Pas 5 vitesh, Niki Delijorgji do të ndryshojë krejt statusin e saj: Do të kem fëmijë dhe vilë në…

Niki Delijorgji iu bashkua vajzave në episodin e dytë të “Albania Best Deal”. Ky është një reality show që ka për fokus gjetjen e ofertës më të mirë në resortet më të mira të Shqipërisë.

Gjatë bisedave argëtuese në makinë, teksa udhëtonin për në Shëngjin, Niki Delijorgji paralajmëron se pas 5 vitesh do të ndryshojë krejtësisht statusin e saj. Ajo zbulon se do të jetë në një vilë në Los Angeles, por jo vetëm kaq.

“Ose do të jem shtatzënë, ose do të kem ndonjë beb aty afër dhe një burrë ideal”, shprehet Niki.
Mesa duket, e reja i ka të qarta gjërat për të ardhmen e afërt dhe këto i morëm vesh falë reality show-t më të ri.

Po ju keni ndonjë plan për pas 5 vitesh, apo ç’e deshe?

A po vuan Kate Middleton nga këpucët me taka? 7 dëmet që shkaktojnë ato

Kate Middleton së bashku me William kanë qenë në një vizitë disaditore në Skoci. Në fakt dukesha e Kembrixhit ishte në lartësinë e detyrës dhe prezantimit të saj. E veshur, ditën e fundit, në bojëqiell, çka na tërhoqi vëmendjen ishin skarpinat e saj, që “padashur” i kishin fotografuar këmbë të palosura keq. Të gjitha ne gratë e dimë mirë se çdo të thotë ajo përthyerje dhe shtrëmgim i këmbës në pjesën e dekoltesë së këpucës. A po vuan Kate Midleton nga këpucët me taka? Do t’ju tregojmë me këtë rast, 7 dëmet që i shkaktohen fizikut tonë nga këpucët me taka dhe sidomos skarpinat.

Dukesha e Kembrixhit dhe këpucët me taka

E bukur, e qeshur, e hijshme. Kate Middleton u prezantua kështu në vizitën e saj në Skoci, pasqyruar nga DailyMail. Por ne nuk do të merremi me vizitën. Ajo që na tërhoqi vëmnedjen ishin këmbët dhe skarpinat bojëqielli që dukesha kishte veshur. Janë firmë apo jo, kushtojnë shumë apo jo, lodhja dhe dëmet që shkaktojnë këpucët me taka janë njësoj.

Të gjitha e kemi provuar ç’do të thotë ta fusësh këmbën në çarkun e takave. Të gjitha e kemi provuar se sa domosdoshmëri bëhet më pas një masazh (që nuk do të donim të mbaronte kurrë) në shputa. Kate dukej jokomode, për të mos thënë e përvuajtur nga shtrëngimi që skarpinat i shkaktonin. Dhe nëse ajo arrinte ta mbulonte këtë me buzëqeshjen protokollare, këmbët flasin vetë.

Gati-gati na vjen të bëjmë një batut në lidhje me “sigurinë mbretërore”. A e ruajnë shëndetin e anëtarëve të familjes mbretërore sa duhet, protokollet e sigurisë britanike?

Gjithsesi, shpikja e takave, për mendimin tonë, është vrastare. Për këtë morëm mendime specialistësh sa i përket dëmeve që shkaktojnë këpucët me taka në fizikun e grave.

7 dëmet që shkaktojnë këpucët me taka

Metatarsalgjia: Një nga efektet më të zakonshme të takave të larta

Takat i bëjnë artikolacionet tona të pozicionohen sikur jemi në majë të gishtërinjve. Taka e rrit presionin në pjesën e përparme të këmbës. Nëse me këpucë të sheshta, pesha shpërndahet saktë midis thembrës dhe këmbës së përparme, me taka imponohet një sasi më e madhe e ngarkesës (dhe për këtë arsye stresi) në pjesën e përparme të këmbës. Më saktë te metatarsalet!

Inflamacioni i këtyre nyjeve shkakton të ashtuquajturën metatarsalgjia.

Jo vetëm kaq: sa më e lartë taka, aq më shumë gishtat do të zgjaten përpara, ose do të jenë “të palosura për lart”. Nëse ruhet për një kohë të gjatë, ky pozicion shkakton stres shtesë në nyjen midis metatarsaleve dhe gishtave.

Fashiti plantar apo fashiti i shputës

Në terma të thjeshtë, fashiti i shputës ndodh kur indet nën shputën e këmbës (në veçanti fasha e shputës) pësojnë acarim. Dhimbjet ose tensionet e lokalizuara shkaktohen në mes të shputës dhe në mes të thembrës.

Përdorimi i këpucëve me taka, por edhe shapkave me gisht në këtë rast, janë kontribues të kësaj patologjie.  

Gishtat, duke qenë në pozicion të zgjatur, vendosin fashën e shputës në një pozicion të shtrirjes së vazhdueshme. Meqenëse taka është një bazë mbështetëse shumë më e vogël dhe më e paqëndrueshme sesa një këpucë e ulët, ajo kërkon punë të vazhdueshme të muskujve të kyçit të këmbës dhe të këmbës për të ruajtur ekuilibrin.

