A po vuan Kate Middleton nga këpucët me taka? 7 dëmet që shkaktojnë ato

Kate Middleton së bashku me William kanë qenë në një vizitë disaditore në Skoci. Në fakt dukesha e Kembrixhit ishte në lartësinë e detyrës dhe prezantimit të saj. E veshur, ditën e fundit, në bojëqiell, çka na tërhoqi vëmendjen ishin skarpinat e saj, që “padashur” i kishin fotografuar këmbë të palosura keq. Të gjitha ne gratë e dimë mirë se çdo të thotë ajo përthyerje dhe shtrëmgim i këmbës në pjesën e dekoltesë së këpucës. A po vuan Kate Midleton nga këpucët me taka? Do t’ju tregojmë me këtë rast, 7 dëmet që i shkaktohen fizikut tonë nga këpucët me taka dhe sidomos skarpinat.

Dukesha e Kembrixhit dhe këpucët me taka

E bukur, e qeshur, e hijshme. Kate Middleton u prezantua kështu në vizitën e saj në Skoci, pasqyruar nga DailyMail. Por ne nuk do të merremi me vizitën. Ajo që na tërhoqi vëmnedjen ishin këmbët dhe skarpinat bojëqielli që dukesha kishte veshur. Janë firmë apo jo, kushtojnë shumë apo jo, lodhja dhe dëmet që shkaktojnë këpucët me taka janë njësoj.

Të gjitha e kemi provuar ç’do të thotë ta fusësh këmbën në çarkun e takave. Të gjitha e kemi provuar se sa domosdoshmëri bëhet më pas një masazh (që nuk do të donim të mbaronte kurrë) në shputa. Kate dukej jokomode, për të mos thënë e përvuajtur nga shtrëngimi që skarpinat i shkaktonin. Dhe nëse ajo arrinte ta mbulonte këtë me buzëqeshjen protokollare, këmbët flasin vetë.

Gati-gati na vjen të bëjmë një batut në lidhje me “sigurinë mbretërore”. A e ruajnë shëndetin e anëtarëve të familjes mbretërore sa duhet, protokollet e sigurisë britanike?

Gjithsesi, shpikja e takave, për mendimin tonë, është vrastare. Për këtë morëm mendime specialistësh sa i përket dëmeve që shkaktojnë këpucët me taka në fizikun e grave.

7 dëmet që shkaktojnë këpucët me taka

Metatarsalgjia: Një nga efektet më të zakonshme të takave të larta

Takat i bëjnë artikolacionet tona të pozicionohen sikur jemi në majë të gishtërinjve. Taka e rrit presionin në pjesën e përparme të këmbës. Nëse me këpucë të sheshta, pesha shpërndahet saktë midis thembrës dhe këmbës së përparme, me taka imponohet një sasi më e madhe e ngarkesës (dhe për këtë arsye stresi) në pjesën e përparme të këmbës. Më saktë te metatarsalet!

Inflamacioni i këtyre nyjeve shkakton të ashtuquajturën metatarsalgjia.

Jo vetëm kaq: sa më e lartë taka, aq më shumë gishtat do të zgjaten përpara, ose do të jenë “të palosura për lart”. Nëse ruhet për një kohë të gjatë, ky pozicion shkakton stres shtesë në nyjen midis metatarsaleve dhe gishtave.

Fashiti plantar apo fashiti i shputës

Në terma të thjeshtë, fashiti i shputës ndodh kur indet nën shputën e këmbës (në veçanti fasha e shputës) pësojnë acarim. Dhimbjet ose tensionet e lokalizuara shkaktohen në mes të shputës dhe në mes të thembrës.

Përdorimi i këpucëve me taka, por edhe shapkave me gisht në këtë rast, janë kontribues të kësaj patologjie.  

Gishtat, duke qenë në pozicion të zgjatur, vendosin fashën e shputës në një pozicion të shtrirjes së vazhdueshme. Meqenëse taka është një bazë mbështetëse shumë më e vogël dhe më e paqëndrueshme sesa një këpucë e ulët, ajo kërkon punë të vazhdueshme të muskujve të kyçit të këmbës dhe të këmbës për të ruajtur ekuilibrin.

Hallux Valgus ose kallot

Takat janë një nga faktorët që mund të kontribuojë në zhvillimin e tyre, kur përdoret shpesh dhe për shumë vite. Por ka edhe një rrezik tjetër: gjerësia e pjesës së përparme të këpucës.

Takat e theksuara ose të ngushta në pjesën e përparme (dhe kjo vlen për çdo lloj këpucësh) zvogëlojnë hapësirën e gishtërinjve. Këta të fundit, për këtë arsye, duhet të “shtypin” njëri-tjetrin për të gjetur një mënyrë më të qartë qëndrimi.

Shputa jonë është projektuar që të ketë një bazë të gjerë mbështetjeje. Gishtërinjtë kanë nevojë të marrin frymë. Mos e harroni këtë.

Gishti i çekanit

“Gishti i çekanit” është një deformim që prek kryesisht gishtin e 2-të dhe karakterizohet nga një kënd anormal i nyjës qendrore të gishtit. Përveç se është e dhimbshme, sigurisht që nuk është gjendja më estetike që ekziston.

Neuroma e Marton

Bëhet fjalë për një neuropati që prek mbaresat nervore të nervave intradigjitalë të vendosura midis kockave metatarsale. Mungesa e hapësirës ndërmjet metatarsaleve shkakton një kompresim të vazhdueshëm të këtij nervi: taka, madje e shoqëruar edhe me një majë të ngushtë, gjeneron një situatë të dërrmimit të vazhdueshëm.

Shtrembërimet e kyçit të këmbës

Të jesh në këmbë kërkon aftësi të jashtëzakonshme ekuilibri. Mendoni për herët e para që keni veshur taka. Më specifikisht, kërkohet një stabilitet dhe reagim i madh i kyçit të këmbës.

Sa herë keni parë e ndoshta edhe qeshur me rrëzimet e yjeve në skena apo pasarela?!

Krahasuar me një këpucë të sheshtë ku baza është e gjerë dhe e qëndrueshme, taka është e ngushtë dhe me mbështetje shumë të kufizuar në tokë. Kjo gjendje e detyron kyçin dhe shputën të punojnë papushim për të stabilizuar gjendjen. “Shputa dhe kyçi i këmbës janë si themelet e një shtëpie”, thonë specialistët. Po ju, a i keni themelet tuaja të forta?

Kontraktimet dhe dhimbjet në pulpë

Taka çon në mbajtjen e këmbës në një pozicion më vertikal dhe kjo do të thotë që pulpa juaj dhe tendina e Akilit do të jenë në një pozicion shkurtimi.

Një hulumtim zbuloi se pulpat e atyre që vishnin taka rregullisht ishte 13% më e shkurtër se ajo e grave që kishin veshur këpucë të sheshta. Duket si pak 13%, por për një muskul nuk është.

Kjo është arsyeja pse sapo hiqni këpucët me taka, ndieni një ndjesi të fortë tensioni (ose dhimbjeje). Sidoqoftë, ky aspekt mund të përmirësohet nga trajtimet specifike manuale të kryera nga fizioterapisti.

Mbas të gjithë dëmeve më sipër, shpresojmë që një ditë këmbët e grave të “mbrohen” me ligj!

redaksia VIP

Çfarë duhet të përmbajë valixhja e lindjes së bebit?

Kur afron momenti i shumëpritur i lindjes së bebit, mamaja e re do të duhet të ketë përgatitur valixhen për udhëtimin më të bukur në botë. Nuk mund ta lini për momentin e fundit dhe të alarmoheni për gjërat që s’keni bërë ende gati. Po çfarë duhet të përmbajë valixhja që do t’ju shoqërojë në lindjen e bebit në spital? Po ju japim një dorë, ndaj lexoni artikullin që ta keni gjithçka më të thjeshtë.

Kur duhet bërë gati valixhja e lindjes?

Valixhja e lindjes përmban gjithçka duhet për mamin dhe bebin, për kohën kur nëna shkon në spital për lindjen. Është mirë që gruaja shtatzënë ta përgatis valixhen e lindjes pak muaj para lindjes. Për të qenë më të qartë e duke marrë parasysh se muajin e fundit, nëna e re ndihet më e rënduar, mirë është që përgatitja të bëhet pas muaji të shtatë.

Mirë është që nëse bebi “nxiton” të vijë në jetë më shpejt nga data e caktuar, gjithçka të jetë gati. Zgjidhni një vend komod dhe të përshtatshëm për ta vendosur atë.

