A po vuan Kate Middleton nga këpucët me taka? 7 dëmet që shkaktojnë ato

Kate Middleton së bashku me William kanë qenë në një vizitë disaditore në Skoci. Në fakt dukesha e Kembrixhit ishte në lartësinë e detyrës dhe prezantimit të saj. E veshur, ditën e fundit, në bojëqiell, çka na tërhoqi vëmendjen ishin skarpinat e saj, që “padashur” i kishin fotografuar këmbë të palosura keq. Të gjitha ne gratë e dimë mirë se çdo të thotë ajo përthyerje dhe shtrëmgim i këmbës në pjesën e dekoltesë së këpucës. A po vuan Kate Midleton nga këpucët me taka? Do t’ju tregojmë me këtë rast, 7 dëmet që i shkaktohen fizikut tonë nga këpucët me taka dhe sidomos skarpinat.

Dukesha e Kembrixhit dhe këpucët me taka

E bukur, e qeshur, e hijshme. Kate Middleton u prezantua kështu në vizitën e saj në Skoci, pasqyruar nga DailyMail. Por ne nuk do të merremi me vizitën. Ajo që na tërhoqi vëmnedjen ishin këmbët dhe skarpinat bojëqielli që dukesha kishte veshur. Janë firmë apo jo, kushtojnë shumë apo jo, lodhja dhe dëmet që shkaktojnë këpucët me taka janë njësoj.

Të gjitha e kemi provuar ç’do të thotë ta fusësh këmbën në çarkun e takave. Të gjitha e kemi provuar se sa domosdoshmëri bëhet më pas një masazh (që nuk do të donim të mbaronte kurrë) në shputa. Kate dukej jokomode, për të mos thënë e përvuajtur nga shtrëngimi që skarpinat i shkaktonin. Dhe nëse ajo arrinte ta mbulonte këtë me buzëqeshjen protokollare, këmbët flasin vetë.

Gati-gati na vjen të bëjmë një batut në lidhje me “sigurinë mbretërore”. A e ruajnë shëndetin e anëtarëve të familjes mbretërore sa duhet, protokollet e sigurisë britanike?

Gjithsesi, shpikja e takave, për mendimin tonë, është vrastare. Për këtë morëm mendime specialistësh sa i përket dëmeve që shkaktojnë këpucët me taka në fizikun e grave.

7 dëmet që shkaktojnë këpucët me taka

Metatarsalgjia: Një nga efektet më të zakonshme të takave të larta

Takat i bëjnë artikolacionet tona të pozicionohen sikur jemi në majë të gishtërinjve. Taka e rrit presionin në pjesën e përparme të këmbës. Nëse me këpucë të sheshta, pesha shpërndahet saktë midis thembrës dhe këmbës së përparme, me taka imponohet një sasi më e madhe e ngarkesës (dhe për këtë arsye stresi) në pjesën e përparme të këmbës. Më saktë te metatarsalet!

Inflamacioni i këtyre nyjeve shkakton të ashtuquajturën metatarsalgjia.

Jo vetëm kaq: sa më e lartë taka, aq më shumë gishtat do të zgjaten përpara, ose do të jenë “të palosura për lart”. Nëse ruhet për një kohë të gjatë, ky pozicion shkakton stres shtesë në nyjen midis metatarsaleve dhe gishtave.

Fashiti plantar apo fashiti i shputës

Në terma të thjeshtë, fashiti i shputës ndodh kur indet nën shputën e këmbës (në veçanti fasha e shputës) pësojnë acarim. Dhimbjet ose tensionet e lokalizuara shkaktohen në mes të shputës dhe në mes të thembrës.

Përdorimi i këpucëve me taka, por edhe shapkave me gisht në këtë rast, janë kontribues të kësaj patologjie.  

Gishtat, duke qenë në pozicion të zgjatur, vendosin fashën e shputës në një pozicion të shtrirjes së vazhdueshme. Meqenëse taka është një bazë mbështetëse shumë më e vogël dhe më e paqëndrueshme sesa një këpucë e ulët, ajo kërkon punë të vazhdueshme të muskujve të kyçit të këmbës dhe të këmbës për të ruajtur ekuilibrin.

Hallux Valgus ose kallot

Takat janë një nga faktorët që mund të kontribuojë në zhvillimin e tyre, kur përdoret shpesh dhe për shumë vite. Por ka edhe një rrezik tjetër: gjerësia e pjesës së përparme të këpucës.

Takat e theksuara ose të ngushta në pjesën e përparme (dhe kjo vlen për çdo lloj këpucësh) zvogëlojnë hapësirën e gishtërinjve. Këta të fundit, për këtë arsye, duhet të “shtypin” njëri-tjetrin për të gjetur një mënyrë më të qartë qëndrimi.