Hallux Valgus ose kallot

Takat janë një nga faktorët që mund të kontribuojë në zhvillimin e tyre, kur përdoret shpesh dhe për shumë vite. Por ka edhe një rrezik tjetër: gjerësia e pjesës së përparme të këpucës.

Takat e theksuara ose të ngushta në pjesën e përparme (dhe kjo vlen për çdo lloj këpucësh) zvogëlojnë hapësirën e gishtërinjve. Këta të fundit, për këtë arsye, duhet të “shtypin” njëri-tjetrin për të gjetur një mënyrë më të qartë qëndrimi.

Shputa jonë është projektuar që të ketë një bazë të gjerë mbështetjeje. Gishtërinjtë kanë nevojë të marrin frymë. Mos e harroni këtë.

Gishti i çekanit

“Gishti i çekanit” është një deformim që prek kryesisht gishtin e 2-të dhe karakterizohet nga një kënd anormal i nyjës qendrore të gishtit. Përveç se është e dhimbshme, sigurisht që nuk është gjendja më estetike që ekziston.

Neuroma e Marton

Bëhet fjalë për një neuropati që prek mbaresat nervore të nervave intradigjitalë të vendosura midis kockave metatarsale. Mungesa e hapësirës ndërmjet metatarsaleve shkakton një kompresim të vazhdueshëm të këtij nervi: taka, madje e shoqëruar edhe me një majë të ngushtë, gjeneron një situatë të dërrmimit të vazhdueshëm.

Shtrembërimet e kyçit të këmbës

Të jesh në këmbë kërkon aftësi të jashtëzakonshme ekuilibri. Mendoni për herët e para që keni veshur taka. Më specifikisht, kërkohet një stabilitet dhe reagim i madh i kyçit të këmbës.

Sa herë keni parë e ndoshta edhe qeshur me rrëzimet e yjeve në skena apo pasarela?!

Krahasuar me një këpucë të sheshtë ku baza është e gjerë dhe e qëndrueshme, taka është e ngushtë dhe me mbështetje shumë të kufizuar në tokë. Kjo gjendje e detyron kyçin dhe shputën të punojnë papushim për të stabilizuar gjendjen. “Shputa dhe kyçi i këmbës janë si themelet e një shtëpie”, thonë specialistët. Po ju, a i keni themelet tuaja të forta?

Kontraktimet dhe dhimbjet në pulpë

Taka çon në mbajtjen e këmbës në një pozicion më vertikal dhe kjo do të thotë që pulpa juaj dhe tendina e Akilit do të jenë në një pozicion shkurtimi.

Një hulumtim zbuloi se pulpat e atyre që vishnin taka rregullisht ishte 13% më e shkurtër se ajo e grave që kishin veshur këpucë të sheshta. Duket si pak 13%, por për një muskul nuk është.

Kjo është arsyeja pse sapo hiqni këpucët me taka, ndieni një ndjesi të fortë tensioni (ose dhimbjeje). Sidoqoftë, ky aspekt mund të përmirësohet nga trajtimet specifike manuale të kryera nga fizioterapisti.

Mbas të gjithë dëmeve më sipër, shpresojmë që një ditë këmbët e grave të “mbrohen” me ligj!

redaksia VIP

Ariana Grande u martua në fshehtësi, po si dukej ajo me fustan të bardhë? [FOTO]

A nuk jemi të gjithë kureshtarë të dimë se si dukej Ariana Grande me fustan të bardhë? Disa ditë pas ngjarjes së madhe, që u zhvillua në fshehtësi, Ariana Grande poston foto të saj “me të bardha”. Ala Audrey Hepburn dhe me mikro-tatuazhet e saj bashkëkohore

Më 15 maj 2021, Ariana Grande u martua me sipërmarrësin imobiliar, Dalton Gomez. Por, tani, më në fund, mund të shohim pamjen e nuses së re. E rafinuar dhe me stilin Audrey Hepburn të modelit të flokëve dhe make-up-in e syrit të viteve ’60, por me mikro-tatuazhe të dukshme.

Ariana Grande, edhe bashkëkohore, edhe bon ton

Për të interpretuar në skenë ajo zgjedh temina e vezullimet, minifundet vinil, platetë marramendëse. Por kur bëhet fjalë për një nga ditët më të rëndësishme të jetës, edhe Ariana Grande mbështetet në klasikët e mëdhenj të modës dhe bukurisë. Ylli i pop-it, fituese e shumë çmimeve edhe pse vetëm 28-vjeçare, u martua në Montecito më 15 maj 2021. Dhe tani, më në fund  mbërrijnë fotot e ceremonisë intime, që u zhvillua në rezidencën e saj.

Look-u i nuses është frymëzuar qartësisht nga Audrey Hepburn, me stilin e pagabueshëm bon ton. Me përzierjen e saj perfekte të linjave minimaliste dhe detajeve që sjellin feminitetin. Veshja e bardhë saten bustier me shpinën e zhveshur është nënshkruar nga Vera Wang, ndërsa vathët e diamantit nga Lorraine Schwartz.

