Grim dhe artistë: këshilla për një make-up perfekt në moshën 40 vjeç

Make-up-i në moshën 40 vjeç është shumë i ndryshëm nga ai që bëhet në 20, pasi edhe qëllimet janë të ndryshme. Gabimi më i zakonshëm vjen nga “siguria” e bukurosheve 40-vjeçare. Në rubrikën Grim dhe Artistë, “po i lejojmë vetes” disa këshilla për një make-up perfekt te gratë në moshën 40 vjeç.

Kur lëkura e fytyrës fillon të piqet dhe shfaqen linjat e para të vogla të shprehjes, gratë priren të ndryshojnë rrënjësisht qasjen e make-up-it, i cili bëhet kryesisht korrigjues dhe “mbulues”. Qëllimi më i zakonshëm, në mesin e grave që tani kanë lëkurë të maturuar, në fakt është të mbulojnë njollat, të ridizenjojnë ovalen e fytyrës dhe t’i japin fytyrës një pamje sa më rinore. Ndonjëherë, megjithatë, ne përfundojmë duke tejkaluar sasinë e produkteve dhe teknikave për të krijuar make-up-in “korrigjues”. Ose thjesht korrigjojmë defekte të vogla, duke hequr dorë nga krijimtaria, e cila është gjithmonë një aspekt themelor i çdo lloj make-up-i.

LEXO EDHE: Po ti si e quan, rimel apo mascara? Le ta zbulojmë së bashku misterin e emrit të produktit që na i bën qerpikët më të bukur!

Po cila është mënyra e duhur?

Këshilla për të ndjekur dhe gabimet për të shmangur!

Lëkura e pjekur duhet të përgatitet me një bazë make-up-i të përsosur, në mënyrë që të plotësojë edhe nevojat e make-up-it, por edhe nevojat e lëkurës në të njëjtën kohë.

Para make-up-it është e nevojshme të studioni produktet dhe teknikat më të përshtatshme dhe të krijoni një bazë të rregullt grimi, e cila është e përshtatshme për llojin tuaj të lëkurës dhe nevojat e saj.

Primer: absolutisht po

Përdorimi i primerit për krijimin e bazës së fytyrës është absolutisht i nevojshëm kur keni lëkurë të pjekur, pasi ndihmon në zbutjen e rrudhave të vogla dhe “parregullsive” natyrale të lëkurës së pjekur.

Fondatinë super-mbulues: po (por pak)

Fondatina shumë mbulesë është formuluar për të siguruar uniformitetin maksimal të fytyrës dhe për të kompensuar ndryshimet tipike të lëkurës së pjekur, siç janë njollat ​​e diellit (një problem shumë i zakonshëm për gratë mesdhetare).

Një gabim që bëhet shpesh kur përdorim një fondatinë mbuluese, që për nga natyra e saj shumë e pasur dhe e trashë, është tejkalimi i sasive të aplikuara të produktit. Rezultati, tashmë e dini, është efekti “maskë”, tepër i ngarkuar. Fytyrës i jepet një strukturë false dhe mbi të gjitha e pakëndshme për t’u parë (ndonëse në foto efekti i maskës dallohet shumë më pak).

LEXO EDHE: Rregullat e thjeshta që duhet të ndiqni për grimin minimalist gjatë verës – Bëjini të tjerët të mendojnë se jeni yje edhe pa make-up

Për më tepër, ky lloj produkti tenton të akumulohet në linjat e shprehjes dhe gjithashtu në poret e zgjeruara që karakterizojnë lëkurën e pjekur. Ndaj, përdorni pak produkt dhe shpërndajeni atë shumë mirë, veçanërisht në skajet e fytyrës për të shmangur një thyerje kromatike shumë të dukshme!

Bronzers dhe korrektor të errët: jo, faleminderit!

Një ide jashtëzakonisht e papërshtatshme, por e zakonshme mes grave të pjekura. Mendohet se nxirja është faktor bukurie në të gjitha rastet, por kjo nuk është dhe aq e saktë. Ngjyra e errët është e bukur, por me sens dhe masë.

Përpjekja për të krijuar një efekt nxirjeje artificiale, duke përdorur produkte me tone të errëta, shumë të ndryshme nga ajo natyrale e lëkurës, është një gabim i pafalshëm. Do të theksonte shumë fytyrën, por edhe rrudhat. Veç kësaj, kontrasti që bën me qafën, dekoltenë, por edhe krahët, është e pakëndshme.

LEXO EDHE: Si dielli! E dini që ne ju flasim vetëm për tendecat, ja kujt i shkon grimi portokalli

Konturimi: po (me moderim)

Konturimi bëhet praktikisht thelbësor nga një moshë e caktuar e tutje. Kjo teknikë “pikturuese” e cila ka shumë të përbashkëta me skulpturën, ndryshon pak tiparet e fytyrës, duke e rinuar edhe një herë atë.

Është thelbësore që edhe konturimi të përdoret në mënyrë të moderuar. Sigurisht që duhet të “heqësh” faqet e varura me një lojë të mirë dritë-hijesh, por nuk është aspak ide e mirë të imitosh Kim Kardashian, sidomos kur je nisur thjesht për të bërë pazar.

Shkëlqyes dhe Gliter: absolutisht jo

Shkëlqyesit dhe produktet kozmetikë me efekt perlë dhe opalë janë armiku i betuar i make-up-it në moshën 40 vjeç. Arsyeja është shumë e thjeshtë: shkëlqyesit nxjerrin në pah poret e zgjeruara dhe rrudhat e imta. Një hap i gabuar, që nuk këshillohet të bëhet.  

Sa i përket nuancave të syve, rregulli është i njëjtë: është më mirë të shmangni rreptësisht nuancat me shkëlqim dhe t’i drejtoheni atyre mat. Arsyeja? Për të mos drejtuar vëmendjen te “këmbët e pulës”!

Vetëm ngjyrat neutrale? Jo vetëm!

Rreth moshës 40 vjeç, make-up bëhet “i sigurt”. Të gjitha gratë, që bëjnë make-up për vite me radhë, kanë mësuar se kush është ai që shkon më shumë me fytyrën e tyre. Zakonisht i njohin ngjyrat e tyre dhe kanë caktuar llojin e produktit dhe të aplikimit. Për të pasur stil të garantuar, ne priremi të përdorim ngjyra shumë natyrale dhe të kujdesshme, pothuajse nude, duke i zgjedhur ato bazuar në tonin dhe nëntonin e lëkurës.

