Pas 5 vitesh, Niki Delijorgji do të ndryshojë krejt statusin e saj: Do të kem fëmijë dhe vilë në…

Niki Delijorgji iu bashkua vajzave në episodin e dytë të “Albania Best Deal”. Ky është një reality show që ka për fokus gjetjen e ofertës më të mirë në resortet më të mira të Shqipërisë.

Gjatë bisedave argëtuese në makinë, teksa udhëtonin për në Shëngjin, Niki Delijorgji paralajmëron se pas 5 vitesh do të ndryshojë krejtësisht statusin e saj. Ajo zbulon se do të jetë në një vilë në Los Angeles, por jo vetëm kaq.

“Ose do të jem shtatzënë, ose do të kem ndonjë beb aty afër dhe një burrë ideal”, shprehet Niki.
Mesa duket, e reja i ka të qarta gjërat për të ardhmen e afërt dhe këto i morëm vesh falë reality show-t më të ri.

Po ju keni ndonjë plan për pas 5 vitesh, apo ç’e deshe?

Ariana Grande u martua në fshehtësi, po si dukej ajo me fustan të bardhë? [FOTO]

A nuk jemi të gjithë kureshtarë të dimë se si dukej Ariana Grande me fustan të bardhë? Disa ditë pas ngjarjes së madhe, që u zhvillua në fshehtësi, Ariana Grande poston foto të saj “me të bardha”. Ala Audrey Hepburn dhe me mikro-tatuazhet e saj bashkëkohore

Më 15 maj 2021, Ariana Grande u martua me sipërmarrësin imobiliar, Dalton Gomez. Por, tani, më në fund, mund të shohim pamjen e nuses së re. E rafinuar dhe me stilin Audrey Hepburn të modelit të flokëve dhe make-up-in e syrit të viteve ’60, por me mikro-tatuazhe të dukshme.

Ariana Grande, edhe bashkëkohore, edhe bon ton

Për të interpretuar në skenë ajo zgjedh temina e vezullimet, minifundet vinil, platetë marramendëse. Por kur bëhet fjalë për një nga ditët më të rëndësishme të jetës, edhe Ariana Grande mbështetet në klasikët e mëdhenj të modës dhe bukurisë. Ylli i pop-it, fituese e shumë çmimeve edhe pse vetëm 28-vjeçare, u martua në Montecito më 15 maj 2021. Dhe tani, më në fund  mbërrijnë fotot e ceremonisë intime, që u zhvillua në rezidencën e saj.

Look-u i nuses është frymëzuar qartësisht nga Audrey Hepburn, me stilin e pagabueshëm bon ton. Me përzierjen e saj perfekte të linjave minimaliste dhe detajeve që sjellin feminitetin. Veshja e bardhë saten bustier me shpinën e zhveshur është nënshkruar nga Vera Wang, ndërsa vathët e diamantit nga Lorraine Schwartz.

Me flokët gjysmë të mbledhur dhe vellon e shkurtër

Ariana Grande ka zgjedhur një model flokësh gjysmë të mbledhur. Stilisti i flokëve, Josh Liu, ka përdorur stilin ultra bazik, çka është edhe stili i parapëlqyer i këngëtares, me mbledhje tepër të tërhequr për të krijuar kështu edhe tërheqjen e syve. Gjë që do t’i jepte më pas dorë edhe make-up artist për të krijuar “sytë e maces”.  Flokët janë punuar me mjeshtëri, për t’i dhënë liri lëvizjes së tyre poshtë vellos së shkurtër.

“Syri i maces” i kombinuar me mikro-tatuazhe

Grimi është gjithashtu minimalist. Në postimin e yllit, i cili brenda pak orësh fitoi 14 milionë pëlqime dhe mbi 90.000 komente, mund të shihet nga afër “syri i maces”. U krijua me eyeliner tepër të hollë dhe të zi, nga artistja e make-up-it, Ash K Holm. Për t’i dhënë fytyrës prekjen e plotë të viteve ’60, përdorimi i qerpikëve të rremë. Më pas vjen modernistja, një nuancë sysh rozë në tullë, e sfumuar.

