Si të zgjedhësh nuancën e duhur të fondatinës me 3 hapa

Zgjedhja e fondatinës është një nga “disiplinat kozmetike” më të vështira. Duhet të jetë aq e mirë sa të mos jetë e dukshme dhe të marrë komplimente jo për përbërjen, por për lëkurën me pamje perfekte. Si të zgjidhni kremin pudër më të mirë?

Në epokën e telefonave inteligjentë, ekziston një zgjidhje nëpërmjet një aplikacioni që ndihmon të zgjidhni fondatinën përmes fotove të marra nga rrjetet sociale, ose duke marrë një aktuale. Por edhe nëse këto aplikacione duken hyjnore, rezultatet e analizave të tyre duhet të merren vetëm si udhëzues, sepse secili telefon, aparat fotografik ose tablet ka një optikë të ndryshme, një kalibrim tjetër, drita është e ndryshme. Për të mos përmendur faktin se është e nevojshme të preket struktura, shkalla e mbulimit dhe / ose rezistencën e fërkimit të fondatinës përpara se ta zgjidhni përfundimisht.

E vetmja gjë në të cilën mund të mbështeteni me të vërtetë janë sytë, drita e ditës, vendi i duhur për të provuar fondatinën dhe, mbi të gjitha, të ashtuquajturin nënton të lëkurës, i cili ndoshta luan rolin më të rëndësishëm. Mos nxitoni dhe, ndërsa kërkoni nuancën e duhur të fondatinës, ndiqni tre hapat më poshtë.

Si të zgjidhni nuancën e duhur të fondatinës – rregullat themelore

1. Provoni fondatinën në dritën e ditës

Llambat fluoreshente tregojnë nuancën e fondatinës, fjalë për fjalë, në një dritë tjetër. Për të mos rrezikuar provoni mostrat tuaja të fondatinës nën dritën natyrale.

2. Provojeni fondatinën në vendin e duhur

Mos e provoni as në kyç, as në pjesën e pasme të dorës, por gjithmonë në bordurën e fytyrës. Bëni tre shirita nga pjesa e poshtme e fytyrës, përmes nofullës deri në qafë: njëra me një fondatinë, ngjyra e së cilës mendoni se është më afër ideales suaj, një me një hije më të çelët dhe një me një hije më të errët. Bëni zgjedhjen tuaj në dritën e ditës. Dhe mbase do të habiteni shumë kur ta provoni!

3. Përcaktoni nëntonin e lëkurës

Sidoqoftë, para zgjedhjes së mostrave dhe testeve, përcaktoni mirë në dritën e ditës të ashtuquajturën nënton të lëkurës, e cila është e qëndrueshme gjatë gjithë vitit dhe nuk varet nga ngjyra aktuale e lëkurës, por filtrohet përmes saj. Është gjëja më e rëndësishme kur zgjidhni nuancën e duhur të fondatinës, mund t’ju ndihmojë nëse fytyra juaj duket shumë portokalli ose shumë rozë, dhe mund t’ju gjejë ngjyrën e duhur të kremit pudër.

Lëkura ka një nënton të ftohtë, nëse në dritën e ditës ka një ngjyrë porcelani, rozë ose në të kaltëreme. Ajo shkon mirë me bizhuteritë argjendi dhe, nëse shikoni venat në kyçe, ato kanë nuanca kaltëroshe, vjollce ose jeshile. Fondatinat e tilla janë me shkronjën C (Cold) (e ftohtë) dhe janë më tepër me ngjyrë “porcelani”.

Nëntoni i ngrohtë i lëkurës do arin dhe, në dritë, lëkura duket e verdhë, ngjyrë pjeshke ose pak në portokalli. Venat e kyçeve janë jeshile / jeshile ulliri. Fondatina ideale është ajo që mban shkronjën Ë (Ëarm) (e ngrohtë) pranë numrit dhe, zakonisht, është më portokalli.

Nëntoni neutral i lëkurës shkon mirë me argjendin dhe arin, në diell ka një pamje më afër të gjelbrës, lëkura është ulliri dhe venat e kyçeve janë blu / jeshile … fondatina shënohet me shkronjën N (Neutrale).

Shpresojmë t’u kemi dhënë ndihmën e duhur, për zgjedhjen e duhur!

Si të dukeni të mrekullueshme gjatë një video-telefonate, këshilla bukurie

Nuk ka asgjë të re në faktin se shumë prej nesh janë duke e bërë punën e tyre nga shtëpia. Për këtë, herë pas here duhet të jemi prezent në video-telefonata. Puna nga shtëpia nuk ishte ajo më e thjeshta, siç u mendua në fillim, dhe orët  punës nuk janë ato të zakonshmet, edhe po të duash. Nga ana tjetër nuk mund ta dish me saktësi se kur do ta kesh video-telefonatën, përveç faktit se kur punon nga shtëpia tendenca është ta lësh veten pas dore. Ndaj sot duam t’ju ndihmojmë të dukeni të mrekullueshme, me fare pak sforco.

Më shumë sesa në një pasqyrë, defektet dhe shenjat e lodhjes bëhen edhe më të dukshme gjatë një thirrjeje video. Si të dukeni sa më mirë? Kemi udhëzuesi e duhur për ju dhe disa “strategji” të vogla bukurie, për t’u dukur mirë gjatë një video-call, edhe nëse keni orë të tëra para kompjuterit.

Truku i duhur për të qënë të bukura e të sigurta në një video-telefonatë

Truku është (por nuk shihet). Make-up nuk bën mrekulli, por ndihmon shumë. Sigurisht, duhet të jetë efektiv, argëtues dhe i shpejtë. Mjafton t’ju tregojmë disa hapa thelbësorë, që do të na ndihmojnë të dukemi të çlodhur dhe të qetë.  Dhe po ju themi se mjaftojnë pesëmbëdhjetë minuta për t’u përgatitur për një telefonatë të tillë, madje edhe në fund të ditës.