LEXO EDHE: Aknet tek të sapolindurit, çfarë janë dhe si trajtohen

Çfarë vendoset në valixhe për mamin
  1. Këmisha nate. Kini parasysh se këmishat e natës janë tepër të rëndësishme. Ju duhen së paku tre dhe duhet të jenë pambuku të thjeshta. Njëra prej tyre do të duhet të jetë e shkurtër dhe e hapur përpara, meqënëse do t’ju shërbejë për lindjen. Edhe dy të tjerat do të duhet të jenë të hapura përpara, në mënyrë që të ndihmojnë në ushqyerjen me gji të bebit. Kujdesuni që këmishat e natës të jenë pa temina e zbukurime të këtyre llojeve, pasi mund të shqetësojë lëkurën e bebit. Mendoni vetëm komoditetin tuaj dhe të foshnjës suaj.
  2. Një robdishan, e pambuktë nëse është verë dhe më e ngrohtë nëse është dimër.
  3. Të brendshme të rehatshme me belë të gjatë dhe me llastik të butë. Mund të përdoren edhe të mbathura njëpërdorimshe.
  4. Brez pas lindjes për të mbajtur shtrënguar muskujt e barkut. Nuk duhet ta anashkaloni rëndësinë që ka ky brez, për të sjellë në formë edhe një herë trupin pas lindjes.
  5. Tri palë gjimbajtëse të posaçme për ushqyerjen me gji të bebit. Është mirë të jenë me kupa pambuku, që hapen dhe të rregullueshme. Kini parasysh t’i blini një numër më të madh nga ato që keni mbajtur gjatë shtatzanisë, pasi në kohën e laktacionit, gjiri e shton vëllimin e tij.
  6. Kupa gjiri, në formë disqesh. Mirë është të përdoren njëpërdorimshet.
  7. Peshqirë të dimensioneve të ndryshme. Të paktën 3.
  8. Pantofla
  9. Qese për të futur rrobat e palara
  10. Sapun duarsh neutro, letra të lagura dhe disifektant, shampo, late pastrues, krehër dhe pastrues intim
  11. Çarçafë dhe këllëf jastëku
  12. Çorape, të paktën dy palë dhe me material në varësi të stinës
  13. Dokumentet, ekografitë, analizat e bëra gjatë shtatzanisë

LEXO EDHE: Banja e të porsalindurit, çfarë duhet të dinë prindërit

Çfarë vendoset në valixhe për bebin
  1. Çarçafë pambuku
  2. Batanije të ngrohtë apo mbulesë më të lehtë, në varësi të stinës
  3. Peshqir banje
  4. Bady me mëngë të shkurtra, ose të gjata në varësi të stinës, 4 copë
  5. Komplete trup apo komplete të ndara 4 copë. Materiali në varësi të stinës
  6. Pelenat në masën më të vogël, për të porsalindur
  7. Peceta të lagura për pastrim
  8. Dy-tre gushore
  9. Çorape pambuku. Bëni kujdes të kenë llastik të butë
  10. Sapun neutro, vajra dhe kremra për bebe. Këshillohuni me farmacisten që besoni për produketet e duhura

Pak a shumë këto janë gjërat e nevojshme për të pasur me vete në spital. Sigurisht që gjërat e tjera të bebit, të cilat do t’i duhen në shtëpi janë më shumë. Ato do të duhet t’i bëni gati me shumë dashuri, ditë pas dite.

Rrugëtim të mbarë!

Këpusha te qeni? Më mirë ta merrni seriozisht! Ju njohim me Piroplazmozën dhe simptomat e saj

Në kaq vite bashkëjetesë me Divën, ledhataren e familjes sonë, nuk ishim ndeshur kurrë me këpushat, që në të vertetë janë një situatë edhe e rëndomtë për qentë.

Këpushat njihen gjerësisht në popull dhe janë parazitarë që ngjiten në lëkurën e qenve dhe depërtojnë nga lekura te gjaku i tyre. Shkurt fare, ushqehen me gjakun e miqve tanë.

Të bën një përshtypje rrënqethëse ta shohësh atë te qeni i shtëpisë. Për ne ishte aq alarmante, saqë e dërguam në klinikën veterinare në orën 12 të natës.

Por më alarmante është diçka tjetër që më bëri edhe të shkruaj këtë artikull për ta ndarë me ju sot: Piroplazmoza.

Përtej faktit se këpushat na gjetën të papërgatitur dhe më duhet ta pranoj, të pa informuar, nisa të lexoj e të marrë informacione lidhur me to dhe sëmundjet që mund të rrjedhin prej tyre.

Kështu që hasa në Piroplazmozën, një patologji që rrjedh nga këpushat dhe që sipas veterinerëve është shumë e rrezikshme.

Çfarë është Piroplazmoza?

Piroplazmoza është një sëmundje shumë e rëndë e shkaktuar nga një protozoar: Babesia canis.

Në të vërtetë ekzistojnë dy lloje: B. canis dhe B. gibsoni.

Kjo formë e dytë është veçanërisht patogjene, e përhapur më pak se e para dhe e raportuar në SHBA dhe Azi, por edhe në Australi.

Në këto vende është demonstruar një predispozitë më e madhe te racat e Pitbullit, Stafford dhe kryqëzimeve.

Duke marrë parasysh mundësinë e transmetimit transplacental të bakterit (pra nga nëna e infektuar tek këlyshët), duhet të bëjmë kujdes sidomos te shkëmbimi dhe tregtia e qenve që vijnë sidomos nga këto vende.

Si ndodh transmetimi i piroplazmozës?

Mikroorganizmi transmetohet përmes kalimit nga qeni në qen, nga rriqrat (këpushat) e infektuara, të cilat e marrin protozoan nga vakti i bërë për qen të sëmurë.

Këto rriqra pastaj ua kalojnë qenve të shëndetshëm. Më poshtë keni një foto për të kuptuar ciklin biologjik që ndodh.

Për më tepër, rriqrat femra të infektuara janë në gjendje të transmetojnë Babesia-n edhe te pasardhësit e tyre (larvat) të cilat mund të jenë deri në 8.000 për secilin artropod (këpusha është një artropod).

Si riprodhohen këpushat?

Një fushë e infektuar nga këpushat, mund të mbetet e tillë për vite me radhë (9 deri në 12), edhe kur temperaturat e dimrit janë shumë të ulëta.

Mikroorganizmi, i cili hyri në qarkullim falë pickimit të këpushës, infekton qelizat e kuqe të gjakut të vertebrorit pritës (qenit) dhe riprodhohet shumë shpejt.

Studimet kanë treguar se infeksioni kalon nga këpusha tek qeni pas rreth 48 orësh që është tashmë e ankoruar aty, me aparatin e gojës në lëkurën e qenit për t’u ushqyer. Kjo është arsyeja pse është thelbësore të kontrolloni çdo ditë që qeni NUK ka këpusha në trup!

Simptomat e Piroplazmozës

Kur një qen ka pasur në trup një këpushë të infektuar, e cila ka pasur kohën e mjaftueshme për të transmetuar protozoan në qarkullim, ndodhin dëme shumë serioze por të padukshme për syrin tonë.

Ja cilat janë:

-hyn në qelizat e kuqe të gjakut

-riprodhohet në mënyrë eksponenciale

-e shpërthen atë

-infekton qelizat e tjera të kuqe të gjakut.

Kështu krijohet një mekanizëm zinxhir i cili, në një kohë shumë të shkurtër, shkakton sëmundjen.

Sa shpejt mund të shfaqen simptomat te qeni, nga koha e pickimit të këpushave?

Inkubacioni i piroplazmozës nga momenti i pickimit të parazitit mbi kafshën ndryshon: nga 1-3 javë.

Në varësi të virulencës, kushteve fizike dhe imune të pacientit, qeni manifeston forma të ndryshme.

Forma hiperakute (fulminante) e Piroplazmozës.

Simptomat janë:

anemi fulminante

vdekja në disa orë

qeni vdes nga shoku.

Veçanërisht ndodh te qentë me imunitet të dëmtuar nga infeksione të mëparshme, apo ata që janë pa shpretkë. (formë sidoqoftë e rrallë).

Forma akute e Piroplazmozës.

Është më e shpeshta, me një periudhë inkubacioni që varion nga 1-3 javë.

Simptomat janë:

temperaturë e lartë

këputje

membranat mukoze, në fillim, shumë të zbehta (kur ngrini buzën ato janë me ngjyrë porcelani)

më vonë ato bëhen të verdha si sëmundja e verdhëzës

mungesa e oreksit

të vjella (jo gjithmonë)

diarre

urina rozë, pastaj e kuqërremtë, derisa bëhet ngjyrë coca-cola (hemoglobinuria), megjithatë jo gjithmonë e pranishme.