Sytë kombinohen në mënyrë perfekte me mollëzat dhe buzët. Do të betoheshim se është një foto që vjen nga vitet e largëta ’60, po të mos qe për tatutë e Ariana Grandes, që shfaqen në shpatull e midis gishtave.

Shqipëria në Finalen e Madhe, Anxhela Peristeri shkëlqen në Eurovizion

anxhela peristeri ne eurovizion

Anxhela Peristeri e dërgon Shqipërinë në Finalen e Madhe të Eurovizionit. Ngjarja muzikore e gjysmë-finales u zhvillua mbrëmjen e djeshme, 20 maj, në Roterdam Të Hollandës. Performancë e shkëlqyer e këngëtares shqiptare me zë të mrekullueshëm.

Anxhela Peristeri garoi mbrëmjen e djeshme, në natën gjysmë-finale të Eurovizionit e 11-ta në radhë. Performanca e saj e mrekullueshme dhe zëri potent kualifikuan Shqipërinë në Finalen e Madhe të Eurovizionit 2021.

Performanca e Anxhela Peristerit

E shfaqur në skenë e vetme, pa komplekset shoqëruese dhe pa balerinë, vetëm me efektet skenike, e gjithë vëmendja ishte tek Anxhela Peristeri dhe interpretimi i saj. Anxhela drithëroi zemrën e gjithë shqiptarëve me këngën Karma, duke demonstruar një potencë vokale të shkëlqyer në skenë.

Kartolina prezantuese e saj, posaçërisht për natën gjysmë-finale të Eurovizionit, e shfaq këngëtaren shqiptare duke luajtur në violinë. Të pafund urimet nga të gjithë emrat më të njohur të muzikës shqiptare e jo vetëm, si edhe ish-pjesëmarrësit në Eurovizion, për këngëtaren tonë. Edhe thirrjet për të votuar #11, Shqipërinë gjithashtu.

Faqja zyrtare e Instagramit të Anxhela Peristerit mori flakë dje nga të gjithë mbështetësit dhe miqtë e saj. Dhe Shqipëria në Finalen e Madhe, Anxhela Peristeri rrëmbeu një vend të sigurt për datën 22, nata që do të vendosë fituesin e Eurovizionit.

Look-u i Anxhelës në Eurovision

Nuk ishte e rastësishme (nuk është asnjëherë) që Anxhela u shfaq në skenën europiane të këngës me veshjen e stilistëve shqiptarë.

Këtë herë veshja e saj mbante firmën e Kujta & Meri dhe ishte kompozuar në formën e një bady në ngjyrë argjendi, punuar totalisht me gurë. Nga ana tjetër, parukieri Kaci Lleshi dhe Sageri Makeup Studio bën skuadrën e performancës së Anxhela Peristerit dhe dhanë gjithë shkëlqimin e saj e të Shqipërisë që ajo përfaqëson, në skenën hollandeze të Eurovizionit.

anxhela peristeri ne tapetin e kuq

Pak ditë më parë në një sondazh të zhvilluar në faqen më të madhe të eventit, Anxhela Peristeri u përzgjodh e vëshura më bukur në tapetin e kuq, me një tjetër veshje nga një tjetër stilist shqiptar, me famë botërore tashmë, Valdrin Sahiti.

Ariana Grande është martuar. Ceremonia, e fshehtë dhe intime.

ariana grande dhe dalton gomez

Ariana Grande është tani zyrtarisht e martuar. Ceremonia e fshehtë dhe intime u zhvillua në lagjen e pasur kaliforniane.

Ata ishin bashkë që prej dhjetorit 2020, por Ariana Grande dhe Dalton Gomez edhe këtë kanë dashur ta mbajnë të fshehtë. Herë pas here, megjithatë, ndonjë postim e kanë bërë.