Është një zgjedhje perfekte, por e bëjnë të gjitha deri në mërzi. Edhe nëse ngjyrat neutrale na bëjnë të ndihemi të qeta, duhet edhe të guxojmë me ngjyrat. Ndoshta do të na mjaftonte të ruanim të njëjtën skemë produkti dhe nuance që përdorim për make-up-in tonë të përditshëm.

Të gjithë folën për Anxhela Peristeri e Beyonce, por pak e dinë kush i vesh të dyja. Pak thashetheme për “look ala Eurovizion”

look-u i Anxhela Peristerit ne Eurovizion

Anxhela Peristeri shkëlqeu Eurovizionin, që në momentin e parë të Tapetit të Kuq. Kaq e vërtetë është kjo, sa ishte Anxhela që fitoi sondazhin për veshjen më të bukur në tapetin e kuq. Të gjithë folën për Anxhela Peristerin dhe Beyonce, por pak kush e di mesa duket, nga europianët, se kush i ka veshur të dyja. Është Valdrin Sahiti, stilisti shqiptar nga Kosova, që ka veshur disa herë këngëtaren me famë botërore Beyonce. Dhe edhe Anxhela Peristerin në tapetin e kuq. Por le të bëjmë pak thashetheme për veshjet e pjesëmarrësve: “look ala Eurovizion”

Anxhela Peristeri dhe look-u i Eurovizionit

Uprezantua si një përralë në tapetin e kuq, me fustanin e stilistit Valdrin Sahiti. Një fustan i kuq, i gjatë, me një të çarë të thellë deri sipër këmbëve. Shoqëruar me një beret të kuqe, ala studenteshe të sapodiplomuar.

anxhela peristeri ne tapetin e kuq

Dhe bëri të flisnin të gjithë për veshjen e saj. U pa ngjashmëria me Beyonce, sigurisht. Por sepse është i njëjti stilist që ka punuar me të dyja. A mund të prezantohej me një stil më të personalizuar për Anxhelën? Mbetet për t’u parë nga profesionistët e stilit.

Gjithsesi, Anxhela e rrëmbeu vendin e parë në renditjen e Veshjes më të Mirë në tapetin e kuq. Në netët e performancës, Anxhela u prezantua me badyn me perla e gura, në ngjyrë argjendi, të punuar nga Kujta & Meri. Edhe këtu u tentua të bëhej një lloj ngjashmërie me Jennifer Lopez dhe ndikimin e saj. Sidomos nga mediat italiane. Por ne që e njohim mirë stilin e Kujtes, e dimë mirë se veshja e Anxhelës mund të ishte vetëm kështu. Për më tepër, me fizikun e mrekullueshëm që ajo ka.

Si ishin veshjet në Eurovizion

E vërteta është se në këtë Eurovizion, përveç shkëlqimit dhe vezullimit, sidomos të ballkanasve, u pa një lloj nacionalizmi prezent në look-un e këngëtarëve përfaqësues të vendeve të tyre.

Mund të përmendim këtu, veshjen e këngëtares ruse, e cila solli një matrioshkë prej pëlhure.

Ndërkohë që finlandezët dhe suedezët u prezantuan me një prekje japoneze në jelekët e tyre, të fiksuar pak si lumenj nëntokësor e pak si karateistë.

Trioja serbe me flokët ekstra ekstra large, që i bën të gjithë komentatorët të hidhnin bast për ekstension-at e tyre.

Maneskin u veshën nga Etro, me kominoshet e tyre të viteve ’70. Vetëm se të gjithë ishin të interesuar pë të bërë fotografi të shpinës së paveshur të vokalistit.

Këngëtari portugez u prezantua me kostumin e tij ala toreo.

Malta shpalosi gjithë mirëqenien e saj dhe luftën për Bady-Positive me gjithë shkëlqimin e mundshëm edhe pse shkurt.

Përfaqësuesi i Anglisë u prezantua me një zinxhir final që mbyllte veshjen e tij, si të bënte metaforën e mbylljes së Anglisë me Brexit, brenda Europës.

Dhe pastaj vjen Islanda me kartonat e saj nëpër bluza, që prezantonin karikaturat e secilit prej tyre. Me siguri ka pë t’u bërë modë e tipit street syle.

Gjoni ynë, që prezantoi Zvicrën u duk si një patinator i vërtetë, pa pistë akulli.

Nga ana tjetër, Natalia e Moldavisë dukej në mos si partnerja e Gjonit, si një balerinë e dancit sportiv.

Të njëjtën gjë mund ta themi edhe për çiftin e Lituanisë. Goxha të përgatitur, madje kishin edhe pak nga Xhon Travolta brenda tyre, përveç ngjyrave.

Nga ana tjetër, demokracia gjermane hoqi keq me gishtin tregues, i mesit qëndroi mirë deri në fund.

Udhëtim i vështirë për Ukrainën, mes pyllit të zhveshur dhe gjetheve të gjelbra të këngëtares nëpër krahë.

Norvegjia pastaj zbriti ëngjëj e djaj në skenë, Dan Broën me siguri e ka pasur zili performancën.

Azebajxhan demostroi më së miri sensualitet femëror në paradhomat e burgut. Seç më sjell në mend një seri televizive.

Francezja e vendit të dytë, në veshjen me dy pjesë, sipër ishte feministja e pakohë ndërthurur me sensualitetin francezë, për të kontrastuar maskilizmin e poshtëm.

Mikpritësit holandez i kishin të gjitha, aq shumë kishin në veshjet e tyre sa më dhemb koka edhe t’i komentoj.

Për të ardhur te San Marino, e cila seç kishte një dyshim për t’u ndarë nga dimri e për të pranuar pranverën, me të gjithë V-në e thellë si grykë lumi pranveror.

Trajtime me keratinë edhe në verë? Lamtumirë flokë të kreshpëruar dhe pa jetë!

floke te shkelqyeshem

Keratina, trajtime me njëmijë përfitime për flokët dhe një aleat për mirëqenien e flokëve të padisiplinuar dhe të kreshpëruar. Po në verë? Patjetër! Lamtumirë, atëherë, flokë të kreshpëruar dhe pa jetë, në ditët e nxehta të verës!

