Të rejat nga Java e Modës në Milano, 5 veshjet më interesante që do të shoqërojnë vjeshtën tuaj të ardhshme

Mund të filloni që tani, të mendoni apo t’i kopjoni, por këto veshje do t’ju shoqërojnë në vjeshtën e ardhshme dhe sigurisht, edhe në dimër.

Pasarelat e Javës së Modës Milano 2021 po mbarojnë. Një javë me pasarela virtuale, në të cilat pamë look book, video dhe shfaqje të modës të koleksioneve vjeshtë-dimër 2021/2022, në platformën në internet. Protagonistët, pamjet e sezonit të ardhshëm të ftohtë: kombinime, ide, pjesë të domosdoshme për t’u frymëzuar edhe sot, për ata që duan të parashikojnë trendet ose për ata që kërkojnë gjithmonë veshje të reja për të eksperimentuar.

Veshje klasike e zezë + vathë me kontrast maksi

Pasarela elegante e Giorgio Armani përqendrohet në veshjet klasike dhe romantike, me një sy të mprehtë për detaje. Para së gjithash, te bizhuteritë: palltoja e zezë klasike është e veshur me vathë maxi me ngjyrë jargavani, të cilat bien në sy me kontrastin.

Kontrastet strukturale

Courtesy of Press Office

Trench-i i Drome në ngjyrë të kuqe prezanton ndërthurjen e kontrasteve strukturale të veshjes, reflekse të një dualizmi esencial, në të cilin bazohet identiteti i një personi. duket kaq e çuditshme, saqë do ta provosh menjëherë.

Fustani midi me golf

Courtesy of Press Office

Si të vishni një fustan midi në dimër? Ndër sfilatat e Javës së Modës në Milano 2021, ajo e Gilberto Calzolari sugjeron kombinimin e një fustani me një model gjeometrik dhe një golfi të thjeshtë të bardhë. Një pamje për tu kopjuar edhe menjëherë, ideale për zyrë.

Miksim i ngjyrave në bllok

Për të veshur më shumë ngjyra në dimër, sekreti është të përqendrohesh në veshje me tonalitete të ndryshme në kontrast, dhe çelësi është blloku i ngjyrave, siç sugjerohet nga pasarela e modës Prada vjeshtë-dimër 2021/2022.

Look-u me xhinse, por ndryshe nga zakonisht

Ndonjëherë duhet shumë pak për të ndryshuar pamjen klasike pulovër dhe xhinse. Alberta Ferretti sugjeron xhaketën e shkurtër, të lirshme në vend të palltos tradicionale, një këmishë të gjelbër oversize mbi golfin e zi në jakën e zezë dhe çizmet e shkurtra me stampë gjarpri.

Rrip mbi triko

Courtesy of Press Office

Ndër pamjet më të pikasura në sfilatat e Javës së Modës në Milano 2021, është rripi me bel të lartë mbi trikon e hapur, nga Elisabetta Franchi: një truk i fortë, por i lehtë për t’u kopjuar për ta bërë trikon e zakonshme më pak të mërzitshme.

Filloni t’i mendoni seriozisht!

A e ka kopjuar Bvlgari Versace-n? Shikoni spotin për një përgjigje të saktë!

Një postim i fundit i shfaqur në profilet sociale të Bvlgari, ka bërë të diskutojnë të gjithë ata që kanë “varësi” nga moda dhe që janë nga e gjithë bota (sot nuk është e vështirë kjo). Slogani i zgjedhur nga marka luksoze, në fakt, duket shumë i ngjashëm me atë të një reklame ikonke të vjetër të Versace-s!

Versace është një nga markat më të famshme të altamodës në botë. Por ashtu si shumë emra të tjerë italianë, shqiptimi jashtë nuk ka qenë gjithmonë korrekt.

Kështu që për fushatën Vjeshtë/Dimër 2018, Donatella Versace vendosi të krijojë një video të këndshme, në të cilën disa nga modelet më të famshme të shtëpisë së modës, shpjeguan shqiptimin e saktë të mbiemrit të të ndjerit Gianni.

Në video, e cila ka marrë me miliona shikime në YouTube, shihen dhjetra modele që thonë në veshët e njëra-tjetrës fjalën “Versace”, si në një lojë “telefon i prishur”. Në fund janë motrat Hadid dhe është Gigi ajo që e mbyll videon duke thënë: “It’s Versace not Versachee!”