Gjithsesi, Ariana Grande, 27 vjeç, dhe Dalton Gomez, 25 vjeç, u mësua të kenë lidhur kurorë në fshehtësi në lagjen e pasur Montecito, në Kaliforni. Fituesja e çmimit Grammy është fqinje e emrave të njohur si Oprah Winfrey, Ellen DeGeneres dhe Princi Harry e Meghan Markle.

Ceremonia ndodhi gjatë fundjavës, në praninë e rreth 20 të ftuarve. Burime për tabloidët amerikanë bëjnë me dije se atmosfera ishte e ngrohtë dhe plot dashuri.

“Ata u martuan. Ishte [ceremoni] e vogël dhe intime – më pak se 20 njerëz. Dhoma ishte aq e lumtur dhe plot dashuri. Çifti dhe të dy familjet nuk mund të ishin më të lumtur”.

Kështu u shpreh një nga përfaqësuesit e këngëtares për PEOPLE, lidhur me ceremoninë e martesës së dy të rinjve.

Pavarësisht ceremonisë së ngushtë, Ariana dhe Dalton, një agjent i pasurive të patundshme, kanë shkëmbyer pranimin tradicional, edhe pse nuk dihet nëse ishte një vendim i shpejtë, apo ceremonia ishte vendosur prej kohësh.

Dasma u zhvillua në oborrin e shtëpisë së Arianës dhe për çiftin kishte rëndësi që të kishin familjet pranë e ta shijonin për vete ditën e madhe.

Duhet thënë se çifti kishte kaluar periudhën e lockdownit bashkë, periudhë e cila ndoshta ishte decizive në vendimin e tyre për martesën.

I pari afro-amerikan që kryeson listën vjetore të stilistëve më influent në botë. Kush është dhe kë vesh?

Hollywood Reporter, revista amerikane e përqendruar në industrinë e filmit, televizionit dhe argëtimit me në qendër Hollivudin, çdo vit organizon listën e stilistëve më influentë në botë.

Këtë herë nuk ka asnjë diskutim, në majë të renditjes është Law Roach, stilisti me ngjyrë më i dashur për emra që tashmë i njihni mirë dhe i ndiqni ngado. E kemi fjalën për Zendaya, Anya Taylor-Joy, Ariana Grande, por edhe Céline Dion.

Çfarë dimë për stilistin Law Roach?

Në krye të top-12-shes së stilit, i pari afro-amerikan mashkull në Hollywood’s Most Powerful Stylists 2021.

Edhe nëse nominimi për Stilistin më të Mirë të vitit nuk të çudit shumë, duke pasur parasysh eksperiencën e Roach, çmimi duhet thënë se është tepër revolucionar. Ai ka punuar me yjet për rreth 7 vite intensive, të mbushura me tapetë të kuq dhe kopertinat nga më prestigjoze në botë.

42 vjeçar, amerikan dhe me ngjyrë, ai e di mirë që të futesh në renditje, nuk është e lehtë.

“Jo shumë stilistë black kanë mundësinë të hyjnë në renditje, sepse ata nuk mund të punojnë me të famshmit në Oskare, në Globes. Thjesht nuk e kemi këtë mundësi”, është shprehur ai.

E megjithatë, aktualisht, ai është një nga stilistët më të spikatur, jo vetëm për look-et me të cilat ka prezantuar yjet në tapetin e kuq, por edhe për rolin e tij si gjyqtar në “Legendary”, shfaqjen HBO Max, së bashku me Megan Thee Stallion, Leiomy Maldonado dhe Jameela Jamil.

Dhe sot ai është njeriu i parë me ngjyrë që triumfon në renditjen, e cila përfshin edhe emra silistësh tepër të njohur, si Jason Bolden dhe Nicola Formichetti. Në vitin 2017, ai tashmë kishte rrëmbyer titujt e revistave, duke qenë i pari stilist me ngjyrë në kopertinën e një reviste si Hollywood Reporter.

