Gabime të gjuhës së trupit, që ju dëmtojnë më shumë seç e mendonit

Qëndrimi shtrembër

Qëndrimi juaj tregon shumë në lidhje me nivelin e vetëbesimit që keni. Nëse keni qëndrim jo të drejtë të trupit, atëherë kjo tregon edhe nivel të ulët të vetëbesimit. Nëse nuk punoni për rregullimin e qëndrimit, jo vetëm që do të dukeni gjatë gjithë kohës keq, por do të keni dhe probleme me dhimbjet e shpinës.

Kryqëzimi i duarve dhe i këmbëve

Shumë njerëz e kanë zakon që të kryqëzojnë duart dhe këmbët kur ulen. Gjithsesi nëse jeni duke folur me dikë, mundohuni ta shmangni kryqëzimin e duarve, apo të këmbëve, pasi perceptohet si teknikë vetë-mbrojtje. Nga ana tjetër personi tjetër mund të ndjejë edhe mos-besimin nga ana juaj. Kështu që nëse dëshironi që të lini përshtypje të mirë gjatë një takimi, mos i kryqëzoni kurrë duart.

Lëvizja e tepërt

Mbase kur jeni të shqetësuar e keni zakon që të luani me flokët, me ndonjë unazë, apo të lëvizni pa fund. Nëse bëni këto veprime gjatë një takimi, do të dukeni sikur jeni mërzitur dhe sikur do të dëshironit që të ishit diku tjetër.

Fërkimi i qafës

Fërkimi i qafës, mund të jetë një veprim që ju e bëni për të çliruar tensionin në atë zonë të trupit. Në çdo rast, duhet të jeni të ndërgjegjshëm dhe të mos e kryeni shumë shpesh si veprim, sepse në shumë raste i bën personat që janë afër jush të mos ndjehen rehat.

Të kafshosh thonjtë

Një tjetër zakon që i tregon të tjerëve që ndjehesh nervoz është kafshimi i thonjve. Mund t’ju ndihmojë për të çliruar stresin, por nuk është veprim i hijshëm. Veç kësaj, personi me të cilin jeni duke folur mund të shpërqendrohet totalisht.

Shumë, ose aspak kontakt me sy

Shmangia e kontaktit me sy, mund të tregojë mungesë vetëbesimi, nga ana tjetër i jep personit tjetër edhe një ndjesi mos-besimi. Nga ana tjetër shikimi i tepruar në sy, mund të duket si një gjest agresiv, që do ta bëjë personin tjetër të mos ndjehet rehat. Në këtë rast mundohuni që të ruani masën.

Të dukesh i shpërqendruar

Të shpërqendrohesh kur dikush është duke folur, është veprim shumë i vrazhdë. Ndonjëherë ju mbase nuk do ta kuptoni veprimin që jeni duke bërë. Kjo pasi mund të jeni duke dëgjuar, por vështrimi juaj është ngulitur në një pikë në hapësirë. Mundohuni që të shihni personin që flet, ose të thoni diçka që të tregojë se jeni përfshirë në bisedë.

Pesë arsye për të hequr celularët nga duart e fëmijëve

Zhvillimi i trurit

Është provuar që nëse truri qëndron për një kohë të gjatë nën efektin e stimujve teknologjikë, kjo mund të ngadalësojë dhe rritjen e tij. Veçanërisht, ekspozimi ndaj  telefonave celularë mund të jetë i rrezikshëm për fëmijët që janë nga mosha 0-2 vjeç.  Përdorimi  për një kohë të gjatë i telefonit, mund të sjellë probleme të ndryshme tek fëmijët, duke filluar që nga  problemet e përqendrimit, deri në problemet me autokontrollin.

Sëmundjet mendore

Shumë studime, kanë treguar se përdorimi i teknologjisë ka qenë shkaku i shtimit të rasteve të depresionit tek fëmijët. Nga ana tjetër, fëmijët, që përdorin telefonat celularë shpesh, mund të preken edhe nga një sërë problemesh të tjera si: bipolariteti, problemet me sjelljen, skizofrenia etj.

Sjelljet agresive

Me anë të teknologjisë, fëmijët shpesh ekspozohen ndaj sjelljeve agresive. Kjo bën që ata në përpjekje për të imituar imazhet që kanë parë online, të bëhen agresivë. Kjo ndodh pasi përmbajtja  në internet, nuk është e kontrolluar dhe prindërit nuk i kushtojnë rëndësinë e duhur materialeve që shohin fëmijët.

Problemet me gjumin

Është konstatuar nga studimet, se fëmijët që përdorin deri vonë telefonin kanë probleme me gjumin dhe e kanë shumë të vështirë që të flenë. Kjo ndodh pasi përdorimi i telefonit, nuk lejon që melatonina të veprojë siç duhet dhe që fëmija të bjerë  në gjumë. Mungesa e gjumit më vonë, mund t’i sjellë fëmijës probleme në përqendrim si dhe rezultate jo të mira në nxënie.

Obeziteti i fëmijës

Përdorimi i teknologjisë, shpesh dikton edhe një stil jetese sedentar. Ky është një problem që po vihet re gjithnjë e më shumë në botë. Mungesa e aktivitetit fizik bën që fëmijët të preken nga obeziteti gjithnjë e më shumë. Siç e dimë, obeziteti është i rrezikshëm, pasi është një ndër faktorët kryesorë që lidhet me diabetin, si dhe me sëmundjet kardiovaskulare.

Keni flokë të dëmtuar? Ndihma e shpejtë e ka emrin keratinë

Keratina është një proteinë që gjendet në flokët tona. Funksioni i saj është sa i thjeshtë dhe aq i komplikuar. Keratina është përgjegjëse për shëndetin e flokëve tona.

Në rastet kur flokët janë shumë të dëmtuar, rekomandohet që të bëhen trajtime me keratinë, kjo duke qenë se sasia e keratinës që prodhon trupi ynë nuk mjafton për ta bërë flokun aq të shëndetshëm sa duhet.

Gjithsesi, para se të merrni vendimin për të bërë një trajtim të flokëve me keratinë, kujdesuni që të zgjidhni sallonin e duhur, si dhe shihni mirë produktin që do të vendoset në flokët tuaja. Pas trajtimit, flokët tuaj do të duken të rigjeneruar, kjo pasi proteina ristrukturon folikulat e qimes së flokut, duke i dhënë flokëve një pamje më të bukur dhe të shëndetshme.

Sot keratina e hidrolizuar, përdoret shumë në sallone, hapat për aplikimin e saj janë relativisht të thjeshta. Fillimisht aplikohet një shampo i posaçëm që pastron flokët në thellësi, më pas përdoret një shampo tjetër i pasur me proteina.  Pasi shpëlahen flokët, aplikohet keratina e hidrolizuar, më pas vendoset një maskë e pasur me keratinë, në vazhdim të kësaj në flokë aplikohet nxehtësi. Më pas mjafton që flokët të thahen e të krihen dhe do të dilni nga salloni me flokët që keni ëndërruar gjithmonë.