Me flokët gjysmë të mbledhur dhe vellon e shkurtër

Ariana Grande ka zgjedhur një model flokësh gjysmë të mbledhur. Stilisti i flokëve, Josh Liu, ka përdorur stilin ultra bazik, çka është edhe stili i parapëlqyer i këngëtares, me mbledhje tepër të tërhequr për të krijuar kështu edhe tërheqjen e syve. Gjë që do t’i jepte më pas dorë edhe make-up artist për të krijuar “sytë e maces”.  Flokët janë punuar me mjeshtëri, për t’i dhënë liri lëvizjes së tyre poshtë vellos së shkurtër.

“Syri i maces” i kombinuar me mikro-tatuazhe

Grimi është gjithashtu minimalist. Në postimin e yllit, i cili brenda pak orësh fitoi 14 milionë pëlqime dhe mbi 90.000 komente, mund të shihet nga afër “syri i maces”. U krijua me eyeliner tepër të hollë dhe të zi, nga artistja e make-up-it, Ash K Holm. Për t’i dhënë fytyrës prekjen e plotë të viteve ’60, përdorimi i qerpikëve të rremë. Më pas vjen modernistja, një nuancë sysh rozë në tullë, e sfumuar.

Sytë kombinohen në mënyrë perfekte me mollëzat dhe buzët. Do të betoheshim se është një foto që vjen nga vitet e largëta ’60, po të mos qe për tatutë e Ariana Grandes, që shfaqen në shpatull e midis gishtave.

Kanye West dhe supermodelja Irina Shayk janë në marrëdhënie dashurie?

Kanye West dhe supermodelja Irina Shayk ndezin thashethemet për një marrëdhënie dashurie. Dhe pikërisht në mes të procesit të divorcit të reperit me Kim Kardashian. Divorci mes dy të famshmëve u shpall në shkurt të këtij viti. Por reperi 43-vjeçar është parë në shoqërinë e ruses së famshme të pasarelave, 35-vjeçares Shayk, gjë që i ka bërë objekt të një faqeje thashethemesh.

I kanë parë së bashku në një “takim” dhe kaq ka mjaftuar për t’u vënë në qendër të thashethemeve. Ai, Kanye West është në mes të një divorci me Kim Kardashian, milioneren e famshme amerikane. Ajo, Irina, vjen nga fundi i një marrëdhënie të rëndësishme me Bradley Cooper, me të cilin ka edhe një fëmijë. Më parë, modelja ruse ka qenë e fejuara e Christiano Ronaldos (si e ka shtyrë me të) dhe pas ndarjes me Cooper është parë në shoqërinë e drejtorit kreativ të Burberry, Riccardo Tisci.

Në fakt është një person anonim që ka furnizuar informacionin për faqen instagram të thashethemeve për të famshmit, DeuxMoi.

Nuk dihet sa e vërtetë është kjo, por “informatori” flet për një takim mes të dy emrave tepër të lakuar në botën e showbizit.

Mirëpo, edhe një tjetër “informator” raportoi të njëjtin thashethemë, duke i rritur edhe më shumë dyshimet.

Kanye West dhe Irina Shayk

Për shumë të tjerë marrëdhenia e Kanye me Irina Shayek nuk është e re. Thuhet se ata kanë 10 vite që njihen nga afër. Mjaftojmë të kujtojmë pjesëmarrjen e Irina Shayk në video-klipin e këngës Power të reperit në 2010-ën, në të cilën modelja shfaqet me krahët e ëngjëllit.

LEXO EDHE: Kanye West ka shitur sendet e çmuara që i ka dhuruar Kim Kardashian?!

Dhe vetëm dy vjet më vonë, rusja e bukur vuri aftësitë e saj të modelimit në provë, në Javën e Modës në Paris.

Një tjetër shenjë e rrit dyshimin. Irina u pa një muaj më parë të shfaqej me një bluzë DMX, të krijuar nga West, në bashkëpunim me Balenciaga.

Irina ka qenë e përfshirë në një lidhje me Bradley Cooper, me të cilin ka edhe një vajzë 4-vjeçare.

Divorvi i Kanye West dhe Kim Kardashian

Në shkurtin e kaluar u deklarua nisja e procedurave të divorcit midis çiftit të famshëm West dhe Kardashian. Ata janë prindërit e 4 fëmijëve. Ata kishin gati 7 vite martesë dhe divorci u pranua nga të dy.

Sipas burimeve pranë Kim, divorci po ecën normalisht dhe pa probleme, pavarësisht tensioneve të përfolura.

Kim nga ana tjetër, vetëm fundjavën e shkuar u bë objekt i thashethemeve për një tjetër lidhje, ndërsa u pa të shkonte te miliarderi londinez Jamie Reuben, për të studiuar partyn e ditëlindjes, në Beverly Hills.