Shputa jonë është projektuar që të ketë një bazë të gjerë mbështetjeje. Gishtërinjtë kanë nevojë të marrin frymë. Mos e harroni këtë.

Gishti i çekanit

“Gishti i çekanit” është një deformim që prek kryesisht gishtin e 2-të dhe karakterizohet nga një kënd anormal i nyjës qendrore të gishtit. Përveç se është e dhimbshme, sigurisht që nuk është gjendja më estetike që ekziston.

Neuroma e Marton

Bëhet fjalë për një neuropati që prek mbaresat nervore të nervave intradigjitalë të vendosura midis kockave metatarsale. Mungesa e hapësirës ndërmjet metatarsaleve shkakton një kompresim të vazhdueshëm të këtij nervi: taka, madje e shoqëruar edhe me një majë të ngushtë, gjeneron një situatë të dërrmimit të vazhdueshëm.

Shtrembërimet e kyçit të këmbës

Të jesh në këmbë kërkon aftësi të jashtëzakonshme ekuilibri. Mendoni për herët e para që keni veshur taka. Më specifikisht, kërkohet një stabilitet dhe reagim i madh i kyçit të këmbës.

Sa herë keni parë e ndoshta edhe qeshur me rrëzimet e yjeve në skena apo pasarela?!

Krahasuar me një këpucë të sheshtë ku baza është e gjerë dhe e qëndrueshme, taka është e ngushtë dhe me mbështetje shumë të kufizuar në tokë. Kjo gjendje e detyron kyçin dhe shputën të punojnë papushim për të stabilizuar gjendjen. “Shputa dhe kyçi i këmbës janë si themelet e një shtëpie”, thonë specialistët. Po ju, a i keni themelet tuaja të forta?

Kontraktimet dhe dhimbjet në pulpë

Taka çon në mbajtjen e këmbës në një pozicion më vertikal dhe kjo do të thotë që pulpa juaj dhe tendina e Akilit do të jenë në një pozicion shkurtimi.

Një hulumtim zbuloi se pulpat e atyre që vishnin taka rregullisht ishte 13% më e shkurtër se ajo e grave që kishin veshur këpucë të sheshta. Duket si pak 13%, por për një muskul nuk është.

Kjo është arsyeja pse sapo hiqni këpucët me taka, ndieni një ndjesi të fortë tensioni (ose dhimbjeje). Sidoqoftë, ky aspekt mund të përmirësohet nga trajtimet specifike manuale të kryera nga fizioterapisti.

Mbas të gjithë dëmeve më sipër, shpresojmë që një ditë këmbët e grave të “mbrohen” me ligj!

redaksia VIP

“Meshkujt janë fëmijët tanë fëmijët e një gruaje”, gruaja proteston nudo kundër abuzimit me gratë.

Protestë e pazakontë ajo e djeshmja në Tiranë. Me qindra vajza e gra dhe aktivistë të shoqërisë civile protestuan në mbrojtje të 15-vjeçares së abuzuar ditë më parë në Mirditë. Një grua kishte zgjedhur një lloj proteste të veçantë. Ajo protestoi nudo, ndërsa mban në duar pankartën ku shkruhej: “Meshkujt janë fëmijët tanë, fëmijët e një gruaje”. Ditën e djeshme u organizua një protestë e madhe në kryeqytet. Gra e vajza, të rinj e aktivistë të shoqëerisë civile, marshuan ditën e dielë me pankarta në duar, për të sensibilizuar opinionin publik kundër dhunës ndaj grave.

Protesta kundër abuzimit me gratë

Shkak kësaj here u bë përdhunimi në grup i një 15-vjeçareje nga Mirëdita. Duket se nuk po mjaftojnë protestat për të reaguar ndaj abuzimeve me gratë. Megjithatë, dje u pa edhe një lloj proteste e pazakontë për vendin tonë. Ajo e një gruaje nudo, e cila mbante në duar një pankartë në të cilën shkruhej: “Meshkujt janë fëmijët tanë, fëmijët e një gruaje”.

Me qindra gra kanë mbajtur pankarta me shprehje pikante, për ta bërë më të ndjeshme shoqërinë shqiptare në luftë kundër abuzimit të tyre.

Numri i grave të abuzuara në vendin tonë po rritet çdo ditë e më shumë dhe edhe më i madh është numri i atyre të cilat nuk e marrin guximin të denoncojnë. Në një shoqëri maskiliste si e jona, vazhdon të drejtohet gishti i fajit mbi viktimën e abuzuar.

