Tapeti i kuq nuk ka përfunduar, ja si u prezantuan VIP-at në Critics ‘Choice Awards 2021

Të gjitha veshjet më të bukura të pikasura në tapetin e kuq midis reales dhe virtuales së Critics Choice Awards 2021, nga Emma Corrin e Schiaparelli te Zendaya me Valentino

Sezoni i çmimeve dhe tapetit të kuq vazhdon. Pas Golden Globes 2021 dhe parantezës italiane të Sanremos, Critics Choice Awards 2021 dhe look-et më të bukura lidhur me të janë rikthyer. Yjet kanë rreshtuar veshjet e tyre në kopshte dhe në dhomat e ndenjes, pa sakrifikuar asgjë nga shkëlqimi dhe magjepsja e tyre. Të gjithë të veshur në shtëpi me rastin e edicionit të 26-të të çmimeve televizive dhe kinematografike, të paraqitura natën midis 7 dhe 8 Marsit në Los Anxhelos, me një ceremoni gjysmë reale dhe gjysmë virtuale.

Triumfi i The Crown dhe Mbretëreshës së Shahut (edhe në look)

Shpërblyer nga Taye Diggs, veshur në të bardha me Giorgio Armani dhe këpucë Zanotti, çmimet panë suksesin e titujve të Netflix dhe streaming të momentit: nga The Crown (Seria më e mirë dramatike) te Mbretëresha e Shahut (Miniseria më e mirë).

Taye Diggs

Dhe, në fakt, ndër pamjet më të mira të pikasura në tapetin e kuq dixhital të Critics Choice Awards 2021 janë ato të yjeve Emma Corrin (Aktorja më e mirë në një seri dramatike) dhe Anya Taylor-Joy (Aktorja më e mirë në një Miniseries ose Film TV) )

E para me një fustan mini velvet të Schiaparelli dhe këpucët Jimmy Choo, e dyta me një fustan të gjatë me ngjyrë amarantë nga Christian Dior Haute Couture dhe bizhu Bvlgari. Por duhet thënë se merita e stilit të tyre të prezantuar është si gjithmonë e stilistëve, e kësaj here përkatësisht Harry Lambert dhe Law Roach.

Ky i fundit kuroi gjithashtu look-un e Zendaya në Critics Choice Awards 2021, e cila mori çmimin e këtij viti SeeHer, për rolin e saj si bashkë-protagoniste në filmin Malcolm & Marie, dhe që u prezantua me një veshje me ngjyrë korali të Valentino Haute dhe bizhu të firmosura nga Bvlgari.

Pamjet e yjeve të Bridgerton dhe Normal People

Nuk mbetën më pas edhe mbretëreshat e serisë të tjera televizive, me ook-un e tyre në Critics Choice Awards 2021, dhe po flasim për yllin e Bridgerton, Phoebe Dynevor, me një veshje Louis Vuitton dhe bizhuteritë Ana Khouri, si edhe Daisy Edgar-Jones nga Normal People, në një mini fustan të kuq, Oscar de la Renta, të dyja të veshura nga Nicky Yates. Paul Mescal aka Connell u shfaq nga shtëpia me një kostum Prada.

  • Phoebe Dynevor
  • Maria Bakalova

Dhe fituesi i tapetit të kuq… kostumi i burrave!

Dhe nëse fituesi për sa i përket çmimeve ishte Nomadland, i cili në kategorinë e filmit më të mirë, regjisorit më të mirë dhe skenarit më të mirë jo-origjinal shënon edhe një herë, pas Golden Globes 2021, triumfin e Chloé Zhao, në fushën e modës është total look-u mashkullor më i popullarizuari, madje edhe tek gratë. Pa xhaketë, por me një papion Amanda Seyfried, protagonistja e filmit Mank, në Netflix, me bust dhe pantallona Miu Miu, këpucë Stuart Weitzman dhe bizhuteritë e Fred Leighton.

Një toreador i vërtetë e plot shkëlqim, Kaley Cuoco me një kostum Dolce & Gabbana, këpucë Christian Louboutin dhe bizhuteritë Candy Ice; posaçërisht për H.E.R, në një kostum të bërë me porosi Miu Miu dhe bizhuteritë Chopard, pa mëngë dhe totalish në të zezë për Gillian Anderson, nga Christian Dior.

Gal Gadot me veshje Prabal Gurung e bizhu Tiffany &Co. (stiliste: Elizabeth Stewart)
Dan Levy 
Cynthia Erivo

Taylor Swift kundër seksizmit të përdorur në një serial në Netflix

“Përse nuk e ndalim degradimin e grave që punojnë fort?!” shkroi kantautorja në Twitter, mbështetur sidomos nga fansat e saj

Netflix gjendet nën akuzën e fansave të Taylor Sëift, por përfundon në shënjestrën edhe të yllit të popit. Polemika lindi nga një batutë në lidhje me marrëdhëniet sentimentale të këngëtares, bërë në serialin Ginny & Georgia, një serial origjinal të Netflix, i cili u prezantua në platformë më 24 shkurtin e kaluar me sezonin e parë.