E lindur në Brazil këto 10 vitet e fundit, trajtimi me keratinë është një nga më të kërkuarit nëpër sallonet e bukurisë, falë benefiteve për flokët. Efekti ushqyese dhe “lisho” e bëjnë atë ideal për pothuajse të gjitha llojet e flokëve, veçanërisht ato më të padisiplinuarat dhe me onde. Para se të filloni trajtimin, është mirë të bëni një diagnozë të flokëve me një profesionist, për të kuptuar trajtimin më të përshtatshëm për flokët tuaj. Shëndeti i flokëve është shpesh viktimë e pavetdijshme e bojrave, ndryshimeve të ngjyrave në flokë ose produkteve tepër agresive, që sjellin si pasojë në afatgjatë, flokë pa jetë, të thatë e të dëmtuar. Prandaj, produktet e flokëve me bazë keratinën, shpesh rekomandohen për të rikuperuar hidratimin dhe ushqyerjen e duhur të flokëve. 

Çfarë është keratina natyrale dhe çfarë e dëmton atë? 

Keratina është një proteinë natyrale, e prodhuar nga trupi ynë dhe është substanca kryesore në përbërjen e thonjve, qimeve dhe flokëve. 

-Flokët në thelb janë të përbëra nga keratina dhe përqendrimi i saj i lartë siguron që flokët të jenë të hidratuartë shëndetshëm dhe të ushqyer në mënyrë të përsosur. 

-Përdorimi i tharëses së flokëvepiastravelyerja e flokëvedekolorantindotja etj., ndikojnë drejtpërdrejt në uljen e sasisë apo prezencës së keratinës natyrale në flokë.  

-Në këtë mënyrë provokohen një sërë problematikash për flokët nga pikëpamja fizike, si hollimi dhe rrallimi i flokëve dhe tkurrja e bulbit polifer të flokëve. 

-Edhe pirja e duhanitalkooli, një dietë e gabuar, shumë e pasur me yndyrna shtazore ose shumë e mangët në vitamina, fibra ose kripëra minerale dhe një humbje drastike e peshës, mund të bëhen armiqtë numër një të keratinës natyrale.   

-Gjithçkaje thamë më sipër mund t’i shtohen edhe ekspozimi në dielluji i pishinës, sepse është shumë i pasur me klor, stresi dhe lodhja dhe, së fundmi, produktet tepër agresive për flokët

-Kini parasysh se edhe një shampo apo zbutës flokësh tepër agresiv mund të ndikojë negativisht në prodhimin e keratinës natyrale nga flokët, apo të ulë përqindjen e domosdoshme të saj.  

Pra, nëse vëreni se flokët tuaj janë të dëmtuar, të shurdhët, opak, ky është sinjali i mungesës së keratinës në flokët tuaj.  

LEXO EDHE: Flokët tuaja nuk do të kenë më erën e shëmtuar të cigares, tani parfumet e flokëve ekzistojnë vetëm për ju

Produktet e flokëve më keratinë, për çfarë shërbejnë? 

Kur përdorim produkte të flokëve të pasura me keratin, molekulat e vogla të kësaj proteine ​​janë në gjendje të depërtojnë në boshtin e flokëve, duke e ushqyer, hidratuar dhe riparuar atë. 

Për çfarë përdoren produktet e flokëve me keratinë?  

Keratina jep rezultate të rëndësishme sa i përket rezistencëselasticitetithidratimit dhe ushqimit të thellë të flokëve dhe për këtë arsye, në treg ka gjithnjë e më shumë produkte për flokët, thonjtë dhe qerpikët bazuar te keratina. 

Trajtimi me keratinë shërben për të ushqyerdisiplinuarzbutur dhe ringjallur flokët, duke i dhënë atyre edhe shkëlqim.  

-Para së gjithash, keratina është në gjendje të hidratojë dhe ushqejë flokët e dëmtuar nga nxehtësia e tharëses dhe piastrës, nga agjentët atmosferikë, ndryshimet sezonale, si dhe nga trajtimet styling.  

-Përveç kësaj, ajo ka një fuqi të shkëlqyeshme disiplinuese dhe zbutëse, pasi riparon luspat e flokëve duke eleminuar kreshpërimin apo ashpërsinë.  

-Së fundmi, meqenëse keratina është në gjendje të ushqejë flokët dhe të eleminojë kreshpërimin dhe elektrizimin statik, flokët bëhen më të butë dhe më të ndritshëm. Kjo sepse keratina rregullon shtresat e jashtme dhe më të dukshme të flokëve.  

Prandaj është një trajtim perfekt për të rinovuar flokët, për t’u dhënë atyre volum, duke i bërë atë më të ushqyer dhe më të shëndetshëm. Njëkohësisht është e përshtatshme për flokë të valëzuar, kaçurrelë, të drejtë, të thatë dhe të brishtë.  

Trajtimet me keratinë, cilat janë dhe si funksionojnë? 

Së pari është mirë që trajtimet me keratinë të bëhen nëpër sallone bukurie. Specifikisht disa prej tyre që do t’ua shpjegojmë më poshtë. Por, ka edhe nga ato që mund të përdoren në shtëpi.  

KUJDES! Kur zgjidhni e blini produkte me keratinë, bëni kujdes me prezencën e formaldehidit, pasi është një substancë që jo vetëm dëmton flokët, por edhe shëndetin tonë. Ka ligje botërore që e ndalojnë përdorimin e kësaj substance, ose e lejojnë brenda disa limiteve.  

LEXO EDHE: 8 maska flokësh të përgatitura në kushte shtëpie

Trajtimet me keratin 2021: flokë kaçurrelë, të imët ose të valëzuar 

Kur bëhet fjalë për trajtimet e flokëve me keratinë, nuk duhet të mendoni se ato janë në gjendje të forcojnë flokët. Keratina për shkak të natyrës së saj, vështirë se mund të depërtojë në brendësi të fibrave të flokëve. 

Si pasojë, trajtimi drejtues ose rindërtues funksionon ekskluzivisht për të rivendosur elasticitetin, butësinë, shkëlqimin natyral dhe hidratimin e flokëve nga jashtë.  

Trajtimet e keratinës për flokët kaçurrelë, të imët, të valëzuar dhe të djegur

Dy llojet e trajtimit të flokëve me keratinë më të përdorur kohët e fundit janë: 

Trajtimi rikonstruktiv i keratinës

Rindërtimi i flokëve me keratinën është një zgjidhje e shkëlqyeshme, në gjendje të riparojë dhe mbrojë flokët si për gratë, ashtu edhe për burrat.  

Baza e trajtimit është përdorimi i proteinave të hidrolizuara dhe molekulave të tjera, që aplikohen në flokë në formën e një kremi, dhe janë pikërisht këto substanca që i bëjnë flokët super të hidratuar, të butë, më rezistentë dhe dukshëm më të shëndetshëm. 