Të gjithë folën për Anxhela Peristeri e Beyonce, por pak e dinë kush i vesh të dyja. Pak thashetheme për “look ala Eurovizion”

look-u i Anxhela Peristerit ne Eurovizion

Anxhela Peristeri shkëlqeu Eurovizionin, që në momentin e parë të Tapetit të Kuq. Kaq e vërtetë është kjo, sa ishte Anxhela që fitoi sondazhin për veshjen më të bukur në tapetin e kuq. Të gjithë folën për Anxhela Peristerin dhe Beyonce, por pak kush e di mesa duket, nga europianët, se kush i ka veshur të dyja. Është Valdrin Sahiti, stilisti shqiptar nga Kosova, që ka veshur disa herë këngëtaren me famë botërore Beyonce. Dhe edhe Anxhela Peristerin në tapetin e kuq. Por le të bëjmë pak thashetheme për veshjet e pjesëmarrësve: “look ala Eurovizion”

Anxhela Peristeri dhe look-u i Eurovizionit

Uprezantua si një përralë në tapetin e kuq, me fustanin e stilistit Valdrin Sahiti. Një fustan i kuq, i gjatë, me një të çarë të thellë deri sipër këmbëve. Shoqëruar me një beret të kuqe, ala studenteshe të sapodiplomuar.

anxhela peristeri ne tapetin e kuq

Dhe bëri të flisnin të gjithë për veshjen e saj. U pa ngjashmëria me Beyonce, sigurisht. Por sepse është i njëjti stilist që ka punuar me të dyja. A mund të prezantohej me një stil më të personalizuar për Anxhelën? Mbetet për t’u parë nga profesionistët e stilit.

Gjithsesi, Anxhela e rrëmbeu vendin e parë në renditjen e Veshjes më të Mirë në tapetin e kuq. Në netët e performancës, Anxhela u prezantua me badyn me perla e gura, në ngjyrë argjendi, të punuar nga Kujta & Meri. Edhe këtu u tentua të bëhej një lloj ngjashmërie me Jennifer Lopez dhe ndikimin e saj. Sidomos nga mediat italiane. Por ne që e njohim mirë stilin e Kujtes, e dimë mirë se veshja e Anxhelës mund të ishte vetëm kështu. Për më tepër, me fizikun e mrekullueshëm që ajo ka.

Si ishin veshjet në Eurovizion

E vërteta është se në këtë Eurovizion, përveç shkëlqimit dhe vezullimit, sidomos të ballkanasve, u pa një lloj nacionalizmi prezent në look-un e këngëtarëve përfaqësues të vendeve të tyre.

Mund të përmendim këtu, veshjen e këngëtares ruse, e cila solli një matrioshkë prej pëlhure.

Ndërkohë që finlandezët dhe suedezët u prezantuan me një prekje japoneze në jelekët e tyre, të fiksuar pak si lumenj nëntokësor e pak si karateistë.

Trioja serbe me flokët ekstra ekstra large, që i bën të gjithë komentatorët të hidhnin bast për ekstension-at e tyre.

Maneskin u veshën nga Etro, me kominoshet e tyre të viteve ’70. Vetëm se të gjithë ishin të interesuar pë të bërë fotografi të shpinës së paveshur të vokalistit.

Këngëtari portugez u prezantua me kostumin e tij ala toreo.

Malta shpalosi gjithë mirëqenien e saj dhe luftën për Bady-Positive me gjithë shkëlqimin e mundshëm edhe pse shkurt.

Përfaqësuesi i Anglisë u prezantua me një zinxhir final që mbyllte veshjen e tij, si të bënte metaforën e mbylljes së Anglisë me Brexit, brenda Europës.

Dhe pastaj vjen Islanda me kartonat e saj nëpër bluza, që prezantonin karikaturat e secilit prej tyre. Me siguri ka pë t’u bërë modë e tipit street syle.

Gjoni ynë, që prezantoi Zvicrën u duk si një patinator i vërtetë, pa pistë akulli.

Nga ana tjetër, Natalia e Moldavisë dukej në mos si partnerja e Gjonit, si një balerinë e dancit sportiv.

Të njëjtën gjë mund ta themi edhe për çiftin e Lituanisë. Goxha të përgatitur, madje kishin edhe pak nga Xhon Travolta brenda tyre, përveç ngjyrave.

Nga ana tjetër, demokracia gjermane hoqi keq me gishtin tregues, i mesit qëndroi mirë deri në fund.

Udhëtim i vështirë për Ukrainën, mes pyllit të zhveshur dhe gjetheve të gjelbra të këngëtares nëpër krahë.

Norvegjia pastaj zbriti ëngjëj e djaj në skenë, Dan Broën me siguri e ka pasur zili performancën.

Azebajxhan demostroi më së miri sensualitet femëror në paradhomat e burgut. Seç më sjell në mend një seri televizive.

Francezja e vendit të dytë, në veshjen me dy pjesë, sipër ishte feministja e pakohë ndërthurur me sensualitetin francezë, për të kontrastuar maskilizmin e poshtëm.