Sensibilizimi i shoqërisë shqiptare

Për hir të së vërtetës, edhe për shkak të protestave të tilla, shoqëria jonë ka nisur të sensibilizohet, edhe pse jo aq sa do të donim të gjitha ne. Viktimat e pamundësive dhe vogëlsive të burrave, mbeten gratë dhe fëmijët, çka ngre alarmin për ndryshimin e edukimit sidomos të brezave të rinj.

Ende në shoqërinë shqiptare nuk është kuptuar se nëse ka një motor që e ka shtyrë sado pak përpara këtë shoqëri, është gruaja ajo që e ka vënë në lëvizje këtë motor. Vërtetësia e saj të vjen në mend kur bisedon me të huajt që jetojnë e punojnë në Shqipëri dhe që dinë ta shquajnë mirë forcën e saj. Bëhet me dije se e njëjta temë proteste ka qenë ditën e djeshme edhe në Durrës.

“Janë bijtë e grave, por nuk janë si ne”, do të këndonte Mia Martini dhe fjalët e gjetura të tekstit të këngës vazhdojnë të jenë aktuale. Nuk e dimë se kur do të marrë fund kjo situatë makabre, por duam të theksojmë se jemi pjesë e protestës për të Drejtat e Grave dhe luftës kunder abuzimit.

Protestë e vajzave dhe grave në Rrëshen, pas përdhunimit të vajzës 15-vjeçare

proteste e grave ne rreshen

Ditën e sotme, vajza dhe gra aktiviste të të Drejtave të Grave kanë protestuar në qytetin e Rrëshenit. E gjitha kjo në mbështetje të skandalit të disa ditëve më parë, kur një 15-vjeçare dhe familja e saj kanë denoncuar një grup prej 5 personash, për përdhunimin në grup.

Protesta kundër përdhunimit

Vajzat dhe gratë mbanin në duar pankarta dhe kanë marrshuar në qytet me thirrjet: “Ti nuk je vetëm” apo “Përdhunimi është krim”.

Protestueset kërkojnë ndërhyrjen e institucioneve shtetërore kundër përdhunimeve të grave e vajzave, si dhe marrje masash të ashpra lidhur me këtë.

Në protestë u panë edhe nëna, të cilat të pasigurta për vajzat e tyre të reja, me lot në sy shprehen se faji nuk është i vajzave, por i atyre që përdhunojnë.

Gjithashtu, në radhët e protestuesve ka qenë edhe Ipeshkvi i Rrëshenit, Dom Gjergj Meta, në mbështetje të grave dhe vajzave dhe “në respekt për tjetrin, për trupin e tjetrin, për gratë fëmijët, adoleshentët. Respekti është në bazën e gjithckaje”, siç shprehet ai.

Nga ana tjetër, edhe Delegacioni i BE-së në Shqipëri është shprehur sot në mbështetje të grave dhe vajzave, duke u shprehur se “indiferenca vret”.

Ngjarja e përdhunimit

Vajza 15-vjeçare nga Mirëdita u përdhunua për një muaj nga një grup prej 5 personash. Personat, të gjithë në moshë madhore, madje edhe familjarë shumica e tyre, veç një 17-vjeçari, kanë marrë masën e sigurisë “arrest me burg”. Ngjarja e ka zanafillën në datën 8 mars dhe vajza kërcënohej me foto e video për të heshtur.

Të gjithë personat ishin të njohur të familjes, duke qenë banues të një vendi të vogël. Ndërkohë familjarët e vajzës kërkojnë largimin e tyre nga vendi i banimit, pasi prania e tyre thellon problemet psikologjike të së resë.  

Pritet që protestat e aktivisteve të të Drejtave të Grave të vazhdojnë edhe në qytete të tjera, ndërsa ditën e dielë, një protestë e madhe po organizohet në kryeqytet.

Megan Markle flet me simbole, çfarë donte të thoshte me veshjen e fundit

Një gjë është e qartë, goca, Megan nuk del kurrë në publik e veshur thjesht dhe me çfarë t’i vijë ndërmend, mjafton që të kombinohet apo të jetë “firmato”.

E kemi thënë shpesh që Meghan Markle i ka sytë lart (në shtëpinë e bardhe pra), kështu që edhe veshjet e saj në daljet ë së fundmi i ka ca më të rralla, duan të komunikojnë me njerëzit.

Së pari po vihet re se Markle po e thekson gjithmonë e më tepër prejardhjen amerikane, dhe duket e arsyeshme për faktin që thamë më sipër.

Pse e themi këtë?

Në daljen e fundit e ditës së shtunë të javës së shkuar, me rastin e eventit Global Citizen Vax Live, Dukesha u shfaq e veshur me një fustan të firmosur nga Carolina Herrera.

Ju kujton gjë? Po pra, e njëjta stiliste e Kamala Harris, në festën e fitores elektorale të Joe Biden. Një stiliste venezueliane e frekuentuar edhe nga first lady-t Michele Obama e Melania Trump.