Disavantazhi i këtyre trajtimeve rikonstruktive të keratinës, megjithatë, është se efekti mbetet i përkohshëm dhe rezultatet zgjasin maksimumi 2 muaj, pas së cilës trajtimi duhet të përsëritet. 

LEXO EDHE: 3 rregullat bazë për flokë me shkëlqim dhe të butë si VIP-at

Trajtimi drejtues i flokëve me keratinën: 

Trajtimi me keratinë është në gjendje të drejtojë e zbusë flokët e djegur dhe të valëzuar. 

Ky lloj trajtimi me keratinë, pra drejtuesi, kërkon pak durim. Në fakt, duhet të bëhet në sallon duke ndjekur disa hapa dhe duhen disa orë për të përfunduar.  

Së pari duhet të lani flokët me shampo dhe pastaj të aplikoni një produkt keratizues dhe lustrues që do të shpëlahet pasi ta keni mbajtur pak. Pastaj vazhdohet me të ashtuquajturin drejtues, që do të mbahet për 20 deri në 50 minuta, në varësi të llojit të flokëve që do të trajtohen. 

Pas tharjes së flokëve, kalohet piastra me një nxehtësi që mund të ndryshojë nga 170 në 210 gradë. Kjo duhet të kalojë disa herë në të njëjtën fije, deri në 12 herë. Në këtë mënyrë produkti – me anë të nxehtësisë – shkrihet në flokë duke e bërë atë më të butë dhe lisho. Hapi i fundit është maska ​​zbutëse, që duhet mbajtur për 5 deri në 10 minuta. 

Pse përdoret trajtimi me keratinë në verë? 

Më shumë volum dhe çlirësi, por edhe një mënyrë për t’i pasur të bukur, të rregullt dhe për të menduar më pak për flokët e më shumë për pushimet. 

Keratinia, përveç zbutjes, ndihmon në eleminimin e kreshpërimit, aq të urryer në mbrëmjet e verës, për shkak të lagështisë. 

-Trajtimi i keratinës gjatë verës i bën flokët më të qëndrueshëm dhe të shkëlqyeshëm deri në 5 javë. Koha e tharjes zvogëlohet dhe zgjatja e krehjes përmirësohet, veçanërisht për flokët shumë të trashë. Padyshim, do të duhet të përdorni ndonjë produkt mbrojtës nga dielli, me SPF, për të mos i lënë flokët të thahen shumë në diell. 

-Trajtimet që bëhen në shtëpi janë më të ëmbla, ato eliminojnë kreshpërimin, pa ndërhyrë në strukturën e flokëve. 

Për shkak se ka kaq shumë konfuzion, kur bëhet fjalë për keratinën, shpesh asociohet me shtrirjen kimike, duam t’ju bëjmë me dije se në fakt nuk është kështu.  

Në shumicën e rasteve, ato mund të bëhen edhe në shtëpi me siguri të plotë, pasi përmirësojnë strukturën e flokëve dhe i zbusin ato pa i dëmtuar. E gjitha varet nga koha e vendosjes së produktit. 

-Përveç drejtimit, shërbimet e keratinës ndihmojnë në eleminimin e efektit elektrizues, duke përmirësuar aftësinë e të qenit të rregullt dhe duke ringjallur formën natyrale të flokëve. 

Besojmë se i morët të gjitha përgjigjet e pyetjeve tuaja, kështu që s’na mbetet gjë tjetër veçse t’ju urojmë: përgatitje të mbarë për verën! 

Tendenca pranverë-verë 2021: si ta sillni stilin folk-etnik këtë sezon

stili etnik ne koleksionin Dior

Stili folk-etnik vazhdon të jetë tendencë dhe do të jetë gjithmonë si një stil i pakohë. Stili etnik për pranverë-verë 2021, frymëzuar nga pasarelat dhe stili i rrugës

Ai nuk shuhet kurrë. Sapo nis të ngrohet pak koha me pranverën, jen e shfaqet me të gjitha ngjyrat, për t’u mbështjellë në ngjyrat e tokës. Është folk dhe multietnik, pak boho, pak hippi dhe shumë aksesorë.

Pendë, thekë e aksesorë varësesh që nuk të lënë të mos e shquash këtë stil pak të marrë, por shumë të dashur. Të bën të udhëtosh larg, qoftë edhe me mëndje, por të emocionon pafund, kur nisesh për në udhëtime. Të zbulon dhe e zbulon në çdo herë.

Edhe pasarelat nuk i janë dot indiferente stilit folk. Sigurisht që edhe këtë vit u pa të parakalojë me të gjithë çmendurimë e ngjyrave që e përbëjnë.

Për pranverë-verë 2021 udhëtimi ka filluar me ngjyrat e tokës të përziera me fantazitë paisley, pasuruar me qëndismat dhe të gjithhershmet thekë e dekorime tipike.

Stil etnik dhe folk, por shik

Detajet cigane, qëndismat e këmishave dhe fustaneve, zakonisht në pjesët e përparme, temina, rruaza. Printime bohemiane dhe thekë “të egër”. Mix përzierjesh nga e gjithë bota, porpullore dhe të pastra, veshje që ndërthurin në mënyrë perfekte natyralitetin me prerjen e gjerë dhe komode. Dhe është trendi që nuk të lë pa rënë në sy. Trendi i të përjetshmes, në kohën e duhur dhe vendin e duhur.

Evokimi i vendeve të largëta të sjella në qytet apo të marra me vete me pushime, elegante dhe të parezistueshme, veshje dhe aksesorë pa të cilat nuk mund të bësh në garderobën tënde.

Dhe stina e nxehtë do të vazhdojë të na i zbulojë edhe këtë vit me gjithë dinamizmin e tyre.

Të rejat e këtij sezoni

Moda etnike do të jetë edhe këtë vit dominuese, mbase këtë vit më shumë se vitin e shkuar. E kuptueshme. Presim udhëtimet, por edhe pa to, prekja etnike do të jetë elegante në mes të qytetit, ne mbasditet e aperitivëve, apo gjatë ditës, edhe në veshjet më klasike.

Do të vazhdojmë ta shohim në rripat e çantave dhe të mesit me qëndisma, çantat me thekë e rruaza, apo çantat e kashtës dhe ato efekt shallë. Do të shohim sandalet e sheshta me rripa të gjatë, jelekët e borduar me thekë dhe qëndisma, veshjet e gjata me ngjyrat e tokës etj.

