluar, por është gjithashtu diçka që nuk është parë kurrë në të kaluarën”. Me bashkë-yllin Phoebe Dynevor, 25 vjeç, ata kishin një trajner për skenat intime në sheshxhirim, një lloj koreografi për skenat seksuale. Një prani që befasoi edhe vetë Page-in.

“A e dinit se ekzistojnë? Gjithsesi, të kesh dikë që të drejton, të mbron dhe kujdeset për ty, ta lehtëson shumë punën”, komenton ai, duke mohuar të gjitha pretendimet për një marrëdhënie me kolegen e tij. Gjatë një interviste me “Access Hollywood”, ai u fsheh pas frazës së zakonshme diplomatike “ju duhet të interesoheni vetëm për atë që ndodh në ekran. Kimia mes nesh vjen nga skenari i bukur”.

Asnjë histori dashurie

Ajo, u kufizua të thotë për “The Guardian”, vetëm “ne jemi bërë shumë miq, por Regé-Jean tani jeton në Los Angeles”.

Thuhet se para sheshxhirimit, të dyve iu desh të kalonin gjashtë javë së bashku, midis leksioneve për rregullat e mirësjelljes, vallëzimit, historisë, kalërimit, në Bath (ç’rastësi, aty ku jetonte Jane Austen).

“Ishte mjaft e lodhshme: zgjohu në të gdhirë, vazhdo me një orë stërvitje me një trajner personal dhe më pas mësime të pandërprera, kalërim, skermë, pesha, vallëzim … Aq sa në fund të ditës ndihesha fjalë për fjalë i rraskapitur”, kujton Page që e çmendte kastin, sepse humbte gjithmonë kufjet.

Aktori në fakt është adhurues i muzikës. Në kohën e tij të lirë, ai këndon, luan dhe kompozon. Me vëllain e tij, Tose, ai themeloi dyshen Tunya. Verën e kaluar ata publikuan këngën “Don’t Wait”, në YouTube, me një video në të cilën aktori flet për djemtë e rinj zezakë që zihen, referencë e qartë për lëvizjen #Blacklivesmatter.

Në video shfaqet Hirësija e tij,  imagjinojeni si! Pa këmishë në mes të një ringu.

Nuk duhej të kishte dalë, por vallëzimi i kastit të “The Crown” ka bërë xhiron e rrjetit

Gillian Anderson komenton videon në të cilën shfaqet duke vallëzuar me pjesën tjetër të kastit të The Crown: një balet aq argëtues sa edhe i pakoordinuar që “nuk duhet ta kishte parë kurrë dritën e diellit”

Gillian Anderson ishte e ftuar në emisionin “Late Night with Seth Meyers”, në kanalin Nbc, dhe drejtuesi argëtohet ndërsa e ngacmon aktoren për një video që është shfaqur së fundmi në rrjet. Është një vallëzim në grup në sheshxhirimin e The Crown, me kastin që improvizon një koreografi në notat e një kënge nga Lizzo.

Interpretuesja e Margaret Thatcher në serialin e suksesshëm televiziv, thotë se ideja erdhi nga Olivia Colman.

Colman, aktorja që luan Mbretëreshën Elizabeth në sezonin e tretë dhe të katërt, merr pjesë në një klasë kërcimi dhe disa ditë më parë, ajo kishte kërcyer në notat e asaj kënge.

Ajo më pas propozoi që të përsëritej koreografia me aktorët e tjerë të serialit dhe ta filmonte atë, pa e bërë publike performancën. Colman kishte premtuar se pamjet filmike “nuk do ta shihnin kurrë dritën e diellit”.

Sidoqoftë, gjërat shkuan ndryshe dhe kështu në video mund të shihni një përpjekje, sa qesharake aq edhe të pakoordinuar, që e bën Seth Meyers të qeshë me zemër dhe që Anderson e përcakton “poshtëruese”.

Mbasi bëri lëmsh gjithë dynjanë e rrjeteve sociale, Tea pranon gjithçka me postimin…

Rrjetet sociale kanë marrë flakë nga deklaratat, komentet, akuzat, kundërakuzat etj. Duket sikur “luftën” e ka filluar Shqipja, me materiale të publikuara në faqen e saj të instagramit, për të cilat thotë se ia kanë dërguar fansat.

Sigurisht, Tea Trifoni, e cila doli nga ky edicion i dytë i “Për’Puthen” me Andin, pasi do të vazhdonin përputhjen jashtë, në fillim mohoi gjithçka. Por Shqipja nuk u ndal me materialet e publikuara dhe ajo që bëri fillimin e fundit ishin pikërisht fotot që tregonin se Tea me Beartin ndodheshin të dy në Bogë, e për më tepër kapakun e vë një puthje e të rinjve e ngurtësuar në foto.

Burime të ndryshme thonë se edhe motra e Beartit ka publikuar një foto që konfirmon se Tea ishte në vendin malor me të vëllanë.

Ndërsa rrjeti ziente, Andi bëri një deklaratë nga live-i i tij, në të cilin shprehet se është pa fjalë dhe nuk di si ta shpjegojë të gjithë këtë dhe kërkon ndjesën e publikut që i detyrohet, sipas tij moralisht.

Sidoqoftë, Andi e ka lënë për më vonë sqarimin me publikun, ndërsa Tea më në fund publikon një video TikTok-u që ia ka bërë Bearti në Bogë dhe me këtë pranon edhe të gjitha ato që po i mohonte deri më tash.

Të gjithë po presin se ç’do të ndodhë, edhe pse të themi të drejtën, nuk është se ka shumë për të ndodhur. Zakonisht, në rastin më të mirë, këto histori mbyllen me një ndjesë dhe publiku mbasi kalon treditëshi merret me ndonjë gjë tjetër që ka plasur.