Doodle kushtuar swing dhe Savoy Ballroom, në faqen kryesore të Google

Një doodle kushtuar swing-ut dhe Savoy Ballroom në faqen kryesore të Google, ditën e sotme. Do të ishte 26 maji i 2002-shit dhe Nju Jork. Frankie Manning e Norma Miller, anëtarët e Whitey’s Lindy Hoppers, zbulojnë pllakën përkujtimore të një salle ikonike vallëzimi. Do të bëhej simbol i swing-ut, por edhe i gjithëpërfshirjes. Kështu që edhe Google, sot, nderon ditën përkujtimore me një doodle muzikore. Salla e vallëzimeve u bë e famshme në vitet 1920 dhe 1950, në lagjen Harlem të New York.

Doodle muzikor kushtuar swing

Një sfond muzikor dhe dy njerëz të stilizuar duke kërcyer. Sapo hap faqen e parë të motorit të kërkimit, shfaqet një video me njerëz që kërcejnë, nota muzikore dhe fjalën Savoy Google.

Duke klikuar në video, notat muzikore të “Let’s Call the whole thing off”, një pjesë e famshme e Ella Fitzgerald dhe Louis Armstrong, dhe një ftesë për të gjithë përdoruesit e internetit:

“Testo ndjenjën tënde të ritmit për të festuar bashkë me ne swing-un dhe Savoy Ballroom”!

Bëhet fjalë për një lojë internetike, e cila mund të luhet vetëm ose në çift, në të cilën duhet të ndiqni ritmin muzikor. Qëllimi është i qartë: të marrësh informacion nëpërmjet lojës!

Sa më shumë luani, aq më shumë informacion merrni në lidhje me Savoy Ballroom.

Simbolika e gjithëpërfshirjes

Në rrjedhën e vitit 1926 do të hapej në Grand Apple, salla e vallëzimit, Savoy Ballroom. Do të quhej menjëherë “salla e këmbëve të lumtura” (the home of happy feet) dhe tepër e gjetur nëse mendon gëzimin e shkaktuar nga vallëzimi për të gjithë dashnorët e tij. por nuk është vetëm kaq. Sepse do të jetë historia e kësaj salle që do ta bënte të pashlyeshme nga kujtesa historike dhe legjendare.

Lokali u hap në rrethin Harlem, i banuar, në fillim të shekullit XX, kryesisht nga komuniteti afro-amerikan. Dhe salla e ballove bëri historinë pikërisht sepse, ndryshe nga vendet e tjera publike, lejonte hyrjen e njerëzve me ngjyrë.

Komuniteti afro-amerikan i Harlem-it e ktheu Savoy-ën në zemrën kulturore të lagjes dhe epiqendër të inovacionit në kërcim dhe muzikë sëing, për të gjithë botën.

Kështu që Google, sot i nderon të dyja: swing-un dhe gjithëpërfshirjen.

Mbyllja e Savoy Ballroom

U mbyll në 1958-ën. Por salla e vallëzimit që përfshinte dy të tilla, ka pritur legjendat e muzikës botërore, që nga Ella Fitzgerald te Chick Webb. Në të u zhvilluan të famshmet sfida muzikore midis bandave, “Battle of Bands”, ka qenë mikpritëse e bandave të xhazit dhe emrave më të mëdhenj të muzikës.

Edhe pse u mbull në 1958, fama dhe ndikimi i saj janë ende aktuale. Në vendndodhjen e tij historike midis Rrugëve 140 dhe 141 në Lenox Avenue të qytetit të Nju Jorkut, një pllakë përkujtimore i bën homazh sallës së ballove dhe trashëgimisë së saj.

Jetë të gjatë, Bob Dilan! Transformisti i përjetshëm mbush plot 80 vjeç

Për të do të na duhet të sistemojmë pak urimin tonë klasik të ditëlindjeve. Kur një si Bob Dilan mbush 80 vjeç, urimi “u bëfsh 100” duket sikur nuk bën sens. Jo vetëm sepse artistët janë të pakohë, por edhe sepse Dilan vazhdon të jetë vital e frymëzues. Kështu që, Jetë të gjatë, maestro Bob Dilan! Ky është urimi ynë për çmimin Nobel të poezisë së pak viteve më parë dhe muzikantit që ka rritur breza.

Nga artisti te miti, nga miti te njeriu

Lindi më 24 maj 1941, në Duluth, një periferi e minierave të Minesota-s. Kantautor, kompozitor, regjisor dhe piktor ridizenjoi një larmi stilesh muzikore dhe shpiku një zhanër të ri: folk rock. Ikona e kundërkulturës dhe protagonist absolut i  shekullit XX. Ishte vetëm 20 vjeç kur këndonte folk në një qytezë amerikane dhe data shënonte 11 prill 1961. U ngjit në skenën e bluesman-it John Lee Hooker, i shtyrë nga pronari i lokalit.  Ishte hebre dhe kishte hyrë në mënyrë klandestine në Amerikë. Emri i tij në regjistrat civilë ishte Robert Allen Zimmerman, por shpejt albumi i tij i parë do ta prezantonte me emrin Bob Dilan.