Kush janë yjet e Law Roach

Dy më të spikaturat dhe te të cilat dora e tij është e spikatur, për të mos thënë që i ka bërë ai, sa i përket stilit, janë Zendaya dhe Anya Taylor-Joy. Janë këto të dyja që e shoqërojnë atë në kopertinën e nderit të Hollywood Reporter 2021.

Roach filloi të hidhte hapat e parë të karrierës së tij me Zendaya-n në 2011. Por lista është rritur në mënyrë drastike me kalimin e viteve: për momentin ai gjithashtu vesh Kerry Washington, Priyanka Chopra Jonas, Tom Holland, Hunter Schafer, Tiffany Haddish dhe Aldis Hodge. Kohët e fundit, ai ka punuar me Halsey-n.

Dhe në të kaluarën, ka qenë ai që ka rifreskuar look-un e Celine Dion, duke filluar me veshjen e çuditshme Stéphane Rolland, që ylli i muzikës veshi në Billboard Awards 2017.

Celine Dion, Law Roach, and Zendaya në 2019, Met Gala
Strategjia e Law që “ndërtoi” Zendaya-n

Stilisti Law Roach e quan motër të vogël atë. Ai rrëfen se si e mori përsipër që nga momenti kur ajo ishte ende një vajzë e vogël në radhën e Disney-t.

Por ai ka një strategji të vetën dhe duket se funksionon në mënyrë të përsosur. Të përqëndrohesh te markat e vogla më mirë se te ato të mëdhajat, derisa këto të fundit të të shohin e të të shquajnë. Dhe kjo ishte që bëri ai me Zendaya-n.

Sot ajo është muza e Valentinos, por në fillimet e saj, para se të shfaqej nëpër kopertina, ajo nuk veshi kurrë ndonjë nga rrobat e Valentinos.

Dhe besoj se ju kujtohet mirë veshja Valentino e saj, në Oskar 2021, cut-out-i në ngjyrë të verdhë-kanarinë, e dizenjuar nga Maison, por e zgjedhur për të nga Law.

Sigurisht që nuk është e vetmja veshje, sepse fare mirë mund t’i referohemi edhe çmimeve Emmy 2020, ku ajo triumfoi me Euphoria, dhe u shfaq me veshjen me pika të Alexandre Vauthier; apo në Critics’ Choice Awards 2020, ku u shfaq me veshjen pink on pink, Tom Ford, me crop-top-in metalizato në stil prazmoreje. E në këtë rast, Laë e quajti atë “grua luftëtare”.

Law Roach dhe sfida e tij

Stilisti me ngjyrë i të famshmëve të të gjitha etnive, me fat përveç punë e talent. Dhe Roach dëshiron ta nënvizojë këtë, me zgjedhjet emblematike të stilit. Ashtu si veshja më e fundit e Zendaya-s në Essence Black Women në Hollywood Awards. Një veshje nga Saint Laurent, blu me mëngë të fryra, veshur më parë nga bashkëthemeluesja e revistës Ebony Eunice Johnson.

Por kjo nuk është e gjitha. Në vitin 2020 Roach krijoi fondacionin fLAWless, në bashkëpunim me Rebuild the Hood, një organizatë jofitimprurëse për rivlerësimin e komunitetit afro-amerikan dhe hashtagu i tij është në çdo postim. Ai ka mbledhur mbi 100.000 dollarë për të ndihmuar bizneset në pronësi të afro-amerikanëve. Dhe është në ballë të zbulimit dhe mbështetjes së talenteve të reja: si Kollin Carter, e cila dikur ishte ndihmësja e tij dhe që tani vesh Cardi B.

Tani me renditjen në vendin e parë, me siguri që ndihma dhe mbështetja komunitare e Law Roach do të jetë edhe më e madhe.

Çmimet David di Donatello 2021: Checco Zalone fiton çmimin i veshur “me pizhama”, ca thashetheme për tapetin e kuq

Sado që më shumë një ngjarje kombëtare, nuk na lë dot indiferent festa e shpërndarjes së çmimeve të kinematografisë italiane. Një Itali që e kanë zili në të gjithë botën për artin dhe kulturën, nuk mund të mos jetë në qendër të vëmendies edhe në një event të tillë.