Slogani ishte bërë viral në mediat sociale dhe që nga ajo kohë shumica e dashamirëve të markës më në fund e kishin kuptuar shqiptimin e saktë.

Por mesa duket kjo iniciativë i paska pëlqyer shumë edhe një tjetër shtëpie mode, e cila ka krijuar një video të ngjashme!

A është “frymëzuar” Bvlgari nga Versace?

Në orët e fundit në profilet zyrtare të ndërmarrjes luksoze italiane, është shfaqur një video në të cilën disa modele (përfshirë këngëtarin Mahmood) shqiptojnë emrin e markës.

Bvlgari, si shumë emra të tjerë në shtëpitë e modës, bizhuterive ose makinave, shpesh gjymtohet dhe kështu maison ka vendosur të bëjë një video në të cilën shpjegohet shqiptimi i saktë.

Megjithatë, më të vëmendshmit e kanë kuptuar që ideja duket se është kopjuar (vjedhur?) nga një video e vjetër e Versace-s. Edhe në filmin IGTV nga Bvlgari, me titull “How do you pronunce Bvlgari?“,”Si e shqiptoni Bvlgari?”, modelet mund të shihen duke thënë “It’s not Bulgàri, it’s Bùlgari!”, “Nuk është Bulgàri, është Bùlgari!”

Me pak fjalë, “gjetja” duket shumë e ngjashme me reklamën e vjetër të Versace-s, por lind pyetja: Donatella do ta lërë me kaq?

Irina Shayk me një pamje futuriste, siç nuk e keni parë kurrë më parë

Për kopertinën e numrit të ri të Vogue Russia, Irina Shayk pozon me një parukë jeshile acid në harmoni të përsosur me sytë e saj. Një look fanta-shkencë e viteve ’50 me ndarjen e flokëve në anë dhe valëzimin e ondeve stil vamp

Është nga të paktat yje millennial, që i rezistoi flokëve rozë, por që mesa duket është lëshuar në prehrin e të gjelbrës së fortë, pa asnjë hezitim. Ose ndoshta edhe po. Por look-u i zgjedhur është futurist dhe vitaminik dhe përfshin flokët vamp të viteve ’50.

Irina Shayk, hera e parë me flokë të “çmendur“

Deri më tani, më së shumti, ne e kemi parë atë të luhatet në të gjitha nuancat e modës nga bjonde në kafe të errët (ngjyra e saj natyrale). Por tani super-modelja ruse i mahnit fansat me një kthesë të fortë në ekstremin e gjelbër acid.

Në një nga tre kopertinat e marsit të Vogue Russia, ne gjejmë Irina Shayk në një dimension futurist, si të ketë dalë nga një film fanta-shkencë i viteve 1950, look i ideuar nga drejtori artistik, Harry Nuriev, i cili në kombinim me veshjet hapësinore ​​/ bon ton, vendosi ta bëjë atë të vinte një paruke retro vamp, me vijë në anë dhe onde të stilit Rita Hayëorth, paksa të rrumbullakosura dhe një shkallëzim të lehtë për të dhënë volum.

Paruka e krijuar nga prodhuesja e parukave Jennifer Renee ‘dhe stiluar nga stilisti i famshëm i flokëve Jacob Rozenberg, është në një hije të gjelbër acid, që është e përsosur në sytë smeraldë të supermodeles 35-vjeçare.

Sytë fluo dhe futurist

Tema e gjelbër totale ka përfshirë gjithashtu make-up-in e syve, të dizajnuar nga artistja e make-up Tatyana Makarova, në një version të syve mace neon me një impakt shumë të lartë grafik.

Një truk i përbërë nga dy nuanca të gjelbra, e ndritshme për eyeliner dhe nenexhik margaritar për bazën e hijes, e cila përfshin vetullat natyrale dhe vetëm një presje të zezë në cepin e sipërm të syrit.

Nga ana tjetër, goja është në rozë nude, siç e kërkojnë trendet e momentit. Ndërsa thonjtë, shumë të mprehtë dhe tepër të gjatë, janë pikturuar në një jargavan pastel metalik, që bëhet pothuajse argjend me dritat.

Martesa perfekte (beauty) me location-in modernist dhe surreal të shooting, që evokon një galaktikë paralele, të largët dhe super glam. Po çfarë i mungon, xhanëm!