Markle tani ka pushtuar zemrat e amerikanëve dhe statusi i saj është konfirmuar edhe një herë nga ky fustan me lule (tashmë i shitur në internet) me nuancat e së kuqes dhe rozës me një fantazi lulëkuqesh.

E kuqja dhe trëndafilia, ndër të tjera, janë dy ngjyra që përdoreshin shpesh nga Zonja D, që Meghan Markle nuk lë rast pa shfrytëzuar për ta rikujtuar te adhuruesit e saj.

Nga ana tjetër në dorë nuk do të mungonte ora Cartier Tank, 18 karat, që i përkiste princeshës dhe që mesa duket i është dhuruar Meghan-it nga i shoqi, Harry.

Por le të vimë tani tek ajo që ishte edhe qershia mbi tortë e veshjes së saj, si dhe simboli më i fortë. Bëhet fjalë për varësen që mbante në qafë dukesha. Ky është një varëse elegante prej ari “Ëoman Poëer” nga Aëe, një markë që ka bërë gjithashtu bizhuteritë për Kamala Harris dhe Ruth Bader Ginsburg.

Markle zgjodhi një varëse që feston luftën e grave: simboli i Venusit, në fakt, është i kombinuar me një grusht proteste, të zbukuruar me një ametist vjollcë, një nga ngjyrat që shoqërohet tradicionalisht me feminizmin.

Gjerdan i plotë argjendi, i larë me ar të verdhë 14 karat, që përputhej në mënyrë të përsosur me fjalimin e bërë nga Meghan, e cila donte të rikujtonte se si pandemia ka dëmtuar kryesisht gratë.

“Kur mendojmë për vajzën tonë, ne mendojmë për të gjitha gratë dhe vajzat e reja që duhet të kenë të gjithë mbështetjen për të ecur përpara. Udhëheqja e tyre e ardhshme varet nga vendimet që ne marrim dhe veprimet që bëjmë tani”.

Janë fjalët që tha në event, midis të tjerash, Markle, e cila është në fund të shtatëzanisë së dytë, e tashmë pret një vajzë.

Mesazhi është i qartë dhe të gjitha të dhënat çojnë në një përfundim: #GirlPower!

Meghan po kujdeset për të ardhmen e grave dhe ka çdo qëllim që të përdorë ndikimin e saj për të luftuar për të drejtat e grave dhe sigurisht edhe ngjitjen e saj në karrierën politike. Dhe këtë po e bën me të gjitha mjetet, edhe me veshjet. Kështu që mos ia ndani sytë gjithë simbolikave që demonstron.

Kruarja e gjirit dhe 10 arsyet që një grua nuk duhet t’i nënvlerësojë

Kruarja e gjirit është një çrregullim shumë i zakonshëm që mund të ketë shkaqe të ndryshme, nga ato më të parëndësishmet deri tek ato më seriozet, por në çdo rast është mirë të mos e nënvlerësoni atë.

Kruarja e gjirit është një problem tepër i zakonshëm. Në shumicën e rasteve nuk është asgjë serioze, por nëse çrregullimi është i vazhdueshëm, është më mirë të kontrolloheni. E konsultoheni me mjekët.

Lëkura e gjirit është shumë delikate dhe për këtë arsye skuqet me lehtësi. Gjithsesi, është normale të shqetësoheni për çdo ndryshim sado të vogël, por gjithashtu pa ekzagjeruar me panikun.

10 shkaqe të mundshme për kruajtjen e gjirit

Kruarja e gjirit mund të ndodhë në pjesën nën gji, pranë thithave dhe si në gjirin e djathtë, ashtu edhe në të majtin: të gjitha janë zona të ndjeshme që preken nga ndryshimet edhe më të vogla hormonale në trupin tonë. Kruarja mund të ketë disa shkaqe që ndryshojnë nga personi në person, duke filluar që nga irritimet për shkak të djersës deri te menstruacionet.

Por, shkaqet më të zakonshme të kruarjes së gjinjve janë këto:

1. Cikli menstrual

Në periudhat e luhatjeve hormonale, domethënë para ciklit menstrual, ndodh që të kruhen gjinjtë, kruajtje që kalojnë vetvetiu sapo të vijnë menstruacionet dhe nivelet e hormoneve të stabilizohen.

2. Pëlhurat sintetike

Ndër shkaqet e zakonshme janë të brendshmet intime. Ndonjëherë pëlhura sintetike, tylërat dhe dantellat mund të irritojnë lëkurën e gjinjve dhe të shkaktojnë kruajtje dhe skuqje; në këtë rast, thjesht përdorni sutjena pambuku për të hequr qafe acarimin.