Nëse neglizhohet, edhe kjo formë çon në vdekjen e subjektit, ndaj konsiderohet si urgjencë veterinare.

Piroplazmoza kronike tek qentë

Në këtë formë simptomat janë:

ethe me ndërprerje

apatia

mungesa e oreksit

oreks kapriçioz

anemi

Siç mund ta shihni, të gjitha këto janë simptoma jospecifike dhe rrallë çojnë në një diagnozë, nëse nuk kryhen teste specifike.

Kjo është arsyeja pse në rast dyshimi ose nëse gjetur te qeni sikur edhe vetëm një këpushë, do të duhet ta rikujtoni mjekun për situatën e ndodhur, kur bëni kontrollet mjekësore të qenit, edhe nëse larg nga ngjarja.

Si mund të diagnostikohen qentë me Piroplasmosis?

Forma më lehtë e njohjes është ajo në të cilën pacienti (qeni) është shumë i dëshpëruar dhe i këputur dhe ka një ngjyrë tipike të urinës.

Për fat të keq, shumë shpesh gjërat nuk janë aq të thjeshta, përkundrazi, ato janë edhe më të komplikuara nga disa forma protozoaresh të bëra bashkë.

Hapi i parë është vlerësimi i historisë së pacientit, por vetëm me testet e gjakut mund të vlerësohet drejt situata.

Ne nuk do të futemi në parametrat mjekësorë, pasi objekti i këtij artikulli është më shumë ndërgjegjësimi dhe informimi pa u futur në profesionin e mjekut veterinar.

Si parandalohet piroplazmoza te qentë?

Sëmundja parandalohet mbi të gjitha me përdorimin e ilaçeve antiparazitare kutane. Gjithkush që ka një katërputërsh në shtëpi i njeh ilaçet me pika, që përdoren në mënyrë frekuente te qentë.

Për më tepër, siç e përmendëm tashmë, është e dobishme të kontrollohet gjithmonë nëse kemi prezencë të këpushave te qeni, pas shëtitjeve apo çdo ditë nëse qeni jeton jashtë.

Ku të kontrolloni për ëpushat te qeni?

Vendndodhja më e shpeshtë e këpushave në qen është te pjesët e mbuluara me qime.

Përveç turirit, poshtë krahëve, veshëve dhe palosjeve të tyre, duhen kontrolluar edhe putrat dhe hapësirat midis gishtërinjve.

Por këpusha mund të qëndrojë në çdo pjesë të trupit të kafshës, kështu që është gjithmonë mirë të kaloni çdo inç të qenit tuaj, për t’u siguruar që nuk ka asgjë.

Si t’i hiqni këpushat nga qeni?

Nëse rriqna (këpusha) gjendet tek qeni, është më mirë ta hiqni atë pa përdorur vajra ose substanca që mund ta acarojnë parazitin dhe të lehtësojnë transmetimin e patogjenëve.

Me pincë të sheshtë, afrohuni sa më afër lëkurës së kafshës dhe tërhiqeni ngadalë, në mënyrë që të shkëputni aparatin e gojës, i cili nuk duhet të mbetet brenda lëkurës.

Është mirë që ta shkatërroni parazitin, por jo për tokë, pasi duke e shkelur, në rastin e një femre të infektuar dhe shtatzënë, ajo vetëm do të vazhdonte ciklin e saj.

Prandaj rekomandohet ta zhysni në alkool, benzinë ​​ose vaj dhe ta lini aty.

Këto kishim për të ndarë me ju, në mënyrë që të bëni sa më shumë kujdes nga këpushat, të cilat kanë filluar të bëhen gjithnjë e më shumë rezistente dhe të rrezikshme.

I dehur pa pirë, por jo nga dashuria! Sindroma që shoqëron individët që lënë alkoolin

Sindroma e dehjes pa pirë ndodh tek njerëzit që kanë hequr dorë nga alkooli, por vazhdojnë të kenë sjellje të papërshtatshme si të varësisë. Nuk duhet ta ngatërrojmë me një tjetër sindromë, e cila bazohet në fermentimin që trupi u bën ushqimeve te disa persona, duke i kthyer ato në alkool.

Kjo që duam të shpjegojmë sot, ka të bëjë me faktin se si një person që ka hequr dorë nga alkooli, vazhdon të demonstrojë sjellje të ngjashme me ato që kishte gjatë varësisë. Është pikërisht kjo që do të quhet sindroma e “dehjes në të thatë”, ose dehjes pa pirë.

Ajo që i çudit të gjithë, përfshirë këtu edhe familjarët, është se ndërkohë që personi ka hequr dorë nga pija, vazhdon të manifestojë sjellje dhe qëndrime të njëjta si më parë, kur ishte konsumator. E ka një shpjegim e gjitha kjo, dhe ka të bëjë me faktin se individi nuk ka mundur të heqë dot dorë nga skemat mendore të një konsumatori.

Për të qenë më të qartë: kur një person i varur ndalon së konsumuari një substancë, bashkë me këtë ai duhet të ndryshojë disa modele të menduari. E nëse kjo nuk ndodh, rehabilitimi i tij është i pjesshëm.  

Cilat janë simptomat e sindromës së “dehjes në të thatë”?

Njerëzit që e ndalojnë pirjen e alkoolit, mendojnë se e kanë çliruar plotësisht veten nga varësia. Në fakt nuk është kaq e thjeshtë. Një nga simptomat kryesore të sindromës së dehjes pa pirë, është papjekuria emocionale. Me fjalë të tjera, individi nuk sillet në përputhje me moshën anagrafe.

Infantilizmi (sjellja foshnjërake) ndodh kur një i rritur adopton sjellje të një faze më të hershme të zhvillimit. Për shembull, gjejmë njerëz që i kanë kaluar tashmë të tridhjetat, por ende kanë përparësitë e një adoleshenti. Papjekuria emocionale dhe infantilizmi shkojnë dorë për dore, megjithëse janë të ndryshme.

Me papjekuri emocionale nënkuptojmë vështirësinë ose pamundësinë e dikujt për të menaxhuar emocionet e veta. Njerëzit me tolerancë të ulët ndaj zhgënjimit, mendojnë se gjithçka u është dhënë tashmë. Kur nuk mund të kenë diçka që duan, ata irritohen.

Në këtë kuadër, shenja më e rëndësishme e kësaj sindrome është përqendrimi te vetja, apo egocentrizmi. Ata që hoqën dorë nga varësia, kanë tendencën të zhvillojnë idenë se ata janë superiorë ndaj të tjerëve, në një skenar që për ta tani parashikon rehati dhe admirim.

Pse ndodh kjo?

Sindroma e dehjes në të thatë është një ngjarje e papritur në procesin e rehabilitimit. Besohet gjerësisht se rehabilitimi është efektiv, kur pacienti ndalon së konsumuari substancën. Në fakt, ka edhe të tjerë faktorë që duhen marrë parasysh.

Subjekti me varësi, ka një model mendimi kompulsiv. Kjo nënkupton që, pavarësisht nga fakti se nuk konsumon më substancë, ai/ajo do të vazhdojë të ketë të njëjtat sjellje. Pra, nuk është më e nevojshme të konsumojë alkool për të qenë i papërgjegjshëm.

Me pak fjalë, në shkaqet e dehjes pa pirë, mund të fusim edhe mosnjohjen mirë të fenomenit të varësisë. Duke menduar se varësia bazohet vetëm në konsumimin e alkoolit, shumë individë mendojnë se mjafton ta lësh dhe, pa pasur ndihmë profesionale, mund t’ia dalësh me varësinë. Gjë që s’është aspak e vërtetë.

Këshilla për tejkalimin e sindromës së “dehjes në të thatë” apo dehjes pa pirë

Duke qenë se varësia nga alkooli nuk përfshin vetëm të pirën, rehabilitimi do të duhet të zhvillohet në dy kampe, si në faktin e të qëndruarit larg alkoolit, ashtu edhe në ndryshimet në nivelin e sjelljes.  

1. Përqendrohuni te ndryshimi, duke filluar nga të menduarit

Ndryshimi i vërtetë vjen gjithmonë nga mënyra e të menduarit. Kur të jemi në gjendje të ndryshojmë modelet tona të të menduarit, sjellja jonë gjithashtu do të ndryshojë. Prandaj, përparësia është të rimodelojmë mendimet drejt ideologjisë së përshtatjes sociale.

2. Pranoni që do t’ju duhet pak kohë

Të ushqesh pritshmëri të pamundura, e ndërlikon rrugën. Duhet të kuptohet mirë dhe qartë se ndryshimet janë projekte afatmesme dhe afatgjata. Në këtë mënyrë, ankthi shpërndahet dhe sukseset e vogla vlerësohen më shumë. Të besosh se sapo të ndalosh së piri, problemet e tua do të marrin fund, është një ide sipërfaqësore.