Fansat e Taylor Swift nuk humbën kohë për të sjellë indinjatën e tyre në mediat sociale dhe sigurisht që u pasua nga reagimi në Twitter i vetë të “të dëmtuarës”.

Ginny & Georgia dhe batuta ofenduese

“Ginny & Georgia” seriali i Netflix

Seriali në fjalë është Ginny & Georgia, një film i përbërë nga dhjetë episode, që tashmë rezulton tepër e suksesshme, duke përfunduar shumë shpejt në Top 10-en e platformës. Në zemër të origjinalit të Netflix, të krahasuar nga shumë me Gilmore Girls, janë historitë e një nëne 30-vjeçare, Georgia Miller dhe vajzës së saj pesëmbëdhjetë vjeçare, Ginny.

Ndërkohë që shumë shikues e kanë vlerësuar serialin e ri, mes tyre me siguri nuk mund të llogarisim të ashtuquajturit fansa Swifties, të Taylor Swift. Në një skenë, ku dy protagonistët diskutojnë mbi marrëdhëniet, kur nëna e pyet vajzën për të dashurin e saj, Ginny përgjigjet, “Çfarë të intereson? Ti kalon nga njeri te tjetri, më shpejt se Taylor Swift”.

Cicërima e Taylor Swift dhe hashtagu viral

Batuta hasi në reagimin e furishëm të ndjekësve të këngëtares, të cilët e çuan çështjen në rrjetet sociale me hashtagun “RESPECT TAYLOR SWIFT”, çka shpejt u bë trend në Twitter. Dhe sigurisht që ylli i pop-it mori situatën (dhe telefonin) në dorë, për të kritikuar shë-n. Në cicërimën e saj, në të cilën tregon screenshot-in e fjalisë që ndezi polemikat, ao shkruan: “Hej, Ginny & Georgia, 2010 telefonoi dhe kërkon t’i kthehet mbrapsh batuta e saj dembele dhe thellësisht seksiste. Pse nuk ndalojmë së nënçmuari gratë që punojnë shumë, duke i quajtur ‘argëtim’ këto pisllëqe”.

Replika e ashpër për një shaka të lehtë vjen pas viteve karrierë të Taylor Swift, e cila shpesh është reduktuar në jetën e saj private sentimentale, pavarësisht se është këngëtarja grua që ka fituar numrin më të madh të vendeve të para në klasifikime (Billboard 200). Vetë këngëtarja ka kritikuar në mënyrë të përsëritur standardet e dyfishta, të cilave gratë dhe burrat u janë nënshtruar, në industrinë e muzikës dhe mënyrën në të cilën mediat kanë shqyrtuar me kujdes marrëdhëniet e saj ndër vite.

Tema u trajtua gjithashtu në Miss Americana, dokumentari që ndjek momente të ndryshme të karrierës së saj, transmetuar në Netflix në vitin 2020. Kështu që Taylor Swift citoi gjithashtu platformën në tweet-in e saj:

“Dhe pastaj, Netflix, pas Miss Americana kjo veshje nuk të përshtatet më“. Dhe shton: “Buon Women History Month, mendoj“, duke iu referuar periudhës nga 1 deri më 31 Mars, në të cilën festohen kontributet e grave në histori dhe shoqërinë bashkëkohore në fusha të ndryshme në SHBA.

Qentë e rrëmbyer të Lady Gaga u gjetën dhe tani ajo është e lumtur të vazhdojë xhirimet

Të dy bulldogët e dashur të Lady Gaga-s iu vodhën kujdestarit të saj të qenve, i cili u sulmua me armë. Grabitësit përfituan nga mungesa e yllit të popit, e cila gjendet në Romë për të xhiruar një film për Guccin. Lady Gaga ka shpërthyer në lot gëzimi me marrjen e lajmit.

Dy buldogët e Lady Gaga, të rrëmbyer dy ditë më parë, u kthyen në shtëpi shëndoshë e mirë, ndërsa rrëmbyesit bënë të mundur humbjen e gjurmëve dhe janë ende në arrati.

Gaga kishte ofruar një shpërblim prej gjysmë milioni dollarësh për këdo që mund të gjente qentë e saj të dashur.

Bëhet me dije se të dy qentë, Koji dhe Gustav, u dorëzuan nga një grua në një stacion policie të Los Anxhelos. Një zëdhënës i LAPD tha se gruaja në fjalë duket se nuk ka lidhje me rrëmbimin, por nuk është e qartë nëse ajo kërkoi, ose mori shpërblimin e premtuar. Sipas Tmz, qentë janë mirë dhe autorët e krimit janë ende të arratisur.

Sa i përket kujdestarit të qenve të dëmtuar, Ryan Fischer, ai gjendet ende i shtruar në spital.