Ju prezantojmë me sandalet më të bukura për 2021, bëhuni gati pranvera po troket!

Më në fund po vjen stina e sandaleve dhe kemi kaq shumë për t’ju thënë për këto të fundit. Merrni letër e laps, ose mbajini mend, nëse keni memorie të mirë fotografike. Gjithsesi, ne jemi këtu për t’i ndarë gjërat me ju.

Këpucët në trend të sezonit vijnë me një larmi ngjyrash dhe formash. Është koha të shohim sandalet e 2021-shit.

Po, sepse në pasarelat e emrave të mëdhenj të modës parakaluan një mori sandalesh të mrekullueshme me gurë, dhe mes modeleve eksperimentale dhe romantike ka vetëm sikletin e zgjedhjes.

Për të vendosur pak rregull dhe për të gjetur një ekuilibër, ne kemi zgjedhur për ju, sandalet më të bukura dhe interesante të grave, të pikasura në koleksionet e emrave të mëdhenj.

Nga aksesori unik i lidhëseve me lule deri në kofshë nga Blumarine, te sandalet me ngjyra nga Etro dhe Versace, duke kaluar nëpër versione më të matura dhe delikate, por jo më pak të modës nga Chanel, Valentino, Dior dhe Alberta Ferretti, sandalet frymëzuese për sezonin janë të shumta, por jam e sigurt se këtu do të gjeni rrugën e duhur për këpucët e zemrës. Dhe pasi të keni zgjedhur modelin tuaj të preferuar të preferuar, nuk do ta hiqni më nga këmba gjatë gjithë stinës së bukur.

Blumarine

Prada

Christian Dior

Etro

Chanel
Valentino
Alberta Ferretti
Laura Biagiotti
Ferragamo
Sportmax


Isabel Marant
Versace
Elisabetta Franchi
Bottega Veneta

Mos ndoshta e ardhmja e Modës digjitale do të jetë filmi? Miu Miu dhe episodi i ri i “Women Tales”

Revolucioni ka nisur. Nuk është i gjithi i dukshëm, por po ndodh. Bota po kërkon të konfigurohet edhe një herë të re dhe Moda është industria më e prekshme që tregon ndryshimin dhe kauzat e reja.

Filmi i fundit me metrazh të shkurtër titullohet Shangri-La dhe udhëton në kërkim të dinamikave të shpagimit, ashtu si dje edhe sot.

Filipinesja Isabel Sandoval, regjisorja, aktorja producentja e filmit, ngre një pyetje të rëndësishme: a ka një mënyrë për të paguar, ndërsa historia është e njëjtë përballë racës, gjinisë dhe identitetit?

Ky do të jetë krijimi i 20-të i Rrëfenjave të Grave, zgjedhur nga Miu Miu për të prezantuar koleksionet e saj aktuale nga stina në stinë. Por nga ana tjetër është krijuar edhe për të mbështetur artistet e reja dhe rrëfimet e tyre të feminilitetit.

Si e shihni, modë- film- kauza.

Pak nga subjekti i Women Tales-it të ri të Miu Miu-së

Ngjarjet zhvillohen në Kaliforninë e kohës së Depresionit të Madh dhe brenda një kishe, ku një grua fshatare filipine gjendet në një rrëfimtore. Nga ana tjetër e rrjetës nuk ndodhet prifti, por dashuria e saj e ndaluar për kohën, një i ri i bardhë. kështu rrëfimtorja kthehet në një makinë kohe në udhëtim drejt një epoke ku protagonistja dhe shumë gra të tjera janë të lira të dashurojnë kë të duan.

Titulli “Shangri-La” evokon idenë e një parajse tokësore, të izoluar nga pjesa tjetër e botës. Për emigrantët, Amerika shpesh përfaqësonte Shangri-La-në e premtuar dhe filmi shikon përreth në atë moment historik, në kërkim të lirisë dhe shpagimit.

 Po kush është Isabela Sandoval?

Është një regjisore e re filipine, që bëri histori në “ditët e Autorëve” në festivalin e Venecias, në 2019, me filmin e parë ku regjisorja është një grua trans jo e bardhë. nën firmën e saj janë edhe dy filma të tjerë të nderuar me çmime. Dhe është pikërisht ajo që Miu Miu i beson filmin e radhës.