3. Kozmetiket dhe sapunët

Skuqja, kruajtja dhe djegia mund të shkaktohet nga sapunët dhe produktet kozmetikë që janë shumë agresivë ose përmbajnë përbërës që nuk i durojmë ose ndaj të cilave jemi alergjikë. Thjesht ndryshoni produktin dhe përdorni diçka neutrale dhe hipoalergjike.

4. Djersa

Djersitja dhe dehidrimi gjithashtu mund të shkaktojnë kruarje të gjinjve, por edhe nën gjinj. Në këto raste çrregullimi është vetëm lëkuror dhe duhet të zhduket brenda disa ditësh, nëse vazhdon është më mirë të konsultoheni me mjekun tuaj për të përshkruar ndonjë vaj që mund të lehtësojë shqetësimin.

5. Patologjitë e lëkurës

Patologjitë e lëkurës të tilla si psoriaza ose dermatiti mund të ndikojnë gjithashtu në gji dhe të shkaktojnë skuqje dhe kruajtje. Në këto raste është e nevojshme për të trajtuar problemin në burim, pra të gjeni një kurë për sëmundjen dhe pastaj të merreni me simptomat e kruarjes së gjirit me kremrat e duhur ​​dhe aloe vera.

6. Tumoret

Kruarja e gjirit mund të jetë gjithashtu një simptomë e kancerit dhe kancerit të gjirit në veçanti. Është mjaft e rrallë që një tumor të shfaqet vetëm në këtë mënyrë, por kujdesi nuk është kurrë shumë, veçanërisht nëse kruajtja shoqërohet me skuqje të gjerë.

7. Sëmundja Paget

Një formë e kancerit që ndodh me kruarje të gjinjve është sëmundja Paget, një formë e rrallë e kancerit që gjendet vetëm në 5% të të gjitha kancereve të gjirit. Ky tumor fillimisht shkakton kruarje dhe më pas lezione, shumë të ngjashme me ekzemën, në thitha dhe në areolën e gjirit. Sëmundja Paget e ka origjinën në kanalet e gjëndrës së qumështit dhe ka tendencë të përhapet në epidermën mbivendosëse; zakonisht është e lokalizueshme dhe për këtë arsye trajtohet lehtësisht, për sa kohë që simptomat nuk nënvlerësohen, në mënyrë që të kemi një diagnozë të hershme.

8. Shtatzënia

Një nga shkaqet mjaft të zakonshme të kruarjes së gjinjve është shtatzënia: ndër simptomat e para janë dhimbja e gjirit dhe kruajtja që shkaktohen nga “përçartja” hormonale. Kjo ndodh që në javët e para të shtatzënisë. Gjatë shtatzënisë, trupi ynë ndryshon dhe i ekspozohet shumë  vështirësive e lodhjes, simptoma që nuk ishin më parë, por pikërisht me këtë merren gjinekologët, të cilët mund të ofrojnë mbështetje dhe këshilla, pasi e dinë se cilat ndryshime janë pjesë e “paketës së shtatzënisë” e cilat jo.

9. Ushqyerja me gji

Kruajtja e gjirit ndërsa ushqyeni fëmijën me gji është krejt e zakonshme dhe ndodh kur keni gypa të qumështit të mbushur. Në këtë rast, ka disa shqetësime dhe ndjesi si shpim gjilpërash deri në dhimbje dhe kruajtje, simptoma që zhduken sapo zbrazet gjiri. Në rast se vëreni se ka gunga, nyje, deformim ose dhimbje në thithat është mirë që të konsultoheni me mjekun tuaj për t’u siguruar që gjithçka është normale.

10. Mastiti

Kruarja mund të shkaktohet edhe nga mastiti, një sëmundje inflamatore bakteriale, e cila mund të shfaqet gjatë ushqyerjes me gji dhe të shkaktojë shumë dhimbje. Një nga shkaqet më të zakonshme është staza e qumështit, domethënë akumulimi i qumështit brenda gjirit. Mastiti mund të ndodhë edhe pas një dëmtimi të thithës, si në rastin e piercing.

Trajtimi i kruarjes së gjirit

Mjetet shëruese për kruarjen e gjirit janë të lidhura ngushtë me shkaqet.

Nëse kruajtja është shkaktuar nga sëmundje të parëndësishme, trajtimet shëruese janë natyrore, siç është rasti i kompresave, kremrat hidratues, aloe vera, të brendshmet prej pambuku ose liri dhe kaq do të mjaftonte.

Në rastet kur kruarja është shumë e vazhdueshme, është më mirë të konsultoheni me mjekun tuaj të përgjithshëm dhe ndoshta një specialist që mund t’ju ndihmojë të zbuloni shkaqet dhe t’ju japë terapinë e duhur.