Mikpritësit holandez i kishin të gjitha, aq shumë kishin në veshjet e tyre sa më dhemb koka edhe t’i komentoj.

Për të ardhur te San Marino, e cila seç kishte një dyshim për t’u ndarë nga dimri e për të pranuar pranverën, me të gjithë V-në e thellë si grykë lumi pranveror.

Historia tronditëse e Lady Gaga-s, shtatzanë dhe e braktisur pas përdhunimit

Lady Gaga

Princi Harry nuk ishte i vetmi që rrëfeu në pjesën e parë të serialit dokumentar “The Me You Can’t See”. Dokumentari që flet për shëndetin mendor, përfshiu edhe të mirënjohurën Lady Gaga. Ajo zbuloi mes lotësh, historinë tronditëse të jetës së saj, përdhunimin në moshën 19 vjeçare, shatëzaninë dhe braktisjen pas përdhunimit. Lady Gaga është nga ato artiste që nuk e ka fshehur të shkuarën e saj të vështirë. Dhe tani rikthehet të rrëfejë më shumë. Historia tronditëse e përdhunimit, ndërsa ishte 19 vjeç, përmban detaje shokuese.

LEXO EDHE: Lady Gaga i bën homazh “Made in Italia”, të gjitha veshjet gjatë xhirimeve të filmit të Gucci-t në Romë

Përdhunimi dhe shtatzania e Lady Gaga-s

Ishte një producent muzikor ai që do të përdhunonte Lady Gaga-n, kur ajo ishte vetëm 19 vjeç. Stari i muzikës pop nuk do ta harronte kurrë këtë moment të tmershëm të jetës së saj, që pastaj do t’i shënjonte të gjithë jetën. I gjithë rrëfimi i saj u bë në serialin dokumentar lançuar nga princi Harry dhe Oprah Winfrey.

Një producent më tha: ‘Hiqi rrobat’. Unë thash jo. Por më thanë se do ta “digjnin” muzikën time nëse nuk zhvishesha”, shpjegon Lady Germanotta, sipas Insider. Duke shtuar se nuk do të donte të përballej më me atë njeri.

Prej andej filloi dhuna.

Unë isha i mbyllur në një studio për muaj të tërë. Personi që më përdhunoi më la shtatzënë, në cepin e rrugës së shtëpisë së prindërve të mi, sepse villja dhe ndihesha keq”, thotë diva mes lotësh.

Kriza psikologjike dhe stresi post-traum

Pas gjithçkaje që i kishte ndodhur, Lady Gaga tregon se nuk ishte më e njëjta. Kriza psikologjike ishte e thellë. Vite më pas asaj i duhej të shkonte në spital për një dhimbje fizike që ndiente prej kohësh. Një dhimbje që i dukej familjare. Kriza psikologjike, dhimbje e paranoja, gjithçka rridhte nga trauma e saj që më pas do ta çonin edhe në mendime vetvrasëse.

Mjekët nuk gjetën asgjë në trupin e saj, me gjithë rezonancat që i bënë, por trupi i saj e njihte dhimbjen. Ishte i njëjtë me atë që kishte pasuar pasi ishte përdhunuar.

Lady Gaga foli edhe për post-traumën, së cilës do t’i shtohej edhe sindroma e fibromialgjisë, sëmundje të cilën e bën me dije vetë diva.

Më pas shërimi do të ishte një rrugë e gjatë, mes terapive dhe muzikës. Por fantazmat e së shkuarës janë në kokën e saj. Ajo nuk mund t’i mbaj dot lotët sa herë i kujtohen sekuencat e dhimbshme të jetës së saj.

Princi Harry nuk ka mbaruar ende, edhe një tjetër shigjetë drejtuar “The Firm”

Harry ne filmin dokumentar

Duket se princi Harry nuk ka mbaruar ende. Edhe një tjetër shigjetë lëshuar për The Firm, në dokufilmin serial “The Me You Don’t See”. Traumat e shkaktuar nga vdekja e nënës së tij, fakti që në moshë të njomë iu desh të ndjekë nga pas trupin e pajetë të së ëmës, do ta shtynin të hidhej në krahun e drograve dhe alkoolit. Në një kuptim, zbulimet e tij në filmin mbi shëndetin mendor, zbehin deklaratën e të vëllait William, lidhur me mashtrimin që BBC i bëri Lady Dianës.

Askush nuk do të mundet më kurrë, të më bëjë të hesht”, janë fjalët e princit Harry, i cili duket se shigjeton nga ana e tij Familjen. Ajo e braktisi, e braktisi ndërsa thirrjet për ndihmë për të dhe Meghan ishin të përsëritura. Princi Harry ka akoma për të thënë.