Projekti “Women’s Tales”

Projekti i Miu Miu që ndërthur modën dhe kinemanë arrin në produktin e tij të njëzet e një.

Filmi i parë, Zoe Cassavetes “The Powder Room”, u shfaq premierë në janar 2011 dhe prej andej marka gjithmonë ka prezantuar dy në vit. Kushti i vetëm i diktuar nga marka e njohur është përdorimi i koleksionit aktual si një gardërobë për personazhet e pranishëm.

Historia, zgjedhjet stilistike, frymëzimi zgjidhen në mënyrë të pavarur nga regjisori në detyrë. Regjisorët janë gjithmonë gra, në një eksperiment për të mbështetur krijimtarinë femërore që përshtatet mirë në identitetin e gjerë të Miuccia Prada.

4 aksesorët që do të lulëzojnë flokët tuaja këtë pranverë!

Përveçse janë trende sezonale, aksesorët e flokëve janë mënyra më e mirë për të zbukuruar dhe për ta bërë unike edhe prerjen më të thjeshtë. Më të dëshiruarat për pranverën 2021? Kapëse Bijoux, shirita koke të rrumbullakosur dhe harqe

Të ndara midis viteve ‘80/’90 dhe epokës së Regency, aksesorët e flokëve 2021 ju bëjnë të dëshironi të luani me flokët tuaj, duke i pasuruar, thurur dhe zbukuruar ato. Të shquara mirë në pasarela, por edhe në profilet sociale të personave të famshëm, janë këto detajet që “ia ngrenë moralin” edhe modeleve disi të mërzitshme të flokëve. Midis gjërave të domosdoshme të verës, kapëse dhe shufra, perla, gurë dhe shirita e rrathë të butë, një stil liceistesh.

1. Karficat bizhu

Të thjeshta, por efektive, karficat bizhu, por edhe me ngjyra, janë rishfaqur, pas viteve ‘90, kur goditën në zemër të gjitha vajzat, që tani janë gra, të cilat u rritën me seritë televizive si Streghe dhe Beverly Hills, gati për t’i vendosur përsëri. Ikonike dhe simbol i një epoke, sot karficat e flokëve janë përsëri në qendër të vëmendjes, duke u bërë një nga aksesorët e flokëve të pranverë-verë 2021.

Tashmë të ekspozuara në flokët e disa nga it girl si Chiara Ferragni dhe Lucy Hale, klipet i japin një prekje të çmuar dhe ngjyre edhe bishtit më të thjeshtë në majë të kokës. Ideale për çdo ditë, ato janë gjithashtu një truk i shkëlqyer për të luftuar “flokët në ditë të keqe” dhe janë zgjedhje e përsosur edhe për video-telefonatat. 

2. Rrethi i rrumbullakosur i kokës

Trendi nisi nga Prada në 2019, dhe vazhdon të jetë edhe sot domosdoshmëri. Edhe pse është ndër aksesorët më të dëshiruar dhe të blerë të flokëve 2021, ka rregulla për ta vendosur deri në përsosmëri.

E para: rrethi i fryrë i kokës është perfekt nëse dëshironi të luani me kontraste kromatike dhe materialet. Për bjondet platin, një model në velvet të zezë është ideale, ndërsa në flokë kafe dhe të kuq, kontrasti është i pazëvendësueshëm në një blu të theksuar, ndoshta në saten.

Rregulli numër 2, kushtojini vëmendje edhe shtatit: shiriti i kokës së rrumbullakosur është në të vërtetë i mirë, nëse jeni veçanërisht e gjatë, ndërsa të imtat mund të zgjedhin modele më pak të trasha dhe materiale më të hollë. Sa i përket ngjyrave, drita jeshile për kreativitetin, luani me ngjyrat, por me elegancë dhe maturi.

3. Scrunchie, kapëse flokësh në stilin e viteve 80-të

Një kthim i shkëlqyeshëm midis aksesorëve të flokëve në pranverë-verën 2021 edhe për scrunchie, të njohur edhe thjesht si një kapëse për flokët bisht. Me një pamje të lakuar dhe të butë, ato janë shumë më tepër sesa llastikët, janë detajet e vërtetë të stilit. Shumë të dashur në versionin e tyre prej kadifeje, ato janë ideale për sezonin e pranverës dhe menjëherë i japin hairstyle-it një joshje vintazh.