“Jam Bob Dilan vetëm kur më duhet të jem, pjesën tjetër jam vetvetja”

Çmimi Nobel dhe asnjë ceremoni

Në 2008 do të fitonte një çmim Pulitzer, gati i panatyrshëm dhe në 2016 në rrugën e tij u kryqëzua çmimi më i madh botëror për letërsinë: Nobeli. Më vjen ta quaj Bobeli, pasi ky çmim nuk i ishte dhënë kurrë më parë një rrokeri, për vargjet e tij. Gjithsesi, ai i la pas ritet dhe madhështine me ceremonitë e saj. Çmimin do ta tërhiqte disa muaj më vonë, shoqja e tij Patti Smith. Ai vazhdon të mendojë për shpirtin e tij kritik e rebel. Dilani bashkëkohor, i kulturuar dhe modern u bë zëri i lëvizjes pacifiste të kohës dhe luftës kundrejt gjithë padrejtësive.

Këngët e tij rrëfejnë jetën reale, pikojnë dashuri, vuajtje, politikë, filozofi dhe shëlbim shoqëror, të ndërthurura në mënyrë të pashmangshme me historinë e vendit të tij. U ndikua nga të mëdhenjtë e poezisë botërore, si poeti anglez William Blake, por iu qas të vërtetës sipas Rimbaud. Shkrimtarët e preferuar janë Çehov dhe Henry Miller.

Karriera dhe ikona Dilan

60 vite karrierë në 80 vite jetë. 60 vite karrierë në të cilat “shqeu” çdo etiketë me të cilën do të donin ta përkufizonin. Ai rikrijoi zhanre dhe tinguj muzikorë, duke sfiduar konvencionet. E gjitha kjo për të kënduar një mijë fytyrat e Amerikës me të gjithë kontraditat e saj, shpirtrat luftarakë dhe moralizmin.

U bë lajmëtari i së vërtetës dhe zëri i atyre që nuk kishin, asnjë maskë për personalitetin kompleks muzikor e poetik.

Këngët folk do ta shënjonin përjetë, ato janë plot dëshpërim, trishtim, triumf… të gjitha ndjesitë më të thella bërë bashkë. Mes realizmit dhe mitit shkruan realitetin dhe shet 110 milonë disqe në të gjithë botën.

“Sa rrugë duhet të ndjekë një njeri para se të quhet njeri”?

Blowin’ In The Wind është kënga hapëse e albumit të tij të dytë The Freewheelin’, u bë himni i luftës për të drejtat civile të vieteve ’60. Metafora e rizgjimit të një kombi të lodhur e të zhgënjyer nga politika dhe lufta në Vietnam.

Në ’63 do të ndante skënën me Joan Baez, për të cilën do të thoshte se “një zë i brendshëm më thoshte se ajo ishte gjysma ime, që së bashku me të zëri im do të gjente harmoninë perfekte”. Një partneritet intelektual dhe sentimental.

Së bashku marrin pjesë në Marshimin e të Drejtave Civile të Uashingtonit dhe hipnotizojnë turmën e madhe me dy këngë të reja: “When The Ship Comes In” dhe “Only A Pawn In Their Game”

Kalimi në rrok

Ndryshoi prespektivën e jetës dhe muzikës së tij në vitet ’70 për shkak edhe të një incidenti me motor në vitin ’66. Dhe do të lindnin të tjera kryevepra. Do të lindte Blonde on Blonde, që do të pasohej nga Mr. Tambourine Man, shkruar për Another Side Of Bob Dylan.

Pastaj Desolation Row, balada sensuale Just Like A Woman dhe shumë brane të tjera vibruese e të pamundura për t’i përmbledhur në një list. Një gjë është e sigurt, ai vendosi të distancohet nga politika dhe ideologjia dhe t’i këndojë atmosferës solitare amerikane.

Dashuritë që frymëzuan Bobin

I ndrojtur dhe i zhytur në mendime, edhe jeta e tij private është e mbështjellë me mister. Shumë flirtime, dashuri dhe marrëdhënie të hapura. Bob 20-vjeçar bie në dashuri me aktivisten Suze Rotolo. Ajo është vajza që shfaqet, në ’63, në kopertinën e albumit The Freewheeling Bob Dylan.

Pasi takoi muzën e tij, gruan me “fytyrën e shenjtë dhe shpirtin fantazëm”, Sara Lownds, ish-modele e Playboy, Tambourine Man prish marrëdhëniet me Joan Baez dhe aktoren e preferuar të Andy Warhol, Edie Sedgwick. Në fund të vitit 1965, Dylan u martua fshehurazi me modelen dhe në janar 1966 lindi fëmija i tyre i parë, Jesse.

Çifti kishte tre djem dhe një vajzë: Jesse, Anna, Samuel dhe Jakob, ky i fundit më vonë u bë këngëtari kryesor i grupit muzikor The Wallflowers. U divorcuan në 1977. Nga martesa e dytë, në 1986, me këngëtaren Carolyn Dennis, lindi Desiree Gabrielle Dennis-Dylan, por vetëm pas 4 vitesh u ndanë.

Gjithçka transformohet në natyrë: Bobi ky transformues i përjetshëm

Duke menduar për trashëgiminë e tij në fund të vitit 2020, Bob Dylan shiti për gati 400 milion dollarë të gjithë katalogun e tij të punës te Universal Music Group dhe kaloi lockdoën-in i mbyllur në vilën e Malibu-së, duke pikturuar.