Lady Gaga e ka quajtur atë “një hero përgjithmonë” dhe shtoi, “Rrezikove jetën, për të luftuar për familjen tonë”. Qeni i tretë, Mis Azia, arriti të shpëtojë dhe u gjend nga policia natën e rrëmbimit. FBI po heton gjithashtu për të përjashtuar një motiv politik, duke qenë se këngëtarja ka performuar në inaugurimin e presidentit Joe Biden.

Historia “e verdhë” arriti të mbyllet me happy-end!

Qëllojnë kujdestarin e qenve dhe i rrëmbejnë dy bulldogë, Lady Gaga ofron një shpërblim të majmë për qentë e saj [VIDEO e rrëmbimit]

E ndërsa Lady Gaga zbarkon në Romë, në Los Angeles grabisin bulldogët e saj dhe qëllojnë kujdestarin e qenve.

Lady Gaga ndodhet në Itali nga dita e djeshme për të marrë pjesë në xhirimet e filmit “Gucci”, në rolin e Patrizia Reggiani. Gjithsesi, lajmi i mirë u shkatërrua për të nga lajmi i ardhur nga Los Angeles: Ryan Fischer, kujdestari i saj i besuar i qenve është sulmuar në mbrëme në Sunset Boulevard dhe rrëmbyesit janë larguar me dy qentë e saj të dashur bulldog.

Këngëtarja e famshme pop ka ofruar gjysmë milion dollarë për rigjetjen e Kojit dhe Gustav. Qeni i tretë, Miss Asia, e cila ka edhe një llogari në Instagram, kishte arritur të shpëtonte dhe u rigjet nga policia, e cila ia ka dorëzuar njërit nga truprojat e të famshmes Gaga.

Hetimet po kryen nga struktura të larta. Sipas rezultateve të para, dy burrat kanë dalë nga një Nissan i bardhë me xhama të zinj dhe njëri nga ata ka qëlluar mbi Fischer, të cilit Lady Gaga kishte vite që i kishte besuar kujdestarinë e qenve të saj.

Ajo që ndodhi më pas dihet, të dy rrëmbyesit u larguan me dy qentë e saj. Kujdestari kishte dalë për të shëtitur qentë pak më parë se ora 10 dhe u gjend i goditur nga 4 plumba në gjoks dhe është çuar në spital në gjendje jo shumë të qartë, edhe pse disa media amerikane thonë frazën e përhershme: “Për fat të mirë po merr veten”.

Gaga gjendet në Romë për të xhiruar, ashtu siç ishte njoftuar që më parë, në pjesën e dërguesit për vrasjen e Maurizio Gucci në 1995 (Reggiani u dënua me 26 vite burg për rolin e saj në vrasje). Ajo është tepër e lidhur me qentë e saj, aq shumë saqë zakonisht i merr më vete edhe kur udhëton për punë, siç ka qenë edhe rasti i Superbowl. Kësaj here ylli i popit kishte vendosur t’i linte ata në shtëpi dhe tashmë dy prej tyre janë rrëmbyer.

Nuk dihet ende nëse ishin qentë shënjestra e rrëmbyesve, megjithëse duhet thënë që ata i përkasin një race tepër të kërkuar (french bulldog) dhe vlerësohen mbi 10 mijë dollarë.

Irina Shayk me një pamje futuriste, siç nuk e keni parë kurrë më parë

Për kopertinën e numrit të ri të Vogue Russia, Irina Shayk pozon me një parukë jeshile acid në harmoni të përsosur me sytë e saj. Një look fanta-shkencë e viteve ’50 me ndarjen e flokëve në anë dhe valëzimin e ondeve stil vamp

Është nga të paktat yje millennial, që i rezistoi flokëve rozë, por që mesa duket është lëshuar në prehrin e të gjelbrës së fortë, pa asnjë hezitim. Ose ndoshta edhe po. Por look-u i zgjedhur është futurist dhe vitaminik dhe përfshin flokët vamp të viteve ’50.

Irina Shayk, hera e parë me flokë të “çmendur“

Deri më tani, më së shumti, ne e kemi parë atë të luhatet në të gjitha nuancat e modës nga bjonde në kafe të errët (ngjyra e saj natyrale). Por tani super-modelja ruse i mahnit fansat me një kthesë të fortë në ekstremin e gjelbër acid.

Në një nga tre kopertinat e marsit të Vogue Russia, ne gjejmë Irina Shayk në një dimension futurist, si të ketë dalë nga një film fanta-shkencë i viteve 1950, look i ideuar nga drejtori artistik, Harry Nuriev, i cili në kombinim me veshjet hapësinore ​​/ bon ton, vendosi ta bëjë atë të vinte një paruke retro vamp, me vijë në anë dhe onde të stilit Rita Hayëorth, paksa të rrumbullakosura dhe një shkallëzim të lehtë për të dhënë volum.