E përsosur për ata që duan të mbajnë flokët lart, scrunchies nuk shtrëngohen shumë, duke shmangur kështu nyjet dhe flokët e djegur. Cilat modele flokësh janë më të përshtatshme? Ato më të thjeshta si bishti i lartë, topuzi i çrregullt etj.

4. Gurë, diamante dhe perlat nga e kaluara

Direkt nga seti i Bridgerton, i cili tani ka bërë namin në Netflix, dhe nga epoka e Regency, gurët, teminat, perlat, gërshetat dhe endjet e flokëve rreth aksesorëve janë tendenca për pranverë-verën 2021. Mënyrë romantike dhe oborri mbretëror që, nëse do të dini ta miksoni dhe t’i gjeni dozat e duhura, do të japë hijeshi dhe përsosje edhe për flokët më bashkëkohorë.

Këshillë shtesë: cilindo aksesor flokësh të zgjidhni, vaji i arganit është perfekt për të gjallëruar dhe rregulluar flokët. Kjo konfirmohet gjithashtu nga Marc Pilcher, hair-stilist i Bridgerton, i cili përdori këta përbërës natyralë për të ushqyer, lagështuar dhe luftuar efektin “ashpërsi”, në mënyrë që flokët të bëhen më të lehtë për t’u krehur.

Pra a jeni gati për një flokë tip Daphne Bridgerton?

Të gjithë në kërkim të një firme, por a doni të dini si të dalloni një Louis Vuitton fals?

Louis Vuitton është një nga markat më të vlerësuara dhe të dashura të Haute Couture. Por duke qenë e tillë dhe simbol i artit dhe i stilit, kjo markë është shpesh viktimë e llojeve të ndryshme të falsifikimit, veçanërisht në modelet e çantave.

Si të njohim një false? Mund t’ju japim pak ndihmë, në mos për të mos rënë pre e objektit të falsifikuar, të paktën për t’i njohur menjëherë.

Një artikull i Alta Modës nuk është vetëm një veshje e shtrenjtë ose një send që mund të tregohet në mediat sociale, por një simbol i vërtetë i statusit shoqëror të atij që e ka.

Louis Vuitton, për gati dyqind vjet tani, është një nga ato flamujt, që njerëzit kërkojnë me dëshpërim ta vendosin në bedenat e kështjellave të tyre, edhe kur kjo e fundit është vetëm një kasolle. Ndjesë për mënyrën e drejtpërdrejtë. E në një botë si kjo që po jetojmë, me fasada dhe filtra nuk është më e çuditshme. Por mos harroni, se një nga këto çanta (të vërtetat) kushton (te ne) sa dy apo trefishi i një rroge mesatare administrate, për puntorët s’flasim dot fare. Ndaj, falsifikimi po zgjerohet pafund, të paktën për të kënaqur njerëzit e thjeshtë me lugën e zbrazur të idesë së një marke.

Për vite me radhë, Haute Couture është përpjekur të luftojë kundër falsifikimit, por niveli i disa falsifikuesve është bërë mjaft i lartë, veçanërisht për një sy pa përvojë.

Këtu janë disa këshilla praktike për të dalluar një çantë të vërtetë Louis Vuitton nga një e rremë, edhe nëse në dukje është identike.

Lëkura ikonike, kujdes përsëritjet!

Simbolet e markës janë fleur de Lis dhe inicialet e markës ndërthuren; këto simbole përfaqësohen në një sekuencë shumë të saktë, e cila, nëse ndërpritet apo përsëritet pa kuptim, është një nga simptomat e para të përballjes me një falso:

secili rresht duhet të përfundojë me të njëjtin simbol, nëse fillon me një fleur de lis të plotë, do të përfundojë me të njëjtin simbol edhe në anën tjetër;

inicialet L V duhet të jenë njëra mbi tjetrën, me V-në të zhvendosur pak lart;

skedarët horizontale dhe vertikale ndjekin saktësisht të njëjtën kronologji;

rreshti vertikal duhet të jetë kështu: Fleur de lis i plotë, duke alternuar me një rresht me LV dhe fleur de lis bosh. Një rresht tjetër me fleur të plotë, një bosh dhe një lule të rrethuar;

rreshtat e zhdrejtë janë: Fleur de lis, LV, lule e rrethuar dhe përsëri Fleur de Lis. Rreshti i dytë përbëhet nga Fleur de lis dhe Fleur de lis bosh.