AppleTV + nisi transmetmin e dokufilmit serial “The Me You Don’t See”, me bashkëpunimin e Oprah Winfrey, në të cilin u shfaq një Harry me ton të sigurt dhe sfidues. Ai vazhdoi akuzat për të atin, princin Charles dhe pjesën tjetër të familjes. Princi Harry nuk ka mbaruar ende, The Firm tashmë e çoroditur nga kaq shumë zhvillime së fundmi, do të duhet të pres goditje të tjera.

intervista e Harry-t me Oprah
Trauma e Harry-t nga vdekja e së ëmës, Lady D

Në qendër të traumës së tij është vdekja e të ëmës, Lady Diana. Fakti që qe i detyruar të ndjekë pas arkmortin e saj, ndërsa ishte në një moshë fare të vogël. Ai rrëfen se asokohe ishte i detyruar të fshihte emocionet e tij, ankthin dhe sulmet e panikut.

Ndërkaq, mbështetja e të atit i mungonte.

Im atë na tha, mua dhe William, se ne do të duhet të vuanim siç ai kishte vuajtur fëmijë. Mesa duket kjo do të ishte vendimtare për veprimet e mëvonshme të Harryt. Ai u hodh për të harruar në krahët e drograve dhe alkoolit.

“Mendova se do të më ndihmonin, në fakt të gjitha kërkesat e mia u pritën me heshtje dhe indiferencë”, do të shprehej Harry, për atë që tani quhet rëndom The Firm.

LEXO EDHE: “Kjo është arsyeja pse u largova nga Britania e Madhe”, princi Harry zbulon të vërtetën para intervistës me Oprah

Harry e Meghan duke buzeqeshur
Harry dhe terapia e shëndetit mendor

Sipas tij ishte Meghan ajo që do ta ndihmonte dhe do ta shtynte atë të ndiqte terapinë. Terapi që pastaj vazhdoi për 4 vite. Dhe Harry nuk ngurroi të prezantonte disa nga metodat e mësuara në terapinë që ndoqi.

“Më dha mjetet e duhura për të përballuar gjithçka. Për mua ishte fillimi i një rruge mësimore. E kuptova që po jetoja në një kupolë qelqi në këtë familje, në këtë institucion, dhe isha në një farë kuptimi i bllokuar në atë mënyrë të menduari, në atë mentalitet”.

LEXO EDHE: Intervista e Meghan dhe Harryt me Oprah dhe lufta e transmetuesve britanik për të drejtat e transmetimit

Meghan e rrezikuar si Diana

Duket se në bazë të Megxit kanë qenë mendimet vetvrasëse të Meghan dhe indiferenca e ardhur nga Familja. Duket se dramat për dy gratë më të rëndësishme të jetës së Harry-t, janë shkaktuar nga të njëjtit njerëz dhe të njëjtat sjellje.

“Për katër vite ne kemi bërë gjithçka ishte e mundur për të vazhduar në rolin tonë. Por rreziku i humbjes së një gruaje tjetër në jetën time ishte si një shkëndijë. Lista po rritej. Dhe të gjitha për shkak të të njëjtëve njerëz, të njëjtit model pune, të të njëjtit organizim”, u shpreh princi Harry.

Edhe një tjetër goditje për The Firm, ndoshta për të vënë shpirtin e tij në paqe. Historia po përsëritej para syve të tij.

“Nëna ime u përndoq deri në vdekje, ndërsa ishte në relacion me një person jo të bardhë. Dhe ja se çfarë ndodhi!”.

Lady Diana me dy djemte e saj te vegjel
Zbulesat e Harry-t zbehin reagimin e William

Ndërsa raporti hetimor nxjerr në dritë mashtrimin që i qe bërë Dianës nga BBC, reagon edhe William. Dalë me shumë kujdes nga kornizat e një anëtari segnor të familjes mbretërore, ai bën një deklaratë personale, duke dënuar sjelljen e gazetarit dhe TV.

“Intervista kontribuoi në frikën, paranojën dhe izolimin e nënës sime”, përfundoi Duka i Kembrixhit.

Mediat britanike do ta quanin një lëvizje strategjike dhe të zgjuar, një cilësi prej mbreti të ardhshëm të denjë, ndërkohë që do të pasohej nga zbulesat e Harry-t. Për të disajtën herë, Princi i vogël e vë në vështirësi vëllanë e madh.

Nga ana e tij duka i Sussex lëshon edhe ai një deklaratë për ngjarjen me BBC-në. Ai flet për një “reksion zinxhir, e shkaktuar nga kultura e shfrytëzimit dhe metoda imorale”.

Por vështirësia më e madhe për William, që pret i dyti në radhë të hipë në fronin britanik, do të jenë deklaratat e të vëllait për mungesë empatie në Pallat. Gjë që tronit edhe një herë monarkinë nga themelet.

Lady Diana është gënjyer nga gazetari i BBC për “intervistën e shekullit”

intervista e lady dianes

Raporti i komisionit hetimor zbuloi se gazetari i BBC, Martin Bashir, ka gënjyer dhe falsifikuar dokumenta, për të bindur Lady Dianën të japë “intervistën e shekullit” për të. Intervistë në të cilën Lady Diana do të sulmonte princin Charles dhe familjen mbretërore.

BBC ka gënjyer. Ka mashtruar Lady Dianën për të marrë gjithë vëmendjen planetare. Me këtë konkluzion ka dalë komisioni i pavarur hetimor, i cili po hetonte mënyrat se si televizioni publik britanik zbuloi të vërtetat e bujshme të Dianës.