American Pastoral është titulli i një serie peisazhesh të krijuara nga muzikanti që do të ekspozohen më pas në një ekspozitë Bob Dylan: Retrospectrum, së bashku me akuarelë të tjerë, vizatime dhe skulptura metali të krijuara mbi 60 vjet nga artisti enigmatik. Ndërsa, më 10 maj 2022, pritet publikimi i arkivës sekrete të Bob Dylan, me mbi njëqind mijë letra dhe fragmente të jetës së tij.

Të gjithë folën për Anxhela Peristeri e Beyonce, por pak e dinë kush i vesh të dyja. Pak thashetheme për “look ala Eurovizion”

look-u i Anxhela Peristerit ne Eurovizion

Anxhela Peristeri shkëlqeu Eurovizionin, që në momentin e parë të Tapetit të Kuq. Kaq e vërtetë është kjo, sa ishte Anxhela që fitoi sondazhin për veshjen më të bukur në tapetin e kuq. Të gjithë folën për Anxhela Peristerin dhe Beyonce, por pak kush e di mesa duket, nga europianët, se kush i ka veshur të dyja. Është Valdrin Sahiti, stilisti shqiptar nga Kosova, që ka veshur disa herë këngëtaren me famë botërore Beyonce. Dhe edhe Anxhela Peristerin në tapetin e kuq. Por le të bëjmë pak thashetheme për veshjet e pjesëmarrësve: “look ala Eurovizion”

Anxhela Peristeri dhe look-u i Eurovizionit

Uprezantua si një përralë në tapetin e kuq, me fustanin e stilistit Valdrin Sahiti. Një fustan i kuq, i gjatë, me një të çarë të thellë deri sipër këmbëve. Shoqëruar me një beret të kuqe, ala studenteshe të sapodiplomuar.

anxhela peristeri ne tapetin e kuq

Dhe bëri të flisnin të gjithë për veshjen e saj. U pa ngjashmëria me Beyonce, sigurisht. Por sepse është i njëjti stilist që ka punuar me të dyja. A mund të prezantohej me një stil më të personalizuar për Anxhelën? Mbetet për t’u parë nga profesionistët e stilit.

Gjithsesi, Anxhela e rrëmbeu vendin e parë në renditjen e Veshjes më të Mirë në tapetin e kuq. Në netët e performancës, Anxhela u prezantua me badyn me perla e gura, në ngjyrë argjendi, të punuar nga Kujta & Meri. Edhe këtu u tentua të bëhej një lloj ngjashmërie me Jennifer Lopez dhe ndikimin e saj. Sidomos nga mediat italiane. Por ne që e njohim mirë stilin e Kujtes, e dimë mirë se veshja e Anxhelës mund të ishte vetëm kështu. Për më tepër, me fizikun e mrekullueshëm që ajo ka.

Si ishin veshjet në Eurovizion

E vërteta është se në këtë Eurovizion, përveç shkëlqimit dhe vezullimit, sidomos të ballkanasve, u pa një lloj nacionalizmi prezent në look-un e këngëtarëve përfaqësues të vendeve të tyre.

Mund të përmendim këtu, veshjen e këngëtares ruse, e cila solli një matrioshkë prej pëlhure.

Ndërkohë që finlandezët dhe suedezët u prezantuan me një prekje japoneze në jelekët e tyre, të fiksuar pak si lumenj nëntokësor e pak si karateistë.

Trioja serbe me flokët ekstra ekstra large, që i bën të gjithë komentatorët të hidhnin bast për ekstension-at e tyre.

Maneskin u veshën nga Etro, me kominoshet e tyre të viteve ’70. Vetëm se të gjithë ishin të interesuar pë të bërë fotografi të shpinës së paveshur të vokalistit.

Këngëtari portugez u prezantua me kostumin e tij ala toreo.

Malta shpalosi gjithë mirëqenien e saj dhe luftën për Bady-Positive me gjithë shkëlqimin e mundshëm edhe pse shkurt.

Përfaqësuesi i Anglisë u prezantua me një zinxhir final që mbyllte veshjen e tij, si të bënte metaforën e mbylljes së Anglisë me Brexit, brenda Europës.

Dhe pastaj vjen Islanda me kartonat e saj nëpër bluza, që prezantonin karikaturat e secilit prej tyre. Me siguri ka pë t’u bërë modë e tipit street syle.

Gjoni ynë, që prezantoi Zvicrën u duk si një patinator i vërtetë, pa pistë akulli.

Nga ana tjetër, Natalia e Moldavisë dukej në mos si partnerja e Gjonit, si një balerinë e dancit sportiv.

Të njëjtën gjë mund ta themi edhe për çiftin e Lituanisë. Goxha të përgatitur, madje kishin edhe pak nga Xhon Travolta brenda tyre, përveç ngjyrave.

Nga ana tjetër, demokracia gjermane hoqi keq me gishtin tregues, i mesit qëndroi mirë deri në fund.

Udhëtim i vështirë për Ukrainën, mes pyllit të zhveshur dhe gjetheve të gjelbra të këngëtares nëpër krahë.

Norvegjia pastaj zbriti ëngjëj e djaj në skenë, Dan Broën me siguri e ka pasur zili performancën.

Azebajxhan demostroi më së miri sensualitet femëror në paradhomat e burgut. Seç më sjell në mend një seri televizive.

Francezja e vendit të dytë, në veshjen me dy pjesë, sipër ishte feministja e pakohë ndërthurur me sensualitetin francezë, për të kontrastuar maskilizmin e poshtëm.