Pyetja e Loredanës është grua, ja pse e ka gdhirë natën sonte në story!

Loredanën tashmë jo vetëm që e njihni të gjithë, por s’lini lajm për të, pa lexuar. Për të dhe për Mozzik, bashkëshortin e saj. Ndoshta pak me të drejtë, sepse ata kanë ditur gjithmonë të tërheqin vëmendjen e njerëzve dhe të bëjnë të flitet për ta, edhe për shkak të suksesit brenda dhe jashtë kufijve shqiptar, por edhe për shkak të marrëdhënies së tyre.

Deri dje, të gjithë i kanë bërë sytë katër për të kuptuar nëse do të ktheheshin përsëri së bashku Mozzik e Loredana, pas deklarimit se ishin ndarë, duke qenë se kanë edhe një fëmijë, Hanën e vogël.

E më në fund, pas lojës kukafshehti që bën me mediat rozë dhe fansat e tyre, duke dhënë detaje që bënin të dyshohej, lajmi i madh erdhi dhe ata jo vetëm që ishin kthyer bashkë, por kanë konceptuar edhe fëmijën e dytë.

Por, Loredana natën e shkuar ka qenë banore e instagramit të saj, në instastory mes dhjetra fotosh e një pyetjeje tepër të rëndësishme e gati filozofike, pra e ka shkuar natën gati pa gjumë.

Nuk e dimë krejtësisht se çfarë po i ndodh, por nga ana tjetër është edhe krejt normale që një grua në karrierë si ajo dhe mbase me ulje-ngritjet e marrëdhënies së saj, të ndjehet pak “e zënë në grackë” me shtatëzaninë e dytë.

Gjithsesi, nuk mbajmë mend ta kemi parë kaq grua sa sot, brenda asaj pyetjeje, mes dhjetra e dhjetra artikujsh që shkruajmë e shkruajnë për të.

Aq sa na vjen t’i kthejmë edhe ne një përgjigje për pyetjen e saj. Ah, po, pyetja në story, e shkruajtur në anglisht është: “I need a second baby?” (A kam nevojë për një fëmijë të dytë?)

Pyetja më normale në botë për një grua, për të cilën ndryshon gjithçka që me ngjizjen e fëmijës. Ndoshta do të marrë si gjithmonë mesazhe paralele, pra do të ketë nga ata/ato që do t’i japin kurajo, por edhe anasjelltas.

Sidoqoftë, e vërteta sipas nesh është se Loredana nuk ka bërë kurrë pyetje më njerëzore e më grua se kjo. Dhe s’ka të bëjë aspak me faktin nëse e do apo nuk e do fëmijën një nënë, gjë për të ciilën dyshojmë se do ta sulmojnë, por me faktin krejtësisht normal e njerëzor: nëse është mjaftueshëm e përgatitur për një lindje të dytë dhe gjithë përgjegjësitë që fëmija kërkon!

Ne në redaksinë tonë të Vip-it kemi hedhur bast që PO, është e zonja dhe do ia dalë më së miri! Po ju çfarë mendoni?

Redaksia Vip © të gjitha të drejtat janë të rezervuara

Për të folur për ty mjafton ca “lesh në sqetull”, Madona me të bijën postojnë foton e çuditshme

Një rrjet që “bën copash” një mashkull me lesh në sqetulla (më falni për zhargonin) si Fedez, sot gjendet para fotos me të njëjtin karakter të Madonës me të bijën.

Në fakt Madona është e vjetër “në zanat” dhe e di mirë se çfarë e tërheq vëmendjen e publikut për të folur për ty. Kështu që nuk ka nguruar edhe kësaj here e nuk e ka për herë të parë që e bën.

Edhe një herë Madonna dhe vajza e saj 24-vjeçare mbështesin kauzën e sqetullave natyrore. Një poster i vajzës (dhe një hile e vjetër për t’i bërë njerëzit të flasin për veten e tyre)

Madonna dhe Lourdes Ciccone kthehen në Instagram për të promovuar edhe një herë lirinë për të mos u depiluar. Një foto e re me sqetullat e ekspozuara natyrshëm, e cila i shtohet shumë të tjerave në të kaluarën.
Nënë e bijë rebelohen

Profili i 62-vjeçares Madonna në Instagram është një alternim i fotove të guximshme, krenarisë shumëvjeçare dhe himneve të dashurisë për familjen e saj. E në këtë kuadër është edhe postimi i fundit, në të cilin ajo pozon me vajzën e saj, Lourdes Ciccone Leon.