Pas 26 vitesh, komisioni bën përgjegjësin kryesor gazetarin Martin Bashir, i cili zhvilloi intervistën me të në vitin 1995.

Aso kohe Lady Diana kishte 3 vite e ndarë nga princi Charles dhe ajo vendosi të flasë hapur për shkaqet e ndarjes së saj. Por edhe shumë më shumë. U quajt “intervista e shekullit” pasi Diana foli në mënyrë të hapur duke shkelur rregullat e pashkruara të familjes mbretërore.

“Ishim tre në atë martesë, kështu që ca si shumë”, do të thoshte Lady Diana në intervistën me Bashir.

U thye “kodi i heshtjes”

Ishte hera e parë që princesha drejtoi hapur gishtin nga Charles dhe familja mbretërore angleze, duke thyer atë që ishte kodi i pashkruar i sjelljes së monarkisë: “Never complain, never explain” (“mos u ankoni kurrë, mos shpjegoni kurrë”). Diana shkoi aq larg sa të rrëfejë gjithë fatkeqësinë e saj të madhe, të përbërë nga depresioni, bulimia dhe vetë-dëmtimi. Një intervistë që tronditi Mbretëreshën Elizabeth, e cila urdhëroi Charles dhe Dianën të divorcoheshin menjëherë.

Gënjeshtrat e përdorura për të marrë intervistën

Tani nga raporti del se Bashir arriti ta bindë Dianën me një sërë gënjeshtrash. Ai i pat thënë se stafi i saj e spiunonte në favor të gazetave dhe shërbimeve sekrete, se kishte një komplot të kurdisur nga truprojat e tij dhe se Carlo ishte në një marrëdhënie me dadon e Oborrit.

Gazetari gjithashtu do të falsifikonte dokumente bankare, me ndihmën e krijuesve grafikë të BBC, për të nxitur vëllanë e Dianës, kontin Charles Spencer, për ta bindur motrën e tij për intervistën.

Disa ditë më parë Bashir, i cili kishte fituar një çmim Bafta për atë scoop, dha dorëheqjen nga BBC, për “probleme serioze shëndetësore”.

Reagimi i princit William dhe princit Harry

Pas të gjithë kësaj, vijnë reagimet nga ana e familjes mbretërore. Më e rëndësishmja është ajo e William, djalit të madh të Dianës, i cili e dëshironte me forcë hetimin.

“Mendimi im është se mënyra mashtruese në të cilën u lëshua intervista, ka ndikuar thelbësisht në ato që zbuloi nëna ime. Intervista ishte një kontribut i rëndësishëm në përkeqësimin e marrëdhënies midis prindërve të mi dhe dëmtoi shumë njerëz të tjerë”, argumenton Duka i Kembrixhit

Princi më tej mundi vetëm të shprehë të gjithë dhimbjen e tij:

“Më shkakton trishtim të papërshkrueshëm kur di se ‘të metat’ e BBC kanë kontribuar në mënyrë të konsiderueshme në frikën, paranojën dhe izolimin e nënës sime vitet e fundit”.

Ndërkaq princi Harry shpërthen duke e quajtur joetike, mënyrën se si iu mor intervista nënës së tij dhe se kjo intervistë “i mori jetën nënës së tij”.

Të dy princat kanë marrë letra ndjese ditën e djeshme nga ana e BBC, bën me dije DailyMail.

Shqipëria në Finalen e Madhe, Anxhela Peristeri shkëlqen në Eurovizion

anxhela peristeri ne eurovizion

Anxhela Peristeri e dërgon Shqipërinë në Finalen e Madhe të Eurovizionit. Ngjarja muzikore e gjysmë-finales u zhvillua mbrëmjen e djeshme, 20 maj, në Roterdam Të Hollandës. Performancë e shkëlqyer e këngëtares shqiptare me zë të mrekullueshëm.

Anxhela Peristeri garoi mbrëmjen e djeshme, në natën gjysmë-finale të Eurovizionit e 11-ta në radhë. Performanca e saj e mrekullueshme dhe zëri potent kualifikuan Shqipërinë në Finalen e Madhe të Eurovizionit 2021.

Performanca e Anxhela Peristerit

E shfaqur në skenë e vetme, pa komplekset shoqëruese dhe pa balerinë, vetëm me efektet skenike, e gjithë vëmendja ishte tek Anxhela Peristeri dhe interpretimi i saj. Anxhela drithëroi zemrën e gjithë shqiptarëve me këngën Karma, duke demonstruar një potencë vokale të shkëlqyer në skenë.

Kartolina prezantuese e saj, posaçërisht për natën gjysmë-finale të Eurovizionit, e shfaq këngëtaren shqiptare duke luajtur në violinë. Të pafund urimet nga të gjithë emrat më të njohur të muzikës shqiptare e jo vetëm, si edhe ish-pjesëmarrësit në Eurovizion, për këngëtaren tonë. Edhe thirrjet për të votuar #11, Shqipërinë gjithashtu.