Mikpritësit holandez i kishin të gjitha, aq shumë kishin në veshjet e tyre sa më dhemb koka edhe t’i komentoj.

Për të ardhur te San Marino, e cila seç kishte një dyshim për t’u ndarë nga dimri e për të pranuar pranverën, me të gjithë V-në e thellë si grykë lumi pranveror.

Maneskin fiton Eurovizionin 2021, Italia përgatit spektaklin e radhës

Maneskin fiton kupën e Eurovizionit 2021

Mbrëmjen e djeshme finale të Eurovizion 2021 e fiton Maneskin. Rezultati i jurive europiane u përmbys në mënyrë të jashtëzakonshme në fund të spektaklit. Italia, sipas traditës, përgatitet për spektaklin e radhës, Eurovizin 2022. Emocion dhe ankth deri në fund. Anxhela Peristeri, pavarësisht gjithçkaje, shpalosi gjithë potencën e saj vokale e skenike. Eurovizion 2021 e uli siparin mbrëmjen e djeshme, 22 maj, dhe fitues u shpall Maneskin, grupi rrok i të rinjve italianë. Maneskin u futën në garën e Eurovizionit, mbasi fituan Sanremon 2021. Një tjetër fitore i priste në Roterdam, ku ngritën për Italinë, kupën e fitores.

Italia fiton Eurovizion 2021

Gjithçka dukej të shkonte në krahun e Zvicrës, e cila përfaqësohej me shqiptarin Gjon Muharremaj. Mbas votimit të të gjitha jurive të vendeve pjesëmarrëse, Gjon’s Tears ishte në majë të renditjes, gati për fitoren. Por ja që kishin mbetur votimet popullore.

Votat popullore konsistojnë në votimet që vijnë nga jashtë kufijve të vendeve përkatëse. Me pak fjalë mund të quhen votat e emigrantëve dhe sigurisht, ndonjë simpatizant të vërtetë të një kënge të caktuar.

Për çudinë tonë, u vu re një indiferentizëm i madh jo vetëm nga shqiptarët, që gjithsesi i kishin ndarë votat midis të dy shqiptarëve konkurrent, por edhe të shteteve të tjëra. Kujtojmë Mbretërinë e Bashkuar që mori 0 vota.

LEXO EDHE: Eurovizion 2021: finalistët dhe favoritët e Natës Finale

Kush përfitoi nga e gjithë kjo qenë italianët, të cilët me votat popullore bënë të mundur ngritjen e grupit të tyre rrok, në vendin e parë, nga vendi i katërt ku ishte.

U pa edhe një herë e qartë influenca e Chiara Ferragnit, e cila loboi fort në favor të Maneskin.

Anxhela Peristeri dhe indiferenca shqiptare

Gjithsesi, Anxhela Peristeri mori 12 pikët maksimale të Maltës dhe si gjithmonë 0 pikët e Italisë, tek kapaciteti i vlerësimit të së cilës kemi besuar gjithmonë. Dhe edhe këtë vit si gjithmonë u zhgënjyem.

LEXO EDHE: Shqipëria në Finalen e Madhe, Anxhela Peristeri shkëlqen në Eurovizion

Anxhela ishte e mrekullueshme si çdo herë që u shfaq në skenën europiane. Sidoqoftë ishim përgatitur për votat e jurive, të cilat si gjithmonë shkojnë me gjeopolitikën. Ajo që na bëri përshtypje ishte indiferenca e shqiptarëve jashtë kufijve shqiptarë. Indiferencë që e la Anxhelën tonë në vendet e ulta të klasifikimit.

Por zëri potent i Anxhela Peristerit u vlerësua së tepërmi “mbas kuintave”. Kujtojmë këtu vlerësimin e ardhur nga amerikani Brian Malouf, producenti muzikor që ka punuar me disa nga emrat më të shquara të botës muzikore, si Michael Jackson, Queen, Madonna, Pearl Jam, Stevie Wonder.

Ky sondazh e renditi Peristerin jo vetëm në Top-Ten, por edhe fituesen e këtij Eurovizionit.

Gjithsesi, spektakli mbaroi, le të fillojë spektakli. Për 2022 do të mendojë Italia, si vendi fitues i këtij viti.

Eurovizion 2021: finalistët dhe favoritët e Natës Finale

eurovizion 2021 anxhela peristeri

Nata e madhe po afron. Cilët janë finalistët dhe favoritët e natës finale të Eurovizion 2021? Anxhela Peristeri, me zërin e saj të mrekullueshëm dhe performancën po aq, e kualifikoi Shqipërinë mes finalistëve të datës 22 maj. Le të shohim së bashku se cilët janë finalistët e tjerë dhe cilët janë favoritët e natës finale të Eurovizionit

Eurovizion 2021 po zhvillohet në Roterdam të Hollandës. Sipas traditës, vendi fitues i eventit të mëparshëm është organizatori i radhës së festivalit më të rëndësishëm europian të këngës.

Mbrëmjen e djeshme, më 20 maj, u zhvillua nata e dytë gjysmë-finale e Eurovizionit. Mes performancave të 17 vendeve, e 11-ta në radhë ishte Shqipëria, me përfaqësimin e denjë të Anxhela Peristerit. “Karma” e saj u kualifikua si finaliste e natës përmbyllëse të Eurovizionit.