Dje mbrëma u zhvillua spektakli i shpërndarjes së statujave David, për kinematografinë italiane. Duke qenë se në vendin fqinj ka vetëm pak ditë që janë liruar masat anti-covid, ngjarja u zhvillua nën masa të kujdesshme dhe kështu që në dy salla dhe u prezantua nga Carlo Conti.

Të gjithë gjigandët e kinemasë italiane ishin aty, ishte e madhja Sofia Loren, Sandra Millo, e cila mori çmimin e karrierës, e deri te më e reja Matilda de Angelis. Madje edhe Laura Pausini, që për pak sa nuk mori një Oskar për këngën më të mirë të filmit.

Nëse skenën e David di Donatello 2021 e pa më shumë fituesi i tre statuetave, filmi “Volevo Nascondermi” nga Giorgio Rights, me Filmi më i Mirë, Regjia më e Mirë dhe Aktori më i Mirë (Elio Germano), tapetin e kuq e populluan të gjithë me një dëshirë të madhe dhe me distancim sigurisht.

Por para se të shkojmë te tapeti i kuq, çfarë ishte më shumë për t’u shënuar nga spektakli, do të ishte patjetër Checco Zalone, që edhe në këtë rast zyrtarë e serioz, nuk mund të na linte pa na bërë të qeshim me batutat e tij.

Pak siç së fundi po ndodh, kujtojmë rastin e Oskarit të Anthony Hopkins, e mbase edhe fare rastësisht, se ndoshta mendonte që çmimin mund ta merrte Laura Pausini, Checco e mori çmimin nëpërmjet lidhjes internetike dhe thuajse me pizhama (në fakt me një t-shirt normal). Në lidhjen e bërë, ai pranoi se i erdhi i papritur çmimi dhe se e gjithë familja e tij ishte duke fjetur e as që i bëhej vonë se çfarë çmimesh merrte.

“Po ta dija do të vija. Familjes sime as që i bëhet vonë nëse fitoj çmime… falenderoj Akademinë për çmimin e merituar”, e mbylli ai duke shkaktuar si gjithmonë të qeshura në sallë. Checco mori çmimin e Këngës më të Mirë, pjesën Immigrato, për filmin e tij “Tolo, tolo”.

Edhe një herë tjetër Laura Pausini u nda pa çmim, edhe pse ishte veshur si anëtare jurie që do të duhej të jepte çmime, me kostumin Valentino.

Sa i përket tapetit të kuq, u duk se mbizotëronin pantallonat dhe sidomos jumpsuit-et, gjithsesi mediat italiane i quajtën mesatare dhe stil british, veshjet e këtij tapeti.

Micaela Ramazzotti u pa të parakalojë me një veshje nga Gucci, të stilit të viteve ’80, me mëngët e gjera e të fryra.

Ndërkohë që Sophia Loren kishte zgjedhur “strategjinë” Marlene Dietrich, nga Armani Privé që shënjonte ato harqet e saj të kujtimeve rinore. Por çmimi Aktorja më e Mirë, për të dytën herë, i shkonte shumë me shpirtin e saj. 

Në antipodë, mbretëresha e vitit të kinemave të mbyllura, të Sanremos dhe të Netflix, Matilda De Angelis kishte zgjedhur një veshje të thjeshtë Prada me rripa. I thjeshtë, por edhe ai me një lidhje precize me historinë e kostumeve dhe kinemasë: në nder të Anna Magnani.

Vittoria Puccini me një fustan Valentino dhe bizhu Bulgari, duket si një dea greke.

Alba Rohrwacher me Valentino Haute Couture, duket pak si motra e Hirushes që nuk i hyn mirë këpuca në këmbë.

Pastaj, kemi Ginevra Elkann me Guccin e saj, që përfundon me “perden e stilit barok”.