Fillojmë nga pamja e fytyrës, le të përqëndrohemi në tre hapa: uniformitet me fondatinë dhe korrektor, fiksimi me pudër pluhur dhe shkëlqyesi i mollzave.

Para së gjithash, aplikoni një fondatinë të lëngshme me mbulim mesatar me një furçë të butë. Mirë do të ishte që fondatina të ketë efekt ndriçues, në mënyrë që të merrni një bazë natyrale dhe të hidratuar, pa rrezikuar efektin maskë.

Mbas kësaj kalojmë tek korrektori (lëng do të ishte më mirë), për t’u aplikuar në konturin e syve për të eleminuar rrathët e errët dhe shenjat e lodhjes. Do të ishte mirë të goditet butësisht më mollëzat e gishtave, në mënyrë që të bashkohet shpejt me lëkurën.

Nëse është mikse apo e yndyrshme, është më mirë ta fiksoni fondatinën dhe korrektorin me pudër pluhur, në mënyrë që të zvogëloni efektin shkëlqyes, porozitetin e butë dhe të zgjasni në kohë make-up-in tuaj.

Hapi i fundit: ndriçoni dhe ringjallni fytyrën me një prekje të ngjyruesit të faqeve.

Truku i syve për një video-telefonatë

Kalojmë te sytë për ta personalizuar make-up-in. Para së gjithash, konturojmë vetullat, duke përdorur një laps me ngjyrë të butë dhe aplikim të saktë për të mos e rënduar pamjen.

Tani është momenti për të luajtur me efektet e dritës. Për këtë zgjidhni një laps me ngjyrë të errët ose të mesme të errët (e zezë, kafe, kumbull) dhe bëni ngjitur me vijën e qerpikëve të sipërm, një vijë të hollë, duke e trashur në pjesën e jashtme të syrit. Kjo do t’i japë qerpikëve një pamje më të plotë dhe do të krijojë kontrast me irisin.

Bëni më pas një hijëzim të ndritshëm të syve, në tone të lehta dhe të ngrohta, në këndin e brendshëm të syrit dhe në qendër të qepallës së lëvizshme, për t’i dhënë vështrimit dritë dhe freski.

Përfundoni me një rimel voluminoz, duke aplikuar një shtresë të bollshme, sidomos në qerpikët e sipërm. Rimeli jep sensualitet, thellësi dhe mbështetje edhe përmes kameras së internetit.

Buzët dhe si t’i përmirësojmë ato me make-up për një video-telefonatë

Më në fund pa maskë dhe më në fund buzët do të marrin rëndësinë e duhur. Kështu që fillojmë nga puna. Së pari duhet thënë se nuk ka një rregull fiks në zgjedhjen e ngjyrës së buzëkuqit ose shkëlqyesit. Një këshillë e shpejtë dhe praktike? Përdorni një laps për t’i konturuar ato, por edhe për t’i mbushur e më pas mund të kaloni shkëlqyesin përsipër, transparent apo me ngjyrën që do të vendosni vetë ju, pa ekzagjeruar.

Po flokët?

Flokët nuk janë kurrë në rregull: me mungesat e marra në parukeri dhe me përpjekjet e bëra në kushte shtëpie, ka gjithmonë gjëra që lënë shumë për të dëshiruar. Kryesorja është të kuptohet se kamera nuk është tre-dimensionale, kështu që bëni mirë të kontrolloni që flokët të jenë të larë, në mënyrë që yndyra të mos i bëj ato të humbin volumin, për të mos rënduar më pas, edhe shprehjen e fytyrës.

Truket e vogla ekzistojnë edhe për flokët, për shembull, bëni një bisht të rregullt, me një vijë flokësh të përcaktuar mirë. Është gjithmonë elegant. Mbledhja e flokëve bisht në pjesën anësore dhe flokët e mbledhur pas në zonën e qafës me një llastik transparent, japin një efekt ekstra të gjatë. Për të disiplinuar ndonjë tufë jashtë kontrollit, mjafton një kapëse e vogël flokësh ose karficë. Një mikro llastik i fshehur në rrënjën e flokëve, ju jep një dorë në ngritjen e volumit, të pjesës së sipërme të kokës, sidomos te flokët e drejtë. Disa minuta para transmetimit të drejtpërdrejtë, përdorni një krem ​​hidratues për të rregulluar flokët e padisiplinuar.

Këto ishin këshillat që do t’ju bëjnë të keni më shumë siguri para një video-telefonate.

Bëhuni gati, goca, këtë pranverë do të ngjyrosim mollëzat!

Mbas vitesh që nude ishte kryefjala e make-up-eve tona me konturimet e famshme të fytyrës dhe shkëlqyesin e dukshëm, bëhuni gati, sepse erdhi koha, bashkë me pranverën që po vjen, për të ndryshuar. Pranvera do të triumfojë edhe me maskë!

Po, erdhi koha e blush-it, dhe mollëzat e faqeve tona do të duhet të ngjyrosen dukshëm. Kujdes me efektin klloun, sepse një vijë e hollë e ndan të qenin elegante me mollëzat me ngjyrë, nga të qenit klloun.

Ajo që ky produkt dhuron është se i jep jetë dhe ton fytyrës sonë, me pak penelata.

Kohët e fundit kanë ndryshuar edhe praktikat tona të make-up-t dhe me të drejtë, duke qenë se jemi të detyruara të mbajmë maskë. Kështu që bëjmë më pak tualet, por kemi më shumë nevojë për produkte cilësore dhe funksionale.

Është krejt normale që tashmë disa produkte përdoren më pak, duke qenë se ose nuk janë shumë të përdorshme, dhe theksi ë vendoset tek ato produkte që mbeten të dukshme, siç janë produktet kozmetike për sytë dhe qerpikët. E ja ku në skenë dalin edhe mollëzat e faqeve, të cilat janë të dukshme nga mbajtja e maskës.