Si ta sillni stilin etnik këtë sezon?

Stili etnik është preteksti për të vazhduar me trendet sipas formulës easy chic.

E vetmja gjë që ju duhet të bëni është të shikoni e të frymëzoheni nga shfaqjet e modës të pranverë-verë 2021, duke përzier hijet e ngrohta natyrore me të verdhën dhe ndonjë prekje të zezë.

Anxhela Peristeri fiton votat europiane në tapetin e kuq, mediat e huaja e shpallin “Veshja më e Mirë”

anxhela peristeri ne tapetin e kuq

Në sondazhin e bërë nga mediat e huaja, Anxhela Peristeri shpallet e veshura më mirë në tapetin e kuq. S’kishte si të ndodhte ndryshe, veshja më e mirë, e punuar nga shqiptari i famshëm i stilit, Valdrin Sahiti, fiton shumicën e votave europiane

Eurovizioni ka filluar dhe këtë vit po zhvillohet në Hollandë. Këngëtarja përfaqësuese e Shqipërisë është Anxhela Peristeri, e cila pritet të performojë sot në skenën europiane të këngës.

Dhe siç edhe pritej, që në momentin kur veshjen e këngëtares shqiptare në Eurovizion e mori përsipër mjeshtri Valdrin Sahiti, Anxhela Peristeri shkëlqeu në tapetin e kuq. Së bashku me të këngëtarë nga vende të njohura të kontinentit të vjetër.

WiwiBlogs, portali më i madh i Eurovision-it, organizoi një sondazh publik për të përzgjedhur këngëtaren e veshur më bukur dhe Anxhela është shpallur fituese me shumicën e votave.

Fustani i saj i kuq i zjarrtë, i çarë deri në pjesën e sipërme të këmbës dhe me pjesën e sipërme në formë korseje, shoqëruar me berretën moderniste në ngjyrën e veshjes, i dha këngëtares sonë sharmante, atë prekjen plus të stilit dhe rafinimit.

E sigurt që votat kanë shprehur vërtetësinë e look-ut të saj, tani shpresojmë edhe më shumë se kaq.

Eurovizioni na ka lënë gjithmonë një shije të hidhur, sidomos kur kemi kuptuar se si votohet, me gjeopolitikë, gjeostrategji e jo vetëm. Të shpresojmë se bashkimi i forcave me Olti Currin dhe Kledi Bahiti, do të jetë ogur i mirë për këngëtaren tonë.

Mbrëmjen e djeshme ishte nata e parë gjysmëfinale dhe fituesit ishin:

Norvegjia – Tix con “Fallen Angel”

Izraeli – Eden Alene con “Set Me Free”

Rusia – Manizha con “Russian Woman”

Azerbajxhan – Efendi con “Mata Hari”

Malta – Destiny con “Je me casse”

Lituania – The Roop con “Discoteque”

Qipro – Elena Tsagrinou con “El diablo”

Suedia – Tusse con “Voices”

Belgjika – Hooverphonic con “The Wrong Place”

Ukraina – Go_A con “SHUM”

Mbrëmjen e sotme do të jenë në garë 17 vënde, një prej të cilave Shqipëria. Pesë shtete europiane, Italia, Franca, Gjermania, Mbretëria e Bashkuar dhe Spanja janë automatikisht në finale, si pjesë themeluese e European Broadcasting Union. Atyre u bashkohet edhe Hollanda, si organizatorja e Festivalit.

Të kryqëzojmë gishtat që Anxhelës t’i shtohet edhe një tjetër fitore, veç Veshja më e Mirë e tapetit të kuq të Eurovizionit.

Po ti si e quan, rimel apo mascara? Le ta zbulojmë së bashku misterin e emrit të produktit që na i bën qerpikët më të bukur!

sy me rimel

Rimel apo mascara, besojmë se edhe ti e njeh objektin që thekson ngjyrën e qerpikëve tona me të dy emrat. Zgjedhja e termit më të saktë na kërkon të njohim pak historikun e lindjes së produktit.

Të mendosh se është një nga produktet më të dashura për ne, është pak e çuditshme se si nuk e kemi ende të qartë si quhet në të vërtetë.

Më parë është quajtur rimel, por së fundmi, make-up artistet i dëgjojmë që e quajnë më së shumti mascara. Tani ka një lloj konfuzioni dhe në përdorim vazhdojnë të jenë të dy variantet, madje edhe ndonjë tjetër.

rimel

Po çfarë ka që s’shkon dhe a po gabojmë me ndonjërin nga emërtimet? Le ta shohim duke u kthyer pas në kohë, pikërisht atëherë kur produkti lindi.

Pra, si lindi rimeli apo mascara? Pak histori

Grimi i qerpikëve është një praktikë me rrënjë shumë të lashta. Thuhet se diçka shumë e ngjashme ishte bërë tashmë në Egjiptin e lashtë, por mascara siç e njohim ne sot, në Amerikë ishte produkt i një historie romantike dashurie.

make-up rimel

Qe viti 1913 kur në Çikago një vajzë me emrin Maybel Williams na bie në dashuri me Chet Hewes, i cili, nga ana e tij, ishte gati për t’u martuar me një tjetër grua. Gruaja e re kërkoi ndihmën e të vëllait, Thomas Williams, një kimist/farmacist, i cili mendoi ta përqendronte strategjinë e joshjes së të motrës, pikërisht te shikimi i saj.

Kështu që shpiku një përbërje që bashkonte vazelinën me pluhurin e qymyrit. Duke e shpërndarë në qerpikë me ndihmën e një furçe dhëmbësh, e bëri shikimin e Maybel magnetik.

Jo vetëm që vajza e fitoi dashurinë e djalit që donte, por ja tek lindi edhe marka, që është ende sinonim i make up-it: Maybelline, e cila fillimisht prodhoi vetëm mascara në formën e një shkopi, ashtu si Thomas e shpiku. Por do të vinte Helena Rubinstein, në 1957-ën, për t’i dhënë mascara-s, formatin që njohim sot.

mascara maybelline
Po atëherë pse Rimel?

Për ta kuptuar, duhet të zhvendosemi në Evropë.

Në fakt, në Kontinentin e Vjetër, “boja për qerpikët” tashmë ekzistonte dhe qe shpikur nga ai që në 1834 kishte themeluar një markë tjetër të famshme në botën e kozmetikës, atë që ne të gjithë e njohim si Rimmel London.