Kjo jaka në veshjen Gucci të Benedetta Porcaroli-t, nuk është se merret shumë vesh, po hajt më

Fabio e Damiano D’Innocenzo me Gucci, por seç ka një gjë që të lë të dëshiruar në të dy.

Sandra Milo me Rocco Barocco dhe me çmimin e karrierës më në fund. Kohë mbretërish të rëna nga vahti.

Claudia Gerini me Giorgio Armani Privé. Si në siklet duket, megjithatë.

Paola Cortellesi, i bukur fustani Giorgio Armani Privé, po flokët edhe mund t’i kishte krehur.

Ja marrim Diego Abatantuono, për shembull, dhe e kuptojmë se në një farë moshe s’të intereson më asgjë.

Ka edhe kështu pastaj, si Susanna Nicchiarelli me Missoni, që duket si ndërthurje e fustaneve të plazhit me zebrën. Mos më bëni të flas për sandalet.

Smoking pa hesap pastaj, por të veshura kryesisht nga gratë.  

Pietro Castellitto. Nuk e di çfarë ka dashur të thotë Dior me atë pullen, vetëm nëse e ka shtrënguar Pietro në momentin e fundit.

Elio Germano me Giorgio Armani dhe byzylykun tibetian që i solli fat.

Megjithatë, më i bukuri ishte ai, Armani, i veshur nga Pietra Detassis, Presidente dhe Drejtore Artistike e Akademisë së Kinemasë Italiane – David di Donatello Awards.

Një model i lezetshëm me jakat e rrumbullakosura dhe harkun “e vjedhur” nga Nabokov.

Monia Bellucci, siç nuk e kemi parë kurrë, merr çmimin David di Donatello 2021 të Karrierës

E bukura e dheut. Vitet ikin dhe ajo mbetet një bukuri e pacënuar. Monica Bellucci mori çmimin e Karrierës dhe gjatë ditës së djeshme u shfaq në një lidhje internetike, në ceremoninë që u organizua, për ndarjen e çmimeve David di Donatello, në prezencë të presidentit italian, Sergio Matarella.

Çmimet David janë në fakt të ngjashme me Oskarët për kinemanë italiane, dhe për këtë vit festa dhe show u zhvilluan ditën e djeshme në shtetin fqinj.

Bellucci u detyrua të lidhej në distancë, duke qenë se ndodhej në shesh-xhirimin e një filmi në të cilin merr pjesë.

Por ajo që na bën përshtypje është pamja e saj siç nuk e kemi parë kurrë. Ylli Bellucci u shfaq me flokë të gjatë biond cenere dhe një kapele, stil Ivana Spagna.

Mesa duket kjo lloj pamjeje ishte e detyruar nga roli për të cilën aktorja po punon.

Ky lloj look- në fakt nuk kaloi pa u vënë re, madje prezantuesja e ceremonisë u kujdes që t’ia përmendte e batutë në përshëndetjen e fundit me të:

“Falenderojmë Ivana Spagna-n, të cilën unë e ndjek që nga ditët e Easy Lady”, tha Geppi Cucciari, mbasi Monica bëri falenderimet e rastit për çmimin e akorduar.

Gjithsesi, Monica është Monica në çfarëdo lloj stili.

Për mbi tridhjetë vite, Monica Bellucci ka qenë ikona italiane e bukurisë në botë, e njohur si në Francë, ashtu edhe në Hollivud me prezencën e saj nëpër filma të ndryshëm.  

Ylli italian po përgatitet t’ia dorëzojë stafetën së bijës, Deva Cassel, një 17-vjeçare (bëmë mama të të ngjaj) që ka nisur të pushtojë kopertinat dhe pasarelat si modele.

Deva Cassel, vajza e Monica Bellucci

Ashtu si e ëma, Monica, në fillim të viteve ’90.

Veshjet më të bukura të tapetit të kuq në Brit Awards 2021

Duket se të gjithë vëmendjen (e merituar) në këtë Brit Awards 2021 e ka fituar Dua jonë dhe Harry Styles.