Paruka e krijuar nga prodhuesja e parukave Jennifer Renee ‘dhe stiluar nga stilisti i famshëm i flokëve Jacob Rozenberg, është në një hije të gjelbër acid, që është e përsosur në sytë smeraldë të supermodeles 35-vjeçare.

Sytë fluo dhe futurist

Tema e gjelbër totale ka përfshirë gjithashtu make-up-in e syve, të dizajnuar nga artistja e make-up Tatyana Makarova, në një version të syve mace neon me një impakt shumë të lartë grafik.

Një truk i përbërë nga dy nuanca të gjelbra, e ndritshme për eyeliner dhe nenexhik margaritar për bazën e hijes, e cila përfshin vetullat natyrale dhe vetëm një presje të zezë në cepin e sipërm të syrit.

Nga ana tjetër, goja është në rozë nude, siç e kërkojnë trendet e momentit. Ndërsa thonjtë, shumë të mprehtë dhe tepër të gjatë, janë pikturuar në një jargavan pastel metalik, që bëhet pothuajse argjend me dritat.

Martesa perfekte (beauty) me location-in modernist dhe surreal të shooting, që evokon një galaktikë paralele, të largët dhe super glam. Po çfarë i mungon, xhanëm!

Ermal Meta në Sanremo, kësaj here me një këngë pikante dhe shumë romantike

Kantautori gjithmonë i vëmendshëm ndaj çështjeve sociale, shqiptari i natyralizuar në italian. ka krijuar një stil shumë personal gjatë viteve. Kantautori që miksohet mes rrokut, popit dhe teksteve që denoncojnë me forcë problematika sociale.

Skena e Ariston-it tani është kthyer në shtëpinë e tij, kështu që Ermal Meta kthehet në garë në Sanremo 2021, me “Un milione di cose da dirti” (Një milion gjëra për të të thënë), një këngë pikante dhe shumë romantike, e cila tregon emocionet që shpërthejnë kur lind një dashuri e re.

Shqiptari Ermal Meta, tashmë kantautori italian i suksesshëm është një nga interpretuesit dhe autorët më të rafinuar dhe të kërkuar të skenës muzikore të vendit fqinj. Në gjendje të kalojë natyrshëm nga këngët e dashurisë në pjesë të angazhimit social dhe politik.

Pak nga Ermal Meta

Lindi në Fier në 1981 dhe më pas, në 1994 emigron me nënën dhe vëllezrit në Bari të Italisë. Do të ishte muzika ajo që do të bënte pak më të lehtë përshtatjen e të riut Meta në vendin e ri të jetës së tij. Në moshën 16 vjeç mori mësime kitare dhe pianoje dhe më pas u bashkua me grupin Ameba 4 të Barit si kitarist. Grupi mori pjesë në Festivalin e Sanremo në vitin 2006, në seksionin e të rinjve, me këngën “Rido… forse mi sbaglio”.

Pas eleminimit nga konkursi themeloi një grup rrok dhe regjistroi 3 albume dhe tentoi përsëri Sanremon pa sukses. Kishte ardhur koha për të garuar i vetëm.

Autori i hiteve të të tjerëve

Jo të gjithë e dinë në atdheun e tij se Ermal Meta është autor i shumë këngëve të bëra hit në Itali, ndër më të njohurit Annalisa dhe Patty Pravo. Stili i tij, midis sugjerimeve rock dhe pop, bëhet shumë i kërkuar, veçanërisht midis artistëve në zhvillim. Emma Marrone i shtohet buqetës së artistëve që tani janë të magjepsur nga talenti i Ermalit, me “Arriverà l’amore” me mbi 30 milion vieës.

Debutimi në Sanremo 2016

Në vitin 2016 kthehet në Sanremo, përsëri në kategorinë e të rinjve, me Odio le favole. Përveç bukurisë së këngës, kantautori bën përshtypje edhe me një detaj të pamjes së tij. Snearkers-at e tij me ngjyrat e ylberit ishin në mbështetje të ligjit për të drejtat civile, që aso kohe do të votohej në Senatin italian.  Një gjest i fortë që nxjerr në pah atë si artist dhe të ardhmen e tij muzikore, faktin që ai nuk është aspak indiferent ndaj çështjeve të rëndësishme sociale, çka do ta shoqërojë edhe më pas. As këtë herë nuk fiton, por e ardhmja e tij muzikore tashmë është përcaktuar.