3. Kërkoni ndihmën e një profesionisti

Që rehabilitimi të jetë efektiv, do të duhet të shkoni te një specialist. Psikologu do të ofrojë mjetet e nevojshme për të modifikuar dhe ruajtur në kohë skemat mentale.

Si ta ndihmojmë një person me sindromën e dehjes pa pirë?

Mënyra më e mirë për të demonstruar mbështetje për dikë me këtë sindromë, është t’i tregojmë se problemet e së shkuarës vazhdojnë të ndikojnë në jetën e tij. Në disa raste, nuk është e lehtë të pranosh situatën.

Te personat që kanë hequr dorë nga alkooli, mund të aktivizohet një mekanizëm mohimi më intensiv, sesa tek ata që vazhdojnë ta konsumojnë atë. Ndihma, pra, nuk duhet të jetë e sforcuar. Ideale është edukimi me rëndësinë e ndryshimit të zakoneve të vjetra.

Në mënyrë progresive ne duhet të përpiqemi t’i afrohemi personit, duke krijuar një marrëdhënie besimi. Do të duhet të shmangim gjykimin për jetën dhe vendimet e tij. Qëllimi është që ai të jetë protagonist i ndryshimeve të veta efektive. Për këtë mund të jetë e nevojshme ndihma psikologjike.

A mund t’i kthehen përsëri alkoolit njerëzit me këtë sindromë?

Përgjigja është po. Sindroma e dehjes pa pirë lind nga besimi se jeni shëruar. Si rezultat, rifillimi është i mundshëm. Sidoqoftë, nuk është e sigurt se konsumimi fillon përsëri me të njëjtën frekuencë. Më shumë gjasa do të kishte të ketë episode sporadike dhe jo shumë intensive.

Ndjenja e kontrollit dhe sigurisë, që një individ ka marrë pas braktisjes së alkoolit, bëhet “substanca” e re që zëvendëson efektet e alkoolit.

Prandaj, varësia priret të ruhet, por kësaj here në drejtim të kontrollit.

Mos bëni gafë ta hidhni bërthamën e avokados, gjithçka duhet të dini për të dhe përdorimin e saj e keni këtu!

Gjithmonë më ka intriguar bërthama e avokados, qëndron në mes të frutit dhe zë një sipërfaqe të madhe gati keqardhëse. Por gjithsesi, kam menduar se e gjithë ajo farë në mes të frutit nuk mund të ishte krijuar në mënyrë të kotë, në kuptimin e pashfrytëzueshme për njeriun.

E me këtë mendim kërkova informacione të vlefshme për t’i ndarë me ju.

Avokado është një frut ekzotik, që në vendin tonë nuk ka shumë që është zbuluar dhe përdoret. Por tani, edhe pse kushton ca, shumica nga ne nuk i reziston dot. Sidomos nënat me fëmijë të vegjël, për vlerat ushqimore që ka.

Avokado vjen nga Amerika e Jugut, është përdorur që në kohët antike dhe është quajtur fruti i 1000 mijë surprizave.

Le të shikojmë së bashku se si përdoret bërthama

Avokado është një frut ushqyes dhe i dobishëm nga shumë këndvështrime, i pasur me kalium dhe kalcium por gjithashtu përmban shumë fibra dhe yndyrna të pangopura, yndyrna që ne shpesh përmendim dhe që konsiderohen si yndyrna të mira. Midis këtyre yndyrnave të mira ne gjejmë acidin oleik, i cili është në gjendje të rinovojë lëkurën dhe sjell një rënie të ndjeshme të niveleve të kolesterolit në gjak dhe gjithashtu në trigliceride.

Avokado gjithashtu ka shumë vitamina, të cilat mbrojnë lëkurën dhe për këtë arsye janë në gjendje të rigjenerojnë qelizat dhe të ngadalësojnë plakjen e shkaktuar nga radikalet e lira.

Por sot ne duam të përqendrohemi në dobinë e bërthamës së avokados, mënyrën se si mund të përdoret dhe përfitimet që mund të marrim nga ajo.

Kur hamë avokado ne zakonisht e heqim dhe e hedhim bërthamën, e nuk i japim shumë rëndësi asaj që mund të bëjmë me të. Me të mund të bëni shumë, dhe jo vetëm për të mbjellë e për të marrë një bimë të re avokadoje, por ajo ka edhe përfitime të tjera që bëjmë mirë të nisim e t’i njohim. Pikërisht bërthama ka një pjesë të madhe të aminoacideve që gjenden në një avokado të plotë, si dhe yndyrnat, vitaminat dhe mineralet.

Bërthama mund të shërbejë për:  

lehtësimin e dhimbjeve të kyçeve

t’i japë një forcë të re flokëve

trajtojnë aknet

ndihmojnë në rregullimin e tiroides

t’i japë një kthesë trupit tonë

ngadalëson fazën e plakjes së lëkurës

lufton me problemet e tretjes

jep një kontribut të shkëlqyer edhe për humbjen e kileve të tepërta

të forcojmë sistemin tonë imunitar dhe të parandalojmë sëmundjet e zemrës.

Si ta përdorim atë?

Mënyrat për ta përdorur atë dhe për të përfituar gjithçka renditëm më sipër, janë gjithashtu të ndryshme, por në përgjithësi e grirë:

Për shembull, ne mund të përdorim bërthamën me infuzion për të parandaluar sëmundjet e zemrës, për të mbajtur kolesterolin nën kontroll dhe gjithashtu të luajmë në favor të peshës sonë ideale.

Thjesht grijeni bërthamën dhe lëreni të pushojë në ujë të valë, filtrojeni dhe pijeni një herë në ditë. Kjo i jep një dorë të mirë edhe të gjitha problemeve që lidhen me tretjen.

Gjithashtu, duke i hequr atë lëkurën që e mbështjellë, grijeni atë, lëreni të thahet mirë dhe mund ta shërbeni si zbukurues për pjatat tuaja që përgatisni, por edhe si përbërës supash e sallatash.

Bërthama mund të bluhet në formën e një pluhuri të ngjashëm me miellin dhe më pas t’ia shtoni atë lëngjeve të ndryshme që shtrydhni, smoothie-ve, por edhe në kos në mëngjes, apo në lloje të ndryshme qullësh etj.

Por përdorimi më i përhapur dhe më interesant është ai i bërthamës së grirë të vendosur në alkool. Rezultatin që marrim nga grirja e bërhamës e vendosim dhe e ruajmë në alkool për të paktën 1 javë. Dhe pas kësaj kemi përftuar një melhem, i cili mund të përdoret me efikasitet për dhimbjet e kockave, apo në temtha, në raste dhimbjeje të forta të kokës.

Para se të përdorni farën e avokados, mbani parasysh:
-Mos harroni se para se të shfrytëzohet, bërthamës duhet t’i hiqet lëvorja e saj kafe dhe duhet të lihet të thahet.
-Pasi ta keni hequr lëkurën, priteni atë dhe futeni në furrë në një temperaturë të ulët për një orë.
-Nga ana tjetër, tharja e një fara të tërë zgjat rreth 2 orë. Në çdo rast, në fund do të jetë e nevojshme ta ktheni atë në pluhur.
-Nuk rekomandohet ta përdorni pa e kaluar më parë në furrë.

Por bërthama apo fara e avokados përdoret edhe për të luftuar celulitin. Formula është tepër e thjeshtë dhe përdorimi gjithashtu.

Për përgatitjen e recetës duhet:

1 bërthamë avokadoje

50 gr vaj ulliri

Përgatitja

Pasi grini bërthamën e avokados me pjesën e madhe të grirëses, vendoseni rezultatin e grirjes në një vazo qelqi. Më pas mbulojeni me vajin e ullirit.

Përzjejini mirë përbërësit me një lugë druri dhe mbylleni vazon.

Lëreni për 3-4 ditë në një vend të errët dhe të freskët. Mbas kësaj kohe, ruajeni përbërjen në frigorifer.

Si ta përdorni

Përsëpari bëni një dush të ngrohtë për të hapur të gjithë poret e lëkurës në mënyrë që të përthithet sa më mirë përbërja.

Vendoseni përbërjen në zonat që ju interesojnë dhe ku keni identifikuar praninë e celulitit.

Lëreni të reagojë për 10 minuta e më pas shpëlajeni me ujë të vakët.

Përsëriteni këtë çdo mbrëmje para se të shkoni për të fjetur.