Kthehet kështu edhe për make-up-in tendenca e viteve ’80 në fytyrën tonë që nuk do të duket më si e puthur nga dielli, por më argëtuese e më pop.

Si të zgjedhim ngjyrat

Sigurisht që edhe blush-i do të varet nga lloji i fytyrës që kemi, shijet tona dhe efekti që duam të marrim. Për këtë asnjë dyshim.

Sa i përket ngjyrave, ato do të varjojnë nga rozat në pjeshkë, apo mixim ngjyrash, me të cilat mund të luajmë.

Në varësi të tipit të lëkurës që kemi do të zgjedhim edhe nëse do të jenë të ngurta (për fytyrat e yndyrshme), ose me shkëlqim, të mëndafshtat për atë që do të marrë efektin po të duket natyrale, apo ndriçuese dhe që shkëlqejnë gjithë kohës fytyrën tonë.

Teknika e aplikimit

Ka shumë teknika të aplikimit të ngjyruesit të faqeve: më e mira varet nga sa ngjyrë duam t’i japim lëkurës sonë për ta ringjallur atë dhe sa duam që produkti të vërehet.

Duke ndjekur trendin e sezonit dhe për t’u siguruar se do të tejkalohet maska, do të duhet ta aplikojmë pluhurin nga pjesa e përparme dhe pjesa më e spikatur e faqes, për të arritur drejt tempthave. Duke e shtrirë mirë produktin do të marrim efektin që duam pa krijuar njolla më të ngjyrosura.

Për ta bërë ngjyrën më intensive, së pari mund të aplikojmë me gishta apo tamponët beauty, një ngjyrues krem, dhe më pas të kalojmë sipër me produktin pluhur, duke përdorur një furçë me fije të buta, por të dendura për të aplikuar më shumë pigment.

Kujdes me produktet kremoze! Të vendosësh vetëm një produkti kremoz, mund të japë efekt jashtëzakonisht të tejdukshëm (d.m.th. gjysmë transparent), por mbi të gjitha zhduket gjatë ditës, veçanërisht nëse kemi lëkurë të yndyrshme.

Një sekret për vendosjen e ngjyruesit të faqeve në mënyrën më të mirë, është të mos e përdorni kurrë atë ndërsa fondatina është ende e pa tharë mirë. Presim që baza (fondatina) të thahet, dhe më pas aplikojmë pluhurin.

Me përzierjen e nuancave dhe ndjekjen e strukturës kockore të fytyrës mund të krijojmë tridimensionalitet dhe vëllim, dhe mbi të gjitha t’i japim dritë fytyrës.

Pra ky vit, të dashura vajza dhe gra, si asnjëherë tjetër do të sjellë më shumë jetë, gëzim dhe pozitivitet edhe nëpërmjet produkteve make-up në fytyrat tona.  

E keni vënë re edhe ju, plakja duket sikur është ndalur. Trillet e shkencës për të ardhmen kozmetike?

E re dhe e bukur përgjithmonë? Ndoshta. Ne do të kemi produkte kozmetikë që nuk do të duken më as si kremra, as si serume. Fjala e shkencës!

Ndoshta, materiale evaneshente të shtypura në 3D, bazuar në super molekula që do të “flasin” me ADN-në për të na ndihmuar të mos plakemi. Po make up? Për ju do të mendoj një artist-robot, të cilin mund ta merrni me vete ngado.

Le të bëjmë një udhëtim në të ardhmen, ku trillet shkencore do të jenë gjithnjë e më afër realitetit

Të gjithë kanë qenë në kërkim të eliksirit që i mban të bukur përgjithmonë, por është edhe e vërtetë se së fundmi, sidomos për gratë e ekraneve duket se mosha ka ndalur në vend.  

Jetojmë në epokën e fantashkencës që dekada më parë i pamë nëpër filma. Por sot ne do të zbresim në Mars, sipas Elon Musk, sa e vështirë do të ishte të mrekullia kozmetike?

Si do të jetë kozmetika disa dhjetëvjeçarë më pas? E trillet e shkencës për produktet tona beauty?

Bukuria e së ardhmes, ku do të shkojë sektori?

Përpos shpikjeve dhe ilaçeve, sektori i kozmetikës lëviz shpejt në gjurmët e teknologjisë dhe shkencës: hulumtimi bioteknologjik dhe bio-inxhinieria e përbërësve, të trajtuar tani me teknika hapësinore, studime mbi mekanizmat fiziologjikë të plakjes. Me fjalë të tjera na presin përpara vite kur kozmetika nuk do të përhapet më mbi lëkurë, mbase as nuk do të na prekë më, kush e di?!

Drejt kozmetikës 3D dhe “pa lëndë”: prototipi Bakel

Në të vërtetë, një prototip i teksturës me efekte speciale tashmë ekziston, dhe ne kemi folur për këtë. Produkti është testuar dhe është në pritje të fillimit të prodhimit. Është multi-patentë e markës italiane Bakel, ose e para kozmetike e shtypur në 3D, që nuk mund të preket, nuk përhapet, nuk shpërndahet, por zhduket me magji sapo vendoset në lëkurë me anë të një pincete.

Një copë letër e paprekshme dhe gati e padukshme, është një nga parashikimet e së ardhmes: bëhet fjalë për një retinë mikroskopike me acid hialuronik të pastër, e cila zhduket sapo afrohet pranë lëkurës me 20 përqind të acidit të pastër hialuronik, ndërkohë që sot, mesatarja e produkteve kozmetike në treg është rreth 2 përqind, dhjetë herë më pak.