LEXO EDHE: Shqipëria në Finalen e Madhe, Anxhela Peristeri shkëlqen në Eurovizion

Finalistët e Eurovizion 2021

Ngjarja muzikore, Eurovizion 2021 u zhvillua në dy netë gjysmë-finale, më datat 18 dhe 20 maj. Grand Final-ja do të zhvillohet në datën 22 maj 2021.

Nga mbrëmja e djeshme, mes 17 shtetesh në garë, vetëm 10 prej tyre u kualifikuan. Një prej tyre ishte edhe Shqipëria, e cila do të performojë e dyta në radhë, në natën e madhe.

Eurovizion 2021: lista e plotë e shteteve në Finalen e Madhe

Rregulli e do që në Finalen e madhe të Eurovizionit përzgjidhen 10 finalistë nga nata e parë gjysmë-finale, 10 nga gjysmë-finalja e dytë, vendi organizativ, Hollanda në këtë rast, i cili hy automatikisht dhe 5 Big-ët bashkëthemeluesit e eventit (Gjermania, Spanja, Italia, Franca dhe Mbretëria e Bashkuar).

Gjithsej janë 26 konkurrues finalist për Eurovizion 2021. Vlen të përmendim se vitin e shkuar Eurovizioni nuk u zhvillua për shkak të pandemisë.

Lista e finalistëve

Qipro, Shqipëria, Izraeli, Belgjika, Rusia, Malta, Portugalia, Serbia, Mbretëria e Bashkuar, Greqia, Zvicera, Islanda, Spanja, Moldavia, Gjermania, Finlanda, Bullgaria, Lituania, Ukraina, Franca, Azerbajxhani, Norvegjia, Hollanda, Italia, Suedia, San Marino.

Favoritët e natës finale të Eurovizion 2021

Si për çdo gjë dhe sipas traditës së Eurovizionit, kanë filluar bastet për fituesin e eventit. Sipas bookmakers, edhe pse toto-lista ndryshon, ndër favoritët për të qenë fitues të Eurovizionit janë 10 vende, midis të cilëve Italia, e cila po garon fort me Francën. Në krye të favoritëve janë Maneskin me këngën e tyre “Zitti e buoni”, fituese e Sanremos së këtij viti.

Deri në momentet që shkruajmë, në Top 3 është Italia, Franca dhe Malta. Ndërkohë që kënga shqiptare nuk duket t’i ketë punët mirë, pasi ka zbritur e parafundit në renditje. Gjithsesi, asgjë nuk mund të dihet dhe asgjë nuk varet vetëm nga kjo.

Gjithsesi, tani gjithçka do të varet nga juritë e secilit vend pjesëmarrës në Eurovizion, të cilët do të votojnë për njëri-tjetrin. Përvoja shqiptare nuk është dhe aq e mirë me pikët e dhëna nga juritë, të cilat duhet thënë se votojnë sipas gjeo-politikës.

Nuk na mbetet vetëm se t’i urojmë bekimet e krahëve të shqiponjës, këngëtares sonë Anxhela Peristeri!

redaksia VIP

Shqipëria në Finalen e Madhe, Anxhela Peristeri shkëlqen në Eurovizion

anxhela peristeri ne eurovizion

Anxhela Peristeri e dërgon Shqipërinë në Finalen e Madhe të Eurovizionit. Ngjarja muzikore e gjysmë-finales u zhvillua mbrëmjen e djeshme, 20 maj, në Roterdam Të Hollandës. Performancë e shkëlqyer e këngëtares shqiptare me zë të mrekullueshëm.

Anxhela Peristeri garoi mbrëmjen e djeshme, në natën gjysmë-finale të Eurovizionit e 11-ta në radhë. Performanca e saj e mrekullueshme dhe zëri potent kualifikuan Shqipërinë në Finalen e Madhe të Eurovizionit 2021.

Performanca e Anxhela Peristerit

E shfaqur në skenë e vetme, pa komplekset shoqëruese dhe pa balerinë, vetëm me efektet skenike, e gjithë vëmendja ishte tek Anxhela Peristeri dhe interpretimi i saj. Anxhela drithëroi zemrën e gjithë shqiptarëve me këngën Karma, duke demonstruar një potencë vokale të shkëlqyer në skenë.

Kartolina prezantuese e saj, posaçërisht për natën gjysmë-finale të Eurovizionit, e shfaq këngëtaren shqiptare duke luajtur në violinë. Të pafund urimet nga të gjithë emrat më të njohur të muzikës shqiptare e jo vetëm, si edhe ish-pjesëmarrësit në Eurovizion, për këngëtaren tonë. Edhe thirrjet për të votuar #11, Shqipërinë gjithashtu.

Faqja zyrtare e Instagramit të Anxhela Peristerit mori flakë dje nga të gjithë mbështetësit dhe miqtë e saj. Dhe Shqipëria në Finalen e Madhe, Anxhela Peristeri rrëmbeu një vend të sigurt për datën 22, nata që do të vendosë fituesin e Eurovizionit.

Look-u i Anxhelës në Eurovision

Nuk ishte e rastësishme (nuk është asnjëherë) që Anxhela u shfaq në skenën europiane të këngës me veshjen e stilistëve shqiptarë.