Mund të përdoret gjithashtu si eksfoliant, kundër puçrave, maskë fytyre dhe flokësh.

Për ta përdorur si eksfoliant: mjafton që farën e grirë ta përzieni me pak kafe dhe kripë. Përhapeni në fytyrë me masazhe të buta.

Kundër puçrave: përzieni pluhurin e farës së avokados me ujë të vakët deri sa të bëhet një masë e trashë. Nëse doni mund t’i shtoni disa pika vaji nga pema e çajit. Vendoseni këtë masë mbi puçrat dhe lëreni të reagojë për 4-6 minuta dhe do të shikoni se si do të përthahen ato.

Maskë fytyre: përzieni pluhurin e avokados me pak argjil pluhur. Përziejini me ujë deri sa të merrni një masë të plotë dhe aplikojeni si çdo maskë tjetër, duke ruajtur zonën e syve. Lëreni të reagojë për 15 minuta dhe shpëlajeni. Më pas, e dini, vendosni kremin hidratant.

Maskë për zbutjen e flokëve: përzieni një litër ujë me një kokërr avokado të bluar. Vendoseni në sobë, në nxehtësi mesatare, për gjysmë ore.

Filtrojeni dhe përdorni lëngun për të shpëlarë flokët pas larjes me shampo. Do t’i lërë shumë të butë.

9 Maji – Festa e Nënës, një festë ndërkombëtare që ndryshon përherë datë

Për 2021 është në 9 Maj. Mbase ndryshueshmëria e datës e ka një kuptim, na bën t’i festojmë ato, çdo ditë e datë, gjithherë të ndryshme, me të njëjtën dashuri. Në Shqipëri, si gjithmonë vazhdon të futen të gjitha gratë në një thes, dhe mbetet e paepur dita e 8 Marsit, edhe pse vazhdojmë të luftojmë për të sqaruar se 8 Marsi është Dita Ndërkombëtare e Gruas dhe është dita e luftës së grave për të drejtat e tyre.

“Mother’s Day”, Dita e Nënave festohet në pjesën më të madhe të botës të dielën e dytë të Majit. Është e vërtetë pastaj, edhe se vende të ndryshme kanë të përcaktuar ditë të ndryshme për të nderuar nënat dhe mëmësinë.

Pak historik

Duket si një festë e re, por në të vërtetë nuk është kështu. Që në antikitet është festuar Dita e Nënës dhe janë të njohura festivalet që nderonin nënat, të lidhura me perëndeshat e antikitetit. Grekët dhe romakët e nderuan përherë figurën amë të perëndive të tyre.

Edhe sot, një festival i rëndësishëm në Indi, Durga-puja, nderon perëndeshën Durga.

Gjatë Mesjetës, kur fëmijët ishin të detyruar të punonin larg familjes, që të vegjël, ktheheshin në shtëpinë e tyre një herë në vit, gjatë mesit të Kreshmës. U krijua kështu tradita e fëmijëve që ditën e lirë të vizitonin nënën dhe familjen e tyre.

Në Anglinë e shekullit të 16-të, kjo festë u quajt “E diela e nënave”. Fëmijëve – kryesisht vajzat që kishin shkuar për të punuar si shërbëtore shtëpiake, u jepej një ditë pushimi të Dielën e katërt të Kreshmës për t’u kthyer te nënat e tyre. Djali ose vajza e madhe do t’i sillnin një “tortë mëmës”, e cila do të pritej dhe do të ndahej për të gjithë familjen.

Bashkimet familjare ishin rregulli i ditës, me djemtë dhe bijat që merrnin të gjitha detyrat shtëpiake dhe përgatisnin një darkë të veçantë për nder të nënës së tyre.

Dita e Nënës 2021 është 9 Maji

Në këtë kuadër, siç thamë më lart, një pjesë e madhe e botës (kryesisht amerikane, por jo vetëm) feston Ditën e Nënës, të dielën e dytë të muajit Maj. Për këtë arsye datat ndërrojnë çdo herë dhe këtë vit festa përkon në datën 9. 

Të gjithë, jam e sigurt, që e duan një ditë për të celebruar, festuar e nderuar mëmësinë dhe Nënën si figurën kyçe në jetën e çdo njërit nga ne.

Të mirat, të heshturat, të sakrifikuarat, të dashurat si vetëm ato, të ëmblët, të harruarat, dhe mund të vazhdoja pafund në një list epitetesh që i përbën dhe ku secili prej nesh mund të shtonte atë fjalë që do ta përfaqësonte nënën e tij.

Madje tani që e mendoj, nuk do të ishte keq të vendosej një tabelë e bardhë e stërmadhe në qendër të secilit qytet, me vetëm një fjalë: Nënë dhe ku secili nga ne, edhe një kalimtar i rastësishëm të vendoste fjalën që e përfaqësonte nënën e tij. Kam bindjen që të bashkuara bashkë këto tabela do të bënin jo vetëm një libër të bukur, por edhe do të shkruanin një pjesë historie.

Gjithsesi, 9 Maji i këtij viti është e diela që do të festojë Nënën, atë gruan që lindi dhe rriti e rriti dhe edukoi me dashuri, përkushtim dhe sakrificë nga vetja, secilin prej nesh.

Është dita të kujtojmë edhe nënat e vdekura, ato të mirat që shkuan në qiell pa na pyetur dhe na lanë humbella dhimbjesh pas, në çdo moshë.

Është dita të jemi mirënjohës atyre, emblemave tona që asgjë dhe askush si zhbën dot: Nënat!

8 Marsi apo 9 Maji 2021

Mbase për nënat nuk mjafton një ditë dhe mbase nuk ia vlen t’i përcaktosh ditët se kur nderohen ato, por meqë kemi një ditë të përcaktuar për gjithçka, pse jo edhe një ditë kur të festojmë Nënat.

Në shoqërinë shqiptare vazhdon të festohet 8 Marsi si dita e të gjithë detyrave e shënjimeve që nëna ka në shoqëri, familje e jetë. Vazhdon të thjeshtëzohet lufta e Gruas për të drejtat e saj dhe të zbutet duke marrë mbi supe edhe nënën. Por kjo duhet të ndryshojë patjetër. Po, nëna është grua dhe ajo është e përfshirë në protestën e saj, në zërin e saj për të kërkuar të drejtat e saj, veçse 9 Maji i 2021, apo çdo e dielë e dytë e majit është vetëm e saj dhe është për të nderuar dhe shprehur mirënjohjen, përkëdhekur dhe kujtuar me mall, mbuluar me dashuri në një ditë siç ajo e bën çdo ditë për bijtë e saj.

Festa e Nënës nuk është ditë proteste, është një nga ato ditët e ëmbla dhe retrospektive, është të kujtohesh për të, ta mbulosh me puthje e përqafime, ta duash pa kushte së paku në një ditë, ashtu si ajo e bën për gjithë jetën.

Nesër është dita të gëzoni nënat tuaja, t’i merrni në krahë e t’i mbështillni me dashuri. Së paku në një ditë. Së paku një çast.

Enkeleda Ristani – revista Vip

A duhet ta përdorim kremin mbrojtës ndaj diellit gjatë gjithë vitit? Përgjigjet ekspertja

Jemi në periudhën më të rëndësishme të përdorimit të kremrave solarë, ose kremrave mbrojtës nga diellit. Të gjithë ekspertët këshillojnë njëzëri se periudha që nuk duhet neglizhuar në lidhje me përdorimin e mbrojtësve është pranvera. Por ka një diskutim të madh nëse kremi solar do të duhet të përdoret gjatë gjithë vitit apo jo. 

Për t’ju qartësuar të gjithëve dhe për të ndarë me ju këshillat më të vlefshme, folëm me Adën, estetisten dhe specialisten e sallonit Talise. 

A e dini se kremi kundër diellit është kremi më i mirë anti-plakje? Megjithatë jo të gjithë e përdorin atë në mënyrë korrekte. Për këtë dhe të tjera këshilla folëm me ekspertet e Talise, Adën, në mënyrë që të kemi përdorimin më të arsyeshëm të këtyre produkteve kozmetikë. 

A duhet që kremrat solarë të përdoren pa dallim, gjatë gjithë vitit? 

Kremi kundër diellit duhet të përdoret gjatë gjithë vitit dhe të shihet si hapi kryesor në kujdesin për lëkurën tuaj. Le të fillojmë me gjënë më të rëndësishme, me atë që është në gjendje të bëjë një mbrojtës solar për shëndetin tonë. Kremi i diellit duhet të aplikohet çdo ditë, pasi dëmtimi i vazhdueshëm dhe kronik i shkaktuar nga dielli, është shkaku kryesor i shfaqjes së tumoreve të lëkurës. Veç kësaj, edhe i foto-plakjes së lëkurës sonë. Në fakt, siç thuhet shpesh, kremi kundër diellit është kremi më i mirë kundër plakjes. 