Dorezat dhe qepjet

Qepjet janë një nga pikat më të rëndësishme në prodhimin e një çante, ato garantojnë përdorimin e saj me kalimin e kohës; qepjet origjinale janë të verdha në të verdhë mustardë, nëse janë një e verdhë e gjallë, ka shumë të ngjarë të jetë e rreme.

Një faktor tjetër interesant janë dorezat, të bëra nga një lloj lëkure lope e përpunuar; kjo lëkurë, që në fillim është me ngjyrë bezhë të lehtë dhe e rrethuar nga një bordurë e lyer me ngjyrë bordo, do të priret të errësohet me kalimin e kohës dhe të humbasë shtresën e bojës.

Nëse shitësi pretendon se çanta ka qenë gjithmonë me atë ngjyrë, ai po ju gënjen: ose është një falsifikim, ose është një send vintazh.

Numri serial brenda çantës

Një tjetër element i lehtë për t’u njohur është numri serial; numri serial i një LV origjinal përbëhet nga dy shkronja që tregojnë vendin e prodhimit, muaji i shprehur me numër, si 08 nëse do të ishte gusht, dhe më në fund viti i prodhimit.

Nëse numrat nuk kanë kuptim dhe mbi të gjitha nuk janë të ndarë, ka shumë të ngjarë të jetë një falsifikim; para vitit 1990, kjo marrëdhënie e ngushtë midis kodit dhe prodhimit nuk ishte ende në fuqi, por për të shmangur falsifikimin, ajo është bërë një nga simbolet kryesore për ta kuptuar atë.

Kushtojini vëmendje çmimit! Çantat Louis Vuitton, në shitësit me pakicë ose dyqanet zyrtare me marka më luksoze, edhe nëse duken me zbritje, nuk mund të zbresin përtej një çmimi bazë. Një çantë me vlerë mbi 1000 euro nuk ka gjasa të shitet me një çmim tepër të ulët!

Kishte një “defekt” të vogël në kërthizë, modelja çeke tregon si bëri paqe me veten

Super-modelja çeke, Karolina Kurkova është në pritje të fëmijës së saj të tretë. Ajo ka vendosur të çlirohet nga kompleksi i papërsosmërisë së kërthizës, që e ka fshehur prej kohësh, por që më në fund arriti të bëjë paqe me defektin e saj.  

E përsosur por jo e përsosu deri në fund. Edhe pse duket qesharake, ndonjëherë mjafton të shquajmë ndonjë gjë qoftë edhe të vogël në trupin tonë dhe të fiksohemi keq me të e të vuajmë nga “papërsosmëria”.

Duket se ky paska qenë edhe problemi i madh i Karolina Kurkova-s, e cila tregon për herë të parë atë “defektin” në trupin e saj, që e kishte  fshehur prej gjithmonë: një anomali në kërthizën e saj.

E fshehu në pasarela dhe në kopertina, por e fshehu edhe gjatë dy shtatëzanive të para. Por më në fund vendosi të ëjë paqe, me veten dhe defektin e saj.

Refuzoi fotot në shtatzënitë e para

Për çdo grua, shtatzënia është një moment i rizbulimit të trupit që ndryshon.

“Gjithmonë kam dashur të dokumentoj se si ishte trupi im në atë moment, por me dy shtatzënitë e para nuk u ndjeva rehat kurrë“, thotë supermodelja çeke në një intervistë për revistën Glamour, të cilën ajo e ndau edhe në mediat sociale.

“Njëzet e një vjet si modele, duke dokumentuar tërë jetën time në fotografi, por kurrë nuk kam dashur të bëj fotografi gjatë shtatzënisë, sepse nuk jam ndjerë kurrë bukur, duke treguar barkun tim”, vazhdon ajo.

E vërteta e kërthizës me “defekt”

“Kam lindur tre muaj më parë dhe fëmijë kam bërë një operacion për të riparuar një hernie të kërthizës dhe murin e brendshëm të stomakut, i cili nuk ishte i mbyllur. Rezultati është që kërthiza ime nuk është në të vërtetë një kërthizë normale. Është më shumë një gropë sipërfaqësore dhe ka ndonjë shenjë të lehtë. Kjo do të thotë gjithashtu që kur jam shtatzënë, unë kam një njollë të sheshtë: barku nuk më bëhet shumë i rrumbullakët, kur kërthiza më rritet, dhe kurrë nuk kam dashur ta tregoj”, shpjegon ish-engjëlli i Victoria’s Secret.