Vietato morire: shenjtërimi i parë

Mbërrin 2017-a dhe Ermali gjendet përsëri në Sanremo, e kësaj here në sesionin Big. Vietato morire, një këngë kushtuar viktimave të dhunës ndaj grave, përfshirë të ëmën. Për herë të parë deklaron se largohet nga Shqipëria për shkak të abuzimit dhe dhunës. U rendit i treti në atë festival, por italianët kishin vendosur t’i jepnin çmimin e parë, sepse ajo këngë ishte më e dëgjuara dhe më e pëlqyera e asaj Sanremoje. Por shpejt do të vinte Sanremo 2018, e cila do t’i jepte më në fund çmimin e parë, në një duet me Fabrizio Moron. Kënga titullohej “Non mi avete fatto niente”, frymëzuar nga sulmi dramatik në Mançester gjatë koncertit të Ariana Grande. Kënga është një lutje pacifiste e përzemërt, e shoqëruar nga zëri i zemëruar i Moros që bërtet absurditetin e të gjitha luftërave që po zhvillohen në botë. Me këtë këngë u prezantua edhe në Eurovision, sesioni i të cilit bëri bashkë tre shqiptarë konkurues.

Sa i përket jetës dashurore, mbas mbylljes së një marrëdhënieje gati 10-vjeçare me spikeren e radios, Silvia Notargiacomo, një vajzë tepër e rëndësishme, sipas tij, për të, Ermali së fundmi është i fejuar me një tjetër bukuroshe, kësaj here nga bota e sportit. Për të dihet shumë pak, duke qenë se nuk ka as edhe profil në internet, megjithatë quhet Chiara Sturdà dhe kantautori Meta poston herë pas here në profilin e tij, foto nga marrëdhënia e lumtur që tashmë ka.

Në Sanremo 2021 me “Un milione di cose da dirti”

“Një këngë dashurie shumë e thjeshtë”, kështu shprehet Ermal Meta në një konferencë për shtyp, për këngën që do të konkurrojë mes 26 Big-ve. Sound-i thelbësor dhe disa akorde pianoje do të tregojnë diçka shumë personale – e pamundur të mos mendosh që i kushtohet Chiara-s – por që këngëtari shpreson ta sjellë në një nivel universal.

Të shohim se si do të shkojë kjo Sanremo për bashatdhetarin tonë të talentuar.

Heather Parisi shkakton stuhi në rrjetet sociale, e shqetëson situata covid apo ka nevojë për pak vëmendje?

Postimi në Instagram i yllit të show-t italian nuk kaloi pa u vënë re, duke rifreskuar ndjekësit për situatën emergjente në qytetin ku ajo jeton. Dhe polemikat shpërthejnë: një figurë publike nuk mund të thotë disa gjëra

Heather Parisi ia arrin ta kthejë vëmendjen nga vetja, si gjithmonë e si pjesa më e madhe e yjeve. Një nga postimet e saj në Instagram ishte e mjaftueshme për të ndezur rrjetin. Tema e diskutimit, e zakonshme si vitin e kaluar: kovid dhe maska, bllokim dhe vaksina.

“Hong Kongu mundi Covid-19 pa bllokim dhe pa vaksina!”, brohoriti ylli i vallëzimit, duke postuar një foto nga qyteti ku jeton me burrin dhe binjakët e saj.

Heather Parisi, covidi dhe Hong Kongu

“Me vetëm 8 raste me covid-19 dhe lehtësimin e pothuajse të gjitha masave të distancimit social, më në fund “të gjithë të lirë”!!!

Kështu shkruajti show-girl-i tre ditë më parë në mediat sociale, duke ndarë një imazh të saj në rrugë me maskën e ulur. Pastaj një rifreskim lajmesh për ndjekësit, të shtunën e kaluar, në të cilin ajo deklaron se qyteti është i lirë nga pandemia: “Vaksinimi mbi një bazë ekskluzivisht vullnetare (për momentin edhe për personelin mjekësor), do të jetë në dispozicion vetëm nga fundi i javës dhe nuk duket se u intereson shumë qytetarëve. Padyshim që nuk mund ta gjeni këtë lajm në mediat kryesore. Pyes veten pse!”, shkroi ajo.

Postim me të cilin 61-vjeçarja e dinte shumë mirë se mund të tërhiqte vëmendjen e fansave.

Polemikat dhe disa gjëra që një figurë publike nuk mund t’i thotë

Reagim i menjëhershëm nga përdoruesit. “Për ne profesionistët e shëndetit, të dëgjosh këto gjëra është një trishtim i madh,” shkroi një ndjekës. Dhe ka nga ata që theksojnë: “Por ju e keni vënë maskën për një kohë të gjatë. Shkollat ​​janë mbyllur prej muajsh. Ke hyrë në dyqane me kontrolle të ndryshme. E ke shkruar i. Dhe ke postuar foto. Me ato masa të respektuara nga të gjithë, sot ndoshta je ti që i ke thyer”.

“Ju jetoni në një vend ku disiplina është në fuqi, dhe nëse ajo që thoni është e vërtetë, nëse shteti juaj nuk gënjen për numrat, arsyeja pse keni dalë nga ky makth është pikërisht disiplina e imponuar”, komenton një ndjekës, i cili e akuzoi Parisin për sipërfaqshmëri, për biseda të pakuptimta dhe e fton atë, si një figurë publike, të mos lëshojë disa deklarata të pavënda.