Faqja zyrtare e Instagramit të Anxhela Peristerit mori flakë dje nga të gjithë mbështetësit dhe miqtë e saj. Dhe Shqipëria në Finalen e Madhe, Anxhela Peristeri rrëmbeu një vend të sigurt për datën 22, nata që do të vendosë fituesin e Eurovizionit.

Look-u i Anxhelës në Eurovision

Nuk ishte e rastësishme (nuk është asnjëherë) që Anxhela u shfaq në skenën europiane të këngës me veshjen e stilistëve shqiptarë.

Këtë herë veshja e saj mbante firmën e Kujta & Meri dhe ishte kompozuar në formën e një bady në ngjyrë argjendi, punuar totalisht me gurë. Nga ana tjetër, parukieri Kaci Lleshi dhe Sageri Makeup Studio bën skuadrën e performancës së Anxhela Peristerit dhe dhanë gjithë shkëlqimin e saj e të Shqipërisë që ajo përfaqëson, në skenën hollandeze të Eurovizionit.

anxhela peristeri ne tapetin e kuq

Pak ditë më parë në një sondazh të zhvilluar në faqen më të madhe të eventit, Anxhela Peristeri u përzgjodh e vëshura më bukur në tapetin e kuq, me një tjetër veshje nga një tjetër stilist shqiptar, me famë botërore tashmë, Valdrin Sahiti.

Vajza e Demi Moore, Tallulah Willis, jep leksione autosqime në Instagram

Tallulah Willis me nenen Demi Moore

Vajza e Demi Moore dhe Bruce Willis, 27-vjeçarja Tallulah Willis, shkruan një post të ndierë në Instagram, në të cilën flet hapur për mungesën e autosqimës së saj. Gjithçka që rrodhi si pasojë e krahasimit estetik me të ëmën. Leksione autosqime të vlefshme për çdokënd.

Pasi luftoi për një kohë të gjatë me varësitë dhe çrregullimet e të ngrënit, vajza e vogël e Demi Moore dhe Bruce Willis bën outing në Instagram, duke folur hapur për mungesën e vetëvlerësimit që i lindi nga konfrontimi i vazhdueshëm me nënën e saj . Një konfirmim i mëtejshëm se për yjet e Hollywood-it jeta që duket përrallore nga jashtë, është plot me dritë- hije. Por gjithmonë vjen koha për vetëdijësim dhe rilindje. Dhe edhe për Tallulah.

Nëna e bukur dhe rrjetet sociale

“U desh shumë kohë për ta pranuar”, shkruan Tallulah Willis në Instagram

“1) Plakja është diçka përtej kontrollit tonë, koha kalon dhe fytyra ndryshon. 2) Kam ndëshkuar veten, sepse nuk isha aq e bukur sa nëna ime. Që nga lindja më thoshin se isha kopja perfekte e babait tim, Bruce Willis, dhe kjo më bëri të bindja veten se nuk duhej të më donin për shkak të pamjes sime mashkullore. Sa gabohesha!”.

Postimi vazhdon me një seri konsideratash mbi peshën e madhe të paraqitjes në epokën e mediave sociale dhe mbi rëndësinë më aktuale se kurrë, të shërimit të plagëve të brendshme duke praktikuar dashurinë e përditshme për veten.

Ka shumë gjëra që mund të bëhen sipas Tallulah, që nga minimizimi i pranisë së pasqyrave, shkëputja nga rrjetet sociale personale, për të kaluar më shumë kohë duke parë gjëra argëtuese, si meme dhe gags komike. Mund të lexohen romaneve fantastike, të bëhen biseda me njerëzit që kuptojnë se çfarë po kaloni apo të ecni në ambiente të hapura e deri te mbajtja e një ditari. Nga frymëmarrja thellë, në humbjen e kohës me një banjë të nxehtë dhe produkte cilësore të bukurisë.

Të gjitha këto shërbejnë për autosqimën dhe janë një leksion i vlefshëm.

Tallulah nga histori e pasigurive te fejesa e lumtur

Postimi, në formë auto-rrëfimi dhe leksioni për pasiguritë më të thella, vjen në një moment të lumtur, menjëherë pas fejesës zyrtare me partnerin Dillon Buss.

Në të kaluarën, jeta e 27-vjeçares Tallulah është shënuar nga probleme me varësi dhe çrregullime të të ngrënit që kanë rezultuar në luhatje të konsiderueshme të peshës. E fundit, por jo më pak e rëndësishmja, në këtë peizazh të artë, por të dhimbshëm, marrëdhënia mes kundërshtive me nënën e saj Demin, dikur e varur nga alkooli. Tani për aktoren gjithçka shkon mirë dhe ajo ka vite esëll.

Pikërisht një vit më parë, vajza e vogël e familjes Willis shkruajti:

“Unë nuk kam biseduar me nënën time për gati 3 vjet. Por pastaj përmes introspeksionit kuptova vlerën terapeutike të faljes dhe më në fund pranova se sa magnetike është prania e saj në jetën time”.