Një papërsosmëri e përsosur

Modelja tregon gjithashtu se si jetonte me këtë defekt në botën e modës, ku deri vonë fjala kyçe ishte “perfeksion”.

“Gjatë karrierës sime, ma kanë prekur barkun pa pushim, duke dërguar mesazhin ‘Nuk është në rregull, do ta fshehim’. Ata nuk menduan se ishte imazhi i përsosur dhe kjo e bëri këtë papërsosmëri të vogël më të madhe në kokën time”, rrëfen nëna e ardhshme.

Dhe më në fund “e lirë”

Megjithatë, tani, në moshën 36 vjeç dhe me fëmijën e saj të tretë gjatë rrugës, Karolina Kurkova ka një vetëdije tjetër, për veten dhe trupin e saj.

“Tani jemi në një kohë tjetër në industrinë e modës, e cila konsiston në përqafimin e asaj që jemi dhe papërsosmëritë që na bëjnë të bukur. Shtatzënia ime e tretë më dha mundësinë që më në fund të ndihem e lirë në trupin tim ”, thotë ajo.

Dhe ja më në fund, ndryshe nga shtatzënitë e mëparshme, modelja ndau shumë fotografi të gruas së re shtatzënë në rrjetet sociale, që tregojnë barkun në rritje.

Dhe e dini? Vetëm ajo mund ta shoh atë papërsosmëri, seppse në të vërtetë është e pamundur të vëresh një defekt para kaq shumë bukurie.

Koronavirusi nuk fal as VIP-at, Rihanna pezullon Fenty-n

Edhe pse gjysmë e përgatitur, edhe industria e modës u godit nga epoka koronavirusiane dhe revolucioni i përshpejtuar internetik. Në këtë kuadër, nuk kish si të shpëtonte edhe rishtarja Rihana me shtëpinë e saj të modës, e cila pezullohet. Ky vendim u mor me marrëveshje të ndërsjellë midis këngëtares dhe grupit LVMH. Ndër arsyet e ndalimit të Fenty-it nga Rihanna, është pandemia e koronavirusit

Lamtumirë Fenty! Rihanna ngrin shtëpinë e saj luksoze të modës, e cila filloi në janar 2019, në bashkëpunim me LVMH. Një vendim i marrë me marrëveshje të ndërsjellë midis këngëtares dhe grupit të kryesuar nga Louis Vuitton. Arsyeja? Pandemia e koronavirusit.

Njoftimi i ngrirjes nga Rihanna dhe Lvmh

“Rihanna dhe LVMH kanë marrë së bashku vendimin për të pezulluar ready-to-wear të Fenty-t, me qendër në Evropë, në pritje të kushteve më të mira”. Marka kishte ndaluar së postuari në llogarinë e saj në Instagram, më 1 janar 2021, dhe koleksioni më i fundit Fenty by Rihanna daton në nëntorin e kaluar – laboratori i përbashkët i këpucëve në bashkëpunim me një nga stilistët e preferuar të këpucëve nga këngëtarja, Amina Muaddi.

Fenty Beauty, Fenty Skin dhe Savage X Fenty do të vazhdojnë punën

Sajti i shitjeve elektronike Fenty do të nxihet në javët e ardhshme dhe zyra parisiene do të mbyllet, bëjnë me dije drejtuesit e ËËD. Një Maison tjetër që i dorëzohet koronavirusit, edhe pse hyrja në botën e modës për yllin e Barbados, të parën grua me ngjyrë që lançoi një markë luksoze në radhët e LVMH, nuk mbaron këtu. Në fakt, grupi tani planifikon të përqendrohet në dy bizneset e tjera të nënshkruara nga Rihanna: linja e bukurisë, me Fenty Beauty dhe Fenty Skin, dhe koleksioni i të brendshmeve Savage X Fenty, koleksioni i të brendshmeve përfshirëse të nisura nga Rihanna në 2018, e cila pavarësisht epidemisë vazhdon të korrë suksese.