Kur rekomandohet më shumë përdorimi i kremrave kundër diellit dhe a ka ndonjë prej tyre, mungesa e të cilëve nuk krijon probleme për ne?  

Sigurisht që gjatë verës është më shumë e rekomandueshme, jo vetëm të vendosni kremin, por mbi të gjitha ta riaplikoni atë, duke i kushtuar vëmendje disa zonave të trupit që shpesh harrohen, siç janë veshët, pasqafa, qafa dhe shpina e duarve. Në rast të ekspozimit të drejtpërdrejtë në rrezet e diellit, është e domosdoshme të vendosni krem ​​mbrojtës çdo 2 orë dhe të shmangni ekspozimin në orët e pikut diellor të ditës.  

Sa i përket dimrit, njerëzit shpesh mendojnë se mund t’ia lejojnë vetes moskujdesjen për lëkurën sa i përket diellit. Kjo nuk është gjëja e duhur. Nga të gjithë të dhënat, edhe nga eksperiencat tona në sallon, nëse shkon në mal, për shembull, marrja e rrezeve të diellit është thuajse e njëjtë me ate të verës. Kështu do të jetë edhe aplikimi i kremit solar.  

Por nëse qëndroni në shtëpi dhe nuk jeni të ekspozuar ndaj rrezeve të diellit, mjafton vendosja e kremit mbrojtës vetëm në mëngjes, pa pasur nevojë ta aplikoni më tej.   

Ndaj le ta përmbledhim në këtë mënyrë: në rast të ekspozimit të drejtpërdrejtë në diell, qoftë në det, në mal apo edhe gjatë ndonjë udhëtimi, një shëtitje në park dhe në çdo rrethanë në të cilën dikush është i ekspozuar ndaj diellit, për një periudhë të gjatë, duhet të aplikohet gjithmonë kremi ​​mbrojtës. E njëjta gjë vlen edhe në rrethana të veçanta të kujdesit për veten, si p.sh. kur përdorni pastrime ose acide piling, si dhe në rastin e trajtimeve me lazer dhe dritë pulsuese. Për këto të fundit ne këshillojmë gjithmonë klientet tona nga afër. 

Por cilat janë kremrat e duhur mbrojtës, që duhet përdorur? A mjafton përdorimi i produkteve të make-up-it dhe kremrat e fytyrës që kanë edhe SPF?  

Kur bëhet fjalë për kremrat kundër diellit, shpesh ngatërrohen kremrat specifikë kundër diellit me ato produkte që kanë ndonjë filtër mbrojtës SPF shtesë (si në rastin e make-up, kremrat e fytyrës). Por a janë të dy efektivë gjatë ekspozimit në diell? Unë, por edhe gjithë ekspertët mendojmë se jo.

Kohët e fundit, kremrat dhe produktet e makiazhit po shoqërohen me filtra mbrojtës nga dielli. Kur blini një krem ​​kundër diellit, kushtojini vëmendje simboleve “UVA” dhe “UVB”, të shoqëruara nga faktori mbrojtës (p.sh. 30 ose 50). Këto simbole janë specifike për rrezet e diellit, që arrijnë në dermë dhe epidermë, dhe janë garanci për një mbrojtje më të madhe. 

Kremrat bazë ose produkte të tilla si fondatina me formulën SPF nuk janë zëvendësues të vlefshëm të kremit klasik solar. Ato sigurisht që përfaqësojnë një mbrojtje të parë, por është praktikë e mirë, në rast të ekspozimit të drejtpërdrejtë në diell, të mbështetemi gjithmonë tek një produkt kozmetik i dedikuar dhe jo hibrid. 

Këto llojet, që i quajtëm hibride, janë të vlefshëm vetëm kur kemi nevojë për mbrojtje në një periudhë shumë të shkurtër kohe, për shembull, rruga nga shtëpia në punë në mëngjes. Ato nuk janë të vlefshme në rast të ekspozimit të drejtpërdrejtë dhe të gjatë. 

Caucasian cute female in yellow coat wearing hood on looking upwards rejoicing rainy weather, while walking through city center

Ada, si mund ta kombinojmë kremin kundër diellit dhe make-up-in në rutinën tonë të përditshme të bukurisë? Dhe cilin produkt mund ta përdorim si bazë make-up-i për t’u mbrojtur nga dielli në mënyrë efektive. 

Provoni, provoni dhe provoni. Duhet të provoni kremra të ndryshëm dielli të përshtatshëm për biotipin e lëkurës suaj, në mënyrë që të shmangni mbivendosjen e kremit dhe make-up-it, çka mund të japë efekte të pakëndshme.  

Përbërja e ndryshme e produkteve mund të shkaktojë formimin e depozitave të vogla, por të dendura në fytyrë, që janë aspak estetike.  

Në varësi të llojit të lëkurës, mund të përdorni produktet më të përshtatshme.  

Gjithashtu, ju këshilloj të kërkoni dhe përdorni më parë mostra të produktit që do të doni të blini. Në këtë mënyrë, do të mund të qartësoheni për produktin e duhur.   

Si rregull i përgjithshëm, kremi kundër diellit duhet të aplikohet para make-up-t dhe pas pastrimit. 

Në verë, duhet të shmangni kremrat tepër të pasura dhe të yndyrshme, duke preferuar produkte më të lehta.  

Për fat të mirë, tregu i kozmetikës është shumë i gjerë, me diapazone heterogjene të produkteve, që i përgjigjen nevojave të ndryshme individuale. 

Si t’ia bëjmë për riaplikimin e solarit, nëse kemi përdorur make-up-in tashmë?  

Keni të drejtë! Nëse keni aplikuar make-up-in është e vështirë rivendosja e kremit të diellit.  

Në verë është pak më e lehtë të riaplikoni kremin mbrojtës, pasi kemi tendencën të përdorim make-up më të lehtë dhe më të butë, duke e lehtësuar kështu rivendosjen e kremit mbrojtës. Veç kësaj ekzistojnë edhe produkte që quhen pluhur solar, të cilët janë më të thjeshtë në aplikim, duke qenë se janë në formën e pudrës dhe mund të aplikohen sa herë të jetë e nevojshme me anë të aplikuesit të tyre të integruar, mjafton të gjeni nuancën e duhur.

Foundation cushion on half of the surface of a tonal base, smeared on a white background

Por diçka është e rëndësishme për t’u theksuar: nëse tashmë e dini se nuk mund ta rivendosni kremin mbrojtës, shmangni ekspozimin e drejtpërdrejtë në diellpërdorni syzet e diellit dhe kapele mbrojtëse, në mënyrë që të bëni pjesën tuaj të mbrojtjes.  

Kemi edhe një alternativë të dhënë nga ne, hiqni make-up-in dhe aplikoni mbrojtësin ndaj diellit! Më mirë një fytyrë e mbrojtur se sa një fytyrë e trukuar dhe e dëmtuar më pas. Apo jo?! 

redaksia Vip

Më fal, doje të bije në peshë? Bëj dashuri! Ja sa kalori digjen

Edhe nëse nuk e dije se mund të diegësh kalori në mëyrën më të mirë të mundshme ja se përse shërbejnë miqtë.

Dhe jo vetëm kaq, por do t’ju tregojmë edhe për “stërvitjen” që duhet të bëni në çift, në mënyrë që edhe të argëtoheni, edhe të humbni ca kile të tepërta.

Mos u shtyni se nuk e kemi fjalën për t’u regjistruar në palestër dhe nuk e kemi fjalën as për një lloj stërvitjeje që per dikë funksionon e për të tjerë jo. Kjo e të bërit dashuri funksionon për të gjithë, mjafton të bësh gjërat e duhura.

Jeni gati për një seancë trajnimi… nën mbulesa?

Të humbasësh peshë ndërsa bën dashuri: kjo është arsyeja pse mund të zëvendësoni marrëdhëniet intime me dietën. Boll me dieta, lamtumirë anëtarësim në palestër: tani, nëse doni të humbni peshë, duhet të kontaktoni … partnerin tuaj!

Jo, mos u shqetëso, ne nuk po ju këshillojmë të shkoni e të vraponi me partnerin tuaj (mos o zot!) por… t’ia nisni punës nën çarçafë! Me sa duket, aktiviteti seksual mund të krahasohet me një stërvitje të vërtetë.

Çfarë lehtësimi, apo jo?