Një selfie si shumë të tjera, në të cilën, megjithatë, bie në sy detaji i papritur i bukurisë. Modelja 24-vjeçare ngre krahun për të fotografuar veten me nënën e saj dhe tregon kështu sqetullën e saj të padepiluar. Gjesti rebel e i qëllimshëm shpreh protestën kundër kanuneve bashkëkohore të bukurisë, por nuk është hera e parë. Në shtëpinë Ciccone, fotot natyrale janë një traditë e vërtetë.

Lourdes, modelja beauty antikonformiste

Në vitin 2016, Madonna kishte postuar një foto të Lourdes me krahët e ngritura, duke shtuar hashtagun #rebelheart. Dhe siç pritej nuk munguan reagimet e diskutueshme nga publiku.

Ndërsa për disa imazhi është një manifest i fuqisë së vajzave (girl power) dhe një frymëzim për të qenë gra të lira dhe jokonvencionale, për të tjerët gjesti tingëllon i pacipë dhe jo i këndshëm për t’u parë.

Komentet e vlerësimit alternohen me emoji me gishtin sipër e poshtë. Por mbase qëllimi i vërtetë i postimit është të krijojë debat e diskutime, (e për pasojë aktivitet në faqen instagram). Duket se Lourdes po ndjek hapat e të ëmës, mbretëreshës absolute të yjeve të paturpshëm të popit.

Madona ndërkohë njihet për drejtimin e feminizmit pop, një frazë e krijuar nga avanguardizmi i saj, i demonstruar gjatë gjithë jetës së saj artistike e jo vetëm

Në 2014 ajo kishte postuar një foto me sqetullat të padepiluara, për t’i bërë homazh viteve ’70 dhe lindjes së lëvizjes së fortë të feminizmit të asaj periudhe.

Foton e shoqëronin fjalët: “Long hair…… Don’t Care!!!!!!”, por duke shtuar, që para se të bëheshin kaq në modë, prekjen bashkëkohore të hashtagëve #artforfreedom #rebelheart dhe #revolutionoflove, shpalljet autentike të dashurisë dhe tolerancës për veten dhe të tjerët.

Gratë shqiptare të 2020-ës të diskriminuara, lidhur me Paratë dhe Kohën, në raport me burrat shqiptarë dhe gratë europiane

Ndërkohë që pretendojmë “të festojmë” 8 marse, sikur të kishim zbuluar rrotën, pabarazia gjinore është tepër e lartë në Shqipëri dhe ky nuk është vetëm një perceptim i thjeshtë, por tashmë vërtetohet edhe nga të dhënat statistikore të INSTAT, organizëm përgjegjës për monitorime dhe statistikat në vendin tonë.

Sipas INSTAT, gratë shqiptare gjenden sot me më pak kohë të lirë, më pak para e burime financiare, më pak mundësi për të krijuar njohuri, më pak akses në shëndetësi dhe të pabarabarta në vendimmarrje. Me pak fjalë gratë shqiptare vazhdojnë të jenë të diskriminuara në raport me burrat shqiptarë.

Sipas të dhënave të Indeksit të Barazisë Gjinore, Shqipëria ka rrugë të gjatë për të bërë për të arritur te barazia aq e kërkuar gjinore.

Siç bën me dije Monitor.al, gratë në Shqipëri janë të pabarabarta me burrat në pesë fushat, që mat indeksi: Puna; Paratë; Njohuritë; Koha; Vendimmarrja; Shëndeti.

Pabarazia më e madhe është në fushën e Kohës, ku indeksi është më i ulët dhe është vetëm 48.1 pikë dhe çalohet në të dy treguesit, si në atë të aktiviteteve të kujdesit, ashtu edhe atë social.

Njohuritë janë një tjetër fushë ku diferenca është e lartë, me 55.6 pikë, me dy nën-fushat, Ndjekja dhe pjesëmarrja (55.3) dhe Ndarja në arsim (56).

Gratë nuk kanë shumë akses as tek Paratë, i treti tregues më i ulët me 59.6 pikë. Ato çalojnë sidomos në mungesën e burimeve financiare (44.6), që ul ndjeshëm pikëzimin e fushës së parasë, ndërsa janë më mirë në situatën ekonomike (79.6).

Në Vendimmarrje pabarazia burra-gra fillon e zvogëlohet, duke marrë 60.9 pikë. Femrat kanë një peshë më të lartë në vendimmarrje ekonomike (74.5) dhe politike (74.5), por çalojnë tek ajo sociale (42.3).

Në fushën e Punës, treguesi vijon e rritet, duke arritur në 67.6 pikë. Pjesëmarrja e grave në punë është e lartë (78.3), por pikëzimi ulet kur bëhet fjalë për ndarjen në punë (58.4).

Shëndeti është fusha, ku ka më pak pabarazi gjinore, me 81.8 pikë. Gratë kanë vlerësim të lartë si në status (91.6), ashtu dhe në akses (89.1), por janë më dobët në nën fushën e sjelljes (67).