Ajo e lindur në 1995 dhe aivetëm një vit më parë, në 1994-ën, të dy kanë rikonfirmuar statusin e mbajtësve të kurorës britanike, të paktën për sa i përket muzikës.

Por duket qartë se edhe në look. Ajo me fustanin nga Vivienne Westwood (dhe një tjetër për ekzibicionin), ai me një një kostum të stampuar, vitet ‘70 nga koleksioni Gucci Aria.

Dua Lipa dhe Harry Styles, gjithçka për pamjen e tyre

Dua Lipa fitoi statujat për Albumin më të Mirë të vitit (Future Nostalgia) dhe për Artisten më të Mirë.

Dhe ajo braktisi pamjen e zakonshme seksi Versace, për një veshje që nuk mund të ishte më shumë se kaq britanike. Veshja e verdhë, në fakt, është nënshkruar nga Vivienne Westwood dhe i përgjigjet stilit romantik të viteve ’90 që e bëri stilisten kaq ikonike.

Ndërsa, për në skenë, Dua ndryshon dhe zgjedh një minifund me Union Jack, të nënshkruar gjithashtu nga Westwood: para saj, në po atë skenë, flamurin britanik e kishin veshur David Bowie dhe Geri Halliwell e Spice Girls.

Nga ana tjetër, Harry Styles, fitues i çmimit për Single më të Mirë të vitit (Watermelon Sugar), konfirmoi pasionin e tij për Gucci, me stilin e Harry Lambert.

Styles është ikonë e Gucci-t, ndaj edhe për këtë rast kishte zgjedhur një look nga koleksioni i ri Aria Kostumi i stampuar i viteve ’70, shoqërohej me çantën e dorës me dorezë bambuje.

Tapeti i kuq i Çmimeve BRIT 2021

E kuptuat tani besoj se kush e bëri festën, por me siguri do të doni të dini edhe më shumë se kaq. Sigurisht eventi ishte për shumë më shumë se kaq yje.

Dhe le të fillojmë me Le Haim, motrat kaliforniane me një stil të pagabueshëm, kësaj here të gjitha në The Row, marka e sofistikuar edhe e binjakeve Olsen.

Taylor Swift, si gjithmonë e mbështjellë me vezullim: kësaj here me një fustan Miu Miu, me pjesën e stomakut të pambuluar.

Taylor Swift

Billie Porter në ThreeAsFour, të shoqëruar me një kapele me vel të zi.

AJ Odudu me Reem Juan

Olly Alexander veshur me Gucci

Celeste me Ashley Williams 

Dhe më pas Billie Eilish, e lidhur nga Shtetet e Bashkuara, me të parën dalje publike mbas kopertinës së British Vogue, që i bëri njerëzit të flasin për ndryshimin revolucionar të pamjes së saj.

Por Billie tani për tani nuk e konfirmon kthesën seksi, dhe faleminderimin për çmimin si Artistja më e Mirë Ndërkombëtare, e bëri me një pulovër të bardhë dhe pa make-up.

Dua Lipa homazh për Amy Winehouse në Brit Awards 2021

Yll i padiskutueshëm në Brit Awards të këtij viti, Dua Lipa ka zgjedhur një pamje ultra-pop dhe nostalgjike. Referenca tepër e qartë e flokëve rockabilly të ikonës së dashur angleze, e cila ndërroi jetë 10 vjet më parë

Dua Lipa u shfaq në skenën e Brit Awards 2021, me homazhin për ikonën e pakonkurueshme të muzikës angleze, Amy Winehouse. Me flokët të mbledhur në stilin beehive dhe baluket e gjata.

Dua Lipa nderon e rikujton Amy Winehouse

Për të marrë disa çmime në Brit Awards 2021, Dua Lipa u shfaq në skenë me një veshje të bërë me porosi të Vivienne Westwood, frymëzuar nga divat e së kaluarës.