Koronavirusi është një nga shkaqet e mbylljes

Por si ndodhi që Fenty nuk arriti t’i mbijetojë krizës së koronavirusit? Duket se ishte mungesa e yllit në Evropë që bëri shumë dëm. Ndërsa ishte në Los Angeles ishte në gjendje të ndiqte nga afër bizneset e saj kaliforniane, Fenty Beauty dhe Fenty Skin (nisur në korrik 2020, në dyqanet Sephora duke filluar nga shkurti 2021 dhe gjithashtu i disponueshëm në Boots dhe Harvey Nichols në Angli), nga ana tjetër, ajo nuk mundi të ndiqte nga afër projektin dhe prodhimin e Fenty nga Rihanna, me qendër përkatësisht në Paris dhe Itali.

Pavarësisht nga interesi fillestar publik, veçanërisht për aksesorët, këpucët, syzet e diellit dhe segmentin e bizhuterive, Fenty nga Rihanna dështoi në detyrën e vështirë për të ofruar një gardërobë që e përfaqësonte atë në sytë e fansave. Dhe krijimi i tetë koleksioneve prêt-à-porter në vit, duke menaxhuar një start-up në distancë, në kushtet aktuale shëndetësore, është bërë një ndërmarrje thuajse e pamundur, për të mos thënë edhe shumë e shtrenjtë.

Rihanna drejton vëmendjen në gjithçka ka në SHBA

Përparësitë aty ku vlen: Rihanna dhe LVMH më në fund vendosën të përqendrohen në bizneset Fenty më të menaxhueshme, me qendër në SHBA, por edhe më fitimprurëse: Fenty Skin arriti shitje prej 30 milionë dollarësh në më pak se katër muaj, në e-store e saj. Për të mos përmendur që llogaria e Fenty-t në Instagram mburrej me 1 milion ndjekës, ndërkohë që Savage x Fenty me 3.9 milionë dhe Fenty Beauty me 10.5 milionë. Ndërkaq, firma private e kapitalit L Catterton, në të cilën LVMH ka aksione, po udhëheq një mbledhje fondesh prej 115 milionë $, për të mbështetur zgjerimin e ardhshëm me pakicë të Savage x Fenty, një markë që këngëtarja e kontrollon me TechStyle Fashion Group.

Vajza, do t’ju tregojmë sekretin e modës së çantave tendencë, mini-xhevahiret e pranverë-verë 2021

Xhevahiret tani do t’i mbani në dorë, ju njohim me mini-çantat e pranverës 2021

Pasarelat na zbulojnë dy mundësi: MAXI ose mini. Është trendi që do të na shoqërojë sezonin e ardhshëm. Nëse nga njëra anë një mori çantash për femra i ka bërë super të lumtur të gjithë ato që kurrë nuk kanë hapësirë ​​të mjaftueshme në çantë, duhet të dini gjithashtu se çanta këtë pranverë është zgjedhur nga ana tjetër edhe e vogël. Kur themi e vogël, e kemi fjalën shumë e vogël, mini fare dhe sa më të vogla që bëhen, aq më të çmuara dhe unike bëhen. Çantat e grave këtë sezon kthehen në një… xhevahir.

Le të fillojmë me mini çantat e prezantuara nga Chanel, të rafinuara dhe shumëngjyrëshe, modelet në përmasa shumë të vogla tani simbolike të Jacquemus, çantat e vogla guaskë me fije të ndritshme, shkëlqyese, që duket sikur kanë dalë nga përrallat, por që në fakt janë një krijim i Fendi-t. Blumarine gjithashtu imagjinon çantat shumë të vogla dhe të zbukuruara të pranverë-verës 2021, të qëndisura imët me rruaza dhe lule. Dolce & Gabbana, krahas çantës maxi xhins, mendon edhe për versione në miniaturë, të zbukuruara me zemra romantike. Burberry, Max Mara, Louis Vuitton, Givenchy kanë krijuar versione mini për tu varur mbi supe ose rreth qafës si një gjerdan. Me pak fjalë, mini çantat këtë sezon janë thjesht aksesori i padëmshëm dhe nëse jeni kurioz të mësoni më shumë rreth kësaj tendence, thjesht duhet të lexoni artikullin tonë.

Chanel
Fendi
Max-Mara
Burberry
Blumarine
Louis Vuitton
Givenchy
Dolce & Gabbana
Versace
Prada
Le Double J
Jacquemus