Lamtumirë palestër dhe rroba sportive me djersë: për të humbur peshë, tani, ju nuk keni nevojë për asgjë tjetër përveç partnerit tuaj dhe një jetë intime … me të gjitha lajle-lulet!

Sigurisht, për të humbur peshë me të vërtetë duke bërë dashuri, nuk mund të mbështetesh në atë marrëdhënien që ke një ose dy herë në javë. Është një “stërvitje” e vërtetë, në të cilën duhet të jesh konstante: me pak fjalë, mos mendoni se është kaq ndryshe nga palestra. I vetmi ndryshim real dhe thelbësor është se është më i këndshëm, dhe shumë madje!

E kush nuk do të donte të ndiehej pak më fit, pa pasur nevojë të bënjë ndonjë gjë të veçantë?

Sa kalori humb duke bërë dashuri?

Por le ta fillojmë nga puthja! Sa kalori digjen duke u puthur?

Duke puthur partnerin tuaj, në fakt, ju mund të digjni deri në 200 kalori: jo keq, veçanërisht nëse mendoni për faktin se është një veprim që ju tashmë e bëni!

Puthja, për t’ju ​​bërë të konsumoni vërtet energji dhe yndyrë, duhet të jetë shumë sensuale dhe e dëshirueshme dhe të zgjasë gati një orë.

Ok, ne e kuptojmë që mund të jetë e vështirë të puthësh për një orë të tërë, por tento ta provosh të paktën!

Mundohuni të gjeni pak kohë për të provuar këtë lloj shumë të veçantë gjimnastike dhe, nëse nuk mund ta duroni më, kaloni në paralojë.

Edhe me të digjen kalori!

Dhe sa kalori digjen me paralojë? Le të zbulojmë se si të humbasim peshë duke bërë dashuri

Ta zëmë se uk i keni shpëtuar dot tundimit për të pirë një birrë të vogël.

Epo, për këtë dreq gafe që keni bërë do t’ju duhet t’i përvisheni punës me një paralojë prej 20 minutash, me partnerin tuaj. E kështu do të hiqni qafe “në mënyrë të kulturuar” plot 90 kaloritë e birrës.

Sigurisht, që në paralojë është përfshirë gjithçka: ngjitja dhe zbritja nga shtrati (mendo pastaj sikur të përdorje kuzhinën, për pak më shumë vështirësi kalorike), zhveshja e më tej me puthjet e përkëdheljet.

Kështu pra mos t’ju duket shumë 20 minuta stërvitje, pa përfshirë aktin seksual, sepse këtu po flasim për linjat tuaja. 20 minuta për të kënaqur veten dhe humbur peshë, shfrytëzojeni pra!

Cilat janë pozicionet që djegin më shumë kalori?

Kuptohet, ato ku ke më shumë vështirësi, të gjithë pozicionët në këmbë! Me sa duket, duke “luftuar” në këmbë, të dy do të konsumoni gati 600 kalori, dhe ndërkohë do të argëtoheni gjithashtu! Pozicionet klasike si ai i misionarit apo ai ku je ti sipër janë gjithashtu të mira.

Sigurisht, kaloritë ndryshojnë në varësi të pozicionit, por këtu nuk bëjmë shumë dallim: e rëndësishme është që po humbni peshë, pa bërë asgjë që nuk do ta bënit tashmë!

Me pak fjalë, ja çfarë  duhet të kuptoni, të bësh dashuri për një orë, do të ishte e njëjtë gjë me të bësh vrapë për tridhjetë minuta. Mesatarisht, duke bërë dashuri të paktën një herë në ditë ose vazhdimisht për një javë, do të digjni 90 kalori çdo herë.

Edhe nëse vrapimi për gjysmë ore do të digjte pak më shumë kalori, në të vërtetë nuk ka të krahasuar: vrapimi është ajo gjëja që bëjnë sportistët herët në mëngjes, ndërsa të bësh dashuri është në zemrat e të gjithëve.

Ja pra, ka ardhur koha për të hedhur tej biçikletat e tapetet e palestrave dhe për të blerë thjesht një set të ri të brendshmesh seksi! Përvishni mëngët, apo… s’keni mëngë.

Mirë pra, bëni dashuri, kaq e thjeshtë është!

Vendosni edhe ju kufje bluetooth? Atëherë duhet të dini patjetër këtë

Kush ka provuar të vendosë kufjet bluetooth e ka parë mirë sa të rehatshme dhe efektive janë. Por a janë të mira për shëndetin tonë? Për këtë duhet të lexoni artikullin tonë.

Të rehatshme, të lehta, funksionale dhe thuajse të domosdoshme, sidomos për personat që kalojnë orë të tëra në telefon. E kemi fjalën për kufjet bluetooth që i shohim të përdoren gjithandej, pikërisht për komoditetin e tyre.

Mendoni pak sa bezdi të jep ai kordoni rreth qafës, kufjet që më shumë të vrasin veshin e përsëri nuk dëgjohen mirë e të detyrojnë të ulërasësh si në kabinat telefonike dikur, ndërsa lidheshe me Pukën e të dukej se duhej të bërtisje për të të arritur zëri mes malesh.

Po pra, mos qesh!

Ndërsa dolën në skenë këto kufjet bluetooth, si për gjithçka të avancuar të teknologjisë, nisëm të marrim të mirat e shpikjes më të re. Dhe në fakt, kush i ka provuar e di mirë se gati harron që i ka në vesh.

Por, edhe këtu ka një por, çfarë ndodhë nëse këto kufje i mban për shumë orë në funksionim? Le të zbulojmë nëse ka diçka që nuk shkon me to, lidhur me shëndetin tonë.

Kufjet bluetooth dhe gjithçka duhet të dini

Kufjet bluetooth u shpikën rreth viteve 2000, pra relativisht shpejt, por kohët e fundit janë përhapur në masë për përdorim.

Përdorimi i kufjeve në përgjithësi është parë e udhës më shumë për të shmangur rrezatimet e dëmshme të telefonit me trupin tonë, në këtë rast veshin.

Duke qenë se këto kufje për të cilat po flasim janë pa tel, edhe ato janë bërë pjesë e debatit “rrezatim”, si pjesë e teknologjisë.

Sipas ekspertëve, kufjet bluetooth nuk e rrezikojnë trupin tonë dhe nuk ekspozojnë asnjë ind biologjik ndaj rrezatimit, sikurse ato nuk shfrytëzojnë rrezatimin jonizues. Për të qenë të qartë, kur flasim për rrezatimin jonizues u referohemi atyre rrezatimeve që ndryshojnë numrin e elektroneve në një atom dhe si pasojë mund të dëmtojnë organizmin e ekspozuar ndaj rrezatimit. Sidomos nëse ekspozimi është i tepruar.

Në rastin e kufjeve bluetooth, rrezatimet e emetuara janë jo-jonizuese dhe për këtë arsye kanë një energji më të ulët dhe kësisoj nuk janë në gjendje të modifikojnë atomet ose molekulat e materialeve që godasin.

Por, sipas studiuesve, efektet e vetme të konstatuara në këto lloj fusha elektromagnetike, janë efektet termike, pasi trupi i njeriut thith energjinë, duke e shndërruar atë në nxehtësi. Dhe nxehtësia shkakton mbinxehje të indeve, të cilat, nëse ekzagjerohet, mund të gjenerojnë dëme termike.

Për më tepër, dëmtimi mund të ndodhë vetëm me fusha shumë të larta elektromagnetike, ndaj të cilave është e pamundur të ekspozoheni në jetën e përditshme, të paktën jo me celular.  

Kështu që pas këtij lajmi, lexuesit tanë që zakonisht mbajnë kufje bluetooth mund të jenë të sigurt.

Studiuesit apo ekspertët e fushës sigurojnë konsumatorët, duke i krahasuar fushat elektromagnetike të përdorura nga pajisjet bluetooth me ato të furrave me mikrovalë, për sa i përket frekuencës. Pra, dëmtimi termik në trupin e njeriut kur ekspozohet ndaj rrezatimit është i pamundur.

Por ekkspertët rekomandojnë kufizimin e ekspozimit ndaj rrezatimit të telefonit celular dhe uljen e fuqisë së emetimeve nga pajisjet, përfshirë bluetooth-in, sa më shumë që të jetë e mundur. Një gjë është e sigurt, përdorimi i kufjeve gjatë një telefonate zvogëlon ekspozimin e personit ndaj rrezatimit në krahasim me telefonin që bie në kontakt direkt me veshin.

Përveç kësaj, pajisjet më të mira janë ato me kordon, pasi ato nuk kanë antenë dhe nuk lëshojnë rrezatim.