Heather Parisi: “Unë kam jetuar këtu për 10 vjet”

Përgjigja e balerinës ndaj akuzave nuk vonoi të vinte.

“Është e çuditshme dhe madje pak e dyshimtë, që shumë pranojnë se gazetat dhe mediat kryesore flasin për atë që po ndodh në botë, por nuk e pranojnë ndërsa ata që jetojnë aty flasin për të. Keni frikë të largoheni nga zona juaj e rehatisë? Keni frikë se ju lëkunden bindjet? Intolerancë ndaj ideve të të tjerëve? Apo frikë nga konfrontimi?”, shkruan në një postim të gjatë në Instagram.

“Unë kam jetuar në HK për më shumë se 10 vjet dhe mund të flas për këtë me fakte dhe pa frikën se mos gaboheni”, vazhdon ajo.

Dhe vazhdon: “Respekti për ata që kanë vdekur nuk do të thotë të fusësh kokën në rërë si strucët dhe të heshtësh botën përreth tyre, por të përpiqesh të kuptosh pse ndodhi, cilat dhe të kujt janë përgjegjësitë dhe ballafaqimi me ato që, duke vepruar ndryshe, kanë arritur rezultate të ndryshme”. Shkurtimisht, pra, mbi përgjegjësinë e një figure publike dhe lirinë e fjalës:

“Ju lutemi më shpjegoni një herë e përgjithmonë pse përgjegjësia e figurës publike ekziston vetëm kur idetë tuaja nuk “përputhen” me ato zyrtare. Dhe pse nuk ka asnjë përgjegjësi për “të ashtuquajturit ekspertë”, të cilët gjatë gjithë këtyre muajve kanë mohuar njëri-tjetrin dhe janë mohuar nga faktet? Apo sepse nuk ka asnjë përgjegjësi për mediat që e kanë kthyer në alarm dhe terror, mantrën e tyre të përditshme?”.

“Allen v. Farrow” ose lufta e yjeve, Woody Allen dhe Soon-Yi vendosin të flasin

Ai dukej se kishte vendosur të heshte. Por, pas episodit të parë të mini-serialit me pretendimin e “certifikimit” të vërtetësisë së akuzave 30-vjeçare për pedofili, regjisori arkivon dokumentin nën titullin “marrëzi”!

Reklamuar me zhurmë të madhe si prova “përfundimtare”, pas dekadash akuza, të sjelljes famëkeqe të Woody Allen ndaj vajzës së tij të birësuar Dylan, e para nga katër episodet e dokumentarit “Allen v. Farrow” u transmetua mbrëmë në HBO, duke shkaktuar polemika të pashmangshme, por edhe reagimin e regjisorit dhe gruas së tij Soon-Yi.

Mandatory Credit: Photo by Globe Photos/mediapunch/Shutterstock (10313110a)Woody Allen_familyWoody Allen and Mia FarrowPhotograph by Courtesy of HBORonan Farrow, Lark Previn, Woody Allen, Dylan Farrow, Fletcher Previn, Daisy Previn, Soon-Yi Previn, Moses Farrow, Mia FarrowHBOAllen v. Farrow

Përmbledhja e një prej skandaleve publike më të përfolura të tridhjetë viteve të fundit, miniseria – drejtuar nga Kirby Dick, Amy Ziering dhe Amy Herdy – rindërton të gjitha pjesët e historisë që shpërtheu në fund të vitit 1992. Pasi kishte zbuluar marrëdhënien midis Woody dhe Soon- Yi, vajzës së birësuar të aktores, mes betejës për kujdestarinë, Mia akuzoi partnerin e saj për abuzim seksual të vajzës së saj 7-vjeçare Dylan.

Allen v. Farrow: miniseria

I ndarë në katër episode, dokumentari ndërthur intervista ekskluzive me Mia Farrow, fëmijët Dylan dhe Ronan Farrow, mikun e familjes Carly Simon dhe avokatin Frank Maco, plus të afërmit e tjerë, miqtë dhe dëshmitarët e “dorës së parë”. Me pak fjalë, në bazë të Leaving Neverland të mëparshëm, gjithashtu nga HBO, i cili rindërtoi një histori të ngjashme kundër Michael Jackson të akuzuar nga Wade Robson dhe James Safechuck, për abuzim seksual të tyre për vite me radhë, Allen v. Farrow duket qartë se është “orkestruar” në favor të Farrow.

(clockwise fr. top L) Actress Mia Farrow w. longtime boyfriend, director Woody Allen, their son Satchel and adopted daughter Dylan. (Photo by David Mcgough/DMI/Time Life Pictures/Getty Images)

Nuk ka shumë më tepër sesa ajo që dihet tashmë për historinë. Përsëritet versioni në të cilin Woody Allen do t’i bënte presion Dylan-it të vogël për t’i thithur gishtin e madh të tij, ai ishte i fiksuar pas saj dhe e ka parë atë duke fjetur me sy “të tërbuar”. Akuzat që Farroë i bën ish-partnerit pas zbulimit të fotove shumë të qarta të vajzës tjetër të adoptuar, Soon-Yi Previn, të lënë në mënyrë të hapur nga Allen, në shtëpinë e tij. Detajet janë treguar aq shumë herë dhe aq “mirë”, saqë tani kanë hyrë në kujtesën kolektive.