Këtë herë veshja e saj mbante firmën e Kujta & Meri dhe ishte kompozuar në formën e një bady në ngjyrë argjendi, punuar totalisht me gurë. Nga ana tjetër, parukieri Kaci Lleshi dhe Sageri Makeup Studio bën skuadrën e performancës së Anxhela Peristerit dhe dhanë gjithë shkëlqimin e saj e të Shqipërisë që ajo përfaqëson, në skenën hollandeze të Eurovizionit.

anxhela peristeri ne tapetin e kuq

Pak ditë më parë në një sondazh të zhvilluar në faqen më të madhe të eventit, Anxhela Peristeri u përzgjodh e vëshura më bukur në tapetin e kuq, me një tjetër veshje nga një tjetër stilist shqiptar, me famë botërore tashmë, Valdrin Sahiti.

Anxhela Peristeri fiton votat europiane në tapetin e kuq, mediat e huaja e shpallin “Veshja më e Mirë”

anxhela peristeri ne tapetin e kuq

Në sondazhin e bërë nga mediat e huaja, Anxhela Peristeri shpallet e veshura më mirë në tapetin e kuq. S’kishte si të ndodhte ndryshe, veshja më e mirë, e punuar nga shqiptari i famshëm i stilit, Valdrin Sahiti, fiton shumicën e votave europiane

Eurovizioni ka filluar dhe këtë vit po zhvillohet në Hollandë. Këngëtarja përfaqësuese e Shqipërisë është Anxhela Peristeri, e cila pritet të performojë sot në skenën europiane të këngës.

Dhe siç edhe pritej, që në momentin kur veshjen e këngëtares shqiptare në Eurovizion e mori përsipër mjeshtri Valdrin Sahiti, Anxhela Peristeri shkëlqeu në tapetin e kuq. Së bashku me të këngëtarë nga vende të njohura të kontinentit të vjetër.

WiwiBlogs, portali më i madh i Eurovision-it, organizoi një sondazh publik për të përzgjedhur këngëtaren e veshur më bukur dhe Anxhela është shpallur fituese me shumicën e votave.

Fustani i saj i kuq i zjarrtë, i çarë deri në pjesën e sipërme të këmbës dhe me pjesën e sipërme në formë korseje, shoqëruar me berretën moderniste në ngjyrën e veshjes, i dha këngëtares sonë sharmante, atë prekjen plus të stilit dhe rafinimit.

E sigurt që votat kanë shprehur vërtetësinë e look-ut të saj, tani shpresojmë edhe më shumë se kaq.

Eurovizioni na ka lënë gjithmonë një shije të hidhur, sidomos kur kemi kuptuar se si votohet, me gjeopolitikë, gjeostrategji e jo vetëm. Të shpresojmë se bashkimi i forcave me Olti Currin dhe Kledi Bahiti, do të jetë ogur i mirë për këngëtaren tonë.

Mbrëmjen e djeshme ishte nata e parë gjysmëfinale dhe fituesit ishin:

Norvegjia – Tix con “Fallen Angel”

Izraeli – Eden Alene con “Set Me Free”

Rusia – Manizha con “Russian Woman”

Azerbajxhan – Efendi con “Mata Hari”

Malta – Destiny con “Je me casse”

Lituania – The Roop con “Discoteque”

Qipro – Elena Tsagrinou con “El diablo”

Suedia – Tusse con “Voices”

Belgjika – Hooverphonic con “The Wrong Place”

Ukraina – Go_A con “SHUM”

Mbrëmjen e sotme do të jenë në garë 17 vënde, një prej të cilave Shqipëria. Pesë shtete europiane, Italia, Franca, Gjermania, Mbretëria e Bashkuar dhe Spanja janë automatikisht në finale, si pjesë themeluese e European Broadcasting Union. Atyre u bashkohet edhe Hollanda, si organizatorja e Festivalit.

Të kryqëzojmë gishtat që Anxhelës t’i shtohet edhe një tjetër fitore, veç Veshja më e Mirë e tapetit të kuq të Eurovizionit.

A do të jetë Ermal Meta, shqiptari “i varkës”, një nga favoritët e fitores së Sanremo 2021?

Ermal Meta ne Sanremo 2021
Sonte zhvillohet nata e parafundit e festivalit italian të këngës, Sanremo 2021. Mes pjesëmarrësve konkurrent edhe këtë vit është Ermal Meta, kantautori shqiptar i natyralizuar në italian.

Meta prezantohet me romantiken “Un milione di cose da dirti”, e cila është pritur shumë mirë nga publiku dhe specialistët e jurive. Në fakt sipas tabloidëve italianë, Ermali është një nga më të intervistuarit e Sanremos dhe kjo i jep ajrin e fituesit, ose së paku pretenduesit.

Shumë është folur edhe për këngën e Fedez në duet me Francesca Michielin. , madje “gojët e liga” thonë se Fedez duket i përgatitur për fronin dhe e ka bërë gati tapën e shampanjës në hotelin luksoz ku po qëndron. Gjithsesi, gjasat e bastave, që bëjnë vaki edhe të dalin, janë mes Analisa dhe Ermal Metës.