Çfarë do të thotë kjo? Fuqi e jashtëzakonshme krahasuar me një serum ose krem:

Gregoris, shpikësja e këtij produkti mrekullibërës, e imagjinon atë të aplikuar direkt nga pakoja, e cila përmban vetëm një dozë për trajtime të lokalizuara dhe intensive mbi rrudhat dhe linjat e shprehjes, mbase deri në vitin 2021. Pra shumë shpejt. Dhe skenarët janë të hapur: vitamina, kolagjen, elastin … Çfarë tjetër do të mund të fusë doktoresha mes nano mesazheve të kësaj “flete” hapësinore? Le të presim e të shohim!

Ndalimi i plakjes së ADN-së: trillim i shkencës?

Dega më e diskutuar e bukurisë së së ardhmes është basti mbi ADN-në, por le ta marrim me radhë.

Genomi është karta e identitetit e të gjitha qenieve të gjalla. Si plakemi është e shkruajtur aty, në shprehjen e saj biokimike. Përmes ARN-së mesazhere, ADN urdhëron qelizat të prodhojnë proteina, bazën e jetës dhe strukturës së tyre.

Dhe këtu hyn në lojë kozmetogjenomika, një shkencë që dëshiron të studiojë bashkëveprimet midis gjeneve dhe trajtimeve kozmetike me një pretendim të bukur: të deshifroj këto “urdhra” dhe t’i menaxhojë ato, ose të paktën t’i përmirësojë ato, me aktivitete kozmetike të synuara.

Me pak fjalë, atje ku “drejtimi” i ADN-së nuk arrin, mesazhet vitale për mos plakjen e qelizave, mund të sigurohen nga kujdesi për lëkurën, skincare.

Çfarë mendojnë profesorët e gjenetikës?

E vetmja dëshmi shkencore është se plakja është e lidhur me ndryshimet epigjenetike, me gabime të vogla ose keqfunksionime, që me kalimin e kohës marrin përsipër shprehjen e gjeneve. Imagjinata se nesër do të jetë e mundur të barten agjentë aktivë që “flasin” me ARN-në, për të mbajtur lëkurën të re, është një çështje shumë komplekse, por jo e pamundur, duke pasur parasysh se edhe vaksinat Covid-19, bazohen në një mekanizëm të ngjashëm.

Natyra është vetë eliksiri

Kërkimet galopojnë. Laboratorët Dior, me Çmimin Nobel për mjekësinë, Shin’ya Yamanaka, janë përqëndruar në degjenerimin energjik të qelizave burimore të lëkurës, duke u mbështetur në ndihmën e një bime ekstremofile, që quhet Longoza. Clé de Peau Beauté, marka luksoze e shtëpisë Shiseido, po studion “Skin Intelligence”, pikërisht ato mekanizma që i bëjnë qelizat e lëkurës kaq të ngjashme me qelizat e trurit dhe të afta të riparohen vetë.

Një ekspert në hartëzimin gjenomik të bimëve, konfirmon efektivitetin e shumë përbërësve aktivë jeshilë në vitalitetin e qelizave, pa e prekur akoma ADN-në.

Bota bimore është një rezervuar i çmuar elementësh funksionalë për jetën qelizore, veçanërisht antioksidantë, peptide dhe aminoacide. Përfitimi sa më i madh nga bimët dhe kultivimi i tyre me bioinxhinierinë është e ardhmja më e prekshme, thonë ekspertët e fushës.

Mrekulli teknike: pajisjet e bukurisë së të ardhmes së afërt

WGSN, një kompani parashikimesh dhe tendencash, flet për bukurinë e së ardhmes nën shenjën e “cosmetech”, kozmetika dhe teknologjia bashkuar në një. Grupi L’Oréal bie dakord, duke njoftuar synimin për t’u shndërruar në beauty tech company: për dy vjet, me teknologjinë ModiFace, është bërë e mundur që të provohet virtualisht make-up dhe ngjyrosja e flokëve nga markat e grupit, nga Lancôme tek Armani beauty.

Dhe për lëkurën? Inteligjenca artificiale është prezent edhe aty, sigurisht. Midis pionierëve të skintech është edhe Foreo suedez: furçat e silikonit të markës ishin ndër pajisjet e para të pajisura me inteligjencë artificiale për të personalizuar pastrimin.

Shiseido Optune

Optune nga Shiseido arrin, tani për tani në Japoni: një dispenser e vogël që studion lëkurën përmes fotove të telefonit inteligjent, kryqëzon të dhëna të tilla si cikli menstrual dhe cilësia e ajrit dhe krijon një formulë të personalizuar duke përzier 6 serume në 80 mijë variante.

Koncepti është i ngjashëm, por tani flasim për make-up, me Perso, një patentë e L’Oréal: një lloj roboti kuzhine që stampon fondatinën perfekte sa i përket formulës dhe nuancës. Por nëse dëshironi një buzëkuq që shkon me veshjen tuaj? Mund ta keni sigurisht. Pa paketim dhe me argëtim të garantuar.

Ashtu si me Opté të Procter & Gamble, tashmë në shitje për 600 dollarë: një “penel tech” (por duket si një aparat për depilim trupi) që mbulon njollat ​​dhe papërsosmëritë me saktësi phothoshop-i, falë skanimit Led dhe stampimit jet. Duket se do të jetë në gjendje të “aerografoj” të gjithë trukun e kopjuar nga ylli më i fundit në tapetin e kuq, duke e përshtatur atë për secilën fytyrë me inteligjencën artificiale.

Të mjerët make up artistë …!

Katër trende make-up për vjeshtë-dimrin 2020/21

Buzët me të kuqen e verës (pijes) dhe hijet e syve në nuancat e gjetheve. Nuancat e errëta flasin për elegancë të sofistikuar. Grimi sezonal pikturon një heroinë bashkëkohore. Magnetike dhe e fortë, mbi të gjitha

Glamour. Pavarësisht nga gjithçka. Cilat janë trendet dhe çfarë na tregojnë ato?