E reja është përdorimi i shumë materialeve të periudhës, jo në formë lajmesh, por në formën e filmave familjarë. Këto klipe të xhiruar nga Mia, gjatë viteve tetëdhjetë, dhe më pas të edituara me shkathtësi, janë “kolona zanore” e fjalëve që miqtë e familjes rezervojnë për nënën e përsosur. Mbi skenat e fëmijëve duke buzëqeshur, puthur dhe vrapuar të lumtur pranë “përbindëshit” Allen, për të cilin Mia pretendon se ishte gjëja për të cilën pendohet më shumë në jetë.

Reagimi i regjisorit dhe gruas së tij Soon-Yi

Kush e di se çfarë do të shohim kaq “flagrante” në episodet e ardhshme, por ndërkohë, Woody Allen dhe Soon-Yi kanë thyer heshtjen e tyre për këtë çështje.

“Këta regjisorë nuk kanë interes për të vërtetën”, thuhet në një deklaratë të përbashkët të lëshuar nga një zëdhënës i çiftit. “Përkundrazi, ata kaluan vite duke bashkëpunuar fshehurazi me Farrows, për të mbledhur një vepër plot gënjeshtra”.

Deklarata thotë se Allen dhe Soon-Yi “u kontaktuan më pak se dy muaj më parë dhe produksioni i “Allen v. Farrow” i dha vetëm disa ditë kohë për t’u përgjigjur. Gjë që ata kategorikisht e refuzuan”.

“Siç dihet për dekada, këto pretendime janë kategorikisht të rreme,” vazhdon deklarata.

“Shumë, duke përfshirë policinë, e cila hetoi në atë kohë, duke pretenduar se asnjë abuzim nuk ka ndodhur kurrë. Përkundër asaj që Dylan beson dhe thotë. Për çudi, është vetë HBO që transmeton dokumentarin. Meqenëse ai ka një kontratë prodhimi dhe marrëdhënie tregtare, me Ronan Farrow”.

Cameron Diaz e ka të pamundur të qëndroj larg rolit të saj të fundit. E pse?

Seks-bombë e komedive amerikane të viteve ‘90, në intervistën e fundit aktorja kaliforniane Cameron Diaz u shpreh se dëshironte të vazhdonte t’i përkushtohej ekskluzivisht familjes. Arsyeja? Një vajzë e vogël e bukur me emrin Raddix

Për më shumë se një vit Cameron Diaz është nëna e lumtur e Raddix-it të vogël, ndërsa për gati shtatë vjet ajo nuk duket më në ekranin e madh të kinemasë. Një zgjedhje e diktuar fillimisht nga martesa me kitaristin Benji Madden (në 2015) dhe më pas nga zgjerimi i familjes.

Bjondja atomike e kaq shumë komedive kult, që nga “Të gjithë të çmendur për Merin” te “Dasma e shokut tim më të mirë”. Kaliforniania e parezistueshme tani kujdeset për shtëpinë, blerjen e ushqimeve dhe verërat organike. Dhe e ftuar në një shoë amerikan, së fundmi, ajo deklaroi se nuk ka në plan t’i kthehet aktrimit. E pamundur ta ndash atë nga foshnja e saj.

Cameron Diaz dhe zgjedhja e jetës

“Martesa me të ishte gjëja më e mirë që më ka ndodhur ndonjëherë”, janë fjalët e saj. Dhe tani që Raddix, e cila ka lindur përmes një nëne zëvendësuese në dhjetor 2019, ka mbërritur, me kulmin e dashurisë së tyre të madhe, aktorja po mendon vetëm për familjen.

E ftuar në show-n amerikan Quarantined with Bruce – për të promovuar verërat e saj organike – Cameron ka rikonfirmuar zgjedhjen e saj të jetës, duke deklaruar: “Nuk mund ta imagjinoj veten në sheshin e xhirimit 14-16 orë në ditë, larg vajzës sime të vogël që është vetëm një vjeç. Unë jam e privilegjuar dhe më vjen keq për të gjitha nënat që detyrohen të shkojnë në punë”.

Dashuritë e një bjondeje hollivudiane

Para se të takohej me Benjin, Cameron kishte një jetë dashurie me shumë ngjarje. Flirti i saj i parë publik daton që nga prodhimi i filmit kult të vitit 1998, “All Crazy About Mary”, ku ajo bie në dashuri me bashkëprotagonistin, yllin Matt Dillon. Idili nuk zgjati shumë dhe, në zemrën e aktores, Matt u zëvendësua shumë shpejt nga Jared Leto atëherë thuajse i panjohur.

Katër vjet pasion që përfundojnë për shkaqe të panjohura. Kështu hyn në skenë ylli i popit, Justin Timberlake, gati dhjetë vjet më i ri se ajo. Por edhe kjo marrëdhënie nuk zgjati. Në 2015-ën, falë shoqes së saj Nicole Ritchie, ajo u takua me kitaristin e grupit rock Good Charlotte, Benji Madden, me të cilin u martua vetëm dhjetë muaj pas dashurisë me shikim të parë.

Ylli i komedisë amerikane të viteve ’90

E nis karrierën si modele dhe vetëm 21 vjeç, Diaz bën debutimin e saj me The Mask, filmin kaq gazmor e që shkëlqyeu, në rolin e vogëlushes seksi të një gangsteri, që do të pushtohej nga fytyra prej gome, Jim Carrey. Suksesi i filmit e katapultoi atë në Hollywood dhe, për disa vjet, ajo ishte në kastin e dy filmave ikonë të dekadës. Së pari, në “Të gjithë të çmendur për Merin” – me modelin e paharrueshëm “spermatik” – dhe më pas në “Dasma e mikut tim më të mirë”, ku gjendet “rivalja e dashurisë” së Julia Roberts.

Vitet 2000 e gjetën të angazhuar në role dramatike, një ndër të cilët “Gangs of New York” nga Martin Scorsese, por ajo nuk hoqi dorë nga rrëfimi i saj komik, siç ishte rasti në reboot të Charlie’s Angels. Duke alternuar, në vitet në vijim, filmat e angazhuar në rom-com të gjitha pikante. Deri në rolin e saj të fundit, në përrallën Annie “Lumturia është ngjitëse” në 2014-ën.

Mirë, tani bën nënën me kohë të plotë dhe morëm vesh që nuk ka ndërmend ta lëri rolin e fundit për asgjë në botë, e sidomos sepse është filmi më real i jetës së saj.

Shokon Demi Lovato: “Kam 9 jetë si macja ime. Pas overdozës pata tre goditje në tru dhe një sulm në zemër”

Këngëtarja e zbulon këtë në trailerin e dokumentarit “Dancing ëith the Devil”, i cili do të prezantohet në Mars në YouTube

“Mjekët më thanë se edhe 10 minuta të tjera dhe unë do të isha e vdekur”, kështu Demi Lovato rrëfen një nga periudhat më të errëta të jetës së saj.

“Pas një mbidoze, në vitin 2018, pata tre goditje në tru dhe një sulm në zemër dhe tani kam trurin të dëmtuar, nuk mund të ngas makinën dhe e kam të vështirë të lexoj … “, zbulon këngëtarja amerikane, 28 vjeç, në trailerin e “Dancing with the Devil”, shpërndarë në rrjetet sociale, një dokumentar, që vjen në YouTube në Mars dhe që flet për shëndetin mendor dhe varësitë.

“Shikimi im ka akoma pika të verbra”, thotë Lovato duke folur për efektet e mbidozës.

“Për një kohë të gjatë me të vërtetë kisha shumë vështirësi në të lexuar dhe ende luftoj sot: shikimi im është i paqartë dhe nuk mund të ngas makinën”.

Këngëtarja kujton me emocione momentet dramatike të korrikut 2018, kur u gjet në shtëpinë e saj në Hollywood, gati e vdekur nga mbidoza e heroinës, dhe muajt e mëparshëm që e çuan deri atje.

Në trailer, Demi gjithashtu tregon një imazh tronditës të dorës së saj të tatuazhuar, e lidhur në një sorum dhe të mbuluar me shirit mjekësor, me një bandë spitali të rrotulluar rreth dorës së saj, ku lexohet data e lindjes së Lovatos, 20 gusht 1992, si dhe data në të cilën ajo u shtrua në spital: 24 korrik 2018.

Pas asaj incidenti, i cili ndryshoi jetën e saj përgjithmonë, por edhe atë të të dashurve pranë saj, këngëtarja filloi një rrugë rehabilitimi: “Unë kam pasur shumë jetë, si macja ime. Jeta e nëntë”, theksoi ajo, por “Jam gati të kthehem të bëj atë që dua, që është muzika”.

Në trailer, Demi tregon hapat e ndryshëm të karrierës së saj, nga starleta Disney te ylli i popit dhe mbi të gjitha muajt e trazuar që çuan në mbidozë, e cila gati sa s’i kushtoi jetën. Në video shfaqen gjithashtu e ëma e Demit, Dianna De La Garza, njerku Eddie, motra e madhe Dallas, 33 vjeç dhe gjysmë-motra e vogël Madison, të cilët kanë qenë gjithmonë pranë saj.

Në dokumentar, megjithatë, nuk do të flitet vetëm për varësinë e saj, por edhe për çrregullimet e të ngrënit dhe diagnostikimin me bipolarizëm, me pak fjalë, të gjitha sfidat që lidhen me shëndetin e saj mendor.