Ndërkohë Ermal Meta ndërsa pyetet për mesazhin që do të japë me këngën e tij emotive që prezanton këtë vit në Sanremo, shprehet: “Nuk kam ndonjë mesazh të veçantë për të dhënë, ndonjëherë nuk ka nevojë të jap ndonjë mesazh. Shkoj atje me një qëllim thjesht muzikor, dua të ngjitem në skenë dhe të përpiqem të këndoj këngën time dhe coverin sa më mirë. E vetmja gjë që më intereson është që dëgjuesi të ngazëllehet me mua. Emocioni kalon përmes një shtrese shumë të fortë të lëkurës”

Në një nga intervistat e bëra në një nga emisionet televizive në RaiUno, gazetarja Serena Bortone bëri një gafë, pikërisht me Ermalin. Ndërsa e prezantonte, ajo u shpreh se ai kishte arritur në Itali “me varkë”. Ipas komenteve të bëra pothuajse në të gjithë tabloidët italianë, kjo u prezantua si një gafë e tmerrshme, dhe përgjigjia e kantautorit si shumë e matur dhe e kujdesshme, ndërsa i tha se nuk kishte ardhur me varkë në Itali, edhe pse ndoshta do të kishte dashur, duke qenë se ka marrëdhënie shumë të mirë me detin. Përgjigje kjo që e la pak keq gazetaren.

Natën e interpretimit të coverave të vjetër, Ermali këndoi Caruso-n e të madhit Lucio Dala, interpretim që i kapërceu të gjithë pritshmëritë dhe u vlerësua jashtëzakonisht shumë.

Të shohim pra si do të mbyllet për Ermal Metën nata e fundit e Sanremos italiane.

Ermal Meta në Sanremo, kësaj here me një këngë pikante dhe shumë romantike

Kantautori gjithmonë i vëmendshëm ndaj çështjeve sociale, shqiptari i natyralizuar në italian. ka krijuar një stil shumë personal gjatë viteve. Kantautori që miksohet mes rrokut, popit dhe teksteve që denoncojnë me forcë problematika sociale.

Skena e Ariston-it tani është kthyer në shtëpinë e tij, kështu që Ermal Meta kthehet në garë në Sanremo 2021, me “Un milione di cose da dirti” (Një milion gjëra për të të thënë), një këngë pikante dhe shumë romantike, e cila tregon emocionet që shpërthejnë kur lind një dashuri e re.

Shqiptari Ermal Meta, tashmë kantautori italian i suksesshëm është një nga interpretuesit dhe autorët më të rafinuar dhe të kërkuar të skenës muzikore të vendit fqinj. Në gjendje të kalojë natyrshëm nga këngët e dashurisë në pjesë të angazhimit social dhe politik.

Pak nga Ermal Meta

Lindi në Fier në 1981 dhe më pas, në 1994 emigron me nënën dhe vëllezrit në Bari të Italisë. Do të ishte muzika ajo që do të bënte pak më të lehtë përshtatjen e të riut Meta në vendin e ri të jetës së tij. Në moshën 16 vjeç mori mësime kitare dhe pianoje dhe më pas u bashkua me grupin Ameba 4 të Barit si kitarist. Grupi mori pjesë në Festivalin e Sanremo në vitin 2006, në seksionin e të rinjve, me këngën “Rido… forse mi sbaglio”.

Pas eleminimit nga konkursi themeloi një grup rrok dhe regjistroi 3 albume dhe tentoi përsëri Sanremon pa sukses. Kishte ardhur koha për të garuar i vetëm.

Autori i hiteve të të tjerëve

Jo të gjithë e dinë në atdheun e tij se Ermal Meta është autor i shumë këngëve të bëra hit në Itali, ndër më të njohurit Annalisa dhe Patty Pravo. Stili i tij, midis sugjerimeve rock dhe pop, bëhet shumë i kërkuar, veçanërisht midis artistëve në zhvillim. Emma Marrone i shtohet buqetës së artistëve që tani janë të magjepsur nga talenti i Ermalit, me “Arriverà l’amore” me mbi 30 milion vieës.

Debutimi në Sanremo 2016

Në vitin 2016 kthehet në Sanremo, përsëri në kategorinë e të rinjve, me Odio le favole. Përveç bukurisë së këngës, kantautori bën përshtypje edhe me një detaj të pamjes së tij. Snearkers-at e tij me ngjyrat e ylberit ishin në mbështetje të ligjit për të drejtat civile, që aso kohe do të votohej në Senatin italian.  Një gjest i fortë që nxjerr në pah atë si artist dhe të ardhmen e tij muzikore, faktin që ai nuk është aspak indiferent ndaj çështjeve të rëndësishme sociale, çka do ta shoqërojë edhe më pas. As këtë herë nuk fiton, por e ardhmja e tij muzikore tashmë është përcaktuar.

Vietato morire: shenjtërimi i parë
Mbërrin 2017-a dhe Ermali gjendet përsëri në Sanremo, e kësaj here në sesionin Big. Vietato morire, një këngë kushtuar viktimave të dhunës ndaj grave, përfshirë të ëmën. Për herë të parë deklaron se largohet nga Shqipëria për shkak të abuzimit dhe dhunës. U rendit i treti në atë festival, por italianët kishin vendosur t’i jepnin çmimin e parë, sepse ajo këngë ishte më e dëgjuara dhe më e pëlqyera e asaj Sanremoje. Por shpejt do të vinte Sanremo 2018, e cila do t’i jepte më në fund çmimin e parë, në një duet me Fabrizio Moron. Kënga titullohej “Non mi avete fatto niente”, frymëzuar nga sulmi dramatik në Mançester gjatë koncertit të Ariana Grande. Kënga është një lutje pacifiste e përzemërt, e shoqëruar nga zëri i zemëruar i Moros që bërtet absurditetin e të gjitha luftërave që po zhvillohen në botë. Me këtë këngë u prezantua edhe në Eurovision, sesioni i të cilit bëri bashkë tre shqiptarë konkurues.