Eugene Rimmel hapi dyqanin e tij të kozmetikës dhe bukurisë në Regent Street dhe krijoi produktin e tij më ikonik, një produkt qerpikësh, që e mori emrin e tij jo rastësisht.

Rimmel është historikisht më shumë emri i markës, sesa i produktit, dhe sigurisht që shtëpive të tjera kozmetike nuk u interesonte ta ruanin këtë paralelizëm, prandaj zgjedhja për të kaluar në “mascara”, që në të vërtetë do të thotë “bojë për qerpikët”, është më korrekte politikisht.

Tani ju quheni si të doni, ne kishim për detyrë t’ua sqaronim! Puç, puç!

I pari afro-amerikan që kryeson listën vjetore të stilistëve më influent në botë. Kush është dhe kë vesh?

Hollywood Reporter, revista amerikane e përqendruar në industrinë e filmit, televizionit dhe argëtimit me në qendër Hollivudin, çdo vit organizon listën e stilistëve më influentë në botë.

Këtë herë nuk ka asnjë diskutim, në majë të renditjes është Law Roach, stilisti me ngjyrë më i dashur për emra që tashmë i njihni mirë dhe i ndiqni ngado. E kemi fjalën për Zendaya, Anya Taylor-Joy, Ariana Grande, por edhe Céline Dion.

Çfarë dimë për stilistin Law Roach?

Në krye të top-12-shes së stilit, i pari afro-amerikan mashkull në Hollywood’s Most Powerful Stylists 2021.

Edhe nëse nominimi për Stilistin më të Mirë të vitit nuk të çudit shumë, duke pasur parasysh eksperiencën e Roach, çmimi duhet thënë se është tepër revolucionar. Ai ka punuar me yjet për rreth 7 vite intensive, të mbushura me tapetë të kuq dhe kopertinat nga më prestigjoze në botë.

42 vjeçar, amerikan dhe me ngjyrë, ai e di mirë që të futesh në renditje, nuk është e lehtë.

“Jo shumë stilistë black kanë mundësinë të hyjnë në renditje, sepse ata nuk mund të punojnë me të famshmit në Oskare, në Globes. Thjesht nuk e kemi këtë mundësi”, është shprehur ai.

E megjithatë, aktualisht, ai është një nga stilistët më të spikatur, jo vetëm për look-et me të cilat ka prezantuar yjet në tapetin e kuq, por edhe për rolin e tij si gjyqtar në “Legendary”, shfaqjen HBO Max, së bashku me Megan Thee Stallion, Leiomy Maldonado dhe Jameela Jamil.

Dhe sot ai është njeriu i parë me ngjyrë që triumfon në renditjen, e cila përfshin edhe emra silistësh tepër të njohur, si Jason Bolden dhe Nicola Formichetti. Në vitin 2017, ai tashmë kishte rrëmbyer titujt e revistave, duke qenë i pari stilist me ngjyrë në kopertinën e një reviste si Hollywood Reporter.

Kush janë yjet e Law Roach

Dy më të spikaturat dhe te të cilat dora e tij është e spikatur, për të mos thënë që i ka bërë ai, sa i përket stilit, janë Zendaya dhe Anya Taylor-Joy. Janë këto të dyja që e shoqërojnë atë në kopertinën e nderit të Hollywood Reporter 2021.

Roach filloi të hidhte hapat e parë të karrierës së tij me Zendaya-n në 2011. Por lista është rritur në mënyrë drastike me kalimin e viteve: për momentin ai gjithashtu vesh Kerry Washington, Priyanka Chopra Jonas, Tom Holland, Hunter Schafer, Tiffany Haddish dhe Aldis Hodge. Kohët e fundit, ai ka punuar me Halsey-n.

Dhe në të kaluarën, ka qenë ai që ka rifreskuar look-un e Celine Dion, duke filluar me veshjen e çuditshme Stéphane Rolland, që ylli i muzikës veshi në Billboard Awards 2017.

Celine Dion, Law Roach, and Zendaya në 2019, Met Gala
Strategjia e Law që “ndërtoi” Zendaya-n

Stilisti Law Roach e quan motër të vogël atë. Ai rrëfen se si e mori përsipër që nga momenti kur ajo ishte ende një vajzë e vogël në radhën e Disney-t.

Por ai ka një strategji të vetën dhe duket se funksionon në mënyrë të përsosur. Të përqëndrohesh te markat e vogla më mirë se te ato të mëdhajat, derisa këto të fundit të të shohin e të të shquajnë. Dhe kjo ishte që bëri ai me Zendaya-n.

Sot ajo është muza e Valentinos, por në fillimet e saj, para se të shfaqej nëpër kopertina, ajo nuk veshi kurrë ndonjë nga rrobat e Valentinos.

Dhe besoj se ju kujtohet mirë veshja Valentino e saj, në Oskar 2021, cut-out-i në ngjyrë të verdhë-kanarinë, e dizenjuar nga Maison, por e zgjedhur për të nga Law.

Sigurisht që nuk është e vetmja veshje, sepse fare mirë mund t’i referohemi edhe çmimeve Emmy 2020, ku ajo triumfoi me Euphoria, dhe u shfaq me veshjen me pika të Alexandre Vauthier; apo në Critics’ Choice Awards 2020, ku u shfaq me veshjen pink on pink, Tom Ford, me crop-top-in metalizato në stil prazmoreje. E në këtë rast, Laë e quajti atë “grua luftëtare”.

Law Roach dhe sfida e tij

Stilisti me ngjyrë i të famshmëve të të gjitha etnive, me fat përveç punë e talent. Dhe Roach dëshiron ta nënvizojë këtë, me zgjedhjet emblematike të stilit. Ashtu si veshja më e fundit e Zendaya-s në Essence Black Women në Hollywood Awards. Një veshje nga Saint Laurent, blu me mëngë të fryra, veshur më parë nga bashkëthemeluesja e revistës Ebony Eunice Johnson.

Por kjo nuk është e gjitha. Në vitin 2020 Roach krijoi fondacionin fLAWless, në bashkëpunim me Rebuild the Hood, një organizatë jofitimprurëse për rivlerësimin e komunitetit afro-amerikan dhe hashtagu i tij është në çdo postim. Ai ka mbledhur mbi 100.000 dollarë për të ndihmuar bizneset në pronësi të afro-amerikanëve. Dhe është në ballë të zbulimit dhe mbështetjes së talenteve të reja: si Kollin Carter, e cila dikur ishte ndihmësja e tij dhe që tani vesh Cardi B.