Gjithsesi, prodhuesit e këtyre pajisjeve po kërkojnë të bëjnë më të mirën e mundshme për prodhimin e pajisjeve teknologjike sa më pak të dëmshme e me më pak ekspozim ndaj rrezatimit që të jetë e mundshme.

Është në dorën tuaj se çfarë do të përdorni, por ne duam t’ju ndihmojmë me informacione mbi shëndetin tuaj.

Ke lindur me një shenjë në trup? Nga pozicioni i saj do të kuptosh diçka për veten. Lexo dhe zbulo!

Shumë nga karakteristikat tona fizike zbulojnë aspekte të personalitetit tonë. Sot do t’ju flasim për atë që zbulon për ju, një shenjë e lindur në trupin tuaj.

Mos u çudisni ndërsa ju themi se psiko-morfologjia shpjegon pikërisht gjuhën e shenjave të lindura dhe ç’duan të thonë këto shenja për personalitetin e individit që i ka. Vendndodhja e shenjave tuaja të lindjes mund të zbulojë shumë aspekte interesante për ju.

Më thuaj ku e ke shenjën, të të tregoj karakterin tënd!  

Shpesh foshnjat lindin me ndonjë njollë në lëkurën e tyre, ato janë pak a shumë të dukshme dhe njihen nga të gjithë si shenja lindjesh. Sipas gojëdhanash gjyshesh e në vazhdim nënash, këto njihen si shënja që kanë të bëjnë me një lloj manifestimi të një lloj “nepsi” (dëshira për një ushqim specifik) të caktuar që nëna ka pasur gjatë shtatëzanisë. Bestytnia vazhdon me faktin se shenja do të dalë, pikërisht aty ku nëna është prekur në momentin e këtij “nepsi”. Dhe, besoj se është e njohur për të gjjithë, kur thuhet se nënave shtatëzana do të duhet t’u plotësohen të gjitha dëshirat ushqimore, por edhe momenti kur u thuhet të bëjnë kujdes ku preken në momentin që u shkon mendja për diçka për të ngrënë.

Gjithsessi, sot ddo të shohim se si këto shenja lindje janë të afta të zbulojnë temperamentin dhe karakterin e fëmijës së palindur.

Shenjat e lindjes kanë një ngjyrë të ndryshme, duke filluar nga blu në të kuqe dhe termi mjekësor për ta është angioma. Ato shfaqen në sipërfaqen e lëkurës dhe shpesh janë njolla beninje, që nuk shkaktojnë asnjë lloj shqetësimi.

Në çdo rast, është gjithmonë më mirë të kërkoni këshilla nga pediatri se si t’i monitoroni, ndërsa fëmija rritet.

Përtej bestytnive, shfaqja e këtyre njollave ka një motiv shkencor: shenja e lindjes është një keqformim i lehtë kongjenital i enëve të gjakut ose sistemit limfatik, që ndodh tek të porsalindurit në pikat e zgjatimit të dermës.

Pozicioni i tyre sipas psiko-morfologjisë mund të zbulojë dhe të na tregojë për personalitetin tuaj, si dhe format e fytyrës, hundës, syve, gojës etj.

Le të fillojmë pra!

Nëse shenja e lindjes shfaqet:

1- në ballë

Nëse keni një shenjë lindjeje në ballin tuaj, ju jeni një person jashtëzakonisht i vendosur, inteligjent dhe shumë kurioz. Pëlqeni gjithmonë të zbuloni dhe mësoni gjëra të reja dhe shquheni për faktin se të tjerët ju paragjykojnë si tekanjoz. Ju jeni lloji i personit që qëndroni gjithmonë të përqendruar në të tashmen.

2- në krah

Nëse keni një shenjë lindjeje në krah, do të thotë se ju jeni një person shumë kokëfortë. Për më tepër, kjo dëshirë përshkruan lëvizjen, shkathtësinë dhe qenien e shpejtë të personit që e zotëron atë. Ju me siguri jeni hiperaktiv dhe veprimi ju stimulon ditët. Veç kësaj, ju jeni gjithmonë të etur për përvoja të reja.

3- në qafë

Nëse shenja e lindjes është vendosur në qafën tuaj, do të thotë që ju jeni një person i komplikuar. Shenja e lindjes në qafën tuaj mund të tregojë se doni gjëra shumë të ndryshme. Jeni padyshim një person idealist, këmbëngulës, i cili përparon në jetë me qëllime dhe arrin lartësi të papritura. Ju pëlqen të koleksiononi suksese.

4- afër gojës

Të kesh një shenjë lindje afër gojës do të thotë të dëshirosh të jetosh me bollëk. Ju keni një personalitet shumë çuditshëm dhe argëtues. Jeni solar dhe kameleonik. E pamundur të mos ju vërejnë dhe, mbi të gjitha, të mos vërejnë mungesën tuaj. Jeni shumë konfuz, por edhe shumë i ndjeshëm. Nëse ky është rasti juaj, kënaqeni duke shprehur personalitetin tuaj në art dhe jeni të interesuar për jetën shpirtërore. Ka shumë mundësi që të jeni i/e magjepsur nga jetët e kaluara.

5- në kofshë

Nëse keni një shenjë lindjeje në kofshët tuaja do të thotë që ju jeni lindur me një dhuratë të veçantë, sepse keni mundësinë të bëni të gjitha ëndrrat tuaja realitet. Keni lindur në lartësinë e ëndrrave që keni. Ju jeni një udhëheqës karizmatik dhe një biznesmen i shkëlqyeshëm me ambicie politike.

6- në këmbë

Nëse keni një shenjë lindjeje në këmbë do të thotë se jeni një person që nuk mund ta duroni vetminë. Jeni shumë solar dhe keni shumë miq, keni nevojë vazhdimisht për të qenë i shoqëruar. E meta juaj më e madhe është të mos jeni në gjendje të merrni një vendim të shpejtë.

7- në shputë

Të kesh një shenjë lindjeje në shputë, do të thotë të mburresh me një personalitet shumë të dallueshëm: ti je aventurier i lindur, i pëlqen sfidat dhe je përbuzës i rrezikut.

8- në sy

Ata, që kanë lindur me një shenjë në sy, janë njerëz jashtëzakonisht pozitivë dhe optimistë. Ata kanë një stil unik dhe dallohen nga turma. Pika e tyre e fortë është humori. Ata janë novatorë të shkëlqyeshëm dhe kushdo që dëshiron të arrijë një qëllim të caktuar, duhet të kërkojë këshilla nga ata që kanë një dëshirë në sytë e tyre.

9- në gjoks

Ata që posedojnë një shenjë lindjeje në gjoksin e tyre, janë të veçantë, sepse ata kanë një personalitet të shumanshëm. Lunatik siç janë, shpirti i tyre pëson ndryshime të papritura. Fuqia e tyre është se jenë në gjendje ta lidhin mendimin me veprimin, sa herë që janë të vendosur të bëjnë diçka. Ata janë njerëz shumë besnikë në miqësi.

10- në shpatulla

Nëse shenja juaj e lindjes është vendosur në shpatullat tuaja, do të thotë se ju jeni një person introvert. Brendësia juaj është shumë e pasur. Udhëtimet tuaja shpirtërore dhe lidhjet emocionale janë të lulëzuara. Nëse doni një marrëdhënie me këta njerëz duhet të punoni në alkimi.

11- në vithe

Shenja e lindjes në të ndenjura, është shenja dalluese e njerëzve që kanë lindur me një mendje të hapur të shkëlqyer, kanë një pamje fleksibile për jetën dhe janë gjithmonë të drejtpërdrejtë në të thënin e asaj që mendojnë. Ata janë njerëzit rebelë klasikë, që zakonisht shkojnë kundër rregullave, kundër diktateve shoqërore, kundër një rendi të vendosur. Ata janë njerëz që mendojnë jashtë skemave dhe kanë inteligjencë të madhe. U përshtaten të gjithëve.

12- në thembër

Shenjat e lindjes në thembra pasqyron një personalitet shumë ambicioz. Këta njerëz nuk kanë frikë nga vendimet radikale, ata janë jashtëzakonisht të vendosur dhe kanë aftësi të shkëlqyera komunikuese dhe bindëse të të tjerëve.

13- në bark

Shumë njerëz kanë lindur me një shenjë në bark. Këta janë zakonisht njerëz hedonistë, që janë shoqëri shumë e mirë. Janë njerëz që i urrejnë konfliktet dhe argumentet. Për ta, jeta është shumë e shkurtër dhe e rrallë për t’u tretur me hidhërim, zemërim dhe inat. Nëse shenja e lindjes vendoset në stomak, ata janë njerëz që duan pak për të qenë të lumtur, pra shumë të thjeshtë.