Po krahasuar me BE-në, çfarë na tregon Indeksi i Barazisë Gjinore?

Gjithashtu sipas Monitor.al, diferenca më e madhe mes Shqipërisë dhe shteteve të BE-së është në fushën e parasë, me 21 pikë (për vendet e BE-së, fusha e parasë është e dyta ku ka më pak pabarazi, pas shëndetit).

Edhe në fushën e kohës, Shqipëria çalon në raport me gratë në Bashkimin Europian, me një diferencë prej 17.4 pikësh.

Për njohuritë diferenca është 8 pikë, ndërsa ngushtohet në atë të punës (4.6 pikë). Ashtu si në BE, edhe në Shqipëri, shëndeti është fusha ku ka më pak pabarazi gjinore.

Femrat në Shqipëri ua kalojnë atyre në BE vetëm në fushën e vendimmarrjes, ku janë para me 7.4 pikë.

(burimi Monitor)

Durrësi proteston me këpucët e kuqe, instalacioni në ditën e 8 marsit

Durrësi ka vendosur të protestojë sot, në ditën e 8 marsit të Grave, me instalacionin  e këpucëve të kuqe, formë proteste e cila tashmë ka bërë xhiron e botës që kur për herë të parë u soll nga artistja meksikane, Elina Chauvet, në shenjë proteste ndaj humbjes së të motrës, si pasojë e dhunës në familje.

Durrësi është i renditur i pari në listën e zezë dhe të turpshme të humbjes së jetëve të grave, në rrang vendi. Ndaj edhe sot protesta aty ka marrë ngjyrën e kuqe të këpucëve bosh, si një mesazh i fortë ndaj dhunës në familje dhe humbjes së jetës së grave nga dhuna barbare e burracake e burrave.

Shkallët e galerisë “Nikolet Vasia” janë mbushu me këpucë të kuqe proteste të mbledhura jo vetëm nga gratë e qytetit dhe janë simbolika e dhunës barbare që i ka marrë jetën grave.

Ka qenë regjisorja Driada Dervishi ajo, e cila edhe gjatë fjalës së saj theksoi se kjo ditë dhe ky instalacion do të duhet të shërbejë për ndërgjegjësimin ndaj fakteve tronditëse.

Ishte nëpërmjet rrjeteve sociale që mori jetë nisma e teatrit “Aleksandër Moisiu” të Durrësit, një thirrje së cilës iu bashkuan shumë gra për t’iu bashkuar protestës dhe vullnetit për ndryshimin e mëndësisë në një shoqëri patriarkale, ku jeta e gruas nuk ka aspak vlerë dhe ajo shihet ende sot si plaçkë.

Nuk mbaron këtu, trupa e teatrit në bashkëpunim edhe me të tjera personalitete të artit kanë përgatitur 8 histori të vërteta grash, të shoqëruara me fotografi dhe video të shkurtra të cilat do të shfaqen mbasditen e ditës së sotme edhe live nëpërmjet fb të teatrit të Durrësit.

Ashley Graham proteston ndaj etiketave, nuk do që ta thërrasin më grua “curvy”

Në një intervistë të fundit, Ashley Graham tha se i kanë ardhur në majë të hundës etiketat që i janë bashkangjitur dhe humbja e kohës për t’iu përgjigjur pyetjeve në lidhje me trupin e saj.

Ajo është një nga simbolet e body positive, por është lodhur nga etiketat që nuk e përfaqësojnë plotësisht atë. Në një intervistë të fundit me WSJ Magazine, Ashley Graham deklaroi se ajo nuk dëshiron të përcaktohet më me mbiemrin curvy (e mbushur). Kur e pyesin se si do të preferonte të quhej, ajo nuk ka dyshime: “Grua”. Dhe shpjegimi pse është fare i thjeshtë: “Urrej që të diskutoj vazhdimisht për trupin tim, sepse nuk njoh asnjë burrë që duhet ta bëjë këtë”.

Kjo nuk do të thotë që Ashley do të ndalojë betejën e saj për të ndryshuar vizionin lidhur me trupin e gruas.

“Dua që njerëzit të dinë se ka gra me celulit, me dhjamë dhe strija”, shpjegon ajo.

Modelja u bë nëna e Isaac Menelik Giovanni në janar 2020. Siç pranon edhe vetë, ende nuk ka arritur të humbasë të gjitha kilet e marra gjatë shtatzënisë, por ky nuk është problem: “Të mendosh për humbjen e peshës në karantinë është një dështim epik” .

Kjo është arsyeja pse Ashley do të vazhdojë të postojë fotografi të trupit të saj, sepse ta duash atë, thotë ajo, është “një praktikë e përditshme, jo vetëm një qëllim”.