Tani me renditjen në vendin e parë, me siguri që ndihma dhe mbështetja komunitare e Law Roach do të jetë edhe më e madhe.

Me pika apo me vija? Tendencat e këtij viti janë kthim pas në garderobën tonë

Dhe pastaj flitet për sëmundje psikologjike, lidhur me faktin që të vjen keq të hedhësh rrobat e viteve të mëparshëm. Me këto kthesa e kthime që moda merr, i bie të ruash gjithçka dhe ati të vjen keq që ato veshjet me pika e vija, tashmë janë dhuruar apo lënë në një kënd të koshit më të parë të lagjes.

Gjithsesi, le t’i shohim pak këto tendenca, si vijnë modelet me pika e vija për këtë sezon të 2021-shit.

Ato janë tepër të gjalla, hipnotike dhe fantazioze herë pas here, pikat janë frymëmarrje lehtësuese, humor i mirë dhe pozitivitet. Të paktën ne kështu mendojmë. Të ardhura nga vitet e famshme ’60, ato janë “stuhia” e këtij sezoni të ngrohtë. Kishim parë sezonin e shkuar të nisnin të shfaqeshin (mirë që e kam ende fustanin tim të preferuar nga vjet), por këtë sezon do të jenë shpërthimi i pranverë-verës 2021.  

Do të duhet të pikëlohemi të gjitha, dhe jo vetëm me një element, sepse pika e topa do të ketë pafund dhe gjithandej. Që nga xhaketat, edhe ato xhins, te këpucët, çantat, pa diskutuar fustanet, bluzat e pantallonat.

Printimet do të jenë mikro e makro, ndaj do të duhet të luani së tepërmi me to, për të qenë kreative e dinamike.

Ngjyrat? Oh, po ç’rëndësi ka kjo! Të gjitha ngjyrat do të jenë të pranueshme, pasi pranvera është nëna e tyre, dhe edhe vera nuk bie më poshtë.

Gjithsesi, nëse nuk do të doni të jeni kokë e këmbë me pika, mundohuni t’i bëni kombinimet me veshje me ngjyra të thjeshta, ose përqendrohuni në një aksesor të vetëm.

Ah, për kur mund të vishen veshjet me pika?

Kur t’ju dojë kokrra e qejfit. Gjatë ditës, me fustane apo këmisha bon ton, në funde midi apo pantallona të gjera, e deri te rrobat e sofistikuara të mbrëmjes. Madje edhe për dasma. Nëse nuk jeni infektuar ende, bëjeni tani! Është koha e pika-manisë.

Por pikat nuk janë të vetmet që do të tërbojnë këtë sezon. Janë edhe vijat dhe duket se edhe ato e kanë bombarduar sezonin e ngrohtë, që tipiken e vet ka lulet.

Mbase pak rezistencë natyrales nuk bën keq.

Vijat marine do të shfaqen, madje kanë filluar të shfaqen gjithandej. Të armatosura edhe me efektin optik që i bën trupit tonë, ato preferohën gjithmonë. Por sivjet edhe më shumë.

Në fakt skenën e modës do ta dominojnë vijat XL, nuk ka rëndësi nëse do të jenë horizontale apo vertikale (këtë do ta zgjidhni ju në bazë të efektit që ju duhet) por që do të duhet të jenë të gjera e të shqueshme, nëpër fustane, pantallona të shkurtra apo bluza.

Edhe vetë rigat do të jenë të koloruara, të stilit vintazh dhe të shoqëruara edhe me dantella, si te Dior. Në fakt do të jenë për përditshmëri dhe për mbrëmje, pra të shoqëruara me sandale të sheshta apo me taka, por nuk do të mungojë edhe stili kaftan, tipi i veshjes që përdorim për plazh dhe që e pamë në pasarelën e Michael Kors.

Mirë pra, bëni si të doni me lulet pranverore, por e dimë mirë se nuk do t’i shpëtoni dot virusit të pikave e vijave, ndaj zgjodhëm t’ju ndihmojmë ca me këtë artikull.

Çmimet David di Donatello 2021: Checco Zalone fiton çmimin i veshur “me pizhama”, ca thashetheme për tapetin e kuq

Sado që më shumë një ngjarje kombëtare, nuk na lë dot indiferent festa e shpërndarjes së çmimeve të kinematografisë italiane. Një Itali që e kanë zili në të gjithë botën për artin dhe kulturën, nuk mund të mos jetë në qendër të vëmendies edhe në një event të tillë.

Dje mbrëma u zhvillua spektakli i shpërndarjes së statujave David, për kinematografinë italiane. Duke qenë se në vendin fqinj ka vetëm pak ditë që janë liruar masat anti-covid, ngjarja u zhvillua nën masa të kujdesshme dhe kështu që në dy salla dhe u prezantua nga Carlo Conti.

Të gjithë gjigandët e kinemasë italiane ishin aty, ishte e madhja Sofia Loren, Sandra Millo, e cila mori çmimin e karrierës, e deri te më e reja Matilda de Angelis. Madje edhe Laura Pausini, që për pak sa nuk mori një Oskar për këngën më të mirë të filmit.

Nëse skenën e David di Donatello 2021 e pa më shumë fituesi i tre statuetave, filmi “Volevo Nascondermi” nga Giorgio Rights, me Filmi më i Mirë, Regjia më e Mirë dhe Aktori më i Mirë (Elio Germano), tapetin e kuq e populluan të gjithë me një dëshirë të madhe dhe me distancim sigurisht.

Por para se të shkojmë te tapeti i kuq, çfarë ishte më shumë për t’u shënuar nga spektakli, do të ishte patjetër Checco Zalone, që edhe në këtë rast zyrtarë e serioz, nuk mund të na linte pa na bërë të qeshim me batutat e tij.

Pak siç së fundi po ndodh, kujtojmë rastin e Oskarit të Anthony Hopkins, e mbase edhe fare rastësisht, se ndoshta mendonte që çmimin mund ta merrte Laura Pausini, Checco e mori çmimin nëpërmjet lidhjes internetike dhe thuajse me pizhama (në fakt me një t-shirt normal). Në lidhjen e bërë, ai pranoi se i erdhi i papritur çmimi dhe se e gjithë familja e tij ishte duke fjetur e as që i bëhej vonë se çfarë çmimesh merrte.

“Po ta dija do të vija. Familjes sime as që i bëhet vonë nëse fitoj çmime… falenderoj Akademinë për çmimin e merituar”, e mbylli ai duke shkaktuar si gjithmonë të qeshura në sallë. Checco mori çmimin e Këngës më të Mirë, pjesën Immigrato, për filmin e tij “Tolo, tolo”.

Edhe një herë tjetër Laura Pausini u nda pa çmim, edhe pse ishte veshur si anëtare jurie që do të duhej të jepte çmime, me kostumin Valentino.

Sa i përket tapetit të kuq, u duk se mbizotëronin pantallonat dhe sidomos jumpsuit-et, gjithsesi mediat italiane i quajtën mesatare dhe stil british, veshjet e këtij tapeti.

Micaela Ramazzotti u pa të parakalojë me një veshje nga Gucci, të stilit të viteve ’80, me mëngët e gjera e të fryra.

Ndërkohë që Sophia Loren kishte zgjedhur “strategjinë” Marlene Dietrich, nga Armani Privé që shënjonte ato harqet e saj të kujtimeve rinore. Por çmimi Aktorja më e Mirë, për të dytën herë, i shkonte shumë me shpirtin e saj. 

Në antipodë, mbretëresha e vitit të kinemave të mbyllura, të Sanremos dhe të Netflix, Matilda De Angelis kishte zgjedhur një veshje të thjeshtë Prada me rripa. I thjeshtë, por edhe ai me një lidhje precize me historinë e kostumeve dhe kinemasë: në nder të Anna Magnani.

Vittoria Puccini me një fustan Valentino dhe bizhu Bulgari, duket si një dea greke.

Alba Rohrwacher me Valentino Haute Couture, duket pak si motra e Hirushes që nuk i hyn mirë këpuca në këmbë.

Pastaj, kemi Ginevra Elkann me Guccin e saj, që përfundon me “perden e stilit barok”.

Kjo jaka në veshjen Gucci të Benedetta Porcaroli-t, nuk është se merret shumë vesh, po hajt më

Fabio e Damiano D’Innocenzo me Gucci, por seç ka një gjë që të lë të dëshiruar në të dy.

Sandra Milo me Rocco Barocco dhe me çmimin e karrierës më në fund. Kohë mbretërish të rëna nga vahti.

Claudia Gerini me Giorgio Armani Privé. Si në siklet duket, megjithatë.

Paola Cortellesi, i bukur fustani Giorgio Armani Privé, po flokët edhe mund t’i kishte krehur.

Ja marrim Diego Abatantuono, për shembull, dhe e kuptojmë se në një farë moshe s’të intereson më asgjë.

Ka edhe kështu pastaj, si Susanna Nicchiarelli me Missoni, që duket si ndërthurje e fustaneve të plazhit me zebrën. Mos më bëni të flas për sandalet.

Smoking pa hesap pastaj, por të veshura kryesisht nga gratë.  

Pietro Castellitto. Nuk e di çfarë ka dashur të thotë Dior me atë pullen, vetëm nëse e ka shtrënguar Pietro në momentin e fundit.

Elio Germano me Giorgio Armani dhe byzylykun tibetian që i solli fat.

Megjithatë, më i bukuri ishte ai, Armani, i veshur nga Pietra Detassis, Presidente dhe Drejtore Artistike e Akademisë së Kinemasë Italiane – David di Donatello Awards.

Një model i lezetshëm me jakat e rrumbullakosura dhe harkun “e vjedhur” nga Nabokov.

Veshjet më të bukura të tapetit të kuq në Brit Awards 2021

Duket se të gjithë vëmendjen (e merituar) në këtë Brit Awards 2021 e ka fituar Dua jonë dhe Harry Styles.

Ajo e lindur në 1995 dhe aivetëm një vit më parë, në 1994-ën, të dy kanë rikonfirmuar statusin e mbajtësve të kurorës britanike, të paktën për sa i përket muzikës.

Por duket qartë se edhe në look. Ajo me fustanin nga Vivienne Westwood (dhe një tjetër për ekzibicionin), ai me një një kostum të stampuar, vitet ‘70 nga koleksioni Gucci Aria.

Dua Lipa dhe Harry Styles, gjithçka për pamjen e tyre

Dua Lipa fitoi statujat për Albumin më të Mirë të vitit (Future Nostalgia) dhe për Artisten më të Mirë.

Dhe ajo braktisi pamjen e zakonshme seksi Versace, për një veshje që nuk mund të ishte më shumë se kaq britanike. Veshja e verdhë, në fakt, është nënshkruar nga Vivienne Westwood dhe i përgjigjet stilit romantik të viteve ’90 që e bëri stilisten kaq ikonike.

Ndërsa, për në skenë, Dua ndryshon dhe zgjedh një minifund me Union Jack, të nënshkruar gjithashtu nga Westwood: para saj, në po atë skenë, flamurin britanik e kishin veshur David Bowie dhe Geri Halliwell e Spice Girls.

Nga ana tjetër, Harry Styles, fitues i çmimit për Single më të Mirë të vitit (Watermelon Sugar), konfirmoi pasionin e tij për Gucci, me stilin e Harry Lambert.

Styles është ikonë e Gucci-t, ndaj edhe për këtë rast kishte zgjedhur një look nga koleksioni i ri Aria Kostumi i stampuar i viteve ’70, shoqërohej me çantën e dorës me dorezë bambuje.

Tapeti i kuq i Çmimeve BRIT 2021

E kuptuat tani besoj se kush e bëri festën, por me siguri do të doni të dini edhe më shumë se kaq. Sigurisht eventi ishte për shumë më shumë se kaq yje.

Dhe le të fillojmë me Le Haim, motrat kaliforniane me një stil të pagabueshëm, kësaj here të gjitha në The Row, marka e sofistikuar edhe e binjakeve Olsen.

Taylor Swift, si gjithmonë e mbështjellë me vezullim: kësaj here me një fustan Miu Miu, me pjesën e stomakut të pambuluar.

Taylor Swift

Billie Porter në ThreeAsFour, të shoqëruar me një kapele me vel të zi.

AJ Odudu me Reem Juan

Olly Alexander veshur me Gucci

Celeste me Ashley Williams 

Dhe më pas Billie Eilish, e lidhur nga Shtetet e Bashkuara, me të parën dalje publike mbas kopertinës së British Vogue, që i bëri njerëzit të flasin për ndryshimin revolucionar të pamjes së saj.

Por Billie tani për tani nuk e konfirmon kthesën seksi, dhe faleminderimin për çmimin si Artistja më e Mirë Ndërkombëtare, e bëri me një pulovër të bardhë dhe pa make-up.