Sa i përket jetës dashurore, mbas mbylljes së një marrëdhënieje gati 10-vjeçare me spikeren e radios, Silvia Notargiacomo, një vajzë tepër e rëndësishme, sipas tij, për të, Ermali së fundmi është i fejuar me një tjetër bukuroshe, kësaj here nga bota e sportit. Për të dihet shumë pak, duke qenë se nuk ka as edhe profil në internet, megjithatë quhet Chiara Sturdà dhe kantautori Meta poston herë pas here në profilin e tij, foto nga marrëdhënia e lumtur që tashmë ka.

Në Sanremo 2021 me “Un milione di cose da dirti”

“Një këngë dashurie shumë e thjeshtë”, kështu shprehet Ermal Meta në një konferencë për shtyp, për këngën që do të konkurrojë mes 26 Big-ve. Sound-i thelbësor dhe disa akorde pianoje do të tregojnë diçka shumë personale – e pamundur të mos mendosh që i kushtohet Chiara-s – por që këngëtari shpreson ta sjellë në një nivel universal.

Të shohim se si do të shkojë kjo Sanremo për bashatdhetarin tonë të talentuar.

Daft Punk u nda. Videoja «Epilog» në kanalin e tyre në Youtube, që shumë nuk e besuan

Asnjë nga fansat e tyre nuk e donte këtë lajm pas 2020-ës që kaloi. Shumë prej tyre prisnin rastin për t’u qetësuar gjithçka e të nisnin koncertet, mbrëmjet, argëtimet. Të gjithë prisnin anuncimet e koncerteve të tyre, kur në fakt arrin lajmi-bomb që nuk lë më asnjë shpresë.

Si mund të përshkruhet klipi që dyshja franceze postoi në kanalin e tyre në Youtube? Titulli, Epilogu, imazhet e vjedhura nga filmi i tyre, Electroma (2006).

Redaksia e PitchFork i kërkoi informacion publicistit të Daft Punk, përgjigjja ishte ajo që askush nuk donte ta dëgjonte. Dyshja u nda pas 28 vitesh karrierë të nderuar dhe netëve të ndezura me elektronikën e tyre, nga njëri skaj i globit në tjetrin.

Kaq ishte e gjitha. Asnjë shpjegim i mëtejshëm (tani për tani).

Por, a mund të pritej një letër lamtumire e gjatë nga një entitet kaq enigmatik?

Daft Punk, videoja e lamtumirës

Klipi në Zabriskie Point, me të cilin përshëndesin fansat është 8 minutësh dhe përfshin një skenë nga filmi i tyre artistik 15 vjet më parë. Situata është vëllazëri, duel, pastaj vetëshkatërrim.

Të dy ndahen dhe lëvizin në drejtime të kundërta në një shkretëtirë. Pastaj njëri kthehet mbrapa, por… është thjesht për të vendosur një timer për tjetrin.

Përsëri, distancimi.

Pastaj shpërthimi. I mbijetuari i vetëm ecën në një atmosferë të artë të perëndimit të diellit, derisa kthehet në një pikë të largët, që zhduket në horizont, e humbur midis arit të rërës dhe asaj të qiellit. Në sfond, muzika e Touch, nga Random Access Memories.

Daft Punk, historia

Thomas Bangalter dhe Guy-Manuel de Homem-Christo u takuan në shkollë dhe krijuan, së bashku me Laurent Brancoëitz (Phoenix i ardhshëm), një grup roku që bën covera (Darlin). Muzika e tyre shpejt u konsiderua si “daft punky trash”” dhe prej andej erdhi emri Daft Punk.

Ideja e helmetave dhe aura e misterit që dhanë dy anëtarët e mbetur të një grupi rock, i cili u prish që në kritikën e parë, vjen shumë më vonë dhe vjen nga dashuria që të dy kanë pasur gjithmonë për Phantom of the Opera (të paktën këtë mëson nga dokumentari i tyre).

Lënë rrokun për të kaluar në elektronikë.

Albumi i parë, “i bërë në shtëpi”, është ai që i bën ata të famshëm në një video të vetme dhe një video thjesht hipnotike (Around the ëorld).

Me të dytën, Discovery dhe videon që e shoqëron, ato janë padiskutim një fenomen.

Albumi i tretë (Human After All) dhe interludi i përfaqësuar nga kolona zanore e Tron: Legacy, janë vazhdimi. Në frontin e live-s, megjithatë, ata bëjnë histori.

Kur arrijnë në albumin e tretë (Random Access Memories), s’ka mbetur më asgjë: ata thjesht e kthyen veten një mit bashkëkohor (veshja e kaskave të kromit i ka ndihmuar, pavarësisht se kryesorja muzika e tyre).

Albumi është kulmi i një suksesi që vazhdon ende, pavarësisht se paraqitjet e tyre po shkojnë keq. Në praktikë, të gjithë ishin duke pritur albumin e tyre të pestë për 5 vjet, pas bashkëpunimit të frytshëm për dy këngë me Starboy’s The Weeknd.