Atmosfera e heroinave dark

Sharm magjik: për shekuj me radhë kultura ka qenë një instrument në duart e pak vetave, si një super-fuqi. Në Hollywood, në vitet 1940, u përdor për të përcaktuar hijeshinë e parezistueshme të protagonistëve të filmit noir, të bukur, inteligjent, të emancipuar, fatal. Pak si koleksionet e make-up-it të kësaj vjeshte që na përcaktojnë më të forta se kohët.

Është një gamë e ngjyrave intensive, në fakt, nga e zeza në të kuqe, nga kafe në kumbull, për të ngjyrosur portofolët tanë kozmetikë. Pasarelat e kishin parashikuar këtë, si gjithmonë ata janë një hap para, e ne ndjekim nga pas sugjerimet e tyre. Në pasarela parakaluan gratë e forta dhe të guximshme, make-up-i që rrëfen një grua sa heroike aq edhe në modë.  

Hijëzimet e syve në ngjyrën e gjethes

Ngjyrat e preferuara? Çokollatë, bronz, viola e thellë, ngjyra e tokës së djegur dhe karamel, janë sfumaturat kryesore për make-up-in e ri të hijezimit të syve, një harmoni e toneve të ngrohta, të modës dhe personalitetit të fortë. Tendenca e re e bën ngjyrën e syve të lajthisë më qelibar, jeshilët më të shkëlqyeshme dhe blutë më misteriozë.

Një familje ngjyrash që variojnë deri tek metalet, bronzi, ari i verdhë dhe rozë. Në pasarelën e Tom Ford, për shembull, smokey eye është një përzierje e çokollatës, hijeve të purpurta të patëllxhanit me një prerje ari në cep të syrit. Ari, metali më i çmuar, ka zëvendësuar rimelin e zi dhe drita shpërthen në vështrimin femëror.  

E zeza e re është rebele

Lapsat dhe penelat e syve sjellin “revolucionin” në pasarelë. Te Valentino, ata vizatojnë korniza piktoreske rreth syve, te Dior dhe Marc Jacobs ata kufizojnë qepallat, duke dhënë pamjen mace dhe rrok, te Miu Miu ato kujtojnë Cleopatra-n, te Marco De Vincenzo ato e bëjnë syrin të lëngshëm me bishta të butë dhe të rrumbullakosur. Edhe lapsat, edhe tonet e syve kanë braktisr precizionin: te Max Mara, për shembull, ato shpesh ngatërrohen dhe përzihen me art.

Me pak fjalë, tiparet e guximshme dhe jokonvencionale kanë kapërcyer klasiken e grimit “sy të zinj”, dhe tashmë secili look është unik, i papërsëritshëm, bashkëkohor dhe individual. Këto ri-interpretime me dorë të lirë të së zezës flet për gruan e së ardhmes, e cila sheh përpara dhe përtej.

Buzët noir

Buzët e lyera në mënyrë masive dhe fort të dukshme në periudhën që jetojmë, me maskat në fytyrë, janë ca luks e gati jashtë kohe. Në fakt, pasarelat përqendrohen në ngjyrat hipnotike, pothuajse të ndaluara.

E kuqja duket se nuk është më e mjaftueshme: është e mbushur me hije ngjyrë vere, ndryshku, kumbullës, tullës, ngjyrës së gjakut. Modelet e Fendit prezantojnë buzë bordo. Divat italiane të Dolce & Gabbana prezntuan nuanca të së kuqes të bërë specifikisht për secilën, nga përzierje ngjyrash për të bërë kontrast me lëkurën e secilës. Kurse modelet e Rodarte kanë buzë midis çokollatës së zezë dhe kumbullës.

Ndër nuancat më të sofistikuara të pasarelave janë ato të buzëkuqëve të rinj të koleksionit Armani, të frymëzuara nga ngjyrat e qytetit në perëndim të diellit, kur dielli i vë zjarrin qiellit: ato variojnë nga tonet e ngrohta të vjeshtës deri tek ngjyrat delikate të venitura, të zbatueshme në çdo kohë të ditës.

Për një lëkurë të ftohtë, rekomandohet një ton që shkon drejt rozës, që të kujton rozën e drurit. Lëkurat e ngrohtë mund të insistojnë më shumë te ngjyra nude e karamelizuar ose të e kuqja e ndryshkut në portokalli. Të kuqet e plota dhe të ftohta kombinohen me të gjitha. Megjithatë, për ata që duan të guxojnë, ekziston një gështenjë krejt e re, gotike dhe ultra elegante në të gjitha lëkurat.

Nude perfekte

Trukimi i lehtë, por i bërë mirë e me kujdes, është trendi i sotshëm, edhe i guximshëm po të doni. E ashtuquajtura “nude” mbetet klasike, përtej trendeve dhe stinëve. Është përbërja më e thjeshtë dhe më e përdorshme ndonjëherë, ndriçojnë dhe ngrohin çdo lëkurë. Sekreti qëndron në aplikimin e produkteve: ato duhet të shkrihen në lëkurë, në mënyrë pothuajse të padukshme.

Pesë hapat bazë: korrektori krem që përdoret në zonën e poshtme të syve dhe te qepallat, pluhuri mat që përdoret në ballë dhe hundë, ngjyrat e tokës për prerjet e fytyrës me efektin konturues; blushi me efektin fytyrë e shëndetshme, pak rozë e ndriçues për mollëzat;  nën vetull, në cepi i syrit, në qendër të buzës së sipërme. E lehtë, e shpejtë, e pastër, veçanërisht nëse gjithçka është e mbyllur në një gamë praktike, të një paleteje fytyre. Korrektori dhe blushi mund të përdoren mjaft mirë edhe me duar, kurse për pluhurat mjafton një furçë e vetme, por e duhura.

Blerja tashmë është dixhitale

Testuesit në parfumeri janë arkivuar për arsye të higjienës dhe sigurisë, epoka e “provës virtuale” ka filluar zyrtarisht. Përvoja e re e blerjes së make-up-it është në mënyrë të pashmangshme gjithnjë e më dixhitale dhe “pa kontakt”. Shifrat flasin vetë: tregtia elektronike është kanali i vetëm pozitiv i shitjeve të markave në gjysmë viti tashmë nëpër botë, edhe pse në Shqipëri vazhdojnë ende blerjet fizike.

Por gjithsesi, mirë është të parapërgatitemi se si u bëkan këto blerjet e kozmetikeve online. Shumë kompani të tregtisë elektronike të bukurisë kanë zhvilluar aplikacione për të provuar bazat, buzëkuqët dhe hijet e syve: mes tyre L’Oréal Paris, Maybelline, Lancôme, Armani Beauty, Naj Oleari, Kanebo. Thjesht shkoni në faqet përkatëse dhe hapni kamerën e kompjuterit apo të smartphone-it për të provuar produktin që po shikoni drejtpërdrejt, ose mund të ngarkoni një selfie për të marrë një ide më ë saktë, por realiste. Nga ana tjetër, Astra Makeup, ka zhvilluar një aplikacion të veçantë, përvojën e make up-beauty. Dhe blerja evoluon, por nuk ndalet.

Disa ide se si të bëni make-up për Halloween, edhe pse këtë vit kemi një tjetër maskë

Pandemia globale ka ndryshuar tashmë stilin tonë të jetës dhe një normalitet krejtësisht të paprovuar më herët, po jetojmë.

Ndërkaq po shohim një tjetër formë të të realizuarit të gjërave. Ashtu sikurse po ndodh me ngjarje të rëndësishme kulturore apo festa të ndryshme.

Vetëm pak ditë na ndajnë nga festa e madhe e Halloween, ku shumica e njerëzve mendojnë përgjatë një viti se çfarë kostumi do të veshin dhe si do ta festojnë.

Por Halloween i këtij viti do të jetë, pa dyshim, më i çuditshmi që kemi pasur ndonjëherë. Ama lajmi i mirë është se atje ku ka sfida, ka gjithmonë një krijimtari të mahnitshme dhe krejtësisht të re.

Këtë vit, të gjithë do të kemi maska në fytyrë edhe pse shumë ndryshe nga vitet e kaluara, maskat do të jenë për të qenë më të sigurt nga Covid-19, por pse të mos luajmë dhe të fantazojmë disi me këtë?

Pavarësisht nëse jeni adhurues i mbulimit të fytyrës ose jo, do të duhet të vini një të tillë në Halloween, prandaj është momenti që maskën anti-covid ta shndërrojmë në forma e mënyra të reja, duke iu përshtatur festës së “frikshme” të të vdekurve.

Një merimangë në maskën tuaj anti-covid

Nëse preferoni një pamje që mund të lahet lehtë në fund të natës, atëherë thjesht përdorni një eyeliner me lëng ose laps për të krijuar pamjen e një rrjeti merimange rreth syve tuaj, më pas bashkojeni atë me një maskë në mënyrë që të përputhet.

Provoni lule

Ky vit ka qenë mjaftueshëm makth për të gjithë ne dhe meritojmë një natë pushimi nga ato netët vërtet të frikshmet. Pra, pse të mos mendojmë për një maskë të bukur, të gëzueshme dhe më miqësore? Ideja perfekte do të ishte të kishte sa më shumë lule në maskën tuaj. Por mos e lini imagjinatën deri këtu. Provoni të vendosni përreth syve tuaj disa lule të thata.

Nëse nuk jeni të bindur, ngacmohuni me sfilatën e Valentino për 2019-ën, ku modelet u shfaqën me sy me lule. Në këtë mënyrë do jepni përshtypjen që sapo keni dalë nga një kopësht.

Përqafoni fëmijën brenda jush

Ndërsa nuk kemi mundësi të kthejmë mbrapsht kohën e artë të fëmijërisë, ju mund të përqafoni pafajësinë e fëmijës, që mund të ekzistojë ende brenda jush në këtë natë Halloween, një natë ku askush nuk mund t’ju tregojë se si duhet të visheni (për aq kohë sa keni maskën tuaj, edhe pse anti-covid!) Kështu që zgjidhni një dizenjo fëmijësh për maskën tuaj, qoftë një mace ose lepur në pamundësi për të pikturuar këtë vit mustaqet e tyre sipër fytyrës suaj, për shkak se jemi të detyruar të kemi një maskë tjetër.

Luani me sytë tuaj

Këtë vit, për Halloween, vetëm me sytë do të kemi mundësi që të luajmë, duke qenë se pjesën tjetër të fytyrës do ta kemi të mbuluar. Provoni “smokey-eyes” dhe luani sa më shumë me penelin, madje pse jo qerpikët të jenë sa më të gjatë.

Jessica Alba me grimin vjeshtor, bën biskota me të ëmën për Halloween

Aktorja 39-vjeçare kthehet në rrjetet sociale me nënën e saj dhe shfaqet me një make-up me nuancat e qelibarit

Trendi i fundit i rrjeteve sociale është shfaqja e vajzave të famshme me nënat e tyre, dhe së fundmi edhe i gjysheve, apo anasjelltas. E në këtë kuadër, edhe Jessica Alba ka sjellë në rrjetet sociale të ëmën për të bërë biskota për Halloween, së bashku me të. Me një make-up me ngjyrat e përsosur të vjeshtës, duke luajtur totalisht me nuancat ambra.

Flokë vjeshte

Bukuroshja Jessica Alba, për pamjen e jashtme i detyrohet shumë origjinës meksikane të babait të saj, por aktorja dhe sipërmarrësi 39-vjeçar i detyrohet shumë edhe gjeneve të nënës së saj Cathy, e cila mburret me prejardhjen nga Evropa Veriore. Për tutorialin për biskotat e Halloween (vegane), nënë e bijë paraqiten para fansave me dy modele të përkryera flokësh.

Cathy, me flokët e drejtë në ngjyrë bjonde kashte me balluke të çrregullta, në harmoni të përsosur me origjinën e saj daneze. Jessica, me flokët e gjatë dhe të valëzuar me art, të mbajtura në rregull nga një shirit në pëlhurë të artë, që i jep më shumë vlerë vijës në mes dhe tonalitetit të kafes së çelët me refleks mjalti dhe qelibari.

Make-up bio dhe glow

Për make-up-in Jessica Alba e ka të lehtë. Aktorja përdor linjën e saj të kozmetikës organike dhe cruelty-free, Honest Beauty, dhe për videon e vendosur në kuzhinën e shtëpisë, ajo ka zgjedhur pamjen e saj të zakonshme: pa e tepruar kurrë dhe të përqendruar te shkëlqimi.

Për sytë, një përbërje smoky-eye në nuancat e ngjyrës kafe, me prekjen vendimtare të penelit të zi dhe qerpikët e rremë intensivë si vetullat e vizatuara me lapsin me ngjyrë hiri në të kafenjtë.

Për buzët, një gloss me super shkëlqim, me nuancën midis të kuqes dhe kafes. Një ngjyrë në harmoni me fytyrën e Jessica-s, e cila kompleton grimin me një ide blush me efekt bronzi për mollëzat dhe ballin.

Halloween në shtëpi? U pa puna, mund të përdorim gjithë truket që kemi në shtëpi për një pamje “të frikshme”

Si të krijoni pamje make-up për Halloween. Grim i thjeshtë dhe tradicional, i bërë me produkte kozmetike që gjenden brenda secilit raft tualeti në shtëpi.

Nata e Halloween-it po afron. Edhe nëse këtë vit nuk do të jetë e mundur të festojmë natën më të frikshme të vitit me ahengje të mëdha, së bashku me shumë miq, kjo nuk do të thotë të mos jemi në gjendje të shpalosim krijimtarinë personale. Po, sepse festa e Halloween është gjithashtu një mundësi për të luajtur me kostumet e frikshme dhe pamjen ekstravagante të make up-it.

Atëherë, pse të dorëzohemi edhe nëse qëndrojmë në shtëpi për të parë një film horror ose për të gdhendur kungujt me të vegjlit tanë? Brenda raftit tonë të kozmetikës ka shumë produkte të përsosura për të krijuar truket mbresëlënëse me disa hapa të thjeshtë.

Make up-i për Halloween: Produktet që duhen përdorur

Penel dhe laps i zi për sytë

Në Halloween, “personazhet” më të njohur si të mëdhenj, ashtu edhe të vegjël, janë skeletet, shtrigat dhe zombiet. Për të na shpëtuar në krijimin e një pamjeje të frikshme make-up-i vijnë penelat e syve dhe lapsat e zinj. Në varësi të kompleksitetit të trukut që do të doni të krijoni, këto dy produkte janë ideale për vizatim. Për shembull, për tiparet karakteristike të një kafke, siç është Kafka shumë e famshme meksikane, pasi ato lëshojnë një ngjyrë të plotë që zbatohet lehtë. Në veçanti, eyeliner xhel është i përsosur për t’u përdorur në Halloween, madje edhe për vizatimin e rrjetave të merimangës në fytyrat e të vegjëlve.

Make up-it për Halloween: paletat me pluhurat e syve

Dëshironi rrathët e errët super të shquara për pamje vampir? Sekreti është në hijezimin e syve. Për të krijuar të purpurtën e zonës poshtë syve, thjesht përdorni një gamë pluhurash të toneve të syve, që variojnë nga grija në rozë të purpurt. Për të vizatuar rrathët e errët, duhet të bëni një përzierje të toneve më të ftohta dhe mat, duke këmbëngulur me një ngjyrë vjollce në pjesën e brendshme dhe më pas duke e zbehur me një gri të lehtë në pjesën e jashtme.

Buzëkuq i lëngshëm me ngjyrë vere

Në çdo koleksion kozmetike tonën gjejmë një buzëkuq të lëngshëm me ngjyrë vere. Lejlaja e errët, në fakt, është një nga ngjyrat më të nxehta në sezonin e vjeshtës. Ky produkt mund të ndihmojë në pamjet e ndryshme të make up-it për mbrëmjen e Halloween. Para së gjithash, një buzëkuq i lëngshëm me të kuqe të errët mund të simulojë njolla ose pika të vërteta të gjakut që bien poshtë fytyrës. Por nëse ka një pamje shumë më joshëse dhe njëkohësisht të errët në planet tuaja, nuanca e buzëve me ngjyrë vere është perfekte për t’u kombinuar me një sy të zi të tymosur.

Tani bëni një list miqsh me të cilët mund të ndani mbrëmjen e frikshme, nëse do të doni të imitoni festat e zhurmshme dhe meqë grumbullimet nuk është mirë të bëhen, bëni gati edhe muzikën për sfond e ndoshta edhe ndonjë pije fantazioze që shkon me atmosferën. Ja që mund të ndodhë edhe në kushte shtëpie, mos u dorëzoni hiç!

Në modë me buzë të Zeza apo Blu, kujt i shkon dhe si aplikohet

Po bëjmë një marrëveshje fjale që prej fillimit, edhe pse nuk jemi gabim. Duke qenë se në shqip njihet si “buzëkuq apo i kuq buzësh” e për të mos u ngatërruar me nuancat e së kuqes, kemi zgjedhur ta quajmë ngjyrues buzësh.

Nëse jeni adhuruese e ngjyruesve të buzëve, atëherë nuk mund ta humbisni trendin e ri të bukurisë: ngjyrues buzësh të zi ose blu për një pamje agresive!

Secilit “buzëkuqin” që preferon!

(Dhe nëse edhe Rihanna e preferon, atëherë thjesht nuk mund të gabojmë)

Deri tani, në fakt, ngjyruesit e buzëve nuk janë më vetëm të kuq, nude ose ato nuancat kafe, që ishin të njohura në vitet ’90.

Secili prej nesh mund të zgjedhë më shumë ngjyra dhe cilësi të ndryshme, në mënyrë që të krijojë një pamje gjithmonë të veçantë, unike dhe speciale.

Nëse i përkisni stilit grunge ose punk, atëherë do të japim disa këshilla për të aplikuar më mirë ngjyruesit e errët të buzëve.

Ja si ta vendosni ngjyruesin e buzëve blu apo të zi

Fillimisht duam t’ju themi se ngjyruesit e errët të buzëve nuk përdoren vetëm për Halloween ose Karnavale dhe nuk janë vetëm skenike!

Nëse ndiqni me kujdes disa këshilla të thjeshta, do ta shikoni se mund ta aplikoni edhe në përditshmëri. 

Ngjyrat e errëta ndihmojnë që dhëmbët tuaj të duken më të bardhë dhe lëkura juaj të jetë më e fortë: nëse keni vendosur t’i përdorni, sigurohuni që të dini të përdorni në mënyrë korrekte edhe lapsin e vetullave, penelin dhe lapsin e syve!

Për të përdorur ngjyrën e zezë apo blu të buzëve dhe për të qenë elegant në aplikimin e tyre, ekzistojnë disa masa paraprake që duhet t’i merrni absolutisht në konsideratë.

Së pari, kurrë kurrë, kurrë mos i përdorni këto nuanca gjatë ditës.

Përdorimi i këtyre nuancave preferohet për gjatë natës; kjo është thelbësore për të shmangur efektin “maskë” dhe për të qenë absolutisht elegante.

Arritja e një aplikimi perfekt është thelbësore për çdo lloj ngjyre që zgjidhni, por është e rëndësishme të theksohet se me ngjyra të errëta, buzët tuaja nuk mund të pranojnë asnjë papërsosmëri të vogël.

Kështu që, sigurohuni që buzët tuaja të jenë plotësisht të hidratuara dhe pa kutikula.

Para fillimit, vendosni gjithmonë një zbutës, në mënyrë që të ruani butësinë për një kohë të gjatë!

Hapat e aplikimit

Para ngjyruesit: një sekret i vogël. Buzët e zeza ose blu funksionojnë vetëm nëse krijojnë një efekt vërtet në kontrast me pjesën tjetër të fytyrës suaj.

Nëse, pasi i keni hidratuar dhe përgatitur, kuptoni se buzët janë akoma shumë të kuqe ose rozë, duhet … të zbeheni pak!

Përhapni pak pudër të lehtë dhe fiksuese në buzë, për të krijuar një bazë të barabartë dhe për t’i bërë ato më pak të ngjyrosura.

Shmangeni vendosjen e ngjyrës së errët në një sipërfaqe të ngrohtë, do t’ju japë një efekt jashtëzakonisht të ndryshëm (edhe më të mirë!).

Vizatoni konturin: Nëse nuk ke një laps buzësh të zezë ose blu, mos u shqetëso. Në përgjithësi, çdo përbërje lapsi që është e mirë për sytë, është e mirë edhe për buzët.

Nëse keni frikë se përbërësi i ngjyruesit tuaj është shumë i dobët, mund t’i “mbushni” buzët me pak ngjyrë nga lapsi.

Pas aplikimit: pasi të jetë aplikuar ngjyruesi, do të jetë e rëndësishme ta përfundoni duke përdorur një shkëlqyes.

Buzët e zeza ose blu, në fakt, rrezikojnë të jenë të shuara ose opake, nëse nuk ndriçohen. Zgjidhni një shkëlqyes buzësh transparent, të cilin do ta aplikoni pas pluhurit fiksues.

Efekti do të jetë i pabesueshëm!

Me kthimin e viteve ’90 në make-up, po kthehen në tendencë edhe buzët e zeza dhe blu dhe janë perfekte për të shijuar mbrëmjet tona të fundit në qiell të hapur!

Tani mund të guxoni pak me grimin: mund të eksperimentoni qoftë me një buzëkuq ombré, qoftë të përzieni ngjyra shumë të gëzueshme pa frikë.

Si thoni, jeni gati për ta provuar?

E ëma vuan nga një sëmundje që i deformoi fytyrën, i biri e transformon totalisht me anë të grimit

Joanne është një nënë e cila vuan nga sindroma e Klippel-Trenaunay-Weber. Kjo është një sëmundje vaskulare kongjenitale, e cila ka si efekt anësor edhe deformimin e fytyrës. 

Pavarësisht sëmundjes, Joanne ëndërronte, që një ditë të mund të shihej sërish në pasqyrë dhe të ndihej e bukur si dukur. Për të plotësuar këtë dëshirë të saj ka menduar një person shumë i dashur për të, djali i saj Matthew. 

Për fatin e mirë të saj Matthew është një djalë që ka pasion grimin, madje ka dhe një kanal në YouTube ku realizon transformime me makeup. 

Kështu, djali vendosi të transformonte edhe pamjen e nënës së tij. 

Falë përdorimit të fondatinës, korrektorëve, toneve dhe buzëkuqit djaloshi arriti t’i fshihte njollat në fytyrën e Joanne dhe ta bënte më pak të dukshëm deformimin në fytyrën e saj. 

Momentet e vështira në jetën e saj nuk kanë munguar, por kjo gjë nuk e ka penguar që të vazhdojë të buzëqeshë. Madje me sjelljen e saj ajo i ka dhënë një mësim të madh edhe të birit, të cilit i ka treguar qysh herët se nuk kemi pse turpërohemi për shkak të pamjes sonë.