Çorapet e rrjetës dhe guepiere që bie në sy, na kujtojnë divat e kinemasë neorealiste italiane, por referenca e këngëtares 25-vjeçare, në fakt i dedikohet tërësisht divës angleze, të paharueshmes, Amy Winehouse. Siç u pa nga vëllimi shtesë i flokëve, të mbledhura në stilin “zgjua”, tipike e Amy, dhe baluket e gjata në stilin “perde” me ndarje në mes.  

Hairstyle legjendar, i lindur në vitet 1960, alveare/beehive, ka karakter bon ton, por në të njëjtën kohë është edhe shumë i popullarizuar në skenën muzikore underground angleze, veçanërisht në atë rockabilly.

Ylli e shoqëroi atë me make-up-in në stilin Marie Antoinette, me hijet e syve dhe blush të thellë rozë që shkrihen me njëri-tjetrin, siç ishte në modë në vitet 1700.

Bob-i biond i vetëm disa ditëve më parë

Zeshkane natyrale me një pasion të vjetër për ngjyrat e vendosura në flokë dhe nuancat e gështenjës, vetëm disa ditë më parë Dua Lipa ndezi Instagramin me një xhaketë me temina dhe flokët gati platin, me një model flokësh bob, të prerë deri në lartësinë e shpatullave.

Fotoja e cila mori 1.6 milionë like është pjesë e fushatës së tualeteve Libre nga YSL, për të cilën është zgjedhur të jetë ikona e firmës.

U bë për t’u martuar edhe vajza më e vogël e Demi Moore dhe Bruce Willis! Unazë diamanti për Tallulah Willis.

Për të nuk ka qenë e lehtë. Të jesh vajza e dy yjeve të kinematografisë botërore nuk është e lehtë. Dhe s’ka qenë e lehtë për asnjërën nga të treja vajzat që ish-çifti Willis e Moore kanë.

Tallulah, megjithatë, vetëm një ditë më parë mori propozimin që e bën të lumtur, shoqëruar me një unazë diamantesh.

Pas një viti e gjysmë në një lidhje me Dillon Buss, ky i fundit provoi skenën klasike të propozimit për martesë, i ulur në gjunjë dhe me një unazë të drejtuar drejt saj.

Sigurisht që në epokën e internetit, gjithçka u dokumentua në Instagram, me video dhe foto.

“Ende më dridhet dora, jam fejuar”, shkruan ajo në median sociale.

Unaza e një etape të re

Më herët Tallulah ka pasur probleme në jetën e saj të re. Përveç anoreksisë, ajo vuante nga dismorfofobia, që ka të bëjë me mospëlqimin e vetes dhe shqetësimin kronik për difekte fizike. E gjitha kjo i shkaktoi mjaft probleme që sot i ka kapërcyer dhe është kthyer në një grua të sigurt në vetvete.

Buss është një regjisor filmi dhe drejtor artistik. Fotografitë e para me vajzën e Bruce Willis datojnë në fillim të vitit 2020.

27-vjeçarja dhe i dashuri i saj kaluan një pjesë të lockdown-it në vilën e Demi Moore në Idaho, në shoqërinë edhe të Bruce Willis, siç dëshmohet nga një foto që Tallulah ka publikuar më herët në Instagram, në të cilën shihen të gjithë të veshur me pizhame me vija të gjelbërta dhe të bardha.

Duhet thënë se edhe pse prindërit aktorë janë ndarë, ruajnë raporte shumë të mira mes tyre dhe sigurisht që me lajmin e madh ndihen shumë të lumtur.

Diamanti është me prerje smeraldi, i montuar në një unazë të artë të verdhë dhe është vlerësuar nga ekspertët rreth 200.000 dollarë.

Edhe Demi Moore ka bekuar, në Instagram, të bijën në ditën e emocionuar për familjen. “Urime vajzës sime të vogël dhe të dashurit të saj të bukur për fejesën”, shkroi me ëmbëlsi aktorja e Ghost në postimin e saj.

Epo tani të presim se kur do të jetë data e shënuar për